هل له الحق طليقها يقتلها ؟؟؟ نقاشي انا وريلي

[زوجة عزيز]

ماله اي حق يراقبها او يتحكم في حياتها لو شنو اتسوي لو خايف على عياله في طريقه يقدر ياخذهم منها بس اهو حاقد عليها والمشكله انها مو على ذمته اشحاره اهو يروح يقتلها عااد حسبي الله ونعم الوكيل الحين تشردوا اعياله مساكين لا من امهم ولا من ابوهم الحين من لهم

 

[سكرة هانم]

رد : هل له الحق طليقها يقتلها ؟؟؟ نقاشي انا وريلي

بنات انا الموضوع ما حطيته عشان نتكلم عن اللي صار وشنو سوت ارد اكرر المراة ماتت والله يرحمها الحين بينها وبين ربها وطليقها القانون ياخذ مجراه

الهدف من الموضوع حطيته كمثال : هل له الحق ان يقتلها ؟؟

او غيره هل له الحق ان يراقبها ؟؟؟ وين راحت ووين يت ؟؟؟ بعذر ان عنده عيال منها ؟؟؟


والا تشوفونه انانيه منه ؟؟ يعني مو مخليها بحالها واهي مرته وهم يوم طلقها بيتحكم ؟؟؟


اتمنى الرد يكون بحدود الموضوع مابي اخذ ذنب احد

 

[đeɱɛɼɑ™]

طَبعا ً ماله حَق يذبحها @@ اصلا ً حتى لوو كآنت ْ الله يرحمهآ لي الحِين على ذِمته وزوجته هَم ماااااااااله حَق
في شَرع وقآنوُن لَه ناس مُعينة تطبقه الدِنيا مو فوضى !!

يالله سِترك وهدايتِك
​

 

[كويتية بروما]

الل اعرفه انه عنده ولدين منه لو كان عنده بنات ممكن قتلها خايف ع البنات بس وراها اولاد ع شنو يخاف
وبالقانون مدام حاضنه للاطفال يحق له مراقبتها

 

[دلــــع البنــــات]

رد : هل له الحق طليقها يقتلها ؟؟؟ نقاشي انا وريلي

ما اقوووول

الله يرفع عنا و لا يبلانا

صج ما احب اسولف بالامور

 

[عاشقة_الجمال]

وين قاعدين !!!

اهوو طليقها وماله حكم علييييييييييييييييييييييييها وماله شغل فيها

وشكوو اصلا يراقبها ويلاحقها !!!!!!!!!!

اذا اهوو شاك ان اخلاقها ما تصلح انها تكوون ام عياله يطلب ضم الحضانه له

ان شاء الله يمسكوونه ويعدمووونه هالي ما يخاف من الله

 

[كويتية نايس]

رد : هل له الحق طليقها يقتلها ؟؟؟ نقاشي انا وريلي

اعووذ بالله بناات مايصير نتكلم عنهااا خلااااص المرة مااتت والله يرحمها

 

[lovely jojo]

قلبي يعورني من هالسالفة الله يرحمها ويغفر لها

 

[كراميلا مرة]

انا عن نفسي احس ماله حق خلها تولي
بس يرفع قضيه وياخذ حضانة عياله واهي محكوم عليها بالفساد اكيد اهو بياخذ الحضانه

 

[الصعيريه]

رد : هل له الحق طليقها يقتلها ؟؟؟ نقاشي انا وريلي

القاااتل يقتل
هالشي بالشرع
بس المشكله بالكويت مآيطبقون شرع الله

وشي اكييد مو من حقه يذبحهاا
كان بإمكانه يهددها يعلم اخوانهااا وبجذي من حقه ياخذ عياله لانهاا مآتصلح تكون ام
ولا إنه يشتت العيال الام ماتت والابو انسجن والعيال...؟
الله يعينهم صراااحه

وبعدين احنا مآندري اذا السالفه صج ولا فيهااا زيااده من هالجرايد

والله يرحمهاا برحمتـه ويغفر لهاا آميين

 

[الصعيريه]

رد : هل له الحق طليقها يقتلها ؟؟؟ نقاشي انا وريلي

بنات انا الموضوع ما حطيته عشان نتكلم عن اللي صار وشنو سوت ارد اكرر المراة ماتت والله يرحمها الحين بينها وبين ربها وطليقها القانون ياخذ مجراه

الهدف من الموضوع حطيته كمثال : هل له الحق ان يقتلها ؟؟

او غيره هل له الحق ان يراقبها ؟؟؟ وين راحت ووين يت ؟؟؟ بعذر ان عنده عيال منها ؟؟؟


والا تشوفونه انانيه منه ؟؟ يعني مو مخليها بحالها واهي مرته وهم يوم طلقها بيتحكم ؟؟؟


اتمنى الرد يكون بحدود الموضوع مابي اخذ ذنب احد

رااي من حقه يراقبهااا
دام بينهم عيااال

 

[رمال من ذهب]

رايي نفس رايج
طبعه الطليق ماله شغل
وقاعد يلحقها لان الغيره اموتته

 

[* بنت المطر *]

طبعا من حقه يعصب ويطقها مواهيا الحاضنه ام عياله بس مولدرجة عاد انه يذبحها

بس جد هامله عيالها ودايره على حل شعرها اكيد بينقهر ويمكن كلامج صح اهوا يبيها بس اهيا اللي عافته

يعني من بدون راحت لرائد من امه بتنسى البدون حتن لو انه ابو عيالها استغفرالله اذا قهر الحريم يخرع

فمابالج بقهر الرجال !!!!!

 

[Killer^Girl]

قلبي قام يعورني حيييييييييييييييييييييييييييييل من ردود بعض البنات أنا ما أقول الا استغفر الله ونعم الوكيل والله يرحمها برحمته ويرحمنا جميعا
عندي مداخله لبعض ردود البنات السم . المسلم لازم يحس الظن وهذا دينا الإسلام ورب العالمين في شروط معينه وشهادات لمواضيع الأخلاقيه
والحين احنا بوقتنا ما ننكر ان المجتمع الكويتي تفتح لدرجة ان كلمة صديق أو زميل عند بعض العوايل عادي اذا ما تعدت حدود الإحترام
خنكون صريحين بنات مراهقات بمدارس اجنبيه واكبر العوايل وزميلها يدرس معاها وبالجامعه لين توصل الوظيفه واغلب دوامات الشركات الأستثماريه كلمة صديقى وزميلي بساعدني بخدمه هذه جدا عادي وارجع واقول في بعض العوايل هذا شي الشي الثاني انا ككويتيه وكبيره
شايفه كثير واعرف كثير بنات مطلقات وارامل متزوجات سر والا مسيار وهذا من حقها وتروح تشوف زوجها في شقته وأهلها عارفين أمها خواتها والله الناس بره ما يدرون بالطقاق محد له شغل بالثاني وعلى الأخت اللي قالت رائد يخاف على سمعته اذا كان متزوجها بقولها لا حبيبتي
زواج السر مو عيب ولا يفشل ولا ينزل من قدر الرجل سمعه بالعكس هذا طريج حلال لكن في رياييل حتى بعد الطلاق ما يخلي المره في حالها
تضطر انها تعيش حياه مو طبيعه تقاه ما يصرف عليهم او يهددها ياخذ عيالها اذا تزوجت والمره منا تحتاج من يحتويها !!!!!!!!!!!
الحين انا علمت عيالي الشباب ان الدنيا تغيرت وقمنا نشوف أمور لازم الواحد فيها يحسن الظن لأن خلاص مو كل وحده كلمت واحد ما يصيرلها معناها شي مو زين !!!!!!!!!!! تعرفون جم بنت مطلقه بالكويت متزوجه بالسر ؟؟؟؟؟؟؟؟؟؟؟؟؟؟؟؟؟؟؟؟
يلا قيسوا هالموضوع مع المواقف اللي بتشوفونها مع زوجها !!!!!!! لا حبيباتي الحين احنا بوقت لو البنت يمرها أبوها بالجامعه لأي ظرف
طارئ وما حصل من قبل ان مرها تعالي شوفوا شنو يقولون !!!!!!!!!!!!!!!!!!!!!! أنا أقول يبقى هناك نفوس مريضه ولها أفكار خبيثه
دائما تسئ الظن مثل بعض البنات وردودهم وهذولي أقولهم الله يعينكم على نفسكم ويعين أزواجكم وعيالكم ويبقي ناس متفهمه طبيعة الوضع الحالي اللي وصلنا له بالعالم كله مو بس الكويت ويبقى ان احنا نقول عسى ربي يرحم أمواتنا ويغفر لهم والله يستر علينا وعلى بناتنا وعلى جميع المسلمين .. أستغفر الله ونعم الوكيل

انا معاها ..
لو الناس يحسنون الظن جان وايد شغلات تغيرت
وماله حق يذبحها وماله شغل فيها
الله يرحمها

 

[حرم راشد الماجد]

السبب الوحيد اللي يخليه يذبحها وهو مطلقها وما له عليها كلام



هو ان يحبها


وكلنا نعرف ان الريال لي حب عنده حب تملك


والشيطان شاطر وما قصر بعد

 

[مهرة البيد]

رد : هل له الحق طليقها يقتلها ؟؟؟ نقاشي انا وريلي

بنات

اسمحولي

ماله داعي تطرحون هالموضوع وتحطون البنت تحت المجهر وكل وحده تحلل السالفه

هذي اعراض ناس

دعوا الخلق للخالق[/size]​

 

[بوغاتي88]

بسكم وانتو تاكلون بلحم الحرمة اطلبولها الرحمة عسى الله يغفرلها ويرحمها

 

[ملواكي]

امس قاعده اسولف مع صديقاتي ان الجرايد صايرين يفضحون ويحطون تفاصيل مالها داعي وفيها تشهير والله العالم اذا هالمعلومات صحيحه ولا فيها تبلي وجذب
وحتي لو هالمعلومات صحيحه لازم يسترون عالميت لان حرااااااااااااااام التشهير في الميت

عالعموم ارجع للموضوع اكيد ماله حق يقتلها

 

[!الجادل الصعب!]

رد : هل له الحق طليقها يقتلها ؟؟؟ نقاشي انا وريلي

بغض النظر عن الهدف ورآ الموضوع لكن آشوفه تشعب و وصل الي الطعن وتحليلآت بدون دليل وهالشي مآيجوز يآبنات آتقو آلله البنت مآتت ..! وقدروآ موقف آهلها عسى آلله يصبرهم ..!
صآحبة الموضوع لو تسكرينه آحسن .. حرآم لآ تآخذين ذنوب البنآت الي تكلموآ ..!

 

[المدينه]

ماله حق ان يذبحها