هل فعلا تقشير الاميلان يعالج اثار حب الشباب والحفر نهائيا ؟

[عتيبيه ذوق]

أول مره اسمع عنه ..

 

[مو صج ~]

وناااسه يعطيكم العافيه راح اجررربه

حقوقيه زووعه تسلميييين حبي

 

[ريـــم إلغـــلآ]

ي رب نلقى حل

 

[مو صج ~]

امين بجرب التقشير واقولكم النتايج

 

[النويره]

انا جربت اوباجي واميلان طبعا اميلان لازم اول شي تقشير عند الطبيب يحطه لج مده 8 ساعات او 6 ساعات
بعدها تبدين ترطيب
ثم تقشير اميلان لمده 3 اشهر
النتيجه حلوه
بس كل هالكريمات اوباجي اميلان لازم تستعملينهم العمر كله وانا اتحدي وحده تقول جربت اوباجي او اميلان وقفتهم وظلت بشرتي بيضه صافيه نضاره مستحيل
جان الاطباء ما ربحوا
اكتشفت احسن شي الاشياء الطبيعه والكريمات التي ما تكون قاسيه للبشره
لانه بعد مده تصير البشره حساسيه وعلي اقل شي تحسين باحمرار بالويه يعني انا مثلا الحين لو اشيل بخيط ويهي مكان الشوراب مو مثل قبل ما استعمل هالكريمات
حمار شديد ويحوشني ساعات تسلخ ويطلع دم مو مثل قبل بسرعه يروح
وبقول شغله
والله العظيم شفت وحده فيها حبوب واثار وبلشت تستعمل اوباجي مده 6 اشهر
عقبها وقفته وانا ما ادري تدرين شلون عرفت
سالتها ويهج رجه حبوب
قالت لي والله وقفت اوباجي
يعني اللي عندها تستعمل هالكريمات العمر كله والا لا تعب روحها

 

[النويره]

والله رتن ايه والدوكين يهبلون احسن شي ويةصفونهم دكاتره جلديه الكويت الصباح

 

[النويره]

بالنهايه انتي حره بالاختيار
وبراحتج جربيه وعسي ربي يكتب لج الخير فيه امين يا كريم

 

[مو صج ~]

النويره اي صح انا معاج ،، بس بالنسبه حق التقشيرات تخلي البشره حساسه حتى لو تركتها ؟! خالتي قالتلتي بشرتها حساسه الحين ماتتحمل شي بس مايروح مع الوقت ، اهوا وقت العلاج لازم ما اشيل ويهي وانا هالتقشير مو حق نظاره ابي حق الاثار تروح يعني ان هديته بيردون شلون ؟ مو منطق على قوله حقوقيه زوغه ....
والرتن اي والديكون استعملتهم وقت علاج الراكاتين ٧ ٦ اشهر وبعده استمريت شهرين خفوا بس ماراحو لين متى يعني ؛ (

 

[مو صج ~]

انا هالشهر استعملت رتن اي واحط فوقه كونتراكتبس
الدكتور سلطان العتيبي قالي هالطريقه لانهم يعتبرون مقشرات اما الديكوين مبيض مايروح اثار من عرجها ،،
وقال استعمليهم بالمده الي تبين بس قالي ماراح يروحون اشكره !!
قال الحل الوحيد ليزر ،، وانا راح اسافر ادرس برا احتمال اسويه برا
وابي حل مؤقت الحين مو مشكله اذا هديته ورد بسوي ليزر شرايكم ؟!

 

[مو صج ~]

بنات انا سألت خبيره تجميل عن تقشير الاميلان قتلها هل اذا تركته يرد الاثار وتسبب حساسيه للوجه بحيث ان حفيت ينسلخ ؟ قالت لا مو صحيح اهوا يصفي البشره ويجي معاه كريم مرمم للجلد وقالت افضل حل للشعر الوجه اهوا الليزر لان الخيط او الحف عموما يطلع حبوب وترجع المشكله ،، اعتقد لازم كريم حف وراه وانا افضل ليو الي على صوره اسد وخط احمر

 

[النويره]

يا حبيبتي انا ما ذميت باي شي بس اهم نقطه ان هالمستحضرات تتطلب ان الانسان يدوام عليها العمر كله كمجموعه هذا مو كلامي هذا كلام اغلب دكاتره الجلديه بالخارج
ايضا عندي قناعه ان ما يناسبج قد لا يناسب غيرج هذه بشرات تختلف من انسان لاخر
انا اعرف بنات لازالوا يستخدمون اميلان واوباجي وغيرها من ماركات طبيه لانها ناسبتهم قد ما تناسب غيرهم
شوفي شنو يقرر لج الطبيب وسويه
والله يوفقك

 

[مو صج ~]

اي انا استخرت وانشالله بسويه واتمنا يفيدني
حبيبتي انا بغيت ارد على مسجاتج لكن مسجاتج وصلت الحد الاقصى ماقدر اطرشلج ،،،
وتسلمين عالنصيحه بالعكس ،، ماقلتي شي غلط

 

[مو صج ~]

................

 

[النويره]

يا بعد قلبي يا مو صج

عسي ربي يكتب لج الخير

 

[لعبة ايام]

للرفع

انا كمان ابا اعرف !!:eh_s(17):

 

[حقوقيه زوغه]

اي صح النويره ماكو شي اسمه نتيجه مثاليه للابد واللي يقولج عكس هالكلام جذااااااب ،، البشره تتعرض حق شمس حر رطوبه تغيير هرمونات وتقدم بالسن لااابد من الاهتمام سواء خارجي او داخلي ،، التقشير ما يستعملونه طول عمرهم بس فتره معينه لين تصفي البشره ونقطعه نستخدم سيرومات وكريمات طبيه تحافظ علي لون البشره ،، والتقشير يفضل يكون مره بالسنه وبفتره بروده الجو او اذا ما تطلعين بالشمس ،، وبالعكس التقشير وايد زين للبشره يحافظ علي شباب البشره ويخفف التجاعيد ويشيل الطبقه الصبغيه وينتج خلايا يديده بالتالي اذا وقفنا تقشير واستخدمنا كريماتنا العاديه راح نشوف نتيجه الكريمات بشكل افضل علي البشره ونتيجه احسن

 

[النويره]

اليوم يبت لكم يا حبايب قلبي الخبر اليقين من خبيره تجميل لبنانيه لفت العالم كانوا مسوين معاها مقابله بقناه المستقبل اللبنانيه
وسبحان الله علي قد نياتي وصج كانت خيره لي عشان استفيد وافيد غيري من كلامها بالصدافه والا وحده تسالها عن كريمات اوباجي وكريمات التقشير والتقشير بالكرستال
قالت لها
اذا وحده من هوي كيفها راحت واشترت هالكريمات بدون وصفه طبيب انا ما انصح نهائيا لان هالكريمات لازم تكون تحت اشراف طبيب وبمده محدده فقط
ثانيا التقشير بالكرستال انصح فيه لانه خفيف علي البشره
وتقول (عشتوا صارت النويره مخبر هههه) انا لفيت العالم واوباجي كان بفرنسا قبل 20 سنه الله تخيلوا واحنا تونا ندري تقول من خلال خبرتي بمجال التجميل انا ما انصح بالتقشير واخص اوباجي لانه مزعج ويخلي البشره مثل البندوره علي قولتها وعموماا انا ما انصح باي نوع من التقشير لاكثر من شهرين انتبهوا لاكثر من شهرين تقول بعدها البشره تصير حساسيه واول ما تطلع الوحده للشمس تقلب بقع سمرا
واخيرا
قالت الان الطب تطور وطلع شي اسمه تقشير بالاسيد
عاد هذا ما عرفت شنو
بس حبيت افيدكم وصج انا وايد استفدت منها

 

[غلا الأيام]

انا جربت اوباجي واميلان طبعا اميلان لازم اول شي تقشير عند الطبيب يحطه لج مده 8 ساعات او 6 ساعات
بعدها تبدين ترطيب
ثم تقشير اميلان لمده 3 اشهر
النتيجه حلوه
بس كل هالكريمات اوباجي اميلان لازم تستعملينهم العمر كله وانا اتحدي وحده تقول جربت اوباجي او اميلان وقفتهم وظلت بشرتي بيضه صافيه نضاره مستحيل
جان الاطباء ما ربحوا
اكتشفت احسن شي الاشياء الطبيعه والكريمات التي ما تكون قاسيه للبشره
لانه بعد مده تصير البشره حساسيه وعلي اقل شي تحسين باحمرار بالويه يعني انا مثلا الحين لو اشيل بخيط ويهي مكان الشوراب مو مثل قبل ما استعمل هالكريمات
حمار شديد ويحوشني ساعات تسلخ ويطلع دم مو مثل قبل بسرعه يروح
وبقول شغله
والله العظيم شفت وحده فيها حبوب واثار وبلشت تستعمل اوباجي مده 6 اشهر
عقبها وقفته وانا ما ادري تدرين شلون عرفت
سالتها ويهج رجه حبوب
قالت لي والله وقفت اوباجي
يعني اللي عندها تستعمل هالكريمات العمر كله والا لا تعب روحها

وانا اضم صوتي لج لاني جربت اوباجي لمدة اكثر من سنة

وبس اوقف منتجاتهم تعتفس بشرتي اكثر من اول :eh_s(4): ونهيبة هالعيادة وغالية وعلى الطل بس

انا افضل المقشرات الطبيعية احسن

 

[مو صج ~]

تسلمييين يالنًويره وانشالله بزور الدكتور واوشوف واكون تحت اشرافه لمده شهر مو شهرين يعني الحمدالله .، وهم راح اخذ بالي لان صج الرتن اي مقشر خلا ويهي اسمر وكله يحمر من اقل انفعال ... يوم هديته واستخدمت صابون المر والكركم واحط قطنه ابللها بمنقوع المره صار شوي ويهي احسن ورد بياضي الحمدالله الله يخلصني من هالبقع الحمرا يارب ؛( رتن اي كان زين بس استخدمته ٧ اشهر فتره العلاج الروكاتين كل اشوي تطلع حبه يديده واهو يطخخ بس الحين صار ماله فايده ع بشرتي احس لازم اقطعه شهر بعدين ارد عشان تعودت عليه بشرتي

 

[حضن امى]

ومنكم نتستفيد