هل خلافك مع العضو يجعلك تتجاهل مواضيعه .. تفاعل بليز ..

[احساس انثى !!!!]

عندي استفسار او سؤال عن موضووع جال في خاطري وحبيت ان انقله لكم.


هل [URL="http://www.rxx9.com/vb/showthread.php?t=6286"]خلافك [/URL]مع عضوو او حدة نقاش كانت بينك وبينه تصل الى علاقة متوترة وهل لها
تاثير داخلي لديك يجعل تتجاهله [URL="http://www.rxx9.com/vb/showthread.php?t=6286"]مواضيعه [/URL]رغم قوتها وجذبها.فاذا كانت تؤثر فلماذا نكذب على انفسنا


بمفهوم كلمة(الاخوة) اعتقد ان الانسان الذي بداخله شي من عضو او اخر فلابد من البدء


بالصلح ومعرفة من فينا المخطئ ,,


اتمنى اشوف ارائكم :yaaaaaarb:..........

 

[ليلو جبريت]

صراحه انا عن نفسي في بنات مقاطعه مواضيعهم
الاولى

بنت توها مسجله بالمنتدى كل ما اشارك بمواضيعها ترد على الكل وتحقرني

يعني عضوة جديدة وشايله بقلبك علي ليش !!

مسجلة وانتي كارهتني شمسوية لج


شنو هالحقد الي بقلبج تجاهي ولا ترسل رفيجاتها لي لما انزل عن عارضة هي منزله عنها
شغل يهال هو !!

الحمدالله والشكر

وهم مقاطعه مواضيع بنتين لانهم كانوا رفيجاتي حيل ووحده دخلت بينا وفرقتنا وهم صدقوا ومن راح بكيفه كيفه يوديه
فمستحيل هم يشاركون بموضوعي او انا اشارك بمواضيعهم لان عندي حد والي يمس كرامتي ادوسه

والهادي الله


وفي بنات يردودن عشان يتهاوشون ويردودن على مواضيع بنت مايحبونها بطريقة استفزازية

حتى في المنتدى صار في احزاب

 

[~ بنت الهدى ~]

ماعندي خلافات كثيره مع عضوات ..

بس عادي ارد و جنه العيد اذا كان موضوع مفيد او مهم..

بس اللي يقهرني اذا صفيت النيه و رديت عليها و انا مابقلبي شي عليها و اهيا ترد علي بأسلوب تافه او تحقرني اثر قلبها متروس

اتحسف اني ردت عليها شدعوه شالحقد خلااف و انتهى ليش تكرهيني لأني خالفت رايج كأني ماكله حلال ابوج ..

 

[المرتاحة]

والله الحمد الله انا ما عندي عداوات مع احد

الا قبل يومين صارت بيني وبين عضوتين صكه

وبصراحه كانوا يحطون مواضيع من قبل ما يصير الخلاف بينا بس ما كنت ارد على مواضيعهم لانه ما تعجبني افكارهم واسلوبهم

 

[Unusual]

الله لايجيب الزعل ..
بس اذا حصل تتش اكيييييد راح اتحاشى مواضيعها ..

الباب الي يجيك منه ريح سده واستريح .

والدنيا مابتوقف ع عضوة او عضوتين هذا هو المنتدى مليااااان بنات زي العسل ...

والله يديم المحبة ..

شكراااا *

 

[مرايــــــــم]

ارد على الموضوع عادي

 

[ياليل مااطولك]

لايوجد خلاف مع احد ولاكن يهمني مضمون الموضوع بغض النظر عن اي شي اخر

 

[Moe love]

والله على حسب الموضوع.//. واهميته بالنسبه لي؟!


بس للأسف ماكان عندي اي وحده اكرها بس قبل شوي ايه؟!


بموضوع ((الشيعيه)) في وحده الله يسامحها كفرتني وخلتني ايرانيه ورافضيه وشيعيه؟!؟!؟!


وانا مالي شغل بالسياسه اصلاً؟!؟! اعترضت وجرحت مشاعرها اني قلت شدي حيلج باليهود؟!؟!


الله يهدي الجميع؟!؟
*

 

[ReeM ^ Style]

عن نفسي اتجنب مواضيعهم
لان اكيد اختلفت معاهم بالرأي
فماله داعي اتصفح مواضعيهم مره اخرى

شكرا لج

 

[المكسيكيه]

لا طبعا

 

[حبي بيرين]

ماعندي خلافات على الرغم انه فيه ردود ع مواضيعي تقهر وانا الله بالخير الذاكرة عندي صفر مااذكر الاسماء فلاادري ان كان هي اللي قهرتني في ردها والان اتحاشي الكل وردودي صارت رسمية الا للبعض اللي اجبرني اسلوبهن اني اكلمهم بدون كلافة

 

[روانتي 12]

على حسسسب الخلاف الي بيني و بينها

 

[جلاديلياس]

ارد عالموضوع برأيي بطريقه محترمه دون تجريح او مضايقه

 

[أم توتو]

الحمد الله ماعندي خلاف انسانه مسالمه

 

[احساس انثى !!!!]

يسلمواااااااااااا

 

[تمنيت موتك]

نعــــــــــــــم اتحاشاه ،،،،،

 

[PuPa^^SWeeT]

الحمدلله ماعندي خلافات

بس ابعد عن الشر و غنيلو

ان تصافينا ردينا و ان بدى احد فينا بالسلام و الرد فاهوا الافضل بينا

 

[نونو العصله]

لا ما دش مواضيعها ابدا

اصلا مره دشيت موضوع و كنت مشتطه و حدي تحسفت اني رديت
يمكن وصلت الصفحات 30 صفحه و بنات شادين حيلهم
وصاحبة الموضوع الله يهديها حاقره الكل وما ترد الا على بنتين و تقولها اشكره
انا يهمني رايج انتي بس

فصج صج ندمت اني رديت على موضوعها

 

[فلنتينو]

اكيييد اتجاهل مواضيعها
اذا عضوه تكرهج وشايله بقلبها علي
ليش اعور اعيونها بشوفة اسمي

 

[سناشص]

اكيد الى تقل أدبها برد وتجرح وتسب هذى ما تستأهل اصلا حتى امر بمواضيعها وانا فى وحده تبي تسب الكويت فى احد المنتديات باى طريقه ولاىسبب كلمتها بادب مره وثنتين ما كو فايده الحاقد لو شنو تسويله ما ينفع بصراحه ما حبيت اكثر لانى ما ابى انزل نفسي بمستواها فى الحوار مع العلم ان هالمنتدى اكثر من رائع ومستحيل اخليه فقمت احكر كل مواضيعها واطنشها والمشكله ليش هالمسكينه حاقده لهدرجه الله. يهديها ان شاء الله