هل حالتي تسمح ان يعطوني مجلس طبي والا بيرفضون ؟

[انجبر قلبي]

السلام عليكم

بنات انا رحت اخر مراجعة حق دكتورتي بالخاص و قلتلها ابي تقرير للمجلس الطبي قالت اوكي تعالي استلميه بعد اسبوع و ناطره

بس مو متفائله ان يقبلون بس بشوف اذا في احد نفسي

انا عندي فيتامين دال حيييييييل نازل ومسببلي تعب و فيتامين د مرتبط بكل شي ف صاير فيني خمول فظيع وتتتتعب ماقدر اتحرك و عطتني دكتورتي علاج مدة شهرين توني بادية فيه

و انا حامل الحين ومسوية عمليتين قيصريتين من قبل والعمليتين ورا بعض بينهم 6 شهور و حملت . والحين بعد سنتين ف هالحمل من اول شي كلما ابذل مجهود احس ب الام مكان الجرح و دكتورتي قالتلي هالالم لازم لانج من قبل عمليه بس خايفه يصير فيني فتاق من هالمجهود يوميا غير تعب روحة الدوام عشان انزل من شقتي انزل من الدور الثالث بدون اصنصير نزله وصعده كليووم

وانا تبع مستشفى الصباح رفيجتي انصحتنؤ احول بطاقتي ع بيت اهلي تقول الصباح ما يعطوون .في وحده لها تجارب رفض من الصباح وشنو كانت حالتها؟

المشكله بيت اهلي بالعدان وماسمعت عنهم شي اذا متشددين او لا اللي عرفته ان لللي متشاهلين مستشفى الفروانيه

حتا خطوات المجلس مو عارفه شسوي بعدين انا بس طلبت تقرير من دكتورتي و للحين ما خلص .
وانا مو متوظفه بالتربية

ف هل تنصحوني اكمل والا راح يرفضوني

 

[كجمايا]

تفائلي خير وان شاءلله يعطونج ..

حماتي كانت ع الفروانيه ورفضوا يعطونها تقول حيل عسرين وحولت ع العدان وصاروا يعطونها 6 اسابيع راحه ويراجع وتجدد وع هالحاله ، انتي لازم تبهرين شوي بالتقرير مو تتفاولين ع روحج بس مثل انج عمليات وحمالج متعب والوظيفه متعبه يعني خلي دكتورتج تضبطج وهم يعرفون هالحركات لان اكيد مرة عليهم تقارير للمجلي ، وانا الحين ماخذه مجلس بس شهرين طبعا انا معاي ضغط وكتبت اني مسقطه مره وحده ودوامي كراف ومن هالسوالف والحمدالله طبعا هو عطاني شهرين لان واسطه لو بدون واسطه راح يعطيني شهر ونص نفس حماتي . بس للعلم حماتي ماكو واسطه وشكثر ياخذون مجلس طبي وانا اشوف ان من حق كل حامل راحه ، كافي الوحام والثقل وخص لاصار عندج اطفال من قبل المفروض من غير نقاش يعطون الحامل لانها تستحقها ، وانتي وكلي امرج لله وان شاءلله تساهيل ( اسعى ي عبدي وانا اسعى معك ) وان شاءلله تتيسر لاتحاتين نعمه لو 4 اسابيع ع الاقل ترتاحين وتجددينها ، وبالنسبه لتحاليل امرها سهل جدا لاتحاتين

 

[فخر البداوه]

الله يعينج انجبر ويسهل عليج

 

[انجبر قلبي]

تفائلي خير وان شاءلله يعطونج ..

حماتي كانت ع الفروانيه ورفضوا يعطونها تقول حيل عسرين وحولت ع العدان وصاروا يعطونها 6 اسابيع راحه ويراجع وتجدد وع هالحاله ، انتي لازم تبهرين شوي بالتقرير مو تتفاولين ع روحج بس مثل انج عمليات وحمالج متعب والوظيفه متعبه يعني خلي دكتورتج تضبطج وهم يعرفون هالحركات لان اكيد مرة عليهم تقارير للمجلي ، وانا الحين ماخذه مجلس بس شهرين طبعا انا معاي ضغط وكتبت اني مسقطه مره وحده ودوامي كراف ومن هالسوالف والحمدالله طبعا هو عطاني شهرين لان واسطه لو بدون واسطه راح يعطيني شهر ونص نفس حماتي . بس للعلم حماتي ماكو واسطه وشكثر ياخذون مجلس طبي وانا اشوف ان من حق كل حامل راحه ، كافي الوحام والثقل وخص لاصار عندج اطفال من قبل المفروض من غير نقاش يعطون الحامل لانها تستحقها ، وانتي وكلي امرج لله وان شاءلله تساهيل ( اسعى ي عبدي وانا اسعى معك ) وان شاءلله تتيسر لاتحاتين نعمه لو 4 اسابيع ع الاقل ترتاحين وتجددينها ، وبالنسبه لتحاليل امرها سهل جدا لاتحاتين

بعد عمري مشكورة

انا شكلي ماراح احول على العدان بظل علا الصباح اجرب حظي واللي الله كاتبه بيصيررر


عاد تصدقين ما قلت حق دكتورتي هالصعوبات يعني مادري شنو راح تكتب لي

وللله يسهل عالجميع انشالله و يتمم عليج يارب

 

[انجبر قلبي]

الله يعينج انجبر ويسهل عليج

اجمعيييييييين يا رب مشكورة

 

[انوار المحبه]

حاولي و الله يسهل

 

[mrs.abk]

الله يسهل عليكم ولاداتكم .. طيعا في الامارات مافيه شيئ اسمه مجلس طبي .. تكرفين غصب عنج .. وحدج 5 أيام اجازة تنحسدين عليها لين آخر الحمل .. إلا إذا تنويم طبعا أو هاي ريسك حقيقي ..

أنا في نص الثامن الله يتمم لي على خير

 

[noo7a]

جربي حظج

بس استعجلي باوراقج لان المواعيد بعييييييييييييييييداااااااااااااااااا

بعد ما تاخذين تقريررج تكتبين كتاب بخط ايدج تطلبين تحويل للمجلس الطبي تقدمينه حق مديرج

و بعدين مديرج يوجه كتب ثاني للشؤون الاداريه يطلبون فيه تحويلج للمجلس الطبي

عاد بعد ما يخاطبون المجلس الطبي و يعطونج ورقه الموافقه تاخذينها و تروحين الصباح المجلس الطبي تاخذين منهم موعد

عاد شوفي متى يحطون موعدج

والله يسهل عليج

 

[انجبر قلبي]

مشكوووورة وايد نوحه


انشاءالله ربي يسهل للحين ناطره تقريري بسال عنه اذا خلص او لا

 

[مذهلة2013]

انا خذيت مجلس كان عندي واسطه مع انه حالتي تستاهل بعد
اول مره ماعطوني رفضو ثاني مره عطووني لين نص الثامن بعدين راجعت وعطوني للولادة
حالتي : كان عندي حمل كيميائي ونزل علي دم مرتين

 

[انجبر قلبي]

مشكورة مذهله

كنتي بالصباح والا تبع اي مستشفى ؟

 

[أميرة-]

مايعطون بدون واسطة الا اذا ربط او حالات تسقيط متكرر الله يكفينا الشر
مرت اخوي نازله المشيمة ومعاها نزيف رفضوا يعطونها مجلس بس اسبوعين ويتجدد مايسوا المراجعات

انا بواسطة خذيت شهر بس خذيها مني اللي تاخذ مجلس واااااسطة اذا ماعندها اجهاض قبل او مسوين لها ربط

 

[ياراا]

انا ولاده مبكره وابر تثبيت ماعطوني ومعاي واسطه رفضو
عطوني نص الثامن لم الولاده
الوضع عسر حيييل
بس جربي لا تسكتين حاولي

 

[انجبر قلبي]

مشكورين علا تجاربكم
بنات اللي رفضوا انتو بالصباح صح ؟

 

[مذهلة2013]

انا الصباح

 

[!! شعر بنات !!]

انا حالتي صعبه نزيف و وورم بالرحم وحامل

عطوني اسبوعين فقط

الصباح معروفين عسرييين بس ترا حظج ونصيبج

علی حسب الدكاتره الي باللجنه وكل يوم شكل

 

[حصة2010]

حبيبتى في وصفة وايد حلوة عن تجر بة تين المجفف = المشمش 2 ينقع بالما ء للصبا ح ويشر ب على الر يق