هل جربتي ان تعتذرين ؟؟؟؟؟؟\ موضوع هادف للنقاش

[وردة الدوحه]

بالعكس أنا أعتبر نفسي ملكة العفو والاعتذار
وايد أحب اعتذر من اللي احس اني زعلتهم وفي نفس الوقت ما انطر لين السالفه تكبر
واللي يغلط بحقي اسامحه
الحمدلله على هذي الصفه

 

[شاطىء الذكريات]

وردة الدوحه الله يثبتك يااااااااااارب ويجزاك خير ع هالاخلاق الراقيه

 

[نرج ـــس]

الإعتذار حسن خلق واستقامة أكيد .. وراحه نفسيه بعد

بس للي يستاهل إعتذاري .. يعني اذا انا قلت كلمة حق بأي شخص أكيد ما راح أعتذر على صراحتي

وخصوصاً اذا كان هالشخص ما يستاهل الاعتذار .. وعلى كثر وقاحته عمره ما اعتذر

أنا اعتذر للأشخاص اللي احس اني غلطت بحقهم و يهموني وما احب اخسرهم ..

أما بعض الناس خسارتهم مربح ورااااحه انحسد عليها

 

[سلاسل ذهبيه]

مااحب ازعل احد الحمدلله وزوجي لازعل وحسيت اني فعلا غلطانه اعتذر منه

 

[ادمر قلبي]

انا الحمدالله اذا حسيت نفسي غلطت اعتذر ليش لا
اصلا انا ماحب ازعل احدد مني حتي لوومزعليني

 

[Velvet Girl]

اممممممم بالنسبه لي انا

اذا صج انا كنت غلطانه اعتذر ما عندي مانع

بس حق الشخص الي قريب مني و يقدرني

فشئ اكيد بعتذر لها لانها قدرتي لازم اقدر زعلها علي



بس فيه ناس الصراحه ما تستاهل كلمة اعتذار
ما يعرفون كلمة تقدير شخص
مو موجوده بمعجمهم كلش

هذولي الناس لو ازعلو مني
و ما يبون يحتكون فيني مره ثانيه
استانس اطير من الفرحه
لاني جذي اكون لغيت من حياتي شخص عديم احساس

 

[قهوة و مطر]

قآعده آعود نفســي آني آعتذر عن اي غلط اســويه

حلــو الآعتذآر بسـ يكـون بحدود آني مو كـل مآ سوييت شي آعتـذر عليــه لآن بعدين مآ رآح يكـوون عندي شخصيــه و الكـل بيمشيني على هوآه



موضوع جميـــــــــل

 

[صعب الكلام]

انا اذا غلطت اعترف واتاسمح ,,
بس انا اروح اتاسمح للانسان الي اهو غلطان علي عشان مابي اخسره ..
بس الحين زعل علي ولا لاكييفه

 

[فيروز خانوم]

كل انسان يخطي وان اخطى لازم يعتذر والاعتذار شي حلو بالعكس عمره ماطيح من قدر احد اصلا ما يعتذر الا الكريم والشجاع الجرئ اما الاحمق ما يعترف بغلطته وما يعتذر واذا في شخص عزيز علي وحسيت اني غلطت بحقه انا مستعده اعتذر مليون مره وبكذا طريقه بس يرضى ما احب ازعل احد

 

[شاطىء الذكريات]

الله يجزاكم خير ع هالردود واهنيكم ع هالاخلاق ربي يثبتكم ولا يغير عليكم

 

[نــggر]

مشكووره حبيتي عالموضووع

من وجهة نظري انا الشخص اللي يعتذر يكبر في عيني مليوون مره

لان هذا إن دل دل على حسن اخلاقه اللي ما تسمح له إن يغلط على الناس وما يعتذر

ومو ضعفا منه لا بالعكس عنده قوه إن يعتذر للشخص

 

[Ms.Candy]

بالعكس الاعتذاار شي وايد حلوو مهم

انا اخجل من حالي لما اغلط في حق حد ولا اعتذر منه

بالغصب اعتذررر ما اقدر ما اعتذر

 

[ميثا الغريب]

السلام عليكم

يمكن انا لي راي خاص فيني

اعتذار وجهه لوجه مستحيل يمكن اسوي افعال تعبر عن تأسفي عن الخطا اللي سويته يمكن بالتلفون أتكلم على راحتي

بس هذا ترى عيب وانا الحين عمري فوق 40 واحاول أتغير

ادعوالي أتغير

 

[حلاتي بذوقي]

اعتذر اذا كنت غلطانه بس واذا انا مقتنعه اني غلطانه
يعني مو يجي احد يقنعني انتي غلطانه ولازم تعتذرين لو منو ماكان هالشخص
مااعتذر
وعمري ماغلطت بحق احد الحمدلله يعني ولامره اعتذرت

 

[OM 7SO0ON]

ما هي نظرتكم للإعتذار.ما اعتبره اهانه بس ما اعرف اعتذر احسه صعب وااايد . ؟؟





هل الإعتذار من صفاتكم.لا مو من طبعي للأسف . ؟؟؟



هل تعفين عن من يعتذر إليك اكيييد. ؟؟؟
​

 

[qa6wa_q8]

مااحب اعتذر

 

[( عْشِقُ . . )]

الاعتذار طبع جميل يدل على رُقي الشخص وكبر عقليته .
بالنسبة لي الانسان اللي يعتذر شخص بضمير ويحس بغلطته .
اعتبر الاعتذار تواضع وفن قل من يتعامل به .
تحية للأشخاص اللي يحسون بغلطتهم .

 

[شقـــرديه]

بالعكس شي حلو الاعتذار بس حق الناس اللي تستاهل في ناس لو اعتذرت لها تحس نفسها اهي الرابحه وانا اللي خسرت وتطالعني بنظره احتقار
وممكن اتسامح يعني انسى الي صار واتكلم معاهم عادي ولا جنه صار موقف بينا

 

[بنوته كيكه]

في العكس اجمل شي في الواحد انه يعتذر من باب الادب يعني اذا كان غلطان او تسرع في الرد
من ناحيتي ايه