هل تلتزمين بالمده المحدده للعدسه الملونه ؟؟

[يااسمينه]

السلام عليكم
العدسات الملونه لها مده معينه البعض 6 شهور او اربع او اقل .. واذا العدسه حافظنا عليها ولا صار فيها شي هل تضر بالعين ؟؟ لاسيما بعض العدسات مدتهم مررره قليله واذا استخدامهم قليل يعني كل اسبوعين والا في المناسبات فقط فهل تنتهي مدتهم بسرعه والا حسب الاستخدام والا حسب شكل العدسه اذا مازالت محتفظه بشكلها ؟؟ والله يعطيكم العافيه

 

[كنت هناك]

اي حبوبة ضروري تلتزمين بالمده المحدده لان العدسه فيها مواد تضر العين اذا انتهت ديري بالج عاد كل شي الا العين

 

[منبر الثقة ~]

والله أنا عن نفسي
بس بالمناسبات بس تقعد مدة طويلة بس أحافظ عليها واحط لها محلول
:

 

[شـو shoo]

رد : هل تلتزمين بالمده المحدده للعدسه الملونه ؟؟

اي تضر اذا طولت مدددتهاا

اذا لابستيه وهي مطوووله عندج تحمر عيوونج وتحسين بحرقه

 

[يااسمينه]

خساااااااااااره توني شاريه عدسه مدتها شهرين وعاجبتني مررره لكن مدتها شهرين وانا ماستخدمها الا ناادرا ..
طيب بنات اذا حافظنا عليها ؟؟ انا داايم اغير المحلول واغسل العلبه وانظف العدسه بنفس المحلول وبعدين احطها في العلبه بعد مانظفها واحط محلول جديد ..هل ممكن كذا تستمر معي اكثر ؟؟ اختي شرت نفسها مادرينا الا بعدين ان مدتها شهرين واختي ماتلبس الا في المناسبات يعني ممكن تلبسها 3 مرات بس ؟؟

 

[منبر الثقة ~]

والله ماني عارفه
بس اللي اعرفه انها اذا حافظتي عليها وتحطين لها محلول عادي
بس انتي روحي سألي البيـــاع ؟؟؟
:

 

[يااسمينه]

سألت البايع قالي عاادي اقدر استخدمها اكثر لكن ابي تجارب من البنات اخاف لا يكون يقولي عشان اشتري ..

 

[بنية ذربة]

نظفيها عدل بالمحلوول واستخدميها عاادي

 

[منبر الثقة ~]

اي يا حياتي اذا نظفتيها وحطيتيها بالمحلول كنك شاريتها من جديد
يعني معقوله يسوون العدسان بس شهرين
لا أكي أكثر تقريبا 3 سنين
:

 

[يااسمينه]

الف شكر ..

 

[دلوله بنت ابوها]

انا وحده اشتري العدسات بس حق التكشخ بالعرس
يعني مو من اللي يلبس العدسات الملونه كل شوي اوفي الزوارات
يعني البسها واخلص المناسبه واحطها بالعلبه واخشها بالدرج وانسها
وبعدين يمر عليها الجرد الشهري يعني انظف ادراجي كل شهر واقط اللي ما ابيه بالزباله
عزكم الله

 

[امبراطورية الزين]

التزمي بالمده افضل

 

[يااسمينه]

الف شكر والله يعطيكم العافيه