هل تقبلين الزواج من شخص فارق السن بينك وبينه وااااااااااااااايد كبير

[Angel Eyes]

سلام كويتيات عسسسسسسسسسسسسسسسسسسسسل


الموضوع واضح من عنوانه


يالله عطونا رايكم

 

[سحيله_الحلوه]

مشاركة: هل تقبلين الزواج من شخص فارق السن بينك وبينه وااااااااااااااايد كبير

اشكثر يعني ؟
10 سنين ؟ زين مو وايد

 

[omneyaty]

مشاركة: هل تقبلين الزواج من شخص فارق السن بينك وبينه وااااااااااااااايد كبير

يعني شايب وانتي بنيه


حددي عدد السنوات ونعطيج رأينا

 

[Angel Eyes]

مشاركة: هل تقبلين الزواج من شخص فارق السن بينك وبينه وااااااااااااااايد كبير

تقريبا اكبر من البنت ب 10 سنوات وطالع

 

[omneyaty]

مشاركة: هل تقبلين الزواج من شخص فارق السن بينك وبينه وااااااااااااااايد كبير

اذا عشر سنوات عادي ما كو مشكله بعدين يعتمد على عمر البنت اذا كانت فوق الثلاثين تقبل


اما اذا كانت بالعشرينات وهو فوق الاربعينات صعبه شوي ولو ان التوفيق من الله


ويا ما حالات زواج نجحت بفضل من الله ورجاحه عقل البنت


وترى المستوي التعليمي والاجتماعي له دور

 

[Angel Eyes]

مشاركة: هل تقبلين الزواج من شخص فارق السن بينك وبينه وااااااااااااااايد كبير

مشكووووووووووره على الردود وشكر خاص لج يا امنياتي يا حياتي

خخخخخخخخخخخخخخخخخخخخخخخخخخخخخخخخ الفت لج اغنيه

 

[صمت الهدوء]

مشاركة: هل تقبلين الزواج من شخص فارق السن بينك وبينه وااااااااااااااايد كبير

والله اذا كان اكبر مني اكثر من 10 سنين لا ما اوافق بس الله يرزقنا بولد الحلال الصالح ز

 

[LaSt WoMeN]

مشاركة: هل تقبلين الزواج من شخص فارق السن بينك وبينه وااااااااااااااايد كبير

مع راي امنتياتي .. انا بالعشرينات اذا ياني واحد عمره 40 ما اوافق لأن عقب 10 سنين بيصير عمره 50 !!!!!

شبي فيه ؟ :] اذا عشر سنين يمكن تنبلع ..

 

[عالموضة]

مشاركة: هل تقبلين الزواج من شخص فارق السن بينك وبينه وااااااااااااااايد كبير

الله على حسب البنت نفسها ممكن وحده تشوف ان الللي كبييير عليها وايد بتلقى عنده الدلع والدلال وممكن في حالات تحب البنت تعيش مع ريال كبير عشان يعوضها الحنان ان كانت فاقدته من ابوها.. وممكن يكون الكبير متفهم وواعي اكثر من الشاب الصغير وعندة طولة بال وخبرة في الحياة ... اما النوع الثاني تبي الصغير عشان يكون في تفاهم اكثر ويكونون من نفس الجيل ونفس الافكار يكونون ماخذين بعض عن حب .. اما بالنسبة لي انا الصغير افضل لأن ابي اشوف الدنيا مع زوجي ونكافح مع بعض ونبني حيانتا ويكون من جيلي يفهم شنو ابي شنو ما ابي اما اذا خذت واحد كبييير بنقرد قرادة ماصارت ولا اتستوت اول شي بيقعدلي عالوحدة والريال اذا كبر صج يصير حنون بس في نفس الوقت حنان رنان واساسا يكون بنى وكون نفسه من سنة يدي وشاف الدنيا وشبع منها وسافر ولف العالم ومل منه فليش اخذه واييب كود عيال واخر شي يفنقش ويوهقني !!!!!!
لاااااااااااااااا اكييييييد ماااااارااااااح اوااافق لو شيصييير 10 سنييين وايد قوية بس اذا 4 او 5 ماكو مشكلة موافقة وانا اضحك

 

[Angel Eyes]

مشاركة: هل تقبلين الزواج من شخص فارق السن بينك وبينه وااااااااااااااايد كبير

زين واذا كان مو مزيون

يالله بنات نبي تفاعل اكثر

 

[$الـــحـــلاوه$]

مشاركة: هل تقبلين الزواج من شخص فارق السن بينك وبينه وااااااااااااااايد كبير

اذا اكبر مني باكثر من 10 سنواات ما اقبل طبعااا

وانا كلامي مثل كلام امنياااتي

 

[* مـذهـلـه *]

مشاركة: هل تقبلين الزواج من شخص فارق السن بينك وبينه وااااااااااااااايد كبير

والله على حسب اذا كان زين و خوش رجال بس طبعا مو فرق بيني وبينه 30 سنه لا يكون فرق معقول شوي طبعا عشان اهوه يكبر و يعجز قبلي و انا اظل بنت حلوه

و الله اهم شي السعاده والحياة الزوجيه الحلوه اللي تسود بين الطرفين فيها الثقه و الاحترام و الحب يعني يااااما بنات خذو رجاجيل اكبر منهم و بالعكس عايشه احلى عيشه انا عندي العمر مو مقياس بس طبعا ما يجيني واحد كبر جدي

 

[أميرة الورد]

مشاركة: هل تقبلين الزواج من شخص فارق السن بينك وبينه وااااااااااااااايد كبير

والله انا أقول التوافيق من عند الله وانا صراحه ما احب كبير وايد وصراحه 10 سنين وايد فرق بالنسبة لي

 

[حبنا الله عليه]

مشاركة: هل تقبلين الزواج من شخص فارق السن بينك وبينه وااااااااااااااايد كبير

شسوي فيه اغسله ودفنه ههههههههه حلاته قريب من عمرج

كلش كلش 10 سنين واشوفها واجد بعد

 

[reem1234]

مشاركة: هل تقبلين الزواج من شخص فارق السن بينك وبينه وااااااااااااااايد كبير

السلام عليكم بنات
والله خوووش موضوع للنقاش
انا عن نفسي بالعكس اتمنى اتزوج واحد كبير بالعمر.. يعنى انا الحين عمرى 23 ماعندى مشكلة اخذ واحد عمرة 32 او حتى 35 بس مو اكثر من جذى بالعكس احس الريال اذا كان كبير راح يكون حنون على و يخاف على و يراعينى و يدارينى اكثر من الصغير و بعدين الريايل الكبار معروفين بالدلع و الدلال
و احس ان الريال اذا كان كبير العمر يقدر يحتوينى اكثر من الصغير .. و راح يكون متفهم اكثر و مهما اسوى راح ياخذنى على قد عقلى غير الصغير بيناشبنى نشبة و على كل شى بيقعد يداحرنى على الوحدة!...
و اصلا شعور حلو انى اكون بعينة بنوته دلوعة عنونة يا سلام على الثقققققققققققة
لا بس جد بنات انا ابي واحد ناضج و فاهم الدنيا عدل و عندة خبرة بالحياه ف احس ان الصغير ماراح القى عنده الاشياء هذى...
بس بالنهاية ارد و اقول العمر مو مقياس.. ممكن يكون واحد عمرة 20 اثقل و اعقل و اوعى من واحد عمرة 40 مايعرف يتحجى كلمتين على بعض!
ومادرى هذا راي و خنشوف راي باقى البنات

 

[دلوعة زوجي]

مشاركة: هل تقبلين الزواج من شخص فارق السن بينك وبينه وااااااااااااااايد كبير

هااااااااااااااي بنات يقولون الشايب يدلل والشاب يعلل لوووووووووول
انا اقول وايد زين انا ريلي اكبر مني ب 15 سنه احلى عيشه معاه مدللني ومايطالع غيييييري وما احس في فرق كلش ولعلم عمري 23 سنه وعندي ولد اشحلاته احمدوووو سلم قلبه

 

[الأميرة]

مشاركة: هل تقبلين الزواج من شخص فارق السن بينك وبينه وااااااااااااااايد كبير

اي عادي

احس انه يكون فاهم بالحياة اكثر من اللي يكون بنفس عمري
ويقولون

العود يدلل والشاب يعلل

 

[روزالكويت]

مشاركة: هل تقبلين الزواج من شخص فارق السن بينك وبينه وااااااااااااااايد كبير

والله عادى اذا فرق كبير بس صحته تكون زينه ويكون جسمه رياضى وكشيخ وماعنده كرشه لو اكبر منى بعشرين سنه عادى بس يعتمد على شكله اذا كان زقرت وبس

 

[الريادة]

مشاركة: هل تقبلين الزواج من شخص فارق السن بينك وبينه وااااااااااااااايد كبير

زين واذا كان مو مزيون

يالله بنات نبي تفاعل اكثر

3ajabny raddich yally 3al (motha)

 

[مناوي]

مشاركة: هل تقبلين الزواج من شخص فارق السن بينك وبينه وااااااااااااااايد كبير

انا مع ريم كلامها صح يعني بالكثير اذا ذبح روحه 10 سنين اكثر من جذي نو واي

ومثل ماقلتوا الكبير يدلل والصغير يعلل




الله يرزقنا بالزوج الصالح والذريه الصالحه قولوا آمين