هل ترىن من المناسب إعطاء طالب المرحلة المتوسطة الهاتف الجوال؟

[بنت الكويت &]

السلام عليكم ورحمة الله

خواتي الغاليات

اتمنى التفاعل مع هذا الاستطلاع

هل ترين من المناسب اعطاء طالب المرحلة المتوسطة الهاتف الجوال ؟

نعم

لا

على حسب الحاجة

 

[شموع الفرح]

تبين الصج لأ لأن صار النقال نقمه على الأهل مو نعمه عيل ذاك اليوم رفيجتي تقولي مرت اخوها حاطه حق بنتها بثانيه روضه نقال شنو هالسوالف الماصخه واليهال شيبون بالنقال فهموني شنو الشي الضروري بصراحه مصاخه

 

[ملح و سكر]

جان زين طالب فى المتوسطه الحين المصيبه اللى بالابتدائى عندهم موبايلات ......
انا على حسب اى اوافق لان الحياة تطلب ذالك..

 

[camilia]

ههه شخباري متوسطة
الناس من الروضة يعطون عيالهم موبايلات و لابتوبات

ردا على سؤالج ..بالنسبة لي حسب الحاجة فقط
والنقال يكون مو ملكه يعني الياهل اذا كان طالع نادي او معهد ضروري يكون عنده وسيلة اتصال غير جذي ماله داعي واذا ربعهم يبونهم نقالي ونقال ابوهم موجودين

والسن اللي اشوفه مناسب للطفل ان يكون عنده لابتوب مستقل و موبايل خاص لما يكون مخلص 4 متوسط

انا مو عن حجره وبصك عاليهال
كل هدفي ان مابي اعودهم واخلي عيونهم ضيقة وان اي شي يشوفونه عند غيرهم لازم اهم يحصلون مثله!!! اكره شي عندي هالعااادة
و حسب مبادئي الطفل بهالعمر المفروض النقال مايكون لا اول ولا ثاني ولا حتى ثالث اهتماماته

وشكرا

 

[يمة يادلبي]

لووول عاد انا اكثر وحدة كليتها من هالسالفة بس هم ما أأأيد حق الخراب والصياعـة بس حق الصبيان إذا طلعوا بروحهم لازم يعطونهم عشان الاهل يتطمنون عليهم

 

[لحظآتَ]

رد : هل ترىن من المناسب إعطاء طالب المرحلة المتوسطة الهاتف الجوال؟

شوفي اذا كانت انسانه تستحق ..
يعني مثلا ماتقصر من ناحيه دراستها وخلوقه ومؤدبه
وانا واثقه من انها ماراح تسيئ استخدام الجوال
وبتستخدمه فقط لفترات محدوده .. او مثلا لمراسله صديقات بعدد معين .. مو كل من هب ودب
اعطيها ليش لا!
بس تكون مثلا بتاسع او ثامن يعني على قدر من الوعي البسيط .. مو شرط وعي تام!!
/

يسلموو خيتو .. :rerrerek:

 

[ShaGRa NoiSya]

حق الولد بحكم ان الصبي وايد يطلع مع ربعه سواء نادي جمعيه فراره بالفريج اي مكان بدون اهله فا لازم يكون عنده تليفون

اما البنت مو محتاجته وإلا اذا طالعه بدون امها وابوها اعطيها اياه فترة معينه ولما ترد البيت اخذه

شيبوون بالتليفون بس حق الخراب

 

[Freakya]

اي مناسب

انا وايد نفعني وقتها

بس ما استخدمه حق سوالف مع رفيجاتي

بس وقت الطلعة

 

[منوة القلب]

الصراحه صار الجوال شر لابدا منه

خاصة للولد .. اما البنت مو ضروري


لان الولد طلعاته اكثر ولحاله او مع ربعه فا لازم تدقين تطمنين عليه

 

[! بنت العاشره !]

رد : هل ترىن من المناسب إعطاء طالب المرحلة المتوسطة الهاتف الجوال؟

إذا ولد نعم وبقووه لان لازم يحتاجه نتصل عليه

لاطلعنا مثلا بيروح منا والا منا يكون بينا اتصال

بس هاااا

لازم يكون في ارقام معينه فقط 2او3 من ربعه


واهله طبعاا


في خدمه في السعوديه مدري اذا في هنا اسمها خدمه الطالب

بس ارقام معينه يستقبلها ويتصل فيها

عاجبتني الفكره بصراحه



اووما البنت لااااااااااااااااا ماله داعي

رقم جوالي انا يا امها فدوتن لها غيره نوووووو


<<<<<<<<<مخها دقه قديمه ههههه

 

[حجيه هيونه]

رد : هل ترىن من المناسب إعطاء طالب المرحلة المتوسطة الهاتف الجوال؟

بصراحه عادي

الحين العيال كلهم معاهم موبايل ومنو بيدق عليهم يعني ربعهم

انا مع الموضوع بس بشرط يكون في رقابة

 

[Miss Pearla]

رد : هل ترىن من المناسب إعطاء طالب المرحلة المتوسطة الهاتف الجوال؟

أنا اشوفها عادي ومافيها شي تقولين متوسط الحين الي في الابتدائي عنده
وموشرط يعني اذا البنت ولا الولد صغار مااعطيهم تلفون عشان حق الخراب لا هذا تفكير خاطأ
حباايبي الي يبي يخربط ويغازل يخربط اي وقت سواء ياهل ولا لأ انا ماأييد التفكير المعقد الي تلفون لا عيب
اول شي شوفو عيوبكم بعدين قولوا لا عيب والي يبي يسوي سوالف حرام يسويها متي ماكان عنده تلفون والي خايف ربه
مو التلفون الي بيوقفه

ومشكووووره حبيبتي علي الموضوع

تحياتي ..

Miss Pearla

 

[ملاك و وعد]

:انا اوافق ع مرحلة المتوسط لان في هذي المرحلة يكون الشخص مواهقا >>> و الشخص المراهق يحتاج الى ثقه من الاهل اذا طلب جوال اعطية بس اكون مراقبة جوال يعنى اسئلة من المكلم افتش جوال << مثل ابحت ع رسائل
و زمن هذا الكل محتاج الجوال مثل لوصرا الشخص شي يتصل ع طول ع الاهلى عشان بنقذونة
:hjy5jewf::hjy5jewf::hjy5jewf::hjy5jewf::hjy5jewf::hjy5jewf:

:friends::friends:

 

[غلا 89]

تلفووووووووووون حق الحاجة بس الووووو

مو بلاك بيري وايفون هالسوالف والله انها الدمار بعينه

 

[نونه111]

لا انا اشوفه ضروري للولد اما البنت اصلا ماتحتاجه

 

[sho-sho_93]

اممممم عادي لو بالمتوسط بس يكون في رقابه وجذي ومايكون 24 ساعه عندهم

 

[كويتية صغيرة]

رد : هل ترىن من المناسب إعطاء طالب المرحلة المتوسطة الهاتف الجوال؟

كل الخرابات .....للبنت والولد

ابتدأت من التلفون النقال
او من الكمبيوتر اللابتوب

واحنا نعطيهم الاثنين ..... وبعدين نشتكي
مو احنا اللي شريناه لهم بفلوسنا ....
لا للتلفون (اما اللابتوب موضوع اخر في نقاش اخر)
التلفون في عمر المتوسط ....لا يصلح لا للولد ولا للبنت ..... خصوصا المتوسط هذي اخطر مرحلة
ماكو عذر

البنت: ..... لمفروض على طول مع امها وتحاول الام تصير مثل صديقتها خصوصا بهالعمر
الولد في المتوسط: المفروض مايطلع من البيت الا مستأذن من ابوه او من امه و مكلمهم شخصيا (من الاحترام) .... مويطلع مع ربعه وبعدين يدق يقول انا بالمكان الفلانى..... و حتى لو صار له اي شي او حب يغير المكان او اي ظرف ..... التلفون موجود بكل مكان يا حبايبي .... بكل شبر بكل فرع بكل جمعية ...... لكن المشكلة ان عيالنا عودناهم ...ان كل طلباتهم اوامر يجب ان تنفذ ..... ماعودناهم على كلمة لا ..... لما يكبرون راح يتعبون لان الحياة ليست دائما نعم لطلباتهم ولان صديقي عنده اذن انا لازم عندي . هذا كلام استشاريين تربويين وليس كلامي

وحبيت اضيف نقطة عرفتها من بنت ..... لاتقولين افتش بالتلفون .... ترى الأولاد والبنات اذكى منى ومنك ... ابسط شي تخزن البنت رقم صديقها خالد باسم خلود و منو تكلمين ....اكلم صديقتى خلود وهو مخزن ايضا خلود .....لكن في الحقيقة تكلم خالد ....واللي يدري يدري

 

[كراميلا مرة]

رد : هل ترىن من المناسب إعطاء طالب المرحلة المتوسطة الهاتف الجوال؟

انا والله عندي الولد يمكن يحتجه بس البنت ماله داعي
وانا خواتي الصغر اخذو من ابتدائي وانا رافضه مع انهم هادين بس عندي ماله داعي لانه
مابيطلعون الا معنا وربعهم ماعندهم موبيلات يعني وجوده وعدمه واحد

 

[الأميرة جوري]

رد : هل ترىن من المناسب إعطاء طالب المرحلة المتوسطة الهاتف الجوال؟

طبعا لا الا لضروووووووووووووووووره فقط لانها دماااااااااااااار وفساد لانه مراهق ومعروف المراهق وشنو ميوووووووووووله وحبه للاستكشاف وتجربه:bbbiu:

 

[Laidy n3ooma]

رد : هل ترىن من المناسب إعطاء طالب المرحلة المتوسطة الهاتف الجوال؟

بالمتوسط يكون الجوال مو له يعني عند الام ولما يطلع تعطيه اياه .. اما بالثانويه اي مع المراقبه طبعا..