هل تبيعين ذهبك من اجل زوجك؟؟؟؟؟؟؟؟؟

[فرح79]

اعطيه بدون تفكير لانه ماقصر معي ابدا

 

[mrs_ntfa]

الله يخليلكم ريايلكم يارب
انا والله اعطيه مو لانه ريلي بس لانه صج ما قصر معاي

لو كان مقصر ما يشم شي هههه

 

[pure.pearl]

اذا صدق يستاهل هيه بعطيه

 

[المكسيكيه]

~ ما ادري..

 

[الهام 2009]

المسالة فيها وجهات نظر اذا رجلك طيب وحنون وما يخل عليك بشي واحتاج وسالك عطيه بدون ما تفكرين
اما اذا هو بخيل وما يحترمك فهذا لا تخلينه ياخذ منك شي ابد

 

[الهام 2009]

رايي لا تدخلين بشوونه الماليه

اذا هو محتاج يعرف يتصرف

لا يتعود على ان في خزينه مفتوحه

كل ما احتاج لجأ لها

ولكن لو بينكم عشره تعدت السنوات ال 10 وعيال و

وله وقفات رجل معاج في ازماتج

اكيج بعطيه عيوني مو بس فلوسي

فوفو

بس فوفو اذا زوجك طلب منك ذهبك وانت باول الحياة الزوجية اشلون اتصرف ؟؟؟؟

 

[أخاف اجرح]

انا بعد عطيته وخلصت وعارفة انه بيعوضني طز بالفلوس اذا كان يستاهل صج

 

[مجنونة حبه]

اذا ريلي محتاج صج صج صج اعطيه عيوني مو بس ذهبي ..!!

وذهبي منو شاريلي ياه غيره ..!!

اهو يوم عنده شرالي وماقصر فيني ولما يحتاجني بقوله لا اسفه ذهبي اولى منك ..!!

لا والله قلبي مايطاوعني ومو هاذي الاصول الي تربيت عليها خصوصا اذا ريلي يستاهل ومايقصر .. مستحيل اعز عليه ماديات ..

بس والله اذا الريال مو كفو وحقير ومقصر مع مرته ولا اسلوب ولا معامله ولا عشرته نفس الناس الصراحه ماراح اعطيه ولا 100 فلس

:eh_s(15)::eh_s(15)::eh_s(15): نفس رايي بالضبط

 

[يمامة أيوب]

رايي لا تدخلين بشوونه الماليه

اذا هو محتاج يعرف يتصرف

لا يتعود على ان في خزينه مفتوحه

كل ما احتاج لجأ لها

ولكن لو بينكم عشره تعدت السنوات ال 10 وعيال و

وله وقفات رجل معاج في ازماتج

اكيج بعطيه عيوني مو بس فلوسي

فوفو

معاااااااج لازم الريال يكون يستاهل ها التضحيه من مواقفه معاج ويقدرها لج مو يعدها احدى واجباتج تجاهه و بنك احتياط القهر لمن ياخذ وتروح على امووووور تاااافهه وسخيفه و خاصه

 

[فرح79]

معاكم

 

[afaf]

انا عن نفسي ماعطية لو شنووووو لان مايبين بعينها شيء ابد مافكر ولا لايمكن خاين بشنو اعطية اسف يابنات عن كلام

 

[أستثنـآئيهـ]

أعطيه
أهوآ مآ بخل عليّ ..

بس خل يرضى المشكله مآ يرضى ..

 

[صمت المرافئ]

على حسب الريال
وكل وحدة عارفة ريلها
بس في بداية الزواج ما أؤيد تبيع الوحدة ذهبها علشان زوجها لأي سبب
لأن العلاقة مو متينة ولا يعرفون بعض عدل
مع مرور السنين والعشرة تعرف كل وحدة زوجها
بالنسبة لي ... سلفت ريلي فلوس مو ذهب
وردهم والحمد لله
​

 

[فرح79]

صح كلامك اخت صمت المرافئ
حسب الريال فيهم تعطيه كل شي مو بس ذهبك وفي والله ما يستاهل

 

[منـــاي]

اذا ظروفه صعبه مو مشكله لان اؤؤمن ان الفلوس وصخ دنيا و فرحتها تزول

 

[pusy cat]

ابيع عيوني لو يبي

الذهب مو اغلا من زوجي

 

[الله يرحم الحال]

اي نعم
ابيع الذهب خير ان شاء الله
قبل كنت توني عروس لي 3 شهور يعني ما اعرف خيره من شره واحتاج مبلغ والله ورحت بعت ذهبي وعطيته الفلوس طبعا من سنييييييين هالكلام ليومج هذا يقولي ما انسى لج هالموقف,,,,:rerrerek:
شنو الفلوس شنو الذهب كله يروح ويجي بخير وستين نعمه

 

[كليـ دلعـ]

اذا يستاهل اعطيه عيوني

اذا يستاهل اميه بالاميه

يعني اذا مااذكر منه الا الهنا والسعاده

اما اذا باط جبدي وغاثني ومطين عيشتي

والله لابيعه هدوووومه وانا اضحك بعد!


وعااامة

لاتنسون الاعما اللي تبرعت له زوجته بعينها

ولما فتح وشافها عوره طلقها وتزوج

ولاتنسووون اللي عطته كليتها وهمن غدر فيها

وتزوج عليهاا

يعني يابنات شحقه الخسااايررر

سوا كفو والا موكفوو

انا من رايي كل وحده تخشش ذهيييبهاا

لنفسها ابرك لهاا

واللي صاار لابن الحلال كبوه جواد 

يفك نفسه منها جانه ريال>> 

 

[ليتني مـآ كبرت]

وَاللّـهْ ياقلبي ما عتقد فيه رجل كويتي

معاشه ضيعف الحمدلله خير ونعمة

غير الزوجية غير بدل الإيجار غير خمسين الابناء

اصلا اللي يستحي على وجهه مايطلب من مرا ضيعفة ماتملك لاحول ولاقوة يطلب ذهبها !

خبري بالرياجيل يزيدون حريمهم ماينقصون منهم ..

بعدين فيه ستين ألف طريقة يحل فيها مشكلته

يتسلف من أبوه، اخوانه، ياخذ فيزا، يدش قطيه، يبيع سيارته

شوفوا رياجيل من جنسية معينة مابي أذكرها يشتغلون شغلتين ويكرفون

ويكدون ويتعبون ويتغربون عن ديرتهم ومع هذا شوفي بعيني

حريمهم ذهب من راسهم لي ساسهم

لا وأزيدج من الشعر بيت أعرف وحدة عربية ماخذه شقة بـ منطقة سكنية غويلية ليتها بـ عمارة لا بيت ثلاث أدوار

وماخذه فيه شقة مرتبة

وأحنا رياجيلنا يعصرون الفلس و يحكرون المرا فـ شقة نتفة فـ بيت أهله ويقولج ماعندي !

وَاللّـهْ حتى هي تقولي زوجي كانت وظيفته عادية بس اضطر يكمل ماجستير مع العلم انه بالكويت بس فترة الامتحانات يروح اسبوعين يقدم ويرجع

تقول يشتغل وظيفتين ويشتغل بوقت فراغه بتصليح الكمبيوترات وعيالها بمدارس خاصة


شفتوا شلون هذي الرياجيل اللي كفوا أنها تفتح بيت

مو أحنا رياجيلنا أتكاليين لأبعد الحدود
وأنا مالومهم ألومكم أنتوا اللي خربتوهم

 

[أحلى من الخيال]

لا لا لا
هو مو رجال يدبر نفسه
أنا مو مسؤوله عنه هو مسؤول عني​