هل تؤيديين لبس الشخصيات ( قمصان النوم ) لزوجك وما النوع

[@ نجمة العطااا @]

انا مؤيده للبس الشخصيات واحب البسها مثل القرصونه والطفلة والمشجعه والخ
واحب التنكري الفراشة واللبوة وغيرهم واللبس المصري والسوري والهندي الخ
لكن ما احب البس لبس يفتح عيونه مثل لبس اليونيفورم احس بتفتح عيونه على الخدم حتى لو انه ثقة وبعدين يقلل من قدري ما ادري انا جذيه تفكيري

 

[7bebta bs]

انا عمري ما لبست جذيه احس ودي الاشياء الحلوه بس مو خدامه وسستر وجذيه لا فراشه اميره عروسه احس حلوين بس ريلي يتطنز ف ما جربت

 

[GaZoZiYa]

هههههههههههههههههههه أهم شي الشاذي اللي مع موووووووووووووووز
كللللللللللللش ما أأيد لا شاذي ولا قطوة ولا أرنب
البيبي دول ممكن
غير جذي لأ

 

[cramela]

انا اايد مو علشان انا ابيعهم لا والله بس هالوقت الرجال يشوف ويشوف ويشوف ولازم تغيرين من نفسج كل مره يشوفج فيها مو كله هالحراير او البيبي دول اقصد القمصان العاديه ونا شصيا اايد هالشئ واااااااااااااااااااااااااايد وانا شخصيا احب الممرضه واللبس الشيطان علشان يحس اني متوحشه والجلديات هم يعطون احساس ان انا متوحضه فيزيد الحميميه

 

[دكتوراه أنوثه]

مشكورين على المرور وفعلا كل وحده لها رأي بهالشي بس الوحده ودها يشوفها زوجها بكل الأشكال وماشاء الله هالفيديو كليبات ماخلو شي مالبسوه

وانا لاحظت شي ان ملابس التنكري حلوه على الجسم وتخلي الشكل أحلى
على فكره مره لبست ملابس اللي يبيعون بستار بوكس مع الكاب والله طلع شكلي وايد حلو وسويتله قهوه بعد استانس حده قال اي هذه الحلوه موالفلبينيات ماعندهم عيون .

وفي أنواع وايد من القمصان التنكريه واللي تعطيج لووووك يديد حده :
سنووايت
حكم مباراة مع صفاره
راقصه بالييه
مشجعه النادي الأمريكيه
العروس مع الطرحه
طبعا لبس الرقص الشرقي
اطفائية حريق مع الخوذه
ووايد اشياء اشوفها بالمحلات

ويارب كل وحده فيكم يحبها زوجها بكل شكل لها حتى لو كانت متينه قولوا آمين

:yaaaaaarb:​

 

[o_mermaid_o]

انا ما احب هالسوالف بس اول ماتزوجت وحده يابتلي لبس ارنوبه بس مالبسته الا بعد مده ريلي كان قاعد بالصاله ولبسته وقعدت انط من غرفتي لما الصاله واغني ارنب نط طبعا انا لا بسته ابي اضحك موحق شي ثاني ويومها ريلي ما نام بس يضخك

 

[دكتوراه أنوثه]

لووووووووووووووووووووووووووول حلوه الأرنب نط

 

[dnyay_mll]

انا احب هالسوالف
احب لبس الاميره حورية البحر رقاصه قطوه جرسونه شرطيه
اصلا ريلي يموت على هالسوالف
واحسه تغيير يعني بالشهر او شهرين مره شي حلو

 

[بطريقة]

انا أأيد لبس القطوه و الارنبه و القبطانه ههههه و هالسوالف .. و الشرطيه ( بس الحين لأ عقب ما دشت المرأه هذا المجال باجر يخيل عالشرطيات مو ناقصه انا )


بس انا ضد الخدامه و السستر ( انه تكون شخصيه موجوده بالحياه و يحتك فيهم )
باجر لو يشوف خدامي يتخيلها بنفس اللبس اللي لبسه له
والبنات لا تقصون على نفسكم تقولون لا انا ماليه عينه و ماراح يلتفت عالخدامه لالالالا الريال يحب التغيير و الدليل انه الشرع حلل اربع ..
وراح يصير عنده لوك الخدامه يمثلّه الجنس !!!!


عاد بموت اذا مالبست خدامه ! الله ماكثر الشخصيات و السوالف المغريه !

 

[CHEESE CAKE1]

كلش ما أأيد الخدامه والسستر والشرطية والحيوانات عزكم الله .. ولا أحب أني أجرب .. أحس مو ستايلي .. حلو التغيير بلبس النوم ساعات كلاسيك وساعات فنكي ولبس الألوان الجريئه .. بس مو تنكري !!!

 

[um jojo]

انا عادي ما عندي مشاكل و ريلي يحب كل شي لان يحب التغيير , بس انا ارتاح حق الناعم اكثر احس شكلي يصير احلى

 

[الغاليه نونو]

انا علي زماااني ماكوووو هالسوالف يمه كنت اكشخ له بقمصان الكلوووووووووش والريش والفرووو والخرز والترتر وكان غرامه الشدووو الاخضر والازرق ويحب قمصان الكشكش الله وكيلج اصير جني ام الحصن ههههههههههههههههههههههههه بس حلو علي قلبه

 

[منارو]

انا أأيد لبس القطوه و الارنبه و القبطانه ههههه و هالسوالف .. و الشرطيه ( بس الحين لأ عقب ما دشت المرأه هذا المجال باجر يخيل عالشرطيات مو ناقصه انا )


بس انا ضد الخدامه و السستر ( انه تكون شخصيه موجوده بالحياه و يحتك فيهم )
باجر لو يشوف خدامي يتخيلها بنفس اللبس اللي لبسه له
والبنات لا تقصون على نفسكم تقولون لا انا ماليه عينه و ماراح يلتفت عالخدامه لالالالا الريال يحب التغيير و الدليل انه الشرع حلل اربع ..
وراح يصير عنده لوك الخدامه يمثلّه الجنس !!!!


عاد بموت اذا مالبست خدامه ! الله ماكثر الشخصيات و السوالف المغريه !

عين العقل ما شاء الله عليج
عاد انا زوجي بسافر مرافق مريض علاج في التشيك
حلاته البس له لبس سستر .. كللللش مو وقته..
خو هناك سستراتهم ايهبلون من جمال واجسام وشعر واللبس الابيض تحته بس اندروير
لا يا امعودين مو ناقصين احنا

 

[e3feni]

مشكوره عالطرح حبيبتي

بس انا عندي وجهة نظر ومادري والله

بما اني عروس وقاعده اجهز وتبطلت عيوني على اشياا واايد

ومنها لبس الخدامه والبيبي والقراصنه خخخخخخ وين قاعدين شالخرابيط ؟؟؟؟؟؟؟؟

يعني بالذمه افتح عيوني زوجي على الخدامه ؟؟؟

ولا على اليهال ؟؟ اتوقع فاهمين شقصد

ولا قراصنه مصخره

شفيهم القمصان الناعمه وملوت الكبار الرزه والحلوة القصير والطويل منها والفتحات وحركات وااااااااايد

ياربي احسهم غلط هذيل

ومادري يمكن في شي مو عارفته بهذيل الله واعلم )))

وشكرا

 

[kandora]

اخذ الموضوع على ضحك وووناسه واهوا بعد يموت من الضحك واحلى لبس عندي لي الحين ما لبسته اهوا لبس القبطانه اوف حددده سكسي
بس ناطره مناسبه خاصه

 

[ذكريات]

الشخصيات اللي احسها عادي اهي الشخصيات الخيالية مثل اميرة او مرميد او ملاك و شيطان جذيه يعني او ارانب و قطاوة لوووووووووول

و اللي ارفضها طفلة و الا خدامة

بس احس صعب اني البس هالسوالف !!!

 

[دموع السحاب]

راي من راي غلاي غير لما قالت
ما احب البسهم احس نفسي مصخره حلاة القمصان فيها انوثه مو لبس يهالوه وحيوانات حده مو شي

بس مادري يمكن مع الوقت البس كنوع من التغيير او فصله لول
يثلموو

 

[الريادة]

ما تزوجت بعد ..
بس حلات القمصان أنوثة , مو لبس حيوانات شنو بمثل بمسرحية ليلى و الذيب :dddds:

 

[أم منصور]

احب شخصية القطوة

والفراشة بالريش

واحب الهاواي عجيب حده

واحب المتمرده شغل عدل

واحب اي شي قصير ومنفوش خخخخخخخخ كتكوته

 

[<<..النــداويـــــهه..>>]

بصراحه انا ماأيد اي لبس مافيه نعومه مثل الفراشه كشكش ومادري شلون شي تلبسينه على الظهر جنه جنحان بصراحه مصخره جني هبله انا احب شي فيه نعومه مثل لبس الطالبه وانا ماجربت غيره احس ناعم ومشخلع ومغري بنفس الوقت معاه شرايط حلوه لشعر يعني انا اهم شي عندي ان يكون اللبس ناعم وذرب على الجسم ولا ما تهمني الشخصيات ومااعتقد انها تفتح عيون زوجي مدام انا واثقه منه والحين الرياجيل كل شي يعرفونه من هالدواوين مو ناطرينا علشان نفتح عيونهم مثل ما تقولون