هل الهمستر يعض؟؟

[english muffin]

بناااات
انا مفكرة اشتري لي همستر بس عندي سؤال يفشل
هل الهمستر يعض؟؟
واذا بحمله وايد بيتحرك وبيخرعني لوول؟؟​

 

[وردة بيتنا]

لااا

وايد اليف و يهبل

 

[daloo3ah]

هل الهمستر يعض؟؟

لا الهامستر ما يعض الا في حالات معينه :
1- الخوف ..
2- اذا كانت الهامستر حامل وتخاف على عيالها ..

واذا بحمله وايد بيتحرك وبيخرعني لوول؟؟

اغلب الهامسترات ما يحبون تمسكينهم وتقيدين حركتهم لأنهم نشيطين وحركيين وايد .. في هامسترات مع التعويد يتعودون يقعدون بأيدج .. بس بأغلب الاحيان اهوه يحب يكون حر طليق يتحرك على كيفه ^_^

 

[xXBountyXx]

لا مايعض الا في حالات نادره

لما يكون يوعان
فالمفروض ماتنسينه بالاكل

ولما تعورينه أو تخرعينه ويخاف منج
وأغلب الهامسترز ماتتعور من الشيل

انا وايد مروا علي همسترات
من يتعودون على عادي اشيلهم وافقصهم مايقولون شي <<< يهبلووون كرة فرو

طبعا اغلبهم بعد شهر من بعد ما اشتريهم احسهم خلاص يعرفوني عدل
بس مو شرط في همسترات سريعة التأقلم والأغلبيه جذي

بالنسبه لأنه يتحرك وايد ترى أغلب الهامسترز ماتحب تنشال
وتلاقينها ترافس تبي تنزل وتمشي على الأرض بروحها

بس عادي هذا شي طبيعي جدا




اذا تبين اي شي انا حاضر



تقبلي مروري
xXBountyXx

Mini She.lters

 

[english muffin]

شكراااا بنات عالرد
انزين بعد سؤال
لازم اطلعهم من القفص مابين فترة والثانية؟؟
اخاف يدشون مكان ويضيعون

 

[xXBountyXx]

هو مو لازم لازم

اذا كان عندهم عجله مو ضروري تطلعينهم

خصوصا اذا ماكنتي قادره اتجابلينهم وتابعينهم وهم بره القفص

احفظ لهم يتمون داخل القفص

بس اذا تخافين يتدعسون مني ولا مناك

تقدرين تسوين لهم مثل الحاجز وتخلينهم داخله

وتقطين لهم اشوية ألعاب صغيره يلعبون فيها

وبس

ان شاء الله ماراح يصير فيهم شي

 

[classic2004]

هلا
تبين الصراحة انا عضني الهامستر مرة وعض بنتي مرتين
بنتي عاد تدخل صبعها داخل القفص وتعضها بس عقب اكتشفت انها حامل
والمرة الثانية اللي عضت بنتي فيها كانت ماسكة اكل والظاهر انها حسبته اكل فعضتها

 

[قمة الاغراء]

نو نو نو اينن بالعكس

 

[جوزائيه مغروره]

والله مودري بس اخوي عنده 2

واحد كله نايم والثاني كله يلعب ويتزحلق ههههههههههههه

 

[miss colors]

لا صح كلام الخوات الهامستر مايعض الا بحاله الخوف او كانت خايفه على عيالها
انتي لازم تعودينا عليج يعني عطي الاكل بيدج ويشم ريحت ايدج عشان يتعود لامسكتي مايخاف

 

[daloo3ah]

هلا
تبين الصراحة انا عضني الهامستر مرة وعض بنتي مرتين
بنتي عاد تدخل صبعها داخل القفص وتعضها بس عقب اكتشفت انها حامل
والمرة الثانية اللي عضت بنتي فيها كانت ماسكة اكل والظاهر انها حسبته اكل فعضتها

الهامستر تزداد وحشيتها لما تكون حامل .. انا هامسترتي حيل متعوده علي بس لما حملت قامت تعض وخاصه بآخر ايام حملها ..

وبالنسبه حق بنتج .. اكيد الهامستر حسبت ايدها اكل .. دايما قبل لا تمسكونهم غسلو ايدكم عدل علشان ما يشم فيها ريحة اكل ويعضكم هههههه ..

ومثل البدايه ذكرت ان الهامستر ما يعض الا في حالات الخوف او عن غير قصد .. يهـــــبل الهامستر

 

[fatosha]

امبلا يعض

انا هامستري ذكرر

وعض يمكن لانه بوقتها كان خايف

 

[#يتيمة جابر#]

شوفي اختي انا عضني هامستر خخخخخخ ابدا مايعور كسر خاطري كأنه حك صبعي خخخخخخخخخخخخخخخ

 

[daloo3ah]

يتيمه جابر اي اهوه بالبدايه يعضعض الاصبع يتعرف عليج .. عادي ^^ وهم حسباله اكل بس مع الايام يتعود على ريحتج وما يعضج ابد الا في وقت الخوووف

موفقيييييين كلكم بالتربيه خهخخخ

 

[amu-chan]

لووووول وكلام خواتي كله صح واذا تبين تطلعينه برا القفص تقدرين تشترينله في كرة مخصصة للهامستر تحطينه داخلها ويتفسح بالبيت على كيفه بس موتخلينه داخل الكرة اكثر من نص ساعة لانه ممكن يدوخ يقعد يرجع لووول