هل المتزوجه تحتاج لصديقات

[حساسة مصر]

البنت لما تتزوج تكون محتاجة لصديقات اكتر و جدد كمان

بس فيه ناس تغلط غلطة كبيرة لما اول ما تتزوج تنسي الناس و تنسي الصحبات

 

[* ليــــدي *]

آغلبهم يتركون رفيجآتهم خآيفين على ريآجيلهم ..
الحمدلله والشكر كأن مافي بنات غير رفيجآتها ..
يعني الشارع متروس بنات مالقيتي الا رفيجآتج ..
بصرآحه عن نفسي اتكلم اول مآتملج اي وحده من رفيجآتي آبعد عنهآ ..
آحسن بدل لاتبدي هي انا ابدي بكرامتي ههههههه ..
لانهآ صآرت موضه انا ملجت خلاص اغير رقمي ومارد على رفيجاتي
متخلفين بصرآحه رفيجآتي اللي تغيروا يوم تزوجوا ردوا بس رفضتهم ..
لآن منطقهم سخيف شبي بزوجج بالله خايفه عليه حتى صور ماتورينا
مآدري بنرقمه ولا بناكله ..

شكرا ع الموضوع الحلو خليتيني اتنفس

 

[غرور وايل]

آممم صحيح في كككثير مـ،ن آلبنآآت تغيروآآ ..

آتووقع في بنآت من آنفسسهم تغيروآ و في آللي أزوآجهم منعتهم ..

بسسس مآ يآثر آتصصآل مرهـ ف آلآسبووع ..

لآن آلصصديق وقت آلضضيق ..

آلله لآ يحرمني من وجوودهم يآآرب ..



؛

 

[نونو العصله]

ما تخخللى عنهم بس مو نفس قبل اي وقت تكلمهم
مسؤولية اليديده و مشاغل الحياة

 

[الزورق222]

مو صديقة اللى تتخلى عن صديقتهااا الزوج مو كل شى بالدنيا المرأه لازم يكون لها جزء خاص فيهااا تهتم بنفسها وصديقاتها مو كل شى الزوج تركض وراه جنها ظله ..خلوه يتهوى اشوى ههههههههههه
المهم اللى صاير اتوقع الزوجة ماتبى صديقتهاا مثلها مثل التلفون اللى تغيره وتطلع رقم جديد مالت عليهم افكارهم بالية اكره هالنوعية وان شاءالله مااتقابلنى هالنوعية مع انها صارتلى مرة واتمناها ماتتكرر للاسف قريبتى اول ماتزوجت حسبت انها ملكت الدنيا وصارت السلطانه هويام وفى الاخير تطلقت ورجعتلى صج ارجعت لى لان قلبى كبير اسامح بس مستحيل ارجع كما كنت فى السابق احترمها واسولف معاها بس لتقضية وقت فراغى لكننى لااعتبرهاا صديقة ودايم اهملها ولاارد على تلفوناتها ماتهمنى .. اما صديقتى الحجازية فماشاءالله عليها هدية من ربي لى صديقه بمعنى الكلمة تزوجت وكانت معاى من احسن مايكون لانها واثقة من نفسهااا وهذاهو المفرو ض وتطلقت وارجعت بعد مثل ماكانت هى صديقتى من 7 سنوات وللان اعتبرهاا الصديقة الحقيقة لى ..
ياكثر اللى اعرفهم لكن قليل من القبها لقب صديقة ..يمكن وحدة او ثنتين اعتبرهم صديقاتى اما الباقى هم زميلات مهما قويت علاقتناا ..

 

[$ بنت علمي $]

يأكثرررر هالنوعيه صج تخلف !

يعني رفيجاتج عشره عمر كنتي معاهم من ابتدائي متوسط ثانوي جامعه

يعني سنين وبلحظه انج ملجتي خلاااص نسيتهم شدعوه !

بياكلون زوجج !

صحيح أنه سالفه الأزواج يأخذون رفيجات زوجاتهم كثرت هالأيام ~

بس مو الكل نفس شيء

أكيد رفيجتج إنتي عارفتها عدل مؤمعقوله بتحط عينها على زوجج !

هذا هو السبب الرئيسي خوفها على زوجهاا من رفيجاتها ~

والي تقولي مشغوله معاه واهلله شدعوه 360 يوم مجابلتهم مأمليتي !

والسبب الثاني يكون بالزوج نفسه يرفض وجود الرفيجأت لزوجته ~

ؤانا لأيمكن اتخلى عن رفيجاتي لأنهم جززززء مني ~

ويعطيج العافيه ~

 

[ماركة انثى‘]

عن نفسي آيي آظل آحب رفيجاتي و آحتاجهم << لآنة آحنآ حيل حيل مع بعض:eh_s(17):

 

[حبي بيرين]

الدنيا تلاهي وانا اختك بس فيه ناس تتغير وناس لا اللي معدنها اصلي ماتفرط قي صديقتها بس عشان الزواج

 

[أإلع ـشق دلع ـهـأإ]

في نوعين يآقلبي من الرفيجآت ..

النوع الاول : البنآت الوفيآت يآلي تزوحوآ مآنسوآ رفيجآتهم ببس تقدرين تقولون لهوآ شوي بسبب ظروفهم عندهم زووج وبيت وعيآل مآعندهآ وقت علشآن تسولف مع رفيجآتهآ حتى إذآ رآحت لآهلهآ تبي تقعد معآهم يعني بختصآر مآفي وقت كلششش بس يحبون رفيجآتهم وبقلبهم موجودآت

النوع الثآني : البنآت اللي مآصدقوا ع الله تزوجوآ تشيخ على رفيجآتهآ وترآني مره وتدلع عندهم وتخليهم خلااص مآتبي رفيجآتهآ تبي بس زوجهآ وخوآتهآ والنوع هذآ منتشر بكثره ..

وبيني وبينج الرجل مآيبي البنت عندهآ رفيجآت يخآف عليهآ إنهم يخربونهآ او شي

وترآ الزمن هذآ مآعآد فيه صدآقه اذآ حتى الآخت ينخآف منهآ ؟؟

وكثرة سآلفة البنآت اللي يخونون رفيجآتهم ومآفي ثقه ..

الله يستر علينآ يآرب

 

[عادت ذكرياتي]

ما يمنع من التواصل بين فترة والثانية ...

 

[روح العطش]

مافي وحده ودها تخسر صديقات عمرها خاصة إذا مقربين منها وايد​

لكن بعض الازواج هداهم الله كأنهم يمكلون المرأة مايحق لها تتواصل مع ربعها​

ولا أهلها إلا بإذن من سي السيد :rgewrg:​

لا تزعلين حبيبتي ولا هي سالفة مب شايفين خير لا والله الامر يخرج عن إرادة الوحدة ​

مسؤوليات الزوج والعيال وخاصة إذا كان الزوج حنان وعياله أخس منه وين النفس حق السوالف​

وجمعت الربع ​

أعرف وحده زوجها من يدخل البيت ماترد على المبايل بالمرة ​

ويومي الجمعة تعتبر معزولة عن العالم لأن حضرته في البيت ​

وبعد في من الرياييل متفاهمين وحبوبين مايحرمون الحرمة من حق التواصل مع ربعها​

وياكثر اللي خسروا صايقاتهم عقب الزواج ولما احتاجوا يرجعون لهم مرة ثانية​

سارت فيه فجوه تغيرت القلوب وذيج المحبة آه راحت تبخرت ​

يعطيج العافية .​

 

[G!RLooNa]

اي اكيد طبعا تحتاج يعني بتعيش حياتها حق ريلها بس !! ليش الريال لي تزوج يهد ربعه عشان زوجته !!! ليش اهيا تهد رفيجاتها عشانه !!! اللي تهدهم و تتبرا منهم من كيفها هذي مو شايفه خير و ما تبين الصداقه بعينها و خل يفيدها ريلها مردها بتمل و تزهق و تروح تراكض ورا رفيجاتها عاد حلاته يعطونها احلى سكب وقتها ... و المتخلف اللي يمنع زوجته عن رفيجاتها و اهيا تماشيه و تعطيه ويه خل تظل جذي بدون شخصيه يمسح شخصيتها و وجودها و خل تعيش حياتها حق الطباخ و النفاخ

 

[G!RLooNa]

اي و شوفوا شلون الريال يحب المره اللي عندها حياه اجتماعيه و شخصيه ما يحب اللي تعبده و تقدسه استغفر الله حتى لو بين العكس !

وحده نعرفها تزوجت و قطعت علاقاتها برفيجاتها و من تقعد ويا ريلها ما ترد على على موبايل ولا غيره كل وقتها حقه يعني يكون سنع لما قطها بوهها قالها انتي شفيج جذي ما عندج رفيجات ما تدقين عليهم ما يدقون عليج ما عندج حياه اجتماعيه ! عاد قامت تقولهم اذا يا بدزلكم مسج عشان تدقون علي واهوا موجود عشان يعرف ان عندي رفيجات :dddds: مش كان من الأول

 

[بنت العقربيه]

طبعا تحتاج لصديقات

لكن اذا مرت السنين ولا فكروا انهم يتصلون الله يحفظهم

 

[manoooram]

اكيد اظل احتاج صديقاتي
لأن الرجل بطبيعته يكون مشغول بوظيفته والتزاماته الخارجيه
والزوجه تجابل عيالها وبيتها فأكيد تبي الرفجه الحلوة اللي تخفف عليها عبء الحياة وترفه عن نفسها شوي

 

[جوجوو نايس]

آكيد لازم عندها رفيجااات ..~
بعض مرات يكون رجل مشغووول
شئ ضرور ي الصدااقه بحياااهـ...~

 

[كراميلا مرة]

الصداقه شيء لابد منه
مايغني الزواج ولا يكون بديل عنها

 

[alhnan]

والله الصداقه حلوه ومهمه في الحياه شحلاتها لو عندج رفيجات تزورينهم بدون كلافه بين وقت والثاني و تاخذين عيالج معاج يتعرفون على عيالهم و زوجج بعد يتعرف لى زوجها و ممكن تاجرون شاليه مع بعض و ممكن تسافرون قروب مع بعض شي حلوووووووووووووو حييييييييل
بس عن نفسي ما عندي رفيجات او بالاصح العلاقه صارت سطحيه يعني ماقدر اشكيلها او اي شي بس سلام
والسبب بناتي كل مسؤليتهم علي و الابو هايت مو متحمل اي مسؤليه ف ما افضى للصداقه و الزوارات بس على اعصابي اربي و ادرس
وسلاااااااامتج

 

[c a t w o m a n]

كعادي حبيبتي وايد جذي


شوفي اقولج من خبرتي البسيطه

ايللي تتغير عليج هذه عقرب رمل

انسيها ولا تردين علاقتج فيها وابعد عن الشر و غنيله

أما باجي رفيجاتج لا تقطعينهم انتي تلقائيا مراح تكونين فاضيه نفس قبل بس لازم تصير شويه حدود بينج و بينهم مهما تكون علاقتج فيهم قوية

العلاقه الحلوة بين الرفيجات شي وايد حلو

شوفي انا وحدة من رفيجاتي كنا مثل خوات كنت ادري انها مخطوبه فجأه لا حس ولا خبر كانت معاي من اولى ثانوي يعني ١٢ سنة رفيجات ... تالي دريت انها تزوجت بس انا مو من النوع ايللي يتشره و ما يصدق خبر يصير شي اتشره فيه ... خليتها مدة سنة تقريبا دقت علي من نفسها وانا استانست ها شلونج شخبارج مبروك الزواج قلتلها على غشمرة ها صرنا منهم نتزوج و ننسى اشوف انا فيني خير ما نسيتج خليها تقولي شنو صار معاها من a to z طلع عندها ظروف و مشاكل اهل و زواجها صار بسرعه بسرعه على ما استقرت حياتها فضت حق الناس



الزبدة بلا هالطوالة


مو كل من يقطع فجأة يكون منه التقصير يمكن فيه ظروف اقوى فوقهم يعني انا لو من هالنوع من البنات جان قلت صج مو شايفه خير و ما صدقت و شدعوة تزوجت ما تسال


حلو الانسان يكون ذرب حتى بالتشره

انا عن نفسي اسرار بيتي ما تطلع لا حق القريب ولا البعيد وما اسمح لهم يسالوني اسئله خاصة واهم متفهمين وايد راقيين هالبنات و مقدرين رغباتي و علاقتنا صارت اقوى من قبل الله لا يحرمنا من بعض


بس اذا انتي ما عندج رفيجات ترى تقدرين تعيشين بدونهم مو شي ضروري بالحياة اذا بترفهين عندج اهلج بنات العايلة والقراب


هذيل رفيجاتي من عمر وأي وحدة خوش بنية اتعرف عليها او اصادفها اعتبرها زميله مهما كانت زينة


والله يوفقج ويبعد عنج شر كل من يكيد و يحسد و يدبر








و سوري عالاطاله