هل المتزوجه تحتاج لصديقات

[ياحبي للكويت]

مرحبا بنات
كيفكم؟
عندي موضوووع اتمنى تناقشووني فيه
هل المتزوجه تحتاج لصديقات؟ والاخلاص زوجها يكفيها؟

صراحه ماحطيت الموضوع الابعد ماشفت صديقااتي بالحييييل تغيروا بعد الزواج
قبل كنا حيل مع بعض
اما الحين ناااادر مايدقن او يرسلن!!
مع ان لهن 3 او4 سنوات متزوجات!!

 

[PuPa^^SWeeT]

والله شوفي

عن نفسي

ايي اظل احب رفيجاتي و احتاجهم

مابينا مكالمات و طلعات مثل قبل

كل وحدة تزوجت و ولدت و اتجابل عيالها مثلي


بس انظل مسجات و سوالف من فترة لي فترة

و بالمناسبات انتعازم و انشوف بعض


عن نفسي ايي اظل ابي رفيجاتي و احتاجهم

 

[ياحلاتي قمر]

مالومج على هالموضوع في وايد بنات من تتزوج تصير انسانة ثانية مع ان مافي انسان مايحتاج صداقة
لا تقولين الزوج يكفي تظل الأنثى تحتاج أحد ينفهمها ومساعده من صديقاتها

بعدين مو معقولة عشرة وصحبه أيام وسنين تنسى بهالسهولة ! انا الي تتزوج اعطيها اول اشهر تنساني كيفها بعدين ياويلها

الحمدلله عندي رفيجات تزوجوا والا الحين نتواصل بالرغم من التزاماتهم بس لابد ان يكون في سؤال بين فترة وفترة وفي بنات لا والله ماتدري عن هوا داري

الريل ينسي P:

 

[Gifts&Occaions]

المراة لمن تتزوج مسؤلياتها تصير أكثر انا مااقول لايكون عندها رفيجات بس ماتكثر الطلعات معاهم والغياب عن البيت الي راح يأدي الى اهمال الزوج .

 

[StrOnG WoMeN]

صحيح الحياه تشغل الزوجه بمهتمها الزوجيه ككل
لكن الزوجه بحاجه للصديقات بوجهة نظري لو موتواصل دايم يكفي السؤال
وخاصه اذا كان الصديق الي بالفعل اسم علي مسمي الصديق في وقت الضيق وماتشوف منه الا كل خير

 

[Rero]

على حسب عقلية زوجها صراحة

مثلاً إختي من تزوجت و هي ما تشوف صديقاتها إلا لما تنفس فبيت أهلي

لأن زوجها مانعها من شوفتهم و حتى التواصل معاهم حسبي الله عليه معقد

و يا كثرهم اللي على شاكلته بس الشكوى لله ما أقدر أقولها روحي تطلقي منه

لأن كيفها حياتها و هي حرة فيها مالي شغل فيها

و أكيد في أزواج عسسل مع حريمهم و ما عندهم هالتخاريف اللي مالها داعي

و يسمحون لهم يطلعون مع رفيجاتهم بين فترة و فترة

بس أنا بصراحة ما أقدر أستغنى عن رفيجاتي خصوصاً رفيجتي الكلوز يعني

و مشكورة حبوبة ع الموضوع حبيت النقاش

 

[Miss Hayoon]

انا بصراحة احس لازم رفيجاتي .. انا توالناس علي توني صغيروونه على الزواج بس هم تظل الصداااقه

 

[المرتاحة]

صح تحتاج صديقاتها بس يكون تواصلها معاهم مو مثل قبل زواجها يعني كان ما عندها مسؤوليات ولا مواجيب ولا مجابل ريل ولا عيال

 

[najma.q8]

الحين هابين بهبه من تملج ما تبي صديقاتها

 

[ام الحوراء زينب]

اكيد تحتاج صديقاتها
الحمدلله انا ورفيجاتي اسبوعيا نتيمع ويوميا نسولف بالفون عادي
بالعكس احبهم قبل ما اتزوج وماتغيرت اتجاهم

 

[روونــا]

الحين هابين بهبه من تملج ما تبي صديقاتها

اي والله صادقه
بس شالهددف !! تخاف من العين مثلا ولا كبررت عنهم ؟

 

[ميما الاموره]

اكيد تحتاج صديقات
بس مسؤوليات الحياه بتلهي فبكون التواصل كل فتره​

 

[so faraway]

هي ومزاجها اتوقع + تحكم من زوجها ,

لان بعض الازواج يسأل بالتفصيل عن صديقات البنت ..

 

[Tulips]

صراحه اللي على قولتكم تتزوج وتتخلى عن رفيجاتها فهذي مو شايفه خير

بالعكس الحياه مو كلها متمحوره حول " الزوج "

هم الزوجه لازم تكون لها حياتها اللي تعيشها مع رفيجاتها ومع اللي تحبهم مثل ما اهو له حياته برا البيت مع ربعه بالدوانيه

انا ما انكر انه الزواج يلهي ومو شوي بعد الا واااايد .. بس رفيجة عمري اقطعها بالمره لاني تزوجت !! لا بالله انا مو صاحيه !!!

 

[راعية الطويلة]

و أنا أقول القسم منور
أثريها غاليتنا يا حبي للكويت هني


إنشغلوا الصديقات لكن ما نسوج أبد
بس أصبح الوقت عندهم كله واجبات
و ارتباطات

ما في أحد ينسى حقبة جميلة من حياته
إلا المريض

الله يجمعكم على خير و يعينكم على طاعته
آمين

 

[منار البربرية]

مممم في جم وحده جذي نعرفها تزوجت وماتبي حتى بنات عمها مسكينه​

على بالها الزواج وناااااسه يومين وطراقات حست على دمها ​

وصارت تتراكض تدورهم هااع ​

نصيحتي خلج مثل ما انتي لان حتى الحيوان حشاكم يتزوج ،،،​

ناس موشايفه خيييييييييييييير​

ولا في بعضهم تحسب واااي انا حلوة خذوووني​

هههههههههههههههههههههههههههههههههههه​

ياكرهي لبنات الديره ،،، ​

طرح مميز​

 

[تذكر خافقي رمحك]

أكيد
مو معقولة بتجابل ريلها واعيالها 24 ساعة
لازم اتغير جو .. ولا بتستخف

 

[ياحبي للكويت]

شكرا لكم حبيباتي على تفاااعلكم
و(ياراعية الطويله) القسم منووور بوجودك حياتي
كلك ذووووووق يسلملي قلبك

 

[Moon-ae]

مممم في جم وحده جذي نعرفها تزوجت وماتبي حتى بنات عمها مسكينه​

على بالها الزواج وناااااسه يومين وطراقات حست على دمها ​

وصارت تتراكض تدورهم هااع ​

نصيحتي خلج مثل ما انتي لان حتى الحيوان حشاكم يتزوج ،،،​

ناس موشايفه خيييييييييييييير​

ولا في بعضهم تحسب واااي انا حلوة خذوووني​

هههههههههههههههههههههههههههههههههههه​

ياكرهي لبنات الديره ،،، ​

طرح مميز​

هههههههههههه انا معاج بكل كلمة وبكل حرف :krkrkr:

 

[منو انت]

موضووووووووعج روعه لانه واقع شوفي هالنوع من البنات يكسرون خاطري على بالهم بس الزوج اهو اللي راح يكون الكل بالكل مايدرون ان الزوج يمل من مقابلها ليل نهار انا مااقول تطلع من رفيجتها كل يوم واربعه وعشرين ساعه بالموبايل هذره بس يبقى التواصل حلوه وحلوه تكون لج حياه وناس ومجتمع غير سي سيد لانه راح يستغرب لما مايكون لج ربع وناس يحس انج معزوله حلو بين فتره وفتره تزوين رفيجاتج تروحين للمريضه تزوين النفاس تباركين للعروس راح يحس بقيمتج عند الغير وانج مرغوبه بين البشر موليل نهار ماعندج الا اهو واهله واهلج

وصج ترى بعض البنات ياحرااام تزوجت خلاص اترك رفيجاتي زين عاد ليش ؟ شنو السبب (( اننطر الاجابه من هالنوع ياليت تكون قويه وترد )) ولا احد يقول مشغوله وماادري شنو مو معقوله مشغوله طول السنه طول الشهر طول الاسبوع طول اليوم مستحيييييييل وبالعكس ترى انتي الربحانه ترى حلو ان الانسان يكتشف معدن اللي جدامه والله احس ان هالشي ربح مو خساره اقل شي الواحد يتجنب هالغلط بالمستقبل

بعدين احس الحيين اغلب الصداقات صارت مصلحه ونفاق صج مو الكل وفي ناس فيهم خير بس الاكثر هالنوع والمشكله لما يتكلمون يقولون الدنيا تغيرت يعني احنا مالنا شغل مع ان الحيين مع التطور صار سهل تتواصلين مع اللي باخر العالم بس يلا اللي يبينا ياهلا واللي مايبينا الله يرزقه بصاحب مثل اخلاقه


سوري قرقت زياده بس الموضوع حلو ويستحق الهذررررره * _ *