هل اغتسال من جنابه او وضوء عادي؟؟؟

[دانـــه]

السلام عليكم ورحمه الله وبركاته

بنات عندي استفسار رد انفتح معاي الموضوع من موضوع اختي رقي بالنسبه بعد الجماع لابد من اغتسال جنابه صح عشان اقدر اصلي...
ولا يكفي الوضوء..؟؟
لان زوجي كان يقول انه الشيخ عايض القرني له محاضره بهذا الشأن وقال ان المرأه فقط تتوضئ اما الرجل فيغتسل اغتسال جنابه لان كل شعره بجسمه تحتها جنابه ,, الا اننا بحثنا عن الموضوع بالموقع الي كان فيه او انه كان سامعه بشريط وما حصلنا وقريت موضوع بالمنتدى وسألت اختي قالت لي اغتسال جنابه ..

ياليت تفيدوني لان بديت اشك

وجزاكم الله خيرا​

 

[رمانه كويتيه]

اختى اول شيى تغسلين مكان الجنابه عدل بعدين تتوضين كانج بتصلين بعدين اتغسلين جسمج من اليمين كله بعدين جسمج من اليسار كله بعدين اتغسلين جسمج بالماى كله يعنى الماى يحوش كل جسمج وكل شعره من شعر راسج هذى طريقة الاغتسال من الجنابه

 

[aBoOoRa]

توتا يعني بعد الجماع لازم اغتسال المراه كاغتسال مابعد الدوره ؟؟؟
لان رقي قالت لي انه لا بس وضوء ؟؟؟؟​

 

[دانـــه]

توتا هذا الي انا اسويه يعني المفروض اغتسال جنابه مو بس وضوء عادي عشان اصلي بس لاني شكيت واختي رقي قالت وضوء عادي
يعطيج العافيه

عبوووره نفس حالتي بس خلينا على اغتسال الجنابه اضمن

..
.​

 

[aBoOoRa]

صح على قولتج دانه
ومشكووووووووووره ​

 

[سبائك]

لا من قال بس وضوء!!!!!!!!!!!!!!!!

اغتسال كااااااااااااااااااامل بس الفرق بينه وبين الاغتسال عن الدوره(الحيض)

ان بالحيض اذا كان شعرج مربوط تفلينه.....اما باغتسال الجماع عادي تغسلين شعرج وهو مربوط مو مشكله

والله أعلم

 

[ياسميين]

صح كلام الخوات المفروض
اغتسال كامل​

 

[رمانه كويتيه]

توتا يعني بعد الجماع لازم اغتسال المراه كاغتسال مابعد الدوره ؟؟؟
لان رقي قالت لي انه لا بس وضوء ؟؟؟؟​

لازم اغتسال كامل جسمج كله يحوشه الماى حتى شعرج وفوق هذا اذا كنتى على جنابه حتى ابات القران مايجوز تقرينها فى ناس وايد غافله عن هالشى

 

[مس يو]

يا بنات جزاكم الله خير انتبهوا لازم بعد الجماع اغتسال كامل والماء يجب أن يعم سائر البدن ومن قال أن الوضوء يكفي أكيد زوجج هداه الله سامع غلط الوضوء اذا كنتي متكاسلة وتبينين تنامين وبعدين تقومين تغتسلين مو تصلين بالوضوء فقط لا وألف لا حرااااااام والصلاة باطلة، أصلا حتى القرآن لا تقرأينه أو تسمعينه وانتي على جنابة، والرجاء الإنتباه إلى هذه النقطة أنه لازم الماء يدخل الأنف والفم مثل المضمضة والاشتنشاق والاستنثار هذا امر مهم لتمام الغسل وصحته​

​

 

[aBoOoRa]

مشكووووووووورين بنات ويعطيكم العافيه ​

 

[دانـــه]

مشكوورين بنات ويعطيكم العافيه​

 

[أوركيد]

اغتسال كامل يسبقه وضوء للطهارة من الجماع ..

مايصير وضوء بس ...

 

[فروتى]

لابد من الاغتسال كامل

 

[دلع قطر]

بنات انا اقول ان الحيض والجنابه واحد ؟؟؟؟؟؟؟؟؟

كله غسوووول كامل ..

بس طريقة الاخت اللي ذكرت لازم غسل الجزء الايمن ومن ثم الايسر وووو ..؟؟؟

افيدوني بهذااااااااااا هل هذه الطريقة في غسل الجنابه ولا مافي داعي لهالطريقة ؟؟؟​

 

[إمرأة مثالية]

غسل وليس وضوء فقط

ودخلي قسم الحياه الأسرية في موضوع مثبت كاتبته إختنا أوركيد