هل اعترض والا اسكت

[البابانه توته]

بالعكس لازم تفرحين بزوجج لانه صج ريال وبار باهله

حبيبتي لااا تعترضين ولا شي بالعكس قولي له زين مااسويت حبيبي

وبالنسبه للقسط تذكري انه بس شهر واحد مو اكثر مااعتقد راح تاثر عليكم

 

[امـ خــزامـى]

الله يرزقكم ويفرجها عليكم

 

[mrs.abk]

فديتج لا تعترضين على مسألة ما بتضايقكم طول العمر .. خلي اعتراضج لأشياء أهم .. البر حلو والواحد يبيع ثيابه علشان راحة أهله

عادي الموضوع لا تكدرين نفسج

 

[om fairoz]

اشكر لكم ردودكم والحمدلله على كل حال وربي يفرجها على كل المسلمين ,,,,واحبكم في الله عزيزاتي

 

[فروحته]

طيب شرايج تساعدينه؟
ادري فكرتي غريبة
و اصلا شكو تساعدينه
هدا الي بيقولوه الاغلبية
بس حاولي تقوليله لا تعطي معاشك
اعطي النص و انا بساعدك
يعني حاولي يكون الاسلوب لين
قوليله اخاف تصير عليك ديون
و من هالحجي و ربي يوفقه
اتمنى يكون حل مرضي لج
موفقة

 

[اهذريبك~]

استانسي و لا تعترضين ز احمدي ربج انه فيه خير لاهله و هو ادرى بحال امه و اخوانة ماعليه يمر هالشهر بسهالات ان شاء الله و ديري بالج تتكلمين لان ماراح يكون بصالحج ردة الفعل

 

[دنيا الصدمات]

ياما امه ربت وسهرت وشالت اللقمة من حلجها وحطتها له ما قالت ليش اضغط على نفسي عشان ولدي الي باجر بيكبر وبيتزوج وبيصرف على غيري

امه هذي تعرفين شنو امه يعني انتي معورج قلبج على انه بيوقف القرض
بس مايعورج قلبج ام زوجج تستضيق عليها الدنيا
وبعدين البنات اكيد مابيقصرون على امهم
بس الولد اشخانته بالله اسم ريال مو عشان اذا هله ضاقت بهم الدنيا يشيلهم

انا اقول حطي نفسج بهالموقف اتييبين عيال و تقصرين على روحج عشان تسعدينهم
وباجر يكبرون ويتزوجون وتضيج فيج الدنيا وما يشيلونج شنو شعورج......
انا ماقول انج قاسية قلب بس يمكن ما حسبتيها صح والدنيا كما تدين تدان

 

[muhrat uboha.]

هاذي امه ققبل لا يصير زوجج
ودام فيه خخير لامه اكيد فيه خير لج
وانتي قلتيها بنفسج مره كبيره منفصله محد لها غير عيالها يكونون سند لها
وان شاء الله فتره ضيق وتعدي والله يرزقكم ويعوضكم...

 

[muhrat uboha.]

ياما امه ربت وسهرت وشالت اللقمة من حلجها وحطتها له ما قالت ليش اضغط على نفسي عشان ولدي الي باجر بيكبر وبيتزوج وبيصرف على غيري

امه هذي تعرفين شنو امه يعني انتي معورج قلبج على انه بيوقف القرض
بس مايعورج قلبج ام زوجج تستضيق عليها الدنيا
وبعدين البنات اكيد مابيقصرون على امهم
بس الولد اشخانته بالله اسم ريال مو عشان اذا هله ضاقت بهم الدنيا يشيلهم

انا اقول حطي نفسج بهالموقف اتييبين عيال و تقصرين على روحج عشان تسعدينهم
وباجر يكبرون ويتزوجون وتضيج فيج الدنيا وما يشيلونج شنو شعورج......
انا ماقول انج قاسية قلب بس يمكن ما حسبتيها صح والدنيا كما تدين تدان

كلااامج عين العقل صددقتي بكل كلمة قلتيها:rerrerek::rerrerek::rerrerek:

 

[شندوخه]

مخالف حبيبتي السالفه مو علي مجرد شهر والله يعينكم ان شاءالله
وتذكري اللي مافيه خير لامه مافيه خير لج

احتسبي الاجر من هالموضوع وبرآيي لا تتدخلين عشان ماتطلعين بالشينه

 

[اذوب بكلامه]

صدقيني ياقلبي مدام هو بيساعد امه بر فيها لوجه الله لا تشيلين هم ابدا ربي راح يفتحلكم ابواب الرزق ويبارك لكم بلي عندكم

 

[monaty89]

خليه هالشهر وشوفي شيصير الشهر الياي
امه لازم يساعدها صح بعد الي حصل لها والله يكون بعونها
ومن الشهر الياي خل يقسم معاشه صح فبيته
وحاولي اذا قدرتي لو بمبلغ بسيط تتساعدين معاه عالاقساط عشان تخف شوي بالشهر الي بعده ومايتراكمون الحياه مشاركه عادي الزوج ابو العيال وان شاء الله ماينسى وقفتج معاه
اهو ساعد هالمره لان معاشها شهر 3 طار وانباق
ومعاشات التقاعد بعد جم يوم بينزل معاش امه وماراح يفكر يعطي المعاش الياي لان خلاص ازمه وراحت بخيرها وشرها
اهو ماعنده اخوان ؟ محد عطاها محد منهم فكر ب امه ؟