هل اعترض والا اسكت

[om fairoz]

مساكم ورد :eh_s(17):
بقولكم سالفه وشورو علي اكلم زوجي واعترض والا ما اتدخل،،، من اسبوعين مسيكنه خالتي (الي اهي ام زوجي) انباقت جنطتها من شباب حسبي الله عليهم كسرت خاطري وخاصه انهم مطيحينها بالارض ومتعوره :eh_s(2):
المهم هالحجي قبل نزلت معاشاتنا انا وزوجي وقام زوجي وعطاها اخر 150 دينار عنده وقزرناها بلي عندي والحمدلله (ام زوجي كانت ساحبه معاشها كله وحاطته بالجنطه الي انباقت ) الموضوع الحين ان نزل المعاش اليوم زوجي يقولي انا بدفع الايجار حق امي وبعطيها مصرف حقها وحق اخواني وبطوف اقساط هالشهر لان كلش ماراح يبقى معاي الا ايجار شقتنا ويا دوب مصرف بسيط لي اخر الشهر


مع العلم خالتي متقاعده وماعندها زوج منفصله وعندها حماتي تشتغل ومو متزوجه وحماتي الاصغر بالجامعه ولها اعانه وحماي هم بالجامعه وعنده اعانه واصغر حمواتي بالثانويه
انا مو معترضه ان ساعد امه بس ليش عطاها كل معاشه واهوا ماعنده لي درجه ان طوف قسط من الاقساط الي عليه
(وبعد حمواني اخوان ريلي من امه يمشي لهم نفقه من ابوهم صج انه مبلغ بسيط بس هم يساعد)
قولولي اتكلم واعترض والا اسكت

 

[شمس وورده]

حياتي ميخالف خلي يساعد امه مافيها شي بس هل شهر لان اكيد هيه هسه محتاجه واذا حجيتي راح يأخذها بغير نظره وبعدين انتي عندج معاشج ميخالف ياعمري هيه هم ربت وتعبت لازم يساعدها وهو يعرف شلون يتصرف لا تخافين

 

[om fairoz]

والله مااعترضت انه يساعدها هذا حقها عليه بس ليش يضغط نفسه جذي حيل ويخلي ديونه تتراكم انا بنظري هالشي راح يؤثر عليه اكثر من شهر
وصح كلامج اخاف اتكلم يفسر كلامي شي ثاني وانا قصدي من هالشي ان مايدهور عمره عشان يفرجها عليهم

 

[شمس وورده]

صح انا معاج راح تتراكم الديون وليش يضغط على نفسه بس من تجين انتي تتكلمين معاه راح يكول ما تردين اساعد امي وراح ادخلين بكلام ثاني وراح يفهم قصدج بغير نظره بس انتي حاولي تكلمي بطريقه ثانيه بدون مايزعل ومايأخذها بغير نظره يعني خلي يساعدها بشي المعقول ومايضايق نفسه وتتراكم ديونه

 

[om fairoz]

والله محتاره شلون بوصله الي انا افكر فيه خايفه يفسر كلامي غلط ويزعل وانا كل همي اهوا مابيه يتوهق ويصير عليه ديون متراكمه

 

[شمس وورده]

والله ما اعرف يا اختي ان شاء الله البنات يفيدوج اكثر مني

 

[ظبية بوظبي]

خليه يصرف على اهله لكن لا تعطينه شي ولا حتى على شكل سلف
لان بعده بيتعود ياخذ منش ولو رفضتي بيسولش حركات تطفيش

هو رجال وخل يدبر نفسه بنفسه بعيد عن مرته

 

[M!ss CoLoRz]

لو انتي مكانه شنو بتسوين ؟؟؟؟

المفروض تفرحين وتحتسبين الأجر

الريال الحمدالله بر بأمه مو معقولة يعيش في سعة وامه متضايقه اكيد بيحس بالذنب "حتى ولو ما كان له دخل"

ضغطوا على روحكم شهر واهوه ريال يقدر يدبر روحه بمليون طريقة إذا لا سمح الله احتجتوا وبعدين كلها شهر وتعدي

وشي كللش عادي انه يوقف قسط شهر ما اعرف شلون نظام البنوك عندكم بس عندنا في البحرين نس الناس يوقفون قروضهم شهر مثل في رمضان او العيد و تأثير هالتوقيف ما يسوى

نصيحتي لا تقولين شي الا مدحيه وقولي له جزاك الله ألف خير وان شالله عيالنا يقومون فينا مثل ما انت قايم في أهلك وانتي شيلي من مصرف هالشهر تكبرين في عينه واكيد تقدرين احنا النسوان معاشنا ثلاثة ارباعه يروح على سوالف نقدر نستغني عنها او نأجلها

 

[مـوج]

مساائك قشطه أم فيروز ..

حبيبتي ماله دااعي تعترضين !!


أنتي بعد لو معج فلوس ولج معاش سآعديهآ ، مايمنع أنه يسااعد أمه ويوقف معااها


ولو أعترضتي بيظن أنج تكرهين أمه ، هالشيء ممكن يسبب مشاكل بينكم ؟!


هذي حسبة أمج ، لو كانت أمج كان أعترضتي ؟ بكل أماانه ؟


وآلله يحآسب آللي بااقوا فلوسهاا عيال الحرام ؛ الله يهنيج مع ريلج واتمنى ماتعارضين لان مامعج حق .. ولو عارضتي تحملي اللي يجيج ..

 

[noor salam]

مساء الورد اختي الغالية لا تعترضين هذي امه و محتاجة وصدقيني اهي اكيد تدري في حالة ولدها ولكن انت لو كنتي مكانها ما كنتي راح تفرحين اذا ولدج ساعدج و زوجته كانت راضية كل الرضا انه يساعد امه و توقف يم خالتها
اكيد بتفرحين و تكبر هذي الجنة بعينج
و بعدين هذا اجر عند الله كبير انه يرضي والدينه و شوفي الدعاء الي راح يكون باذن الله مستجاب لهذا الابن البار باهله
ميخالف اليوم ماعنده و لكن الله سبحانه و تعالى راح يرزقه رزق واسع لانه بر بوالدته و ساعدها
لااااااااااا تعترضين نصيحة من اخت بالله

 

[om fairoz]

اشكركم عزيزاتي على مروركم ونصايحكم جزاكم الله خير
والله بلعكس انا فرحت لمه ساعد امه ودايم بين فتره والثانيه اذا حسيت ان زوجي الماده عنده زايده اقوله قط على امك جم فلس فرحها ان في ظهر لها ولعيالها وانا بعد مو قصره فيهم وربي شاهد علي
انا اعتراضي ان اوكي ادفع لها الايجار والباجي اهيا تدبر نفسها عندها معاش حماتي واعانه عيالها الاثنين وغير جذي نفقه عيالها اعتقد انها تقدر تدبر نفسها بكل هذا واهوا اساسا كان معطيها قبل المعاش 150 اظن هذا كافي،،،
انا بمعاشي شايله وايد حمل عن زوجي لان معاشه مو ذاك الزود غير الاقساط والنفقه الي عليه لان مطلق وعنده عيال عايشين عند امهم واهوا بلي بسويه راح يأثر عليه اكثر من شهر لان الشهر الياي راح يخصم البنك شهرين وبجذي ماراح يقدر يدفع باجي اقساط الشركات وبيدش بدوامه الاقساط المتأخره
وهذا الي انا احاتيه

 

[om fairoz]

عموما انا باخذ بنصيحتكم وماراح اتحجى ولا اعترض وربي يفرجها علينا وعلى خالتي وعلى كل مسلم يمر بضيقه
وجزاكم الله خير خواتي كويتيات المنتدى

 

[عاشقة العباس]

صح انا معاج راح تتراكم الديون وليش يضغط على نفسه بس من تجين انتي تتكلمين معاه راح يكول ما تردين اساعد امي وراح ادخلين بكلام ثاني وراح يفهم قصدج بغير نظره بس انتي حاولي تكلمي بطريقه ثانيه بدون مايزعل ومايأخذها بغير نظره يعني خلي يساعدها بشي المعقول ومايضايق نفسه وتتراكم ديونه

صح كلامهاااااا عين العقل انا اايدها صراحه كلشي بتفاهم ينحل:eh_s(15):

 

[المحاميه ن]

ما تضيق الاتفرج
ورحمته وسعت كل شئ
ولاتعلمين ماذا يخبئ لك في الغيب
وتشوفين كل شي بنحل بمشيئته
فكري اذا كبرتي ابنك رح يتصرف معاك نفس الشي

 

[mi corazon]

اللي يبر أمه اهو الانسان اللي تأمنينة على نفسج وعيالج لأنه راح يبرج ويبرهم

عفيه عليج ماتسرعتي واعترضتي علشان لا تطلعين بالشينه وهم احتسبي الأجر

من فرج عن مؤمن كربه فرج الله عنه كرب يوم القيامة وهاذي أمه المفروض تحثينه يسابق اخوانه في برها ورضاها

منها اجر لج ومنها تكبرين بعينه

ووبنفس الوقت لا تخلينه يعتمد عليج يعني يتحمل التقشف ولا يتسلف منج علشان يتحمل مسؤلياته ولا يتعود ياخذ منج

وهم علشان ما يعتمد عليج ويفسفس فلوسكم بعدين على غيره

واستخيري

 

[*E.B.D.A.3*]

لا تعترضين
العمل الطيب لاصحابه ..
تزرعينه اليوم، تحصدينه باجر ...

 

[نـعـومـه]

دام بس شهر عادي طوفي بس اذا اكثر من شهر هنيه قوليله بهدوء

 

[ام الحلوااات]

لو انتي مكانه شنو بتسوين ؟؟؟؟

المفروض تفرحين وتحتسبين الأجر

الريال الحمدالله بر بأمه مو معقولة يعيش في سعة وامه متضايقه اكيد بيحس بالذنب "حتى ولو ما كان له دخل"

ضغطوا على روحكم شهر واهوه ريال يقدر يدبر روحه بمليون طريقة إذا لا سمح الله احتجتوا وبعدين كلها شهر وتعدي

وشي كللش عادي انه يوقف قسط شهر ما اعرف شلون نظام البنوك عندكم بس عندنا في البحرين نس الناس يوقفون قروضهم شهر مثل في رمضان او العيد و تأثير هالتوقيف ما يسوى

نصيحتي لا تقولين شي الا مدحيه وقولي له جزاك الله ألف خير وان شالله عيالنا يقومون فينا مثل ما انت قايم في أهلك وانتي شيلي من مصرف هالشهر تكبرين في عينه واكيد تقدرين احنا النسوان معاشنا ثلاثة ارباعه يروح على سوالف نقدر نستغني عنها او نأجلها

:eh_s(15): :eh_s(15): :eh_s(15):

 

[Perfume]

لا تعترضين حبيبتي
لانه انتي اللي راح
تطلعين بالشينة
تقدرين تقترحين انه يقط مبلغ
واخوانه كل واحد يقط مبلغ

 

[his only]

امه ثم امه ثم امه ..
اتوقع لو صار هالشي بامج جان سويتي نفس تصرفه..
يمكن اهما الاخوان متفقين كل شهر واحد يعطي حق امه ما تدرين؟؟
بس اذا يقدر ايوازن الامور بطريقه ما طوفي السالفه يخيه..
اهله في ضيقه و ان شاالله تعدي
يعني معقوله يتخلا عنهم واهما محتاجينه؟؟
و ما تدرين بعد يمكن اهوا الوحيد الي بار بامه والحمدلله الي رزقج بانسان بار
اذا هالام ما عندها غير هالصبي يبرها شتسوي :eh_s(2):
ادري اهيا صعبه عليج وبيتج له حق عليج بس ما دام اهوا في خير حق امه
اكيد ما راح يحط علا ظهره شي ما يتحمله و راح يدير باله علا بيته وياج انتي بعد
بس اشويه صبر في هالمحنه
الله يسهل عليج يارب :eh_s(7):