هل احللها ابلابتوبي ولا لا بلييز ردو علي

[Miss beko]

السلام عليكم

بنات مابي اطول عليكم ..

انا كان عندي رفيجتي محتاجه لاب توب و قتلها اخذاي لابتوبي اليوم ولما اتخلصين شغلج اخذه منج .. و بعدها بسبوع صارت بيني و بينها مشاكل و وخرنا عن بعض .. ف بعد المشكله قتلها ابي لابتوبي ! فما رضت اترده لي(معنه في اصوري و اصور اهلي)و البنت ما منها امان !! و لمن دخلت ابوي بالسالفه قالت اني ما عطيتهااللابتوب !! هاذي السالفه صارلها سنه ..

و انا طوول هاذي السنه وانه ادعي عليها و اقول اني مو امحللتها ابلابتوبي لا دنيا ولا اخره !!

سوؤالي : هل يجوز اني ما احللها ابهالموقف ؟؟ :eh_s(2):

 

[ReDLOve]

ويييي نفس هالحركه صاارت ابنت خاااالتي بحفله التخرج صووووووووووووورنا بالعرررررس و الشالييييه و السفرااات !!! وحده منقبه يه مخطته و مشت(

والله اللاب بالطقاااق الله يعوضج بس اهم شي الصووووووور ان شاء الله على الاقل تطلع بنت اصل و تمسح الصورر !!!

والله حليلها و ادعي ان اللاب يصير فيه عله و يووقف عليهاااا :\ حسبي الله و نعم الوكيل فيها

 

[Miss beko]

اي والله الله اعوضني ! انا مو هامني الاب توب ! و بداله 10 ! بس لصور هامتني ؟

و انا صج كل يوم ادعي اني مو امحللتها ! لانها العبت بعصابي مو بس خذت الاب توب !

ف هل يجوز الي انا قاعد اسوييه ؟؟

 

[..<< ندى الورد >>..]

تخيلي معاي يوم القيامه ان روحها تتعلق بين السما والارض

لانج مو محللتهاا

قولي الله يبحهاا ويحللهااا صدقيني الله سبحانه وتعالى راح يعينج

وفس النهايه انتي المستفيده اجر لج لانج حللتيهااا والمسامح كرييم

واذا علا سالفه الصور كلمي احد من اهلهااا ووضحي الموضوع لهم

 

[لبابة]

قولي حسبي الله ونعم الوكيل وبس
وإستودعي ربك الصور وإن شاء الله مايصير إلا كل خير .

الله يهديها ويفتح على قلبها هذا جزاك يعني ؟
الله يعينك ويفرج كربتك ()

 

[*غـرااام*]

والله مادري شقولج بس حسبي الله ونعم الوكيل فيها
حسبي الله ونعم الوكيل بكل من يسوي جذي مثل هالتصرفات

 

[فديت منورة]

لاحول ولا قوة الا بالله

استغرب من اللي تحط صورها باللاب توب و الموبايل بعدين تتحسف لما يضيع او ينباق

دزيلها مسج انج مو محللتها ليوم الدين و تحسبي الله فيها

وان شاء الله تصحى و ترده

 

[مس دلال]

سؤال بس
حتى لو اللاب توب مافيه صور انتي طيبه وساعدتيها وتسكتين على اللي سوته لك !!!
من جدك والله اروح وافضحها عند اهلها وماطلع من بيتها الا فيه ناكره الجميل

 

[وطن التميز]

يجوز
لكن الأفضل تحللينها ، وما تدرين
يمكن الله يستر عليج ويحفظ صورج بسبب عفوج عن إختج المسلمة



ومرة ثانية لا تحطون صور خاصة بلابتوباتكم

 

[جوري وبنفسج]

السلام عليكم​

هل وصلتي لها كلامج بأنج مو محللتها >> ترى والله تلعب بأعصابها هالكلمة وما تخليها ترتاح​

كل شوي دزي لها مسج بأنج مو محللتها لين ترجع اللاب توب ​

وكثري من قول ( حسبنا الله ونعم الوكيل )
و ( لا إله إلا أنت سبحانك أني كنت من الظالمين )​

وبالنسبة للصور أدعي ( اللهم أسترنا فوق الأرض وتحت الأرض ويوم العرض )​

ورسالة هامة للكل لا تحطون صوركم بالاب توب والتلفون​

توه قبل كم يوم أعرف ناس لاقين عند سايقهم تلفون يقول أنه شاريه من هندي فيه صور عايلة وبناتهم أخذوا منه التلفون ومسحوا الصور والفيديوات كلها ورجعوا له التلفون .​

 

[Miss beko]

اي والله حسبي الله عليها ما عندها لا ذمه ولا ضمير ! لا و من وقاحتها , اقولها : حوبتي ما اتعداج !! تدرون شترد علي ؟؟ تضحك و اتقوولي رووحااي يا ام الحوبات !!(تتطنز) !! اقولها و اقول حق خواتها لكبار اني مو امحلليلاتها , يضحكون و اقولونلي !! احنه سوينا حق لاب توبج فورماات ((بس لاب توبج انسييييه)) ماراح اتشمين ريحته !! (( شوفاو قلة الادب ))!!

انا الاب توب ما ابييييه و انا مو ناقصني شي الحمدالله ! بس صج احس مو امحلاتها ! حتا لو بقول اني امحللاتها بس من داخلي احس لاا !! موعان الاب توب بس عشان عديتها مثل اختي سنتين و و عطيتها اياه جذي اتسوي ؟؟!! صج حسبي الله عليها حسيبن عظيييم !!!