هل أنت مسيحية أم مسلمة ؟ عيد الحب المسيحي

[Combat]

اول شي الكل يدري ان عيد الحب حرام ليش تبررين انتي وياها لنفسكم
وللمسيحين احنا عندنا عيدين الفطر والاضحى غيره مافيه شي اسمه عيد
حب والاخت الي تقول تغيير روتين بين الزوجين غلطانه ياقلبي الوحده
اذا بتغير روتين حياتها مو عن طريق عيد الحب تهدي زوجها باي وقت مو
شرط تنطر عيد الحب لين يجي وتهديه وواضح من الحديث مايبي لها كلام وتبرير
والي يحتفل بعيد الحب وهو يدري انه حرام يعتبر كافر
مشكوره صاحبة الموضوع

شنو على كيفج انتي الي يحتفل كافر
لا مو صحيح شهالتطرف لاتتأالين على ربج اعوذ بلله
قال صلى الله عليه وسلم (ان رجلا قال والله لا يغفر الله لفلان وان الله تعالى قال من ذا الذي يتالى علي ان لا اغفر لفلان فاني غفرت لفلان واحبطت عملك)
روحي استغفري ربج حبيبتي ولاتحمسين وايد ولاتيبين لي فتاوى انا يايبتلج حديث فوق كل فتوى وكل اجتهاد

 

[Jolyan]

واقع مر الي قاعدين انعيشه الحين
للأسف ......

 

[رانس]

شنو على كيفج انتي الي يحتفل كافر
لا مو صحيح شهالتطرف لاتتأالين على ربج اعوذ بلله
قال صلى الله عليه وسلم (ان رجلا قال والله لا يغفر الله لفلان وان الله تعالى قال من ذا الذي يتالى علي ان لا اغفر لفلان فاني غفرت لفلان واحبطت عملك)
روحي استغفري ربج حبيبتي ولاتحمسين وايد ولاتيبين لي فتاوى انا يايبتلج حديث فوق كل فتوى وكل اجتهاد

ههههههههههه الحمدالله مستغفره من قبل لا تقولين لي روحي انتي الي استغفري ربج بس
انتي تبين نقولج عيد الحب حلال عشان ترضين لا والله ياقلبي
عمرج مارضيتي عيد الحب حرام والي يحتفل فيه يعتبر كافر
لان احنا المسلمين ماعندنا الا عيدين والي بيحتفل بغير هالعيدين
يعتبر كافر والي مو عاجبه ردي لا يقراه لان الناس في هالزمن صارت ماتحب
تسمع النصيحه ولو نصحنا صرنا معقدات خيرر ؟؟

 

[Miss Basma ..}]

valentines day ما يعتبر عيد ديني
اوكي ما اختلفنا على انه مسمى على اسم قديس
بس مافي احتفال بالكنيسة و لا صلاة معينه لهذا اليوم
و اكبر دليل على انه المسيح و اليهود و الهندوس و كل الديانات قاعدين يحتفلون فيه مو مقصور على المسيح
أول شي .. أدري أنه مافيه احتفال بالكنيسة و أنا قلت أنه مسيحي مو لأنه ديني بل لأنه الي اخترعه الرومان الي تنصروا بعدين و كملوا يحتفلون فيه و أيضا قصته تتكلم عن الشهداء المسيحيين
بس خليني أقول معلومة بسيطة .. الكنيسة الكاثوليكية هي الي قررت أن عيد الحب 14-فبراير بدلا من احتفال لوبركايلي الوثني

عموما .. سواء كان عيد نصراني و إلا لا .. بالنهاية رسولنا قال أن أعياد المسلمين هم اثنين فقط
بالتالي ما راح تتغير فكرة أن عيد الحب هو للكفار و ليس للمسلمين
و من تشبه بقوم فهو منهم
شنو الاشكال اذا الازواج بهذا اليوم استانسوا مع بعض و تهادوا فيه؟؟
تغيير عن الروتين البايخ الي الزوجة بالبيت مجابلة اليهال و الزوج لاهي مع ربعه بالدوانية
على الاقل يستانسون مع بعض و تنبعث السعادة بينهم
شوفوها من ناحية اجتماعية فيها شي ايجابي
عفوا .. السنة 365 يوم .. معقولة بس عيد الحب الي يغيرون فيه الروتين و باقي الأيام كلها روتين ممل ؟ لا طبعا
و الي تسأل ليش اهم ما يحتفلون بأعيادنا و احنا نقلدهم بكل شي
لسبب وحيد انه تأثير المسلمين بدول الغرب ضئيل يعتبر معدوم على عكس تأثير الغرب قوي علينا سواءا بالمفيد و غير المفيد

واضح أنه تأثيرنا ضئيل .. عاد ما شاء الله احنا المسلمين معروفين حتى من قبل أحداث 11 سبتمبر و الحين وايد ناس يدخلون للإسلام .. هذا مو تأثير ؟
و بعدين الغرب ما يحتفلون عشان تأثير و غيره
لأن عندهم عزة نفس و يؤمنون بحضارتهم و تقاليدهم

 

[Miss Basma ..}]

ماله خص مسيحيه ولا مسلمه عشان احتفل ولا لا

اصلا هذا مب احتفال بمعنئ احتفال

كله يوم ف السنه represnt love, okay we love each others every day, but what's so harmful about giving a specific day

to celebrate love? I cant get it. :/

له خص بأنج مسلمة لأن رسولنا قال أن المسلمين لهم عيدين فقط و من تشبه بقوم فهو منهم
طبعا كلام رسولنا مو مهم عند البعض

 

[Combat]

ههههههههههه الحمدالله مستغفره من قبل لا تقولين لي روحي انتي الي استغفري ربج بس
انتي تبين نقولج عيد الحب حلال عشان ترضين لا والله ياقلبي
عمرج مارضيتي عيد الحب حرام والي يحتفل فيه يعتبر كافر
لان احنا المسلمين ماعندنا الا عيدين والي بيحتفل بغير هالعيدين
يعتبر كافر والي مو عاجبه ردي لا يقراه لان الناس في هالزمن صارت ماتحب
تسمع النصيحه ولو نصحنا صرنا معقدات خيرر ؟؟

اي نصيحة
هذا تكفير يعني جنج اتقولين صلاتكم وصيامكم وطاعاتكم مو مقبولين ريحوا عمركم من الاخر
يخرب بيت النصح الي نفس جذي :krkrkr:
عيل الي يسوي الكبائر شبتحكمين علية ياسماحة المفتي
على العموم الحكم على الشخص انه كافر اكبر من مخلوق يحكم فيه لان هذي خاصية إلهية فقط

 

[Beauty paradise]

هدوو هدوو كل شي ينحل بالتفاهم مو بالهواش .. الله يهديكم

 

[عاشقة الككاو]

معروف من واحنا يهال عيدالحب حرام ومو خاص لدينا الحنيف
شكو نحتفل فيه
عندج طوول ايام السنه ما لقيتي الا هاليوم !
طيب حبيبتي مو مشكلة احتفلي ولبسي احمر وكل شي بس مو بهاليوم هذا تحديدا تجنبا للشبهات
ولانج تحبين الله وتتبعين كلام رسوله صلى الله علية وسلم ..


وبالله التوفيق

 

[ببي جونسون]

لاتعليق