.. هل آتنـآزل عن حقي الشرعي .بالسكن المستقل اللي مسبب لي آلم وضيق نفسي ..!!**

[ديانا سبنسر]

لاتهدمين بيتج بيدج شنو مهلة شهرين راح يعتبرج تظغطين عليييييه ويعند ومايسوي شي خلاص اصبري يمكن مع اليهال والازعاج بيتغير ويشوف انه انسب حل لكم سكن مستقل اصبري وانا اختج على ريلج دامه زين معاج ومومقصر تحمليييه واصبري عليه باجر يتغير الوضع

 

[مــســك]

ديآنا حبيبتي .. الله كريم ..


هذا انا صابره ومتحمله .. بس قلت له هالحجي .. جود يتسنع واشوف شنو بيسوي ..


عسى ربي يفرجها ويفرج على كل وحده مكروبه ... :/

 

[!الجادل الصعب!]

ليش م تكملين ابوج يرد يكلم ابوه .. يعني وين الشقه الي علا كيفها !
مطبخ محكر يكفي شخ ترا مو اسمه مطبخ ~> نفس حالتي
بس الي مصبرني باقي الشقه زينه
الحل يتدخلون الاهل وانتي تصرين على رايج بحدود المعقول .. لما يجيكم بيبي
وين بتحطونه ؟

 

[دلال و غلا]

ما انصحج تكلمين ام زوجج
و ردي كلمي زوجج

 

[أعشقه]

يا حبيبتي حاولي تتاقلمين ع الاقل لفتره
وشوفي زوجك كل بين وبين ولا خلي ابوك يكلمه يقوله هي مو مرتاحه المكان ضيق عليها ماتحس انها مرتاحه
اجل شوفي انا بس غرفه وربي والحمام وانتي بكرامه بعيد عني وعندي 2 عيالي ومعي
ومراعيه ظروف زوجي لين ربك يفرجها واذا لك نصيب بتطلعين اهم شي موجود في العقد السكن المستقل
لا تدخلين امه بالسالفه اذا زوجك ماسمع منك كلش بالمره كلمي ابوك لانه هو الي اتفق معهم وهو الي له يد بالموضوع
الله يعينك ويسهل امورك

 

[المكسيكيه]

الله بالعون

 

[أميره بلا قصور]

شوفي الرجال بيستضيق اذا جاله عيال

مادري هل انتي عندج عيال ولا لا

اذا ماعندج باجر اذا الله رزقج ان شاالله بيتضايق وبيوسع من كيفه

اما سالفه مايقعد عندج وكله عند اهله انا اشوفها عاديه شكثر رياجيل جذي ومنهم زوجي يادوب اشوفه ساعه ع بعضها

نوم اكل دوام دوانيه هذي حياه اغلب الشباب

وبعدين مرت حماج لاتدخلينها بحياتج سوالف عامه فقط لاغير ولاتقارنين نفسج بحريم حموانج ترا محد راح يتعب غيرج

موووفقه يارب

 

[مشتطـه]

واااي انا ضقت ما الومج والله حشرررررررررة

وغته
حلات الشقة تسرحين وتمرحين فييييها
خو 24 ساعه متزبرين بهالشقة احنا


طلعي وكلمي زوجج اهو اللي بيده المووضووووع

 

[اميره^_^بحلآها]

جد الله يعينج ..~
مالج الا اتكلمين زوجج اكثر و قول له انا ابي حقاي الشرعي ..~
و الله يسهـل عليج

 

[Geisha]

حبيبتي اول نصيحة سوالفج انتي وريلج لا تطلعينها بره ولا تشتكين لمرت حماج دييييري بالج
الحل بيد ريلج كلميه وقوليله اذا ماتبي تطلع خل نتوسع يعني اذا في مجال بالبيت خل يوفرلج سكن او مكان مناسب من حقكم
لا دخلين امه واهله لانه يمكن تفتحين لج مليون باب وعوار راس

 

[Bloom]

الله يعيننج

 

[chole_84]

والله والله نفس قصتي وربي شكيت بخواتي خفت كاتبين سالفتي
بس انا الفرق بيني وبينج بدون مطبخ غرفه وحمام ونتتتتتفه
وتدرين متى بتضااايقين اكثررررر اذا جاج جاهل
الله المستعان الله يرزقنا بالشقق ويريح جبووودنا
اكيد في ناس واجد يقولون مو هذي السالفه عاديه
بس والله والله ماتحس فيها الا الي تنحط بالموضوع بغض النظر عن اهل الزوج
حرام نظلمهم

 

[الـزين و الجـود]

مسك سوي اللي قلت لج عليه ومانتي خسرانه شي <؛​

 

[اتقي الله لتنجي]

ان الله سبحانه يحب الصابرين
اختي مثل ما انتي شايه العالم حروب وساكنين بخو
الي ال\ل منج كثيير
بهاي الطريقه بتقدرين تصبرين نفسج وكل شكري الله سبحانه ليزيدج ويرجها عليج

 

[مــســك]

مشكورين بنـآت على التفآعل ..


والي تسآل عندي بيبي .. لا ما عندي .. الله يرزقنآ ...


آنا ما اقارن ب حمياتي بكل شي .. قآرنت ب السكن .. حآلي من حالهم ..


على كلن الموضوع رآح آخذ مجرآه بعين الآعتبار .. ع قولتهم خلاص طفح الكيل ..


نوسآ ... بسوووي الي قلته لج .. والله كرييمم ..

 

[بكيزة هانم]

انا لو بمكانج ما انحكر بالشقة اعتبر بيت اهل زوجي كله بيتي .. ومطبخي اللي فوق اخليه للخفايف والمشروبات بس واستخدم ماجلتهم ومطبخهم ووونس نفسي والشقة الضيقة لها حلول بالترتيب والتخفيف من الاغراض اللي مالها داعي ..وأعيش ببيتهم بالطول والعرض مادامهم طيبين معاج .. وانتي باحلى مرحلة بالزواج استمتعي فيها بعلاقتج مع زوجج وخلي عنج المشاكل ودوارتها .. مجربه والله البيت المستقل جاي ان شاء الله

 

[مــســك]

بكيزه .. زوجي بنفسه ما يرضى اني آطول عندهم ب الجلسه .. يقولي حدج ساعه ونص ؟؟


آقوله ليش ..؟ يقولي جذي ..


ومره رحت للمطبخ بس عشان اقول حق الخدامه ماما تبيج .. زوجي طلع بوجهي وقالي شجآبج للمطبخ ؟

لان حمولتي ما ترضى اني اتدخل وآجيهم بكل حزه .. آهم بنفسهم ما يحبوون ..


يبون الجنه عندهم بنفس البيت وحكره .. ولا تجيهم كل ساعه ..!!


يعني شسوي والله ..!! أقط وجهي عليهم كل ساعه ..!!!

 

[!الجادل الصعب!]

الله يعينج
بعد بيحكرونج وناشبين فيج لا تطلعين
والله عدم الراحه بالمسكن مو شي هين ..
بس دآم للحين ماكو بيبي حاولي تقزرينها بالشقه
هذي واكيد لما يرزقكم ربي بتنحل هالسالفه ..

 

[نكهةالبرتقال]

مسألة صبر و تحمل ، و إن شاالله ربي يفرجها عليج ... بس أنتي حاولي لا تيأسين
حاولي بزوجج و صبري


و ونسي نفسج بأشياء ثانية

لا تخلين همج بس التفكير بغرفتج و أنتي محكورة


يعني طلعي عند خالتج ، تمشي بالبيت ، مارسي هوايات ...

 

[Vous jamais]

الله يعينج حاولي معاه يطلعج شقة بنفس المنطقة اللي اهله ساكنين فيها

جذي بيكون قريب منهم

و حبيبتي ما يجوز تقولين ما يخلي رحمة الله تنزل لأن محد يقدر يمنع رحمة الله