هلب بليييييييييييز

[رقي]

بنات ريلي مشتي يسافر بعطلة العيد
وين تقترحون نروح
انا عني ودي دبي
ريلي يبي ماليزيا
مساع كلمني يقوب حجز حق ماليزيا
بصراحه انا مستحرمه ماليزيا
العطله كلها اسبوع وتذكرة ماليزيا وايد
يعني لو 10 ايام او اسبوعين ممكن
فاقترحو علي
مكان حلو وهادي والتذكرة مو غاليه

 

[ombaza]

حياتي رقي اخذيها عن خبره بماليزيا والله اللي بتقطينه بدبي راح يكون اكثر من ماليزيا صج تذاكر ماليزيا وايد بس التشري والمصرف وااااايد اوفر لج من دبي دبي صارت نااااااااااااار
وكافي بماليزيا هناك الطبيعه والتغيير طيعيني وعزمي على ماليزيا احسن لج بألف مرة

 

[رقي]

مشكورة ام بزه علي ردج السريع
اهوا الحين حجز حق ماليزيا
انا ماودي اسافر احس مصرف وايد
وبنشوف

 

[Kuwait]

روحي ماليزيا مدام بخاطره
بعدين لا تستكثرين شي على عمرج
ليمتى يابنات الكويت تاوون لرياييلكم << فيني حاله نفسيه
خلاص خل يقط هالفلسين عليج ولا يقطهم بره
استانسي لو يومين
روحي روحي لا اترددين ومدامها بخاطره
ومثل ماقالت اختي المصرف ارخص من دبي صاجه

 

[رقي]

ئي والله ونتي الصاجه
عاد خالتي قالت له تبي تغير صالة التلفزيون
قالها اوكي اذا سافرتي بغيرها واصبغها
يعني انا اولي

 

[طيري الأخضر]

توكلي على الله وروحي ماليزيا حتى احنا ان شاء الله
ابونا يبي يحجز حج ماليزيا .... يقول مالي خلق زحمة دبي
واهوا الصاج ​

 

[محتارة]

ماليزيا احسن واحلى ... وبعدين اهو اللي بيدفع وماكو شي غالي على الوناسه ...

 

[الاسطورية]

الي اعرفه ان ماليزيا موغاليه وايد

روحو منطقه من مناطق مصر واي حلوين صارو مثل الساحل الشمالي يهبل

 

[عشق]

دامه يبي خل يصرف على قولت امي لا تخلين عند الريل فلوس حتى لو ربع دينار
دامه قادر على ماليزيا ومصاريفها ليش لا

 

[انا كويتية]

ويييييييييه رقى روحي استانسي لا تخافين حبيبتي على الرياييل لو ما عنده ماراح....وهالله هالله بالتسوق حق الشتا

 

[أم طه الحولة]

حبيبتي ليش مستكثرة على عمرج ؟؟؟ اذا ماتقطين الفلوس على نفسج ووناستج وانتي بشبابج متى بتقططينهم عيل !!!! روحي ماليزيا واستانسي وسويلج شهر عسل يديد مع ريلج وانسي الفلوس .. ترى ماليزيا رخيصة حيل مو غالية

 

[جبنة بيضة]

ماليزيا مو غالية وايد بالعكس زينة ترى دبي مو رخيصة حتى يمكن أغلى من ماليزيا بعدين شلج بزحمة الخليجين في العيد روحي غيري و استانسي

 

[منورة الكويتية]

ماكو على ماليزيا اتيننن
روحي واستانسي

 

[كويتية أصيلة]

انا ما ادري صراحه بس ابي اقول تروحون وتردون بالسلامه

وان شاء الله تستانسون

 

[روعة]

اني رحت دبي ورحت ماليزيا

روحي ماليزيا اهي فعلا غالية بس في اسواق رخيصة وبضاعتهم جنان ولا تسكنون فندق 5 نجوم
بو3 نجوم تقريبا نفس المستوى يمكن التذاكر شوي غالية بس الصرف في ماليزيا رخيص اذا احسنتوا الاختيار

دبي حلوة بسس ما شفت منها في الاماكن السياحية غير حديقة الحيوانات بسسسسس

ماليزيا حتى وانتي في الدرب في التكسي تحسين روحج في رحلة من حلاوة مناظرها والجبال شي خيالي جنااااان

اسواق دبي اغلى من اسواقنا في البحرين 100 مرة بس في سوق نايف عندهم اشاياء رخيصة وحلوة

توكلي على الله وروحي ماليزيا نصيحة مجرب

 

[PearL]

روحى ماليزيا اشلج بدبي


دامه عنده جم فلس ويبي يروح روحي ... ودبي ما فيها شي غير السووق والخساير

على الاقل ماليزيا طبيعه وسوق ومكان يفتح النفس

 

[قـ(عيوني)ـرة]

تبين الصراحه دبي ماحبها
رحتلها مره وكرهتها
انا وحده احب الطبيعه والبحر فاقترح عليج ماليزيا تسوق ومناظر وتغيرين الناس ودبي مافيها الا المجمعات
احنا كنا حاجزين لجزيرة موريشيوس بعد ولادتي اسبوع (عسل ثاني) بس ماقدرت لظروف بنتي الصحيه
بس جدجد الديره حلوه واهي قريبه من افريقيا

 

[نجمه*]

توكلي على الله وروحي ماليزيا احلى من دبي وارخص واهدى

وان شاء الله تستانسين وتردين بالسلامة

 

[قـ(عيوني)ـرة]

بعدين تبين الصراحه ديره فيها عرب ماحبها
فيهم بلاغة شف موطبيعيه

 

[رقي]

ابشركم
ولا راح نروح اي مكان
هونا عن ماليزيا وعن دبي
يطلع المصروف حق 6 ايام 2000 دينار
الف تذاكر والف مصرف
خلندفع اقساط المدارس احسن