هلا بنات

[i'm so happy]

مساء الخير بنات شخباركم ..؟

حبيت اسألكم لاني داير راسي بالحسبه .... :ch12:

الدوره يابنات ساعات اجدم عندي وساعات اتأخر عندي
ولا اعرف :eh_s(2):

يعني شهر واحد جاتني تاريخ 16-1-

زين احين شهر 2 المفروض متى تجيني ..؟؟؟


واللي حابه بعد تنظم لموضوعي وضايعه مثلي فالحسبه تتفضل تعرض تاريخ دورتها ..
وان شاءالله البنات مايقصرووون :eh_s(17):

 

[last piece]

انتي جم يوم دورتج ؟؟وبشهر ١٢ اي تاريخ يتلج ؟

تختلف الدوره بس معظم البنات ٢٨ يوم بس في اقل وفي اكثر
وفي بنات مو منتظمه عندهم يعني كل شهر شي !

 

[i'm so happy]

ايه انا اتيني شهريا يعني بس ماذكر بالضبط شهر 12 متى جاتني مو اكيد ممكن تكون 23 -12

شهر واحد 16 -1

واحين شهر 2

انا 30 يوم

 

[برنسيسة2007]

شوفي حبيبتي
اللي دورتها منتظمه
تعرف طولها وغالباً من٢٨-٣٧يوم
نفرض دورتج طولها٢٨يوم
تحسبين من تاريخ اول يوم للدوره السابقه٢٨يوم والتاريخ اللي عقبه اهو تاريخ دورتج
يعني انتي اخر دوره١٦\١
نحسب٢٨يوم
فراح تجيج بتاريخ١٢/٢
فاتوقع انها المفروض جايتج لان اليوم١٤
وترا لو تاخرت يومين ثلاثه عادي


اما اذا الدوره مو منتظمه اهني الحسبه صعبه شوي بس من كلامج اتوقع انتي دورتج منتظمه
وانشا الله تكونييين حااااامل يارب وماتشوفينها الا بعد٩شهور

 

[عسل حدي]

اب اب ابر

 

[i'm so happy]

يعطيكم العافية وصدقتني أختي برنسيسه كلامك صح

لاحظت فيني شئ وايد احاتي الدوره واليوم نزلت علي أحاول أنسا الحمل والدوره واخليها
علئ الله بس مؤ قادررره


بكره بكون ثاني يوم للدوره عندي وفكرت كثير وقررت أخذ حبوب الكلوميد الئ خامس يوم
بس بنات متئ يبدأ الجماع بعد انتهاء من الدورة مباشره ؟؟؟؟


أو بعد ١٣ يوم ؟؟ مثل ماهو مكتوب بقوقل لأني قريت عنها كثير فيدوني بليز

 

[برنسيسة2007]

الكلوميد ثالث يوم الدوره وافضل طريقه عن تجربه حبتين مع بعض في اليوم لمدة خمس ايام
وبعده تروحين اتسوين سونار للبويضات اذا وصلت للحجم المطلوب قدامج دربين:
اما ابرة تفجير والدكتوره تحددلج وقت الجماع
او
جماع عادي من هذا اليوم لين تخلص فتر التبويض
بس صدقيني اختي الحل هو الدعاء والتقرب الى الله وشوفي تجارب البنات كل وحده تكتب معاناتها بالمراجعات والادويه والدكاتره والالم وبالاخير تقول لجئت لله وسبحان الله حملت



ومووووفقه ياااارب

 

[i'm so happy]

تسلمين برنسيسه أنا سليمه بس طولت بالحمل وما أظن احتاج للأبر. التفجيرية

بس حبوب كلوريد. وأبي اعرف وقت الجماع متي يكون

 

[قاهره عذالي]

روحي للطبيب

بعد ماتخلصين من الكلوميد

نفس طريقة برنسيسه مثل ماقالت


روحي باليوم العاشر و ال12 وال14 من الدوره

يعني احسبي من اول يوم بالدورهـ

واطلبي من الدكتور متابعة تبويض عن طريق السونارات

وهو راح يقعد يقيس احجام البويضات لحد ما توصل للحجم المطلوب راح يقولج ابرة تفجير وانصحج فيها

ويحدد لج ايام الجماع

بس انتي دام ناويه تاكلين كلوميد روحي للطبيب اليوم او بكره

لان اليوم نزلت

والكلوميد مو لعبه لازم تحت متابعة واشراف طبيب

 

[i'm so happy]

جزاكم الله خير حبيباتي أدعولي
وبذن الله ببشركم​

 

[i'm so happy]

مراحب بنات مساكم الله بالخيرررراليوم استخدمت الكلوميد صبح حبتين وليل حبتين
مااحس مثل ماذكرتوا بأعراض التعب والألم اسفل البطن وارهاق وووو،،،،،غيرهاااا
أنا ماحس بولااااااشي لا الم دوره ولا تعب حتى !!!؟
ماادري شسالفه،،،** حد مثلي تطمني

 

[قاهره عذالي]

غلط حصه


هم حبتين باليوم

مو اربع حبات باليوم

حبتين باليوم مدة خمس ايام

انتي وصفهم لج الطبيب ؟رحتي طبيب ؟

التعب مو الحين
التعب والصرعه ايام التبويض

 

[أأأميرة الورد]

صح الكلوميد حبتين باليوم

مو اربع تاكدي حبيبتي من دكتورتج

 

[i'm so happy]

صح هم حبتين باليوم انا من كثر التوتر والتفكير والخوف اكلت 4 في يوم واحد 2 صبح و2 ليل

بنات طمنوني حد صار لها مثل موقفي وانا ترى سليمة ماحس بعراض الكلوميد الم و تعب وغيره من الاعراض ..

اليوم اكلت حبه وحده الصبح وان شاءالله الليل باكل الثانية

طمنوني هالشي عادي

 

[قاهره عذالي]

مو الاعراض ماتبين الا ايام التبويض

اختي واللي يعافيج عشان صحتج حنا ننصحج

الكلوميد مرتين باليوم من اليوم الثاني او الثالث من الدوره مدة 5 ايام فقط

وروحي للدكتور باليوم العاشر من الدوره سوي سونار وتابعي حجم البويضات

اذا انتي كليتي الكلوميد من كيفج

ع الاقل روحي الدكتور تابعي حجم البويضات والتبويض

عشان يعطيج ابر تفجير ويحدد ايام جماع

ترا مو زين تكثرين من الكلوميد هذا دوا خطير خاف يفجر مبايضج

هو له مقدار ومدة مو لعبه

 

[i'm so happy]

صح كلامج اختي اليوم بروح اتابع عند الطبيبة عن مبايضي وجزاج الله خير

بس كنت اسأل هالشي عادي طبيعي ما أحس بأي آلام او مثلا تعب مثل مايذكرون البنات
لكن زين افدتيني اختي قاهره عذالي راح اطمنكم شصار معاي

 

[قاهره عذالي]

ياحبيبتي ارد واكرر من تخلصين من الحبوب يبتدي الاثر عليج

صراحه انتي غلطانه

هذي حبوب مو لعبه رايحه تضاعفين المقدار بدون طبيب يتابع معاج ويوجهج

ماتدرين يمكن انتي فيج ضعف بطانه فيج شي ماتدرين عنه

محتاجه حبوب ثانيه مع الكلوميد

ويمكن مو محتاجه كلوميد

اللعب بالحبوب مو زين

حتى البندول ان كثرتي منه ضرج وكسر الدم عندج


هالدور كلوميد اللي بروحه ان استعملتيه فتره طويله لعب بالهرمونات وكيس المبايض

ما اقول الا انا نصحتج لاني صراحه اخترعت من اللي سويتيه

وعسى ربي يجيب العواقب سليمه

 

[عسل حدي]

اب اب ابر

 

[i'm so happy]

تسلمون ماقصرتوا انتظر هالشهر النتيجة ادعولي

 

[عسل حدي]

استغفر الله واتوب اليه .. استغفر الله واتوب اليه .. استغفر الله واتوب اليه

يارحيم يارحيم يارحيم ارزقني وارزق اخواني واخواتي في الله بالذريه الصالحه رب ذرية نرزق برها يا ارحم الراحمين