هــل ترضى أن يصارحك أحـــد بعيوبك)) موضوع للنقاش ..

[(*ام عهــــد *)]

"" السلام عليكم ورحكة الله وبركاته ""


إن لكل إنسان مهما كان له أخطاء و عيوب , فهو محكوم في هذا بقدر من الله عز وجل أن خلق بشرًا

يعتريه النقص ' كل ابن آدم له خطاء ' .

وطبعاً أنا لا أقصد بالعيوب هنا ,, العيوب الخِلقَية ولكن أقصد

العيوب في التصرفات او الطباع ..

على سبيل المثال : لو كان لك صديق وهذا الصديق به من الصفات

الجميلة الشيء الكثير ولكنه نمّام

أو كذّاب أو كثير الكلام ,, هل ستواجهه ؟؟

واذا كانت هذه الصفات فيك ( مثلاً ) هل سترضى اذا واجهك بها .

بصراحة هل ستعتبرها هدية ؟؟؟؟!!!!!

أم ستعتبرها إهانة وتدخل فيما لايعنيني أم وقاحة؟

انتظر .. وفكر قبل الإجابة قليلاً .

إذا كنت تعتبر المصارحة بالعيوب هدية كما قال عنها سيدنا عمر بن الخطاب رضي الله عنه : ( رحم

الله امرأ اهدى إلي عيوبي ) . فما هو لون الغلاف أو شكل الغلاف ( أقصد هنا الأسلوب ) الذي تحب أن

تغلّف به هديتك ؟


هل تعرف عيوبك بشكل واضح وجلي ؟ وأيهما أكثر وضوحا بالنسبة لك . عيوبك أو صفاتك الحسنة؟

بصراحة :

هل أنت مع هذه المقولة .. هل ترضى أن يصارحك احد بعيوبك ؟

و أنــــــا أتمنى من الي يقرأ الموضوع إنه يقول هو مع هذه المقوله
و لا لأ....

​

أبد أ.:s141:عادي أرضى أحد يصارحني بعيوبي بس شرط الإسلوب يكون راقي ويصارحني خاطره ينبهني وخايف علي مو اسلوب الإستهزاء جذي انا ماستقبل ويمكن أتضايق حيل وأخذ موقف,, يعني الإسلوب يفرق عند\ي حيل

تحيــــــــــاتي إختكــم :-

0(0(0(0( أم عـــــــــهـــــــــد )0)0)0)0)​

​

​

 

[ام شووووق]

رد : هــل ترضى أن يصارحك أحـــد بعيوبك)) موضوع للنقاش ..

حسب الشخص و حسب الكلام

خاصه اذا كان صديق وقريب ارضى واستانس بعد

وصديقتي لو اشوف فيها عيب اكيد بقولها وصاحبك اللي يبكيك مو اللي يضحكك ويضحك الناس عليك

 

[الباحثه]

هل أنت مع هذه المقولة .. هل ترضى أن يصارحك احد بعيوبك ؟

اكيد رحم الله امرأً اهدى الي عيوبي وايد استفيد من النقد البناء بس بنفس الوقت احب هذي المقوله اللي تقول ( إذا اتتني مذمتي من ناقص فهذي شهاده لي بأني كامل )

يعني اللي ينتقدني واتقبل منه النقد يكون انسان كااااااامل وصفه الكمال لله عزوجل يعني مافي انسان كامل وبتالي ما اتقبل منه النقد لاكن ممكن استفيد من نظرته الشخصيه لي وممكن واغير من نفسي بشي اللي اقتنع فيه اذا كان يضايق غيري

مشكوره حبيبتي موضوعج راقي وحبيت اني اكتب رايي

 

[فوفو22]

رد : هــل ترضى أن يصارحك أحـــد بعيوبك)) موضوع للنقاش ..

وعليكم السلام ورحمة الله وبركاته


خوووووووش موضوع

المصارحه بالعيوب من انسان عاااقل

اتقبلها برحااابه صدر


<<<<وبيني وبينج بين فتره وفتره بالدوام

اسأل زميلاتي اشرايكم فيني ....عندكم ملاحظات سلبية عليي ودكم تقولونه

وهم عارفين اني ما ازعل ولا اتضايق ابدا



وما احب اسمع الملاحظات الايجابية .....احب السلبي عشان اطوًره واخففه

فوفو

 

[(*ام عهــــد *)]

رد : هــل ترضى أن يصارحك أحـــد بعيوبك)) موضوع للنقاش ..

حسب الشخص و حسب الكلام

خاصه اذا كان صديق وقريب ارضى واستانس بعد

وصديقتي لو اشوف فيها عيب اكيد بقولها وصاحبك اللي يبكيك مو اللي يضحكك ويضحك الناس عليك..

صاااااجه والله ونورتي """

 

[نجمه فوشيه]

رد : هــل ترضى أن يصارحك أحـــد بعيوبك)) موضوع للنقاش ..

اكيد ارضى لان هالشي من صالحي

ومن ناحيتي اشوف اللي يصارحني بعيوبي اكيد يحبني ويبي لي الافضل

--

 

[(*ام عهــــد *)]

رد : رد: هــل ترضى أن يصارحك أحـــد بعيوبك)) موضوع للنقاش ..

هل أنت مع هذه المقولة .. هل ترضى أن يصارحك احد بعيوبك ؟

اكيد رحم الله امرأً اهدى الي عيوبي وايد استفيد من النقد البناء بس بنفس الوقت احب هذي المقوله اللي تقول ( إذا اتتني مذمتي من ناقص فهذي شهاده لي بأني كامل )

يعني اللي ينتقدني واتقبل منه النقد يكون انسان كااااااامل وصفه الكمال لله عزوجل يعني مافي انسان كامل وبتالي ما اتقبل منه النقد لاكن ممكن استفيد من نظرته الشخصيه لي وممكن واغير من نفسي بشي اللي اقتنع فيه اذا كان يضايق غيري

مشكوره حبيبتي موضوعج راقي وحبيت اني اكتب رايي

العفو ياقلبي رايج الأرقى

 

[غــلآ]

رد : هــل ترضى أن يصارحك أحـــد بعيوبك)) موضوع للنقاش ..

انا احترم اللي يصارحني بعيوبي

لكن بشروط :

1- مصارحته تهدف لشي بناء
يعني مو ايي يصارحني ان فيني عيب عشان يتشمت فيني او ينقص من قدري
لكن محبةُ فيني يقولي يافلانه انتي فيج هالشي غيب

2- باسلوب محترم غير مستفز

3- يكون الانسان اللي جدامي مافيه العيب اللي قاعد ينبهني عليه

4- مايكون فاهمني غلط يعني يعتبر رده فعل مني مثلا عيب
لازم اوضح له وافهمه واذا اقتنع اكيد بيغير رايه عني
اما اذا ماقتنع فالاكيد اني بغير نفسي للافضل


يعطيج العافيه

 

[دلوعته 305]

رد : هــل ترضى أن يصارحك أحـــد بعيوبك)) موضوع للنقاش ..

بصراحه اتقبل بصدر رحب لان هذا اعتبره من صالحي
واللي ينتقدني اكيد يحبني
مشكوره حياتوووووووووو على هالموضووووع الراقي
يسلمووووووووو

 

[قلبي سلومي]

رد : هــل ترضى أن يصارحك أحـــد بعيوبك)) موضوع للنقاش ..

بالعكس اتقبل برحابة صدر

بس تكون بطريقة مؤدبة وهادفة :friends:

اما بطريقة التمصخر ولا التطنز ياويله مني :j013:

 

[لكـ الغـلا]

.

أفضل شي لبناء شخصيه قووويه واثقه
انج تسمعين بين فتره وفتره سلبياتج من إلي حوولج
بس بشرط أنها تكون بأسلوب هادف راقي يبني مو يهدم !

آنا عن نفسي ما احب السمع ايجابياتي كثر سلبيات
عشان دووووم اسعى لبنا شخصيتي بشكل واثق وقوي اكثر للتميز بالايجابيه دوما .!
<< وه فديدتني در در لووووووووووووووول .!

 

[(*ام عهــــد *)]

رد : هــل ترضى أن يصارحك أحـــد بعيوبك)) موضوع للنقاش ..

اكيد ارضى لان هالشي من صالحي

ومن ناحيتي اشوف اللي يصارحني بعيوبي اكيد يحبني ويبي لي الافضل

--

فعلا اللي دايم يواجه بالعيوب وينصح بينكم مو قدام أحد هذا اللي يحبج ويبي الزين لج

 

[(*ام عهــــد *)]

رد : هــل ترضى أن يصارحك أحـــد بعيوبك)) موضوع للنقاش ..

انا احترم اللي يصارحني بعيوبي

لكن بشروط :

1- مصارحته تهدف لشي بناء
يعني مو ايي يصارحني ان فيني عيب عشان يتشمت فيني او ينقص من قدري
لكن محبةُ فيني يقولي يافلانه انتي فيج هالشي غيب

2- باسلوب محترم غير مستفز

3- يكون الانسان اللي جدامي مافيه العيب اللي قاعد ينبهني عليه

4- مايكون فاهمني غلط يعني يعتبر رده فعل مني مثلا عيب
لازم اوضح له وافهمه واذا اقتنع اكيد بيغير رايه عني
اما اذا ماقتنع فالاكيد اني بغير نفسي للافضل


يعطيج العافيه[/




يعاافيج ياحياتي

 

[(*ام عهــــد *)]

رد : رد: هــل ترضى أن يصارحك أحـــد بعيوبك)) موضوع للنقاش ..

.

أفضل شي لبناء شخصيه قووويه واثقه
انج تسمعين بين فتره وفتره سلبياتج من إلي حوولج
بس بشرط أنها تكون بأسلوب هادف راقي يبني مو يهدم !

آنا عن نفسي ما احب السمع ايجابياتي كثر سلبيات
عشان دووووم اسعى لبنا شخصيتي بشكل واثق وقوي اكثر للتميز بالايجابيه دوما .!
<< وه فديدتني در در لووووووووووووووول .!

عساااااااج دوم متميزه وفعلا سماع السلبيات يفيد أكثر من السلبيات

 

[(*ام عهــــد *)]

رد : هــل ترضى أن يصارحك أحـــد بعيوبك)) موضوع للنقاش ..

بالعكس اتقبل برحابة صدر

بس تكون بطريقة مؤدبة وهادفة :friends:

اما بطريقة التمصخر ولا التطنز ياويله مني :j013:

ويله ويله ههههههههه يسلمووو :eh_s(14):

 

[(*ام عهــــد *)]

رد : هــل ترضى أن يصارحك أحـــد بعيوبك)) موضوع للنقاش ..

حيااااااااااااااكم وتسلموووووون حبايبي على التفكير الراقي والروح الحلوه بإستمااااع الأراء والصراااااحه بالسلبيات

 

[الأميرة جوري]

رد : هــل ترضى أن يصارحك أحـــد بعيوبك)) موضوع للنقاش ..

اي عادي وخصوصا اذا من وحده تحبي وقلبها علي قلبي ...علشان اعدل اللي مو زين فيني

 

[Queen q8]

اذا كان شخص ناصح اتقبل طبعا*

 

[المتميزة@80]

رد : هــل ترضى أن يصارحك أحـــد بعيوبك)) موضوع للنقاش ..

بالعكس استانس اذا احد قالي عيوبي واحنا بيمعتنا نلعب لعبة الصراحه وكل واحد يقول الثاني لوووووول

هذا بالنسبة للاهل اما عموم الناس اتقبل اذا كان القصد فيه النصح مو السخرية ومايكون جدام الكل يكون بيني وبينه

وشاكرتلج موضوعج الحلو مثلج

 

[توت عنكبوت]

اللي بيصارحني بعيوبي بيني وبينها اوكي

بس المجاهرة وقدام الناس حتى لو خواتي احس تعور وتحرج

انا مجربة هالمواقف وتأثر بنفسيتي حيل

فرجاءا عيوبي اللي بيصارحني فيها بيني وبينه وبس

سامعين خواتي حمواتي صديقاتي