هــل انا مــعــقــده مع زوجي او لا ...؟؟

[غمزه وإبتسامه]

حددددددددددددددددددج معقده

 

[نبض انثى]

هذا زوجج على سنة الله ورسوله !!!!!

 

[nora al]

رد : هــل انا مــعــقــده مع زوجي او لا ...؟؟

امبييي من صجج !!!

حبيبتي انتي قااعده تبدين العادات على الشرع

تبين الصح اتبعي الشرع لاا كلامي ولاا كلام البنات ولاا اللي يعجبج

هذاا ريلج حلااالج انتي مستحيه ماتبين اهوو شنو ذنبه ؟؟ بفكر انج مااتبينه ترااا وبعيد حسااباته

اناا اقوول اتبعي الشرع وداام حلاااال هالشي وبالعكس الرسووول اكد انه لاازم تشووفون بعض بالخطبه فمابالج الملجه واهوو ريلج ؟؟؟

 

[رحيل المرافيء]

رد : هــل انا مــعــقــده مع زوجي او لا ...؟؟

طلعي جدامه لو مرة وحدة يشوفج وتشوفينه بالله ماعجبتوا بعض
شنوو هذا مو من سلومكم حبوبة هذا شرع وهو زوجج على سنة الله ورسوله لو يبي ينام معاج حقه
خلاص عاد بطلوا من هالعادات والخرابيط

 

[..الشيخه حلاها..]

رد : هــل انا مــعــقــده مع زوجي او لا ...؟؟

اي خليج ثقيله لا يشوفج الا ليلة العرس و العمر قدامكم بتشبعون من شوفت بعض

 

[بنت الدوووحة]

رد : هــل انا مــعــقــده مع زوجي او لا ...؟؟

والله والله والله مب مجاملة ،،، انتي المفروض ينضرب لج تحية على هالاخلاق ،،، لا مب معقده والمعقد هو اللي يشوفج خطاااا ،،، صدقيني بتكبرين في عينه ان شافج تستحين ،، لانه بيقول هذي متربية تربية عدله وفيها حيا ،،، مب خفيفه ميته على الريل وعلى العرس

 

[الصعيريه]

رد : هــل انا مــعــقــده مع زوجي او لا ...؟؟

مآفيهاا شي اذا طلب يشوفج لانه زوجج على سنة الله ورسوله..
بس إنتي وكيفج سواء رضيتي تشوفينه او رفضتي ..
وفترة ملجتكم حييل طولت موشويه سنتين..

انا مآشفت زوجي الا بيوم العرس مع إنه أهلي عندهم عاادي يعني مورافضين فكرة اني اشوفه وأكلمه بس انا اللي مآحبيت هالشي
والحمدالله حيااتي من أحسن مآيكون...


والله يوفقج إن شاءالله.

 

[brettey]

رد : هــل انا مــعــقــده مع زوجي او لا ...؟؟

مافيها شي انتي معقده الموضوع اصلا لازم تقعدون مع بعض تعرفون بعض يمكن لا سمح الله ما تتفاهمون ما يعجبج او ما تعجبينه لازم تقعدون مع بعض تعرفون طبايع بعض

 

[شقرديه كيوت]

رد : هــل انا مــعــقــده مع زوجي او لا ...؟؟

مادري والله شوري امج

 

[Zen&7ala]

رد : هــل انا مــعــقــده مع زوجي او لا ...؟؟

شدعوه حبيبتي هذا ريلج

راح تتحسفين والله احلى شي ايام الملجه عشان اذا تزوجتي تقوليله شلون كان يشوفج و شلون شعوره و من هالسوالف

اذا تزوجتي يعني ماراح يذكر شي !!! حبيبتي بس يعايدج او يسلم عليج مافيها شي و هذا مو يعني متحضر ولا متفتح اصلا هذا شي حييل عادي

حتى البدو الي بالبر صار عندهم عادي و احنا بدو و محافظين و عارفين هالسوالف و العادات و التقاليد الحمد الله و كا ما سوينا جذي

صح تستحيين و ما تقدرين بس والله احسن لج عشان تتذكرين الايام هذي لانها ايام حلوه

و اذا ما تبين هذا شي راجع لج و من حقج

 

[ماكنتوشه بنفسجيه 12]

رد : هــل انا مــعــقــده مع زوجي او لا ...؟؟

مااشوف انج معقده

لو يبيج ومستعجل جان حدد العرس مو مطنش سنتين ويبي كل يوم يرز فيسه عندج



سبحان الله وبحمده
سبحان الله العظيم

 

[منيرة خالد]

صراااااااااااحه ما عندج سالفه

ضيعتي احلى ايام عمرج وقت الملجه اهو وقت الدلع والدلال والكلام الحلو - تغيري وبلا عقد

 

[eman12]

مادري حبيبتى يعتمد على عايلتكم
احنا عادى نطلع ونروح ونرد

 

[monmon12]

اي حياااء وانتي على ذمت الريال

خلاص انتي من قلتي نعم طلعتي من ذمة اهلج

وصرتي حلاله يعني الريال وين يرووح على ما يصر العرس

شنو هالمنطق زوجج وعيب تكلمينه

عيل ليش ماخذته

 

[architectoora]

لا يبا حدج غلطانه

المفروض تقعدون مع بعض ،، تفهمون بعض

صدقيني هاذي فتره من حياتكم ،، واحلا ايام عمركم

حرام تضيعين هالايام ،، راح تتحسفين طول عمرج

خلج واثقه من نفسج وطلعيله

انتي راح ترتاحين واهو بعد بيرتاح

 

[خضرة ام الليف]

وي ليش خو ريلج خل يشوفج وانتي بعد مافيج فضول اتشوفينه

 

[غـــرام 92]

رد : هــل انا مــعــقــده مع زوجي او لا ...؟؟

اي صج معقدة
لا تزعلييييييييييييين


شنو هذا ..

اذا ييه شوفيه بس عاد لا اعصب عاد
لول
الله يوفقج بس من القهر انا منقهرة شلون ريلج

 

[كلمتي من نظرتي]

لا تعجبيني خليك لاتطلعين يبون يستعجلون في العرس خليك عند كلمتك لاتطلعين الا لبيتك غيريه لاااااا

 

[~Unreachable]

الصرااااحه شي مو طبيعييييي
ياويلج من الله
بس بنات اصحوا !!!!!
شحقه تحرمون اللي الله حلله و تسمونه حياا !!!
ريلج حلاااالج شحقه متزوجه دام بتستحين سنتين !!
الله يعينه مادري شلون صابر كل هالفتره
الواحد يبي يتزوج و يستقر و يعيش احلى فتره معاج
وانتي عايشه جوج مادري من قاص عليج الله يهداج
يبا طلعي معاه. و كلميه و عيشي حياتج بلا عقد بلا خرابيط
حدي احتريت :/

 

[وزيره الخارجيه]

انا من رايي دام سلمكم خلكم عليه ويوم خطبج يدرى عن طبعكم وعاداتكم طيب الرجال مستعجل خل يجدم العرس بسرعه شكو يشوف ويتعرف انتى رابطج صارله سنتين خل امج تحرج الام بدال لاتقول خل يشوفها قولى متى بتحددون العرس والله يوفقج واللى سويتيه عين العقل

انا معاج بالكلام اللي قلتيه يعني سنتين بس همه يشوفج ليش مايحدد العرس احسن