هــل انا مــعــقــده مع زوجي او لا ...؟؟

[@نداوي@]

مرحبا بنات شلونكم واخباركم ...
بنات انا ملجه من سنتين ..
وماحددو العرس بعد ..
بالعيد .. جا زوجي يسلم على امي .. وقال ابي اشوف فلانه الي اهي انا ..
طبعا ..
وماطلعت ..
ودايمن امه ادق على امي وتقول فلان بيشوف زوجته ..
وانا رافضه رفض قاطع ..لانه شي مستحيل احس مو من سلمنا ..
واانا زوجي حيييييييييييل متفتح .. يعني متحضر ..
بعكسنا .. احنا عيب البنت تكلم عن زوجها جدام اهلها سواء متزوجه او لا
في بنات يسولفون بس انا استحي .. وينقص وجهي .. والله ان يوم انخطبت وملجة
يمكن شهر ما طلعت من البيت ولا شفت ابوي من الحيا ..
بنات هل الي انا سويته عادي او لا ؟؟

 

[fulla.81]

انتي نوعيه نادره بهالوقت ..
أغلب البنات يبون يشوفون رياييلهم ويقعدون معاهم بعد الملجه
بس بيني وبينج أنا ضد هالشي .. خليه يشتاقلج وانتي تشتاقين له
ولاحقين على شوفة بعضكم ..

 

[آم آحمدو]

رد : هــل انا مــعــقــده مع زوجي او لا ...؟؟

لاحبيبتي الي سويته غلط غلط غلط الريال ماقال شي صدقيني بطريقتج هذي راح يزهق اهو ماقالج تعالي بيتنا ولا بنام عندكم اهو ريلج وحتى لو قالج هلاكلام تعالي عندنا عادي اهو ريلج على سنه الله ورسوله وانتي تقولين اهو متحضر يعني بيزخق من طريقتج خذي الله يهديج

 

[زمزم 2010]

رد : هــل انا مــعــقــده مع زوجي او لا ...؟؟

عين العقل ... الله يستر عليج .... لأن حلات البنت بحيائها.. والحياء شعبة من الإيمان... والله يحفظج ويسخرلج زوجج

 

[مشتطـه]

أمبيه انتي معقده و جدآ بعد

وين قاعدين شدعووووووووه شدعووووووووه


ليش كل هذ1

تدرين حرام !! الله ما يرضى هذ1 زوجج على سنة الله ورسوله
خليه يشوفج ..


سنتين وما شفاافج


وااااي ماتخافين يمل منج ويشوف غيييرج
!!


عطيه ويه حسسيه ان على ذمته مراا

!!!


لا حبيبتي غلط اللي سويتيه

حتى لو بدويه حيل؟
انتي امشي عالاسلام دامه مو حرام سوووووويه

 

[خـيــــــــلاء]

عطاج المهر ولا بعد

يمكن يبي يشوفج عدل على الطبيعه

لاتزعلين لان البعض صارو جذي

بس تعجبيني لاتطلعين بيقول خفيفه والله هالرياجيل مايندرى عن تفكيرهم

 

[آنا من دونك أندمر]

رد : هــل انا مــعــقــده مع زوجي او لا ...؟؟

الله يهداج هذا ريلج على سنة الله ورسوله..
خليج واثقة من روحج.. بدلي وكشخي وتخنني..
وإذا ي وشافج بيقول العرس باجر>> ودي أصدق بس قويه قويه
لا والله يمكن يقولج تزهبي بنحدد العرس.. من عذر مو محددينه.. يمكن يبي يقعد معاج ويعرف ماهيتج..

 

[أميره الدوسري]

رد : هــل انا مــعــقــده مع زوجي او لا ...؟؟

قلبي أنآ عآرفه ان هذآ سلمكم بس لآزم تقدمين تنآزلآت عشآن زوجك

لآ تكسرين بخآطره وطلعي له ,, قلبي والله خآيفه عليه من بنآت الحرآم

 

[سعادتي برضى ربي]

رد : هــل انا مــعــقــده مع زوجي او لا ...؟؟

حبيبتي هاذي احلى ايام ليش تحرمين نفسج

شنو يعني لا قلتي له شنوو بيفيدج ؟

اسمحيلي انتي غلطانه هذه فرصه حلوه ولازم تشوفين ويشوفج وتتفاهمون

 

[كسر.قلبي.زماني.]

رد : هــل انا مــعــقــده مع زوجي او لا ...؟؟

@@

حده غلططططط

 

[مسس غلوي]

رد : هــل انا مــعــقــده مع زوجي او لا ...؟؟

لا حرااام عليج..
كسرتي بخااطره..
ترى هالايام يحبون البنت الجريئه..
حسسيه انج انتي بعد تبينه مو بس اهوو يبيج..
بالعكس شوفي ولو مره وحده..
يمكن اهوو يبي يشوفج ع الطبيعه بعدين يحدد

 

[fdeet_shosho]

انا من رايي دام سلمكم خلكم عليه ويوم خطبج يدرى عن طبعكم وعاداتكم طيب الرجال مستعجل خل يجدم العرس بسرعه شكو يشوف ويتعرف انتى رابطج صارله سنتين خل امج تحرج الام بدال لاتقول خل يشوفها قولى متى بتحددون العرس والله يوفقج واللى سويتيه عين العقل

 

[روحي زوجي]

رد : رد: هــل انا مــعــقــده مع زوجي او لا ...؟؟

عطاج المهر ولا بعد

يمكن يبي يشوفج عدل على الطبيعه

لاتزعلين لان البعض صارو جذي

بس تعجبيني لاتطلعين بيقول خفيفه والله هالرياجيل مايندرى عن تفكيرهم

فاهمه الدنيا عدل


ماشاء الله عليج


وهم انا اقول

لاتطلعين خليج عند كلمتج

 

[Sarooii]

الصراحة كلش مو حلوه تدقرينه و هوا ياي يشوفج!
يعني انتي متوقعة ان ياي يسلم على اهلج بالعيد و يطلع؟ اكيييد يبيج
الله يهداج كلش مو حلوه بحقه : فلانه ما تبي تنزل!

 

[Tom ♥ Jerry]

.


حرآم عليج هاذا ريلج على سنه الله و رسوله
جدآم الشرع و جدآم اهله و اهلج و الناس زووووجج !
ليش تحرمينه أنه يشوفج ..

اذا كنتي مستحيه لا تطلعين معآه و لا تسولفين و لا تاكلين و لا تظحكين
بس قولي سلام و قعدي .. حرآم عليج خليه يتأمل الحلال ..

انتي حلاله يا قلبي و أهوه حلالج لا تمنعينه من حقه :*

 

[a7la MUM]

رد : هــل انا مــعــقــده مع زوجي او لا ...؟؟

والله حبيبتي انا مادري شنو عاداتكم بس اذا عادي عند اهلج ليش لا ياربي حلاله خليه يشوفج بس مو قعده وسوالف انزين مو يمكن كان بيعايدج صح طافتج العيديه حسافه
الله يوفقج حبيبتي

 

[aṕriliå]

رد : هــل انا مــعــقــده مع زوجي او لا ...؟؟

اشوووف انج حيييييييييييل معقدة

 

[بنوته توته]

انا اتوقع عادي فشله يعني يبي يعايدج ما تطلعين له لو قاعده شوي بو 5 دقايق ومسلمه بعد حلال مو حرام

يالله الله يسخره لج ويوفقج معاه بس دام متفتح لا تعقددينه

 

[@ دهن العود @]

عادي

 

[بنت.المطيري]

اذا قرب عرسج طلعي
اذا ماقرب طاف
بس اذا رجع وحن او قال بشوفها خلاص طلعي والله ترا الشباب يطفرون
صح يبي البنت الثقيله بس بعضهم يبي زوجته يبي يشوفها حلاله عشان مايروح لغيرها انا اخوي جذي كان تفكيره
وبعدين عشان يتشفق يجدم العرس عرفتي
طلعي بس دقي الثقل حده اصلا اوريدي راح تكونين مستحيه وبس لاتطلعين كل مره يبي يشوفج عرفتي
عشان لاتمصخ السالفه
وعشان يستعجل بالعرس
اذا طلب تلفون وافقي كافي سنتين داقه ثقل
وتصرفج صح مو معقده بس من ناحية ان ماطلعتي لابوج اسبوع ولاشافوج الناس شهر
احس اسمالله عليج نادره بالهوقت ..وحافظي ع حيائج هذا تمنيتني نفسج ههههههههههههه
بس لان انا عادي ميانه وايد مع الاهل يوم واحد انخشيت وبعدين طلعت على استحياء
بس بعد ملجتي من ثاني يوم مداومه وكاشخه وابشر رفيجاتي اللي انصدموا ..
هههههههههههههههههه
بس حسيت جني مفصخه يومها شي يفشل ..بس انجبرت اروح واداوم عشان ابلغهم
اليوم اللي عقبه غبت :d