هـــــل الماضـــــي جميل ..... وشنو الحلوووو فيه

[Miss sensitive]

باللبس كنا ننطر الصيف عشان ماجله الهدوم
كانت امي تجيل لنا كل صيفيه من لندن وقبرص هدوم صيف وشتا وملابس داخليه وبجايم واغراض المددرسه حتى نفانيف المدرسه ناخذهم من قبرص يلبسون مثلنا المبكر
وكل وحده فينا انا وخواتي جنطتين دبااابه وشحن لين الكويت
حتى يوم صارت الازمه الله لا يعودها من ايام اول ما حاتيت جناطي اوصلوا والا لا ؟؟ وامي وابوي بالغربه حايسين

 

[وهج الحب]

السلام:
انا عني كل وقت اعيش فيه احلى وقت بحياتي ..وحنيني للماضي لان ابوي وزوجة ابي واخوي الله يرحمهم كانوا معاي بس..
يعني ما فيني حنين للماضي .. لا عادي عندي كل شئ كل وقت فيه احسه وااااااو ولا ابيه يخلص ..

 

[أماني عمري]

هههههههههههههه

ووووووويه كان كشخههههه حده سايلنس
اذا طلعته من الجنطه
لالالا وجنطتي سلاج بس حج كبير

عشتوووو كنت كشيخه يعني هههههههه

الله يرحمها و يرحم امميتي و المسلمين يا رب

هههههههههههههههه

الله كريم :d


صبري الحين ذكرتني بشئ حييييل داثر

تتذكلاين جنطه سلاج علي شكل مجله

هههههه

اللهم آمين و يجمعنا فيهم بالجنة

ما اذكر هالجنطة بس أذكر الكراش الأسود و الأحمر و الكشكول بو كعب أحمر و عليه نقشات أبيض و أسود مربعات!

 

[بنت النوخذا]

اكثر شي بماضيي وطفولتي احبه واتذكره واايد
طلعه السكه كل يوم العصر ويمعتنا وامهاتنا حاطين الكراسي ويشربون الجاي
واخنا نلعب حيله ببيت واحد من بيوت ييرانه ماعندهم بنات قدنا وكل يوووم نشخبط بالطبشير على ارضيتهم جان تذكرون الطابوق الرمادي الكبار
شكله قريب من هذا

وكنا نصيد يراد ونحطهم ببطول :d

وناخذ القبيط ونحك في لسنتنا برمضان يعني صيام واحنا فطار طبعاا ( كنا يهال ترااا )

برمضان نقعد بالسكه مع الحريم والرياييل لين صلاه الفير واذا اذن الاذان الاول
يقولون الحريم يا الله يهال صلوح ملوح اللي يدل بيته يروح

الدنيا كانت بساطه
والحريم قاعدين سوالف وضحك بالفريج كان فريجه على حرف اليو والقعده ملمومه فيه

والله وناسه

يحلييييج مسسس

نفسسس سوالفنا قبل

جمعه السكه و الفريج و القرقيعاااان عاااد سوالف و انا كله يبوقوني وياخذون قرقيعاني

وابجييي برووووووووحي ما عندي احد ههههههه
اروح حق امي تضحك تقولي تكبرين و تنسين

واليــــــــــــــرااااد امبيه حسرنا فيهم و يا عيونهم المبققه
اسوي لهم صندوق و اطل عليهم



صج اكلنا يرااد بس شويه هههههههه

 

[بنت النوخذا]

تذكرون

 

[بنت النوخذا]

ياااا كثر ما صممت بيت العمر .... ليغو

 

[بشوررة]

اكره المااضي

 

[بنت النوخذا]

عندي كل شئ كل وقت فيه احسه وااااااو ولا ابيه يخلص ..

اهلين وهج :eh_s(8):

الدنيا ما تخلي من الهموم
يا ما ذقنا عذاب و الحمد الله

وان شااااااااااااااااء الله كل يوم يكون لج احلي و احلي و ااااحلي من اليوم اللي بعده
ربي يسعدج و يفرحج يا رب

لا بد من شغلات حلوة بحياتج ايام الابتدائي و المتوسط
تذكرررري المدرسه

اللي بااااااااااااط جبدي :eh_s(4)::eh_s(4):

ليش ما حطو لنااااا مكيفااااااات ويا راسهم هههههههههههههههه

بنكات تفرررر المخ فوق روسناااا
ههههههههههههههههه بس و الله كنا ندرس علي هالبنكااات

 

[أم توتو]

ياحلو ذيك الايام ودي ترد خاصه ايام اثمانينات واتسعينات الناس مثل الاهل كلهم حبايب اييييييه راحوا الطيبين

 

[un$hine$]

اكيد احلى شي بالماضي الطفولة والبراءة على قولة الشاعر مدري منهو ليتني طفل واكبر همي لعبتي

 

[راعية الطويلة]

الماضي كان جميل ببساطة معظم ناسه
و تكاتفهم و كل واحد فيهم قلبه على أخوه و جاره و قريبه
هذا اللي محلي الماضي
البساطة و عدم التكلف
لكن لما زاد الخير و هذا فضل من الله وحده و امتحان
بعض الناس كانت شاكرة و ما تغيرت نفوسها
و البعض الثاني زاد الخير عنده و زاد حسده
في رأيي كل زمن و له إيجابيات و سلبيات
و طبع الإنسان يجره الحنين لذكريات طفولته و ماضيه و ماضي أجداده

موضوع جميل بنت النوخذا
أحسنت الإختيار
جزاج الله خير

 

[بنت النوخذا]

حياج الله

اختي راعية الطويله

مشكوره علي الكلام الطيب

وشئ اكيد الماضي هو ما مضي

لكن تبقي
الذكــــــري

و انا بهالموضوع ابي
اجمل الذكريات


​

 

[راعية الطويلة]

فهمت قصدج

الماضي جميل ببساطة حياتنا ذاك الوقت
كنا نستمتع بكل صغيرة و كبيرة
على عكس الجيل السريع جدا الحين
مثلا كانت الأزياء كلها حلوة و جوده و شركات عالمية
يعني لما كنت طفلة مرت علي موضة الفساتين الطويلة مع الشابو <<القبعه

و كانت حلوة و راقية

و بالمدرسة أذكر مدرسة البدنية في ثالثة ابتدائي
طلبت منا جواتي الباليه<<مع أنه إحنا وين و الباليه ويين؟؟كويتية و باليه

و عشتوووو لبس الرياضة كان أحسن ماركة عندنا الاديداس

الكلمات و المفردات على وقتنا كويتية
و ما كنا نخلط الانجليزي بلهجتنا كلش
هذا صار و انا بالجامعة قمنا نشوف بنات عشتو كلمة كويتية
و كلمة انجلش <<تقولين مواليد ويـــــلز

التلفزيون بطفولتنا يفتح الصبح لما الظهر و يسكر فترة القايلة <<يعني قيلوا غصب

و يرد العصر<<و كما لما نتجمع على أي مسلسل كرتوني لازم نحضر البطاط و العصير <<رايحين سينما مو بالبيت حشاااا

أكثر الأزياء ذاك الوقت ستايل أوروبي و ناعم حيل
مو مثل الحين تحسين الموضة شرقي و غربي و ممكن مكس بينهم
الشوارع حللللللللللوة و نظيفة حيل و هادية << غير زحمة الحين و كثرة العمالة الأحنبية
المطاعم ما كان في دلفري إلا حق العزايم الكبيرة <<وهذا نادر لأن الناس كانت تطبخ ببيوتها غالبا للعزايم
المدارس كان التعليم قوي جدا و المعلمة مستحيل تقول لولي الأمر درسوا عيالكم
و عددنا بالصف الواحد ممكن يوصل 40 طالبة
ما عرفت الدروس الخصوصية طول عمري <<بس نسمع عنها بالمسلسلات المصرية ((الله المستعان))
بنت النوخذا تصدقين استانست حيل و أنا اكتب بموضوعج
رجعتيني لماضي حلو و جميل
طبعا ما ينفي جمال الحاضر و روعته الحمد لله
لكن الإنسان دائما يحب طفولته

الله يسعدج يا الغالية
و لا تذكرت شي ...!!
إن شاء الله أرجع

 

[مجاريح $]

ابوي الله يرحمة ---هو اونس الماضي وحزن الحاضر -- هو لمة الجيران ولمة العايلة وهوامير الكشتات للبر و هو فرحة العيد

 

[مجاريح $]

فهمت قصدج

الماضي جميل ببساطة حياتنا ذاك الوقت
كنا نستمتع بكل صغيرة و كبيرة
على عكس الجيل السريع جدا الحين
مثلا كانت الأزياء كلها حلوة و جوده و شركات عالمية
يعني لما كنت طفلة مرت علي موضة الفساتين الطويلة مع الشابو <<القبعه

و كانت حلوة و راقية

و بالمدرسة أذكر مدرسة البدنية في ثالثة ابتدائي
طلبت منا جواتي الباليه<<مع أنه إحنا وين و الباليه ويين؟؟كويتية و باليه

و عشتوووو لبس الرياضة كان أحسن ماركة عندنا الاديداس

الكلمات و المفردات على وقتنا كويتية
و ما كنا نخلط الانجليزي بلهجتنا كلش
هذا صار و انا بالجامعة قمنا نشوف بنات عشتو كلمة كويتية
و كلمة انجلش <<تقولين مواليد ويـــــلز

التلفزيون بطفولتنا يفتح الصبح لما الظهر و يسكر فترة القايلة <<يعني قيلوا غصب

و يرد العصر<<و كما لما نتجمع على أي مسلسل كرتوني لازم نحضر البطاط و العصير <<رايحين سينما مو بالبيت حشاااا

أكثر الأزياء ذاك الوقت ستايل أوروبي و ناعم حيل
مو مثل الحين تحسين الموضة شرقي و غربي و ممكن مكس بينهم
الشوارع حللللللللللوة و نظيفة حيل و هادية << غير زحمة الحين و كثرة العمالة الأحنبية
المطاعم ما كان في دلفري إلا حق العزايم الكبيرة <<وهذا نادر لأن الناس كانت تطبخ ببيوتها غالبا للعزايم
المدارس كان التعليم قوي جدا و المعلمة مستحيل تقول لولي الأمر درسوا عيالكم
و عددنا بالصف الواحد ممكن يوصل 40 طالبة
ما عرفت الدروس الخصوصية طول عمري <<بس نسمع عنها بالمسلسلات المصرية ((الله المستعان))
بنت النوخذا تصدقين استانست حيل و أنا اكتب بموضوعج
رجعتيني لماضي حلو و جميل
طبعا ما ينفي جمال الحاضر و روعته الحمد لله
لكن الإنسان دائما يحب طفولته

الله يسعدج يا الغالية
و لا تذكرت شي ...!!
إن شاء الله أرجع

الله - ياخت راعية طويلة ذكرتيني بالفساتين مع القبعة اشحلاتهم -- وكنا مستانسات فيهم اذكر حنا وبنات عمي كلنا قبعات عشتو اميرات --والبطاط والعصير كل عصر حتى اذكر جدتي الله يرحمها كانت تحب عصير السانكست ولما نروح نجيبة من البقالة كانت توصينا نجيبلها معنا بس ماكانت تعرف تنطق كلمة سانكيست عدل كانت تنطقها كلمه حساسة وكنا نضحك مستحيات -والتلفزيون كان واحد ولام البيت كله وقناة وحدة وتطوروا حطوا قناة ثانيه -- مو الحين من كثر القنوات انسى اي قناة كنت اشوف

 

[مجاريح $]

بنت النوخذة مشكورة على موضوعج الحلو والله وانا اشوف الصور اللي حاطتها ما ادي من وين نخشتيهم !فعلا عودة الي الماضي وراح خيالي للوناسه اللي فيه وبنفس الوقت ابكي على اللي كانوا مونسينا بالماضي الله يرحمهم ---

 

[aṕriliå]

ايام المبزرة حلوووة >>اموت على الاسلوب


احلى شي تعيشين لا لج ولا عليج لعب وضحك وتدلع

 

[بنت النوخذا]

فهمت قصدج


بنت النوخذا تصدقين استانست
حيل و أنا اكتب بموضوعج
رجعتيني لماضي حلو و جميل
طبعا ما ينفي جمال الحاضر و روعته الحمد لله
لكن الإنسان دائما يحب طفولته

الله يسعدج يا الغالية
و لا تذكرت شي ...!!
إن شاء الله أرجع

عزيزة و غالي طال عمرج
بس مشاغل الدنيا تنسينا ماهو جمــــيل
علشـــان جذي ودي انشط الذاكــــره الكامــــنه عندكم

وصدقيني و صدقوني
اذا تذكـــرتي ماهو جميل ينشـــرح صدرج
حتي للمســــتقبل
و تحســــين انه هالدنيا مااااا تســـوي الزعل

وكلنا ناطرين .:ggdw:... ذكرتايج الحلوه

 

[بنت النوخذا]

بنت النوخذة مشكورة على موضوعج الحلو والله
وانا اشوف الصور اللي حاطتها ما ادي من وين نخشتيهم !
فعلا عودة الي الماضي وراح خيالي للوناسه
اللي فيه وبنفس الوقت ابكي على اللي كانوا مونسينا بالماضي الله يرحمهم ---

حياج الله مجاريح

ان شاء الله حياتج كلها سعاده بسعاده يا رب
اللي راحوا الله يرحمهم .............. هــذا أمر الله حق علي الدنيا كلها



الصـــور قصدج الجناط و الكبه السايحه ههههههه

للحين اتذكرهم ساعات اشوف جم وحده مسوين مثلهم
استانس اقول يا سلاااااام صج انا كنت كشخه قبل ههههههههه

الحين دورج عطيني شئ تتذكرينه و طلع لج صورته

حاااااضرين
:eh_s(17)::eh_s(17):

 

[بنت النوخذا]

هذي تذكرونها