هــــــــل تأكلين الطعام باليد أو الملعقة والشوكة والسكين ؟ ( تصويت)

[miss fabulosity]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

والله انا اكل بالقفشه والشوكه بس ودى مرات اكل بايدى بس مااعرف
بس مشكله الى ياكل بايده اتظل ريحه الاكل فيها وماتروح بسرعه ولا عاد ريحه الاجار وااااااااااى

 

[ملكة زماني]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

مشكورة بنوته على الموضوع
أنا أكل بالمطاعم بالشوكه والسجين
بس بالبيت
بالقفشه
ماحب أكل بايدي

مرسي

 

[كويتية بالغربة]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

انا ماااعرف اكل الا بالقفشة واحس اني بيبي لما اكل بيدي وهذا نادرا
حتى لما حجيت ولما رحنا عرفة ماعرفت اكل وقعدت جوعانه ليما بنت خالي راحت ودورت لي قفشة
يعني تعودت مع ان السنة اننا ناكل بالايد

 

[غدير^الجنان]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

انا لازم شوكه وقفشه


واذا بمطعم شوكه وسجين


بس في اشايء تنوكل بالايد

فطاير

كبه


سمبوسه

شاميات

 

[زيـنـه]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

عن نفسي .. اكل بالقفشه و الشوكه بالبيت و المطاعم .. و لو اعرف اكل بايدي جان كليت لانها سنه و احسن .. بس الاشياء اللي تنوكل باليد مثل النواشف و البيتزا احب اكلها بايدي . .

و الموضوع حلو

 

[حواء الكون]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

في أكلات يعني اسهل آكلها بالقفشه وفي بالشوكه اسهل للأكل

بس بشكل عام بإيدي آكل

وخل نكون واقعيين ونرجع لأصلنا واساسنا ودينا

الأكل بملعقه وسجين هذي عادات غربيه دخيله علينا مثل غيرها

والمشكله في اللي نسى روحه واصله ويضحك على روحه ( في نوعيات تبط الجبد من الناس )

الأكل بالايد بركه وشي حلو

بس في ناس ماتعرف تاكل الا بدفاشه بالايد وهالشي هم يلوع الجبد طبعا مو الكل

آنا عن نفسي بعد ما اغسل ايدي عدل ... آكل بأطراف اصابعي وبطريقه فيها ادب وذوق

يعني اعتقد الانسان يقدر يكون بذوق لأكل بذوق وراعى الناس وشعورهم جدامه

وبس

 

[^^دموع الكويت^^]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

هلا وغلا بنوتات الاغلبية تاكل بالقفشة من نتايج التصويت


مشكوووووووووووورين على المرور وننتظر الباقي

 

[Angel]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

قليل في هالزمن الواحدة تاكل بايدينها وطبيعي الاكثرية بالقفشة

 

[المرفأ~~]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

باختصار اكل بالقفشه ..تعودنا عليها

واذا اكل خبز وشي ناشف طبعا باليد اجل اكل خبزه بشوكه..؟

 

[MaYoOoma]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

انا اكل بتاقفشه بس اذا كان الغدا مجبوس وكنت مشتهيته حدي اكل بايدي

 

[نطوووعه]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

انا كل شي اكله بالشوكه
حتى العيش اكله بشوكه بعد لووول ماواطن القفشه تلوع جبدي ادخلها بحلجي احس وايد معادن بالموضووع <<< والله بديت اشك بعمري اني مو صاااحيه

 

[^^دموع الكويت^^]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

Angel

صاجة الاكثرية ياكلون بالقفشة .



شمعة ليل اليأس

اي والله بعد خبزة بالقفشة ولا الشوكة ماكو شغل



MaYoOoma

المجبوس واذا صار معاه المعبوج ما يصلح الا بالايد



نطوووعه

ههههههههههههههههههههه واي اشلون العيش بالشوكة والله حاله

 

[جوريه]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

والله انا ملعقه وشوكة وسجينه بعد يالله يوفي ماعرف اكل بايدي مره جربت وكانت تجربه فاشله اللي ابوي قالي روحي غسلي ايدج ومسكي قفشتج لوعتي جبدنا لوووووووووووووووووووووول

 

[Brounzi_girlly]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

والله آنا على طول آكل بالقفشة والشوكة عشان أقطع فيها الدياي الشغلات إلي محتاجة تقطيع مع القفشة ماعرف آكل بيدي وجربت مرة آكل قعدو يضحكون علي ماعرف شلون آكل مع إن لما أشوف أهلي أتشوق أحس إنهم ياكلون بتلذذ
مع تحيااااااااااااااااتي وتسلمين على الموضوع

 

[^^دموع الكويت^^]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

جوريه
=====


ههههههههههههههههههه حياج الله



Brounzi_girlly
==============


حياج الللللله

 

[السفيرة عزيزة]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

انا اعتقد السالفه على التعود

يعني انا احب اكل بالملعقه

بالبيت و بالمطعم نفس الشي

 

[ام طلال]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

آنا آكل بالقفشه ماادري تعودت عليها سواء بالبيت او المطعم بس فيه شغلات لازم تاكلين بايدج يعني الوالده لي شوت هذاك الصبور اللي ريحته تييب العافيه مع الخبز الايراني الحار والطرشي ماتنفع القفشه

 

[HASB_83]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

مشكوره اختي على الموضوع
انا وحده اكل بالقفشه والشوكه والسجين
ماااااااعرف اكل بايدي وحتى اذا شفت احد ياكل بايده تنسد نفسي...... والله مادري ليش صج انه من السنه بس سبحان الله ماحب احد ياكل بايده احسه مونظيف
سوري بنات بس هذا رايي الشخصي

 

[أنا وين ؟؟]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

اكلي دايما بالقفشه والشوكه .... ونادر ما اكل بايدي

 

[مـــــــذهـلـة]

مشاركة: هــــــــل تأكلين الطعام باليد أو الملعقة والشوكة والسكين ؟ ( تصويت)

انا بالبيت أكيد آكل بإيدي وانا ارتاح بهالشي

أما بالمطاعم طبعا لازم آكل بقفشة وفي أشياء ما اقدر آكلها بإيدي سواء بالبيت أو برة مثل السلطات وأشياء ما اأذكر بس بالبيت أكييييييييييييد باكل بإيدي

ااممممممم اذا كان المطعم بيتزا مرات بإيدي ومرات بشوكة وسكين على حسب المزاج اذا كنت مرتاحة آكل بإيدي أما اذا معصبة أمسك السكين وأكل الشخص الي جدامي لووووول لاأقصد البيتزا