هـــام جـــدا للبنات اللي استخدموا حنة التنعيم !!!!

[pink ink]

انا جربتها وشعري اشكثر يطيح ،، صج تحسفت

ياعمري ربي يعوضك خير
لاتتحسفي ولاشي الحمدلله انك بخير هذا أهم شي
ابدأي في برنامج العلاج وتوكلي على الله وان شاء الله خير
الله يسعدك نورتي ياقلبي :eh_s(7):

 

[pink ink]

انا جربتها ونعمت شعري وبعد شهر تساقط فظيع ندمت اشد الندم اني استخدمتها والله خساااااره الشعر اللي طاح لاول مره بحياتي يصير معاي جذي مع اني شفت نتايج البنات بس انصدمت بالواقع
الوساده اللي ما فيها شعر بعد حنة التنعيم صارت شعر وكله متكسر
الشعر تقولين محترق كانه سيام حتى الصالونات لي رحت لهم قالولي شنو هذا اسلاك مو شعر تحسفت قد شعر راسي واخذت زف من امي لاني لعبت بشعري
ما خليت حبوب ما استخدمتها للتساقط ولا فاد مع ان مافيني فقر دم فانصح كل البنات يبتعدون عن حنة التنعيم اول ما تحطينها تستانسين وعقبها تشوفين الدمار للشعر
والحين قاعده اعالج شعري بالحنه والزيوت وبدا شعري يتحسن لان حنة التنعيم انزلت وما بقى غير جم شهر وتروح لاني قصيت شعري ابيها تختفي
حسبي الله ونعم الوكيل
انا شعري ما كنت اعاني منه ابدا قبل الحنه عشان ما يقولون لكم افلانه شعرها يمكن ويمكن لا انا ما اعاني من تساقط كلش قبل الحنه
ونصييييحه لحد يشتريها من اي تاجره اهو مو قطع ارزاق لان احنا ناس اتصلي واتخاف الله بس حطيت تجربتي عشان تبتعدون عنها لا يغركم المدح الزايد !!
اللي تبيعها خل تستخدمها على شعرها اهي مو على احد ثاني ولي طاح شعرها وقتها راح تقول اصدقوا البنات ولا يتحججون التاجرات ان شعورهم ناعمه ! خل اتجرب الشيء قبل ما تبيعه على الناس
هذا شعر نصيحة استخدمي زيوت وحنه وامبولات وماسكات وبس خلي عندج الدعاية المزيفة
جزاج الله خير حبيبتي انج حطيتي التجارب في ميزان حسناتج

ياربي
الحمدلله على سلامتك ياقلبي والله مرة انقهرت على شعرك
لكن قدر الله وماشاء فعل ولايهمك بكرة ربي يعوضك بشعر احلى من اللي راح ان شاء الله
فعلا الخلطة هذي مضرة على المدى القريب في تلف الشعر وتساقطه
وعلى المدى البعيد بسبب الحديد
تخيلي انتي برادة الحديد تكون من مكونات الخلطة وتنخلط بالمويه وتقعد على الشعر فترة طويلة !!
الحديد لو ترشي عليه شوية مويه بعد ساعة يبدا الصدأ ياكل فيه
الصدا سااام جدا وفروة الراس مساماتها مفتوحة فترة 20 ساعة اثناء وجود الخلطة !!
يعني الصدا اكيد دخل المسام ودمر البصيلات الضعيفة وتساقط الشعر بسبب دمارها
والبصيلات القوية تحملت شوية وصاب الشعرات تكسر وقاومت فترة وهي شبه ميتة
الله يستر عليكم ويكفيكم الشر ياااارب احميهم واحفظهم
المفروض زي ماقلتي التاجرة قبل ماتبيع شي تتأكد من مكوناته
وتجربه على نفسها وعلى اكثر من شخص من قرايبها تتابعهم وتشوف بعينها النتيجة
اذا لقت ان الشي هذا تمام ومافيه مشاكل وقتها تبيعه وربي يرزقها
ماتسوى عليها قرشين يزيدوا عندها وتصيبها دعوة وحدة مستجابة الدعاء تسوي لها نكبة في حياتها بسبب هذي الدعوة
ربي يعوضك بكل خير
جربي الزبادي والعسل افضل من حمامات الزيت الجاهزة
الزبادي ينظف فروة الراس ويغذي الشعرة نفسها
ومع تكرار الاستعمال بتحسي بفرق حلو في شعرك
الزبادي والعسل احلى ماسك سريع لو عندك مناسبة ومافي وقت للحنة والا صفار البيض والساعات اللازمة لهم ..
هذا حطيه ساعتين واغسليه وخلاص

 

[pink ink]

حراام والله اني شفقانه عالبنات

بس ياربي اللي يبيعون ما عنده ضمير ما يقولون حرام هاذيل اخواتنا وبناتنا

انا اشوف ردود البنات والله اني ادعيلهن وراحمتنهن كيف عاد لو كنت انا اللي ابيع بس ياربي هذا كله عشان فلوس ........الفلوس تروح وترجع لكن دعوة المظلوم.....

احب احذر البنات من شغله انتبهوا انتبهوا انتبهوا من اللي يبيعن وحاطات ردود البنات ترى الردود مزيفه واللي تبيع بروحها حاطه الردود مرتبتنها عشان تمشي سوقها ما اقدر اظلم الكل

للاسف يالهنوف الذمة هذي الايام وسيعة
والامانة صارت عملة نادرة في البشر الا من رحم ربي
استغفر الله العظيم مافي شي اسمه خوف من عقاب الله والا خوف من دعوة المظلوم
التجارة حلوة و فيها بركة
بس اللي تفكر فيها لازم تتحرى الرزق الحلال عشان ربي يبارك لها فيه وفي عمرها وفي حياتها واولادها
والله ان المال الحرام اذا دخل على الحلال اهلكه
قال الامام الشافعي رضي الله عنه عبارة جميلة لو كل تاجرة حطتها في بالها عمرها ماترضى تبيع شي الا وهي متأكدة ان مالها حلال
قال : جمع الحرام مع الحلال ليكثره .. دخل الحرام على الحلال فبعثــــره !!

 

[pink ink]

جزاج الف خير عالموضوع..

بنات عن تجربه والله ثم والله انا شعري كان لي اخر ظهري وكثيييف حيل. من حطيتها بعدها بشهر تقريبا قام يحت بشكل مخيف والله قمت ما امشط شعري. وقام يقصر بروحه لين اخير شي قصيته نفس قصه حصه اللوغاني
وشكله جنه محترق.
امي فديتها ماساه شعرها.. والله الحين طول ما اهي قاعده معانا بالبيت حاطه باروكه حبيبتي والله.
بنات والله صج لا تستعلمونها هالحنه اكبر دمار حق الشعر

الله يجزاك والمسلمين جميعا خير ياقلبي
لاتزعلي نفسك اللي راح راح
صحيح شي يقهر ويوجع القلب
البنت تاج جمالها شعرها اذا فقدته تحس بقهر مايعادله قهر في الدنيا الا قهر فقد العزيز
لكن الحمدلله على سلامتك انتي وامك الله يعوضكم خير
اكيد شعرك بيقصر لانه قاعد يتكسر من الاطراف كل يوم الشعرة تتكسر من فوق لتحت وتتقطع اجزاء
احسن شي سويتيه انك قصيتيه واستمري على القص لين يتجدد شعرك كامل
توكلوا على الله وانتبهوا وهذا كلام لك ولكل البنات
بعد كذا ماتشتروا شي الا وانتو متأكدين منه تماما
ولايغركم زي ماقالت وحدة من الاخوات الاعلانات وحكاية تجارب البنات وهذا الكلام كله
اوكي اهتم لتجارب البنات مع التاجرة في تعاملها وامانتها في البيع والشرا من الناحية المادية يعني الفلوس
اما مدح البضاعة ابدا ابداااا لاتطلبي رأي التاجر عن بضاعته
طبيعي بيمدحها ويطلعها لسابع سماءعشان يصرفها وماتقعد على قلبه
خذي الرأي الصحيح من تجارب الناس واسألي ودققي وابحثي في النت لين توصلي لقناعة يا اما تشتري والا ماتشتري
المهم ابدأي في برنامج صااارم للعناية انتي والوالدة وما اوصيك بصفار البيض بروتين عالي وترميم ممتاز لجسم الشعرة نفسها
هذا غير التغذية لفروة الراس بالبروتين
كذلك الحنة لاتتكاسلي فيها ابدا
بالتوفيق ياعمري الله يحفظكم من كل شر

 

[اشتاق الى ربي]

جزاج الله خير حبيبتي على هالموضوع صراحه لامس جراحنا ومنها تحذير للبنات
لا ابشرج الحمدلله الحنه حاطتها من سنه ونص وقربت افتك منها لان كل ما طال قصيته والحمدلله كلمت دكتور متخصص بالطب البديل وعطاني زيوت وشامبو طبيعي والحمدلله بديت اتغلب على مشكله تساقط الشعر والله يارب يجعل اشعورنا احلا اشعور ويعوض كل من تأذت من حنة التنعيم بشعر قوي صحي يارب

 

[ام عبد العزيز م]

لاحوله ولا قوة الابالله

 

[*بنت الاصايل *]

مشكورة اختي ماقصرتي فعلا وايد ناس استخدموها علي اساس شي طبيعي ماقصرتي

 

[pink ink]

جزاج الله خير حبيبتي على هالموضوع صراحه لامس جراحنا ومنها تحذير للبنات
لا ابشرج الحمدلله الحنه حاطتها من سنه ونص وقربت افتك منها لان كل ما طال قصيته والحمدلله كلمت دكتور متخصص بالطب البديل وعطاني زيوت وشامبو طبيعي والحمدلله بديت اتغلب على مشكله تساقط الشعر والله يارب يجعل اشعورنا احلا اشعور ويعوض كل من تأذت من حنة التنعيم بشعر قوي صحي يارب

الله يبشرك ويجزاك بالخير الحمدلله ان شعرك بدا يتحسن
يارب كل البنات اللي عانوا منها ترجع شعورهم احلى من قبل
والله فرحت لك كثير ربي يمتعك بالصحة والعافية ياعسل :eh_s(7):

 

[pink ink]

لاحوله ولا قوة الابالله

جزاك الله خير يا ام عبدالعزيز ربي يرزقك الرزق الحلال ويوفقك
شاكرة لك تواجدك وتكرمك برفع الموضوع :eh_s(17):

 

[pink ink]

مشكورة اختي ماقصرتي فعلا وايد ناس استخدموها علي اساس شي طبيعي ماقصرتي

العفو اختي شكرا لك لوجودك الجميل
عيبنا نصدق اي شي ينقال وهذي مصيبة
وكثير من التجار عارفين كلمة السر اللي تخلينا نتجنن ونشتري على طول من غير تفكير
كلمة السر ( طبيعي خالي من المواد الكيميائية )
للاسف بعض الاشياء الطبيعية في الحقيقة كلها مواد اسوء واخطر من الكيميائية بمراحل
الله يكفينا الشر ويستر علينا دنيا وآخرة
نورتي حبيبتي :eh_s(17):

 

[دلوعه12]

الحمد الله كنت ناويه اجربها بس كنت خااايفه
جزاكم الله خير للي دكروا تجاربهم
تراكم منعتوا شر يصير في وحده ثانيه

 

[ياحلمي لابد أوصلك]

انا وخواتي جربناها وضبطت معاهم
الا انا تقصف وصار شوك اسيام شقول وشخلي قصيته كله الي تحت ابي افتك منه لاعت تسبدي

 

[غرور الريم]

انا استخدمت الحنه التنعيم من حرمه ثانيه اقسم بالله ان دمر شعري وتساقط موووطبيعي وخف شعري لدرجه نووطبيعيه بس الحين صارلي ع الحنه سنه لين رجع احسن بشوي

 

[سويت فانيلا]

انابقص شعري بعد سنه بس قسما باللله بقوله مانتي محلله

 

[strawberryia]

نصيحه لوجه الله لحد يستخدم حنه التنعيم انا وامي جربناها والله الشاهد امي صلعت وانا شعري نصه طاح وخششششششششششششن
وتحسفت اني جربتها من وحده تاجره من منتدى كويتيات نكها جنه الذوق كله مو متذكره بس نصيحه لحد يجازف ويجربها راح يندم قد شعر راسه ومشكوره اختي

 

[shabh]

لا اله الا الله كل ذا تجارب سلبيه

 

[اشتاق الى ربي]

حسبي الله ونعم الوكيل .. يارب ترجع شعورنا احسن من قبل ..
والله انصحتني الصالونه قالت ريحتها ما اتطمن قلت حطيها انا سألت بنت الاحلام وواجد بنات استخدموها وبعد ما حطيتها ندمت اشد الندم .. قدر الله وما شاء فعل ..
العبوا في اشعورنا لعب كافي التساقط الشديد
بنات لحد يستخدمها نصيحه
اللهم هل بلغت اللهم فاشهد

 

[جوف الليل]

والله العظيييييييييييم انه نفس معاناتي
مااااااااااااااااااانصصصصح اي حد ياخذ هالحنه

لو بتكلم من اليوم لين بكره اشصار شعري مااااااابخلص
وحسسبي الله ونعم الوككككيل

 

[nooor22]

كان اول يبعيونها عندنا بالسعودية 250 ريال الحين نزل سعرها 50 ريال مكوناتها معروفه عفص وحديده وقرنفل وملح وحنا
والحديدة معروفه انها تعدم الشعر ياريت الي يبعون هل الخلطات يوضحون المكونات قبل

 

[عـسـلـهـمـ..]

جزاكم الله خيير نبهتووو البنات