هــذي ســالــفتــي بــعــد ( خــيـــانـة ريــلـــي ) شورو علي ...

[سعودية 777]

بصراحة ريال صبور جدا

ولا تزعلين احسك انتي ما تستاهلين ريلك

 

[عاشقة الوطن]

لا اختي كلش ولا الطلاق خصوصا ان بينكم يهال حرام والله واذا على الخيانه صار شي معتاد اغلب الرياييل ايخنون حريمهم بس مردهم حق ام لعيال

حبوبه تعوذي من ابليس وردي حق زوجج اهوا انقرص وماظن ايرد على سالفته

لا تاخذج العزه ان اهوا قام يتذللج وايراضيج ترى كل انسان عنده طاقه ويمل بعدها فنصيحتي لج اتردين وكافي العمر الي ضاع خلي عنج سوالف بليس هذا زوجج اشلون اتفرطين في بسهوله واتخلين غيرج تاخذه منج ابرود والله تمسكي في بكل ما فيج وقولي هذا ابو عيالي محد ياخذه مني

الله يسخره لج ويهدي ويخليكم حق بعض

 

[الحياة حلوه]

و الله الله يعينج
بس ترى الوحدة ما تسوى شي بدون زوجها
لا أهل و لا أخوان يفيدونها
سامحيه بس ديري بالج عدل المرة اليايه
و نصيحة سافري معاه
الريال ما ينهد بالغربة بروحه
بنات ابليس وايد
الله يحمينه من شرهم
أن شاء الله

 

[منورة الكويتية]

بعد قلبي تقطع قلبي عليج وعلى قصتج
صج صج صدمة
بس انتي اتوقع الحين انتقمتي
حاولي تسوين هدنه معاه وحطيلج شروط تضمن حقوقج
وحاولي تكونين وياه
لاتخلينه بروحه
غربه صعبه بروحه والشيطان شاطر

 

[Dloool_q8]

انتي ما فكرتي بعيالج يوم رحتي للمحامي ترا الوضع اصعب من ان اتطلق وخلاص شغله مو سهله

ثاني شي والاهم ريلج شاريييييييييييييييييييييج ومافي احد ما يغلط واهو اعترف بغلطه لا تخلينه يزهق من ركضته وراج عقبها تقولين ياليت وياليت وردي معاه عادي بس لازم اتناقشون بهالموضوع وكوني صارمه معاه وعقب انسي مو كل مره تعيدين السالفه

وسامحيني طولت عليج والله ايسر امورج

 

[جامعيه مزاجيه]

لاا لاا تطلقيين,,


فكري بنفسج وبعيالج !!؟؟


الانسان مو معصوم من الخطأ,,


وبعدين من كلامج مبين انه متحسف


حراام لاتهدمين حيااتج ,,

 

[om_7amny 85]

عفيه عليج قويه والله زين سويتى خليه يتحسف و يحس بقيمتج
وينه لما كان يخونج ما تذكرج ؟؟ ما تذكر اليهال؟؟؟ ما كسرتو خاطره
وله البعيد عن العين بعيد عن القلب
خليه يتحسر على عمره و يتعذب يعرف غلطته اشكبرها
بس لحلتلهم الاجواء ولقو وحده تلقيهم ويه قامو يخونون و نسو حريمهم
هذا اقل شى يصير له
عفيه عليج
عفففففففففففففففففيه
خليه لا يكسر خاطرج

 

[*الغالية*]

انتي غلطانه لأنج بتخلينه لها المفروض خلاص بعد ما أدبتيه ترديله وتحافظين عليه وتحمدين ربج انه صير لو واحد ثاني ما يصبر ولا يرضى ان مرته تسوي فيه جذيه حتى لو كان غلطان ,, لا اتخلين المثالية الزياده تخرب بيتج ,, لأن ماكو ريال معصوم خصوصا رياييلنا ماشالله عليهم ما يطوفون وحده ,, حرام اتهدينه لأنج اتحبينه واهو يجبد لو ما يحبج ما ينطر كل هالفتره ,, يا معوده الحين الي صارلهم اكثر من 25 سنه متزوجين يخونون حريمهم ,, المهم ان الريال يتعلم من غلطته ,, وبالعكس يمكن هالغلطه تقوي العلاقة بينكم ودايما انتي راح اتكونين مركز قوه ,, لا تخلينه حق وحده غيرج تاخذه ,, انتي بس فكري ان لما اتهدينه بيروح حق غيرج وصدقيني راح اتردين له

 

[مطر صيف]

يا قلبي
لا تتطلقين والله راح تندمين
بينك يهال شنو ذنبهم
والله يكتب اللي فيه الخير

 

[غلاك اش فادني فيه]

حااااااااااااااسه فيج ياقلبي وادري شكثر خاقده عليه وودج اتطقينه لمن يرتاح قلبج,,الخيانه تذذذذذبح حيل اموت اشوى ولا يخوني,,وانتي للحين تحبينه لان عكس الحب اللامبلاة مو الكره او الحقد.. انا مريت نفسج وانتي عطيتيه درس خوووش درس توبتيه الحين خليها هدنه ورجعيه لج ويعل شينة الحلايا تروح وماااترد الله ياخذها وكل شي بيتعدل واذا ذكرتي خيانته استغفري وتعوذي من الشيطان

 

[ملك روحى]

وينك شو صار وياك صباااااااااااااااا

 

[DALO0LA]

نفس سالفتي تقريبا ... وانا حاااسه فيج الاني جربت الخيااااااااااانه اكثر من مره عالاقل انتي زوجج اول مره انا 4 مرات

وكل مره يقوول هذي اخر مره ويوعدني ويخون الوعد بس هم شسوي ابيه واحبه وما ابي اتطلق ...

نصيحه طيعيني انتي دام زوجج متحسف ويبجي علشان يردج رديله كااافي اللي سويتيه عطيتيه جزاه واكثر بعد..

وهدديه اذا عادها مره ثانيه بيشوف شي عمره ما شافه ...

وعسى الله يهدي رياييلنا اللي يمووتون على شي اسمه خيااانه مادري ليش يسوون فينا جذي ..

بس الله كريم ان شاء الله رديله علشان عيالج وحقريه لين يتأدب ..

 

[حبيبته آنا]

الخيانه مو سهله خصوصا على اللي تحب ريلها حب كبير وقوي
بس ليدام انه اعتذر وسوى اللي عليه وزياده فهذا اثبات انه يحبج وشاريج وحطي في بالج مهما كان الريال لما يتعود على الزواج والمرا مايقدر يعيش بدون مرا تعوضه هذا بالنسبه للريال اللي مو متدين او اللي ايمانه ضعيف ويضعف جدام الجنس
صدقيني هذي زله لا حب ولا شي بس بيقضي حاجته ومع السلامه لكن الحب كله لج انتي والدليل اللي سواه
لاتفكرين بالطلاق ولا تدلين طريج المحاكم ترا من تدشين المحكمه خلاص ينكسر اللي بينكم ومايرجع يتصلح
حافظي على بيتج وعيالج وريلج اللي يحبج وحطي في بالج ان البشر مو ملائكه ولهم زلات واللي معدنه طيب اهو اللي لي حس بغلطته يشتري اللي جدامه ويحاول يراضيه
اذا رد وراضاج قعدي معاه بروحكم بدون اليهال ترا والله موحلوه اليهال يششوفونكم وانتو تتهاوشون وصارحيه وخليه يصارحج ويقطع جدامج وعد انه مايكررها وعسى الله يسخره لج ويجمعكم من يديد بحب اقوى واحلى من اللي بقلبكم الحين

 

[الكويت غالية]

الله يعينج ياقلبي والله اني حااااااسة فيج

بس ياختي انا قلبي رهيف مو مثلج يعني لو كنت مصمله على الطلاق وجا عندي وحضني

والله انسى كل شي انتي اعذريني بس حيل قلبج قاسي يمكن من صدمة الخيانه قسى قلبج مع انج تقولين تزوجنا عن حب

يعني تحبينه حيييييييييل ومع جذيه ما قدرتي تغفرين له

انا اقول تعوزي من ابليس ومثل ما قالج المحامي لا تخلين بنت بليس تاخذه منج

روحي لشقتج وسنعيها وجهزي نفسج على ردته وان شاء الله يطيح الحطب

وياختي والله ان الطلاق مو سهل كلششششششش اللي ماتحب زوجها وتطلقت تندم فما بالج باللي تحبه

شبيصير فيها

وعسى الله يهديج ويسخر لج زوجج

 

[مضيعة برقعها]

للأسف هدمتي بيتج بيدج
من قلب يحبج وعشرة عمر
تنتقمين منه ؟؟؟؟ ليش بنات الديره متروسات ومايصدقون يمسكون النصيب وأنتي معرضته لهمطلاق على شنو؟؟؟؟؟؟؟؟؟؟

 

[انصاريه قمره]

بصرااحه عوااار قلب القصه حيل اثرت فيني ومبين ان الريال شاااريج عقلي يا مره

 

[ebtsam957]

ياحياتي والله الحق كله وياش وهوا غلطان من ساسه لراسه بس مدام تعذر ةجاى وراش وماهنتي عليه سامحيه وماحد معصوم عن الغلط احسن ماتحسفين بكره لما شوفين عيالش وتنقهرين عليهم تعوذي من ابليس واعتقد هو انغرص الحين وتعلم والله يهديكم انشاء الله ويصلح ما بينكم امين يارب العالمين​

 

[بناتي حبيباتي]

بصراحه ولا تزعلين مني انتي عندج ريال الكل يحلم فيه ريلج ما خانج الا بغربه والمشكله تحسف ولو واحد غيره على كثر ما دقرتيه طلقج وخلاج بس هذا شاريج تدرين من اللي قاعد يوزج عليه ويفرق بينكم ترى مو خيانته هذا ابليس يدري ان اذا فرقكم بتضيعون وبتصيرون اتعس الناس طعيني ياوخيتي ترى انتي اللي بتندمين خلاص ادبتيه بما فيه الكفايه انا زوجي ماكنت مقصره وياه بشي كامله والكامل الله بس خاني واكثر من مره وبالاخير زعلت زعله جايده3 شهور لين تادب وكانه الحين سمن على عسل وموضوع شلون تنسين خيانته هذي نعمه من رب العالمين وانا الحين تحسفت قد شعر راسي شلون كنت مصره عالطلاق مثل ما اهو متحسف على خيانته لي تعوذي من ابليس واقري البقره لا تخسرينه بالنهايه اللع يشرح صدوركم ويوفقكم ويبعد عنكم بنات الحرام

نفس رايها بالضبط

هذا الكلام اللي بغيت اكتبه

 

[فوووفه]

حاسة قيج حبيبتي و ادري اشلون هالشعور يذبح بس بعد اللى سواه هذا كله انه ندم على هالشي و قام يركض وراج رديله اشوى اشوى انتوا بينكم اول شي حب و عشرة و بعدين يهال عطيه فرصة ثانية

 

[Alesar]

اختي صبا وينج انشالله الغيبة خير