هــذي ســالــفتــي بــعــد ( خــيـــانـة ريــلـــي ) شورو علي ...

[perla]

حبيبتي لا تتصورين إن بالطلاق راحه لج بالعكس إنتي راح تتعبين أكثر أنا أدري إبشنو إتحسين حاليا ... اتحسين إن كرامتج إنهانت ما تعرفين إطاوعين قلبج و لا عقلج ... صلى و ادعي من ربج الهداية و يمكن تفرج لا تتسرعين و تاخذين خطوه يمكن تندمين عليها طول عمرج

 

[مضيعة]

صبا

انتي اللي ونستينا بقرارج الحلو هذا.. :ggdw:

طلعي وروحي استانسي ورفهي عن نفسج وإنسي الهم والغم والمشاكل .. تراها جد تقصر العمر!!
الحمد لله إن الأمور انحلت وإن شاء الله الايام الياية تكشف لج عن حلاوتها أكثر وأكثر...

وعسى الله يصلح حالكم ويكتب لكم كل الخير والسعادة ..
و يارب يدور الزمن بكل خير وحب و تشوفون هاليهال كبار بينكم وتفرحون فيهم...

أدعي لج من كل قلبي حبيبتي... وطمنينا عليج

 

[عيون ابوها]

الف الف مبررررروك يالله غيري توقيعج اللي يعور القلب والله يخيليج زوجج امييييييييييييييييييييييييييييييييييين

 

[ســــــــــما]

انا من امس متابعه الموضوع وكنت كاتبه رد بس انمسح (البركه بعيالي)

وما فضيت

والصراحه فرحت وايد وايد يوم دزيتيله الايميل والله يوفقج حبيبتي

 

[الشوق والدمعه]

شلون عرفتى انه خانك؟؟؟؟؟؟؟؟

 

[حبووبة 76]

يالله دااامنج دزييتي الايمييييييييييل وشبة طااح الحطب ...

الحمدلله على كل حااال ...

بس حبيبيتي آنا مو من راااي البنااااات اللي يقوولووون خلاص لا اتناقشينة بالموضوووع أو ابتسمييله بالمطااار وأول مااايشووفج لأ !!

لازم اتبينيينله بأنج مجرووووحة وما نسيييتي علشااان ماا يعيييد السااالفة مرة ثانية مع شيطااااانه من شيااطييين الأنس

الموجووديين بكثرة وبكل مكان بالعالم ...

سامحيييييه بس حبة حبة وعلى رواااااءة ...

وكلام الأخت kanoosh عجبني مشاءالله عليييها .....

والله يوفقج ويتمم أموووركم بسهااله انشاءالله ...

 

[the-one]

عورتي قلبي وبجيتيني

أنا أقول كل اللي صار عبارة عن درس له وانه حتى لو فكر يخون في وراه مره ماتغفر له خيانته
أنا من رايي تردين له حرم العيال شذنبهم ... تردين له بشروطج وانتي بينتي له انج تبيعين اللي يبيع وهالشي بيخليه حذر جداً

الله يهدي سرج ويوفق بينج وبين زوجج ويبعد عنه بنات الحرام اللي مايخافون الله

 

[No0oNh]

حبيبتي انا حاسة فيج ,,تقريبا الي صار فيج شي صار شبه عادي عند الرياييل وانتي مبين انج تحبينه وهو بعد لان لو ما يحبج ما يبجي ويعتذر ويبادرلج لا تهدمين بيتج علشان زله وفكري علشان عيالج ولا تخلينه بسهووله يرووح حق غيرج انت محتاجته اكثر منها انتي الاساس بحياته اهي مالها وجود دخيله ودخلت حياتج حاربيها لما تكسبين زوجج لا تستسلمين للي صار صدقيني مبين من كلامج ان ريلج يحبج والله يريح بالج ويهدي سركم وتتصالحون وتردون حق بعض مثل أول وأحسن يا رب تقبلي مروري ولا تزعلين ترى يا ما بتشوفين ..

 

[عنود الريم]

لا تطلقين................كااااااااافي العقاب الي سويتيه له
ونظره الحق رااااح تنسينهاااااا ...................بعد ماااتردووون ................
الله يهديج ...........وتردين له

 

[شــــــوق~]

اختي صبا.....أليك ايها القلب المكلوم... اليك ايها القلب المهموم..كفاك حزنا وأذى...... كفاك دمعا وألما كفاك..كفاك ايها القلب....
الا ياقلب لاتحزن ترى... دنياك ماتسوى.....ولا ياعين لاتبكي... كفايا لوعة الذكرى...
ويكفينا الم وجروح ....واحزان بها نكوى...نبي ننساك يالاحزان....ونفرح في امل بكرا...تراه الهم وان طول ...يجي له يوم وبه يطوي ...
دايم خلها فـ بالك...وتلقى العسر له يسرا...اذا بتطاوع الدنيا....تراك بنارها تصلى...نصيحه ابتعد عنها...وعن ازماتها الكبرا..
صعيبه حالة الدنيا.. تبي صبر وتبي تقوى...تراقب ربك المعبود...وفي درب النبي المسرى...اذا تقدر تعيش بخير..وتنسى الحزن والبلوى..
في ظل الدين نتعاون...ونقهر دنية قشره...الا ياربنا عفوك... وغفرانك لك الدعوى...الا يارب نبي قربك..وجنتك لنا مأوى..ألا ياقلب لاتحزن ترى دنياك ماتسوى...
مع واقع تجربتي مع خيانات زوجي السابقه لي.. بدون تقصير مني.. صج جرح الخيانه صعب يبرا بس التضحيه وحب الاولاد يفوق كل شي راح تنسين عشان عيالج
وزوجج مو معصوم من الخطأ ...احنا في زمن الفتن اختي ..لاتصيرين انتي والزمن عليه...بالعكس انتي عطيتيه درس ماراح ينساه ..بس كافي تعاقبينه .!!!! زوجج ضعيف ايمان لاتتركينه لبنات الهوا بالعكس قوي علاقتج فيه ...عشانه ابوعيالج...وتذكري الأجر اللي راح تحصلينه من رب العالمين..هو بغربه يعني معرض للفتن وقفي معاه...لاتصيرين انتي والفتن عليه...شلون والشيطان يعرض له الفتن يمين وشمال بالعكس
حسسيه دوم انج وياه بروحج وبرسايلج خليهم يموتون قهر..بس لاتفكرين بالطلاق تذكري عيالج ...تذكري ايامج الحلوه معاه ..طلي في شباك الماضي ..شوفي الإيجابيات..شوفي الايام الحلوه العسل اللي كانت بينكم..انتي تحبينه بس من جرحج تقولين هالحجي..سويله مفاجأه اذا رد ترا الرجال اذا لقى صدود من مرته يلقاها فرصه اذا كان بالغربه ..وقفي معاه طرشيله رسايل كتابيا انج تحبينه بس مايكرر الخطأ اللي طاح فيه قوليله انت دوم تحب تصعد فوق القمم شلون طحت بالوحل انت اكبر من جذي حسسيه انج تحبينه بس عاتبيه ..ولاتلحين عليه ولا تذكرينه بالماضي اكبر غلط
على كثر خيانات زوجي عمري مافكرت اتطلق حرام العيال يتمرمرون عشان زلة ابوهم اهد بيت كاامل عشان فيوز خربان ..لا والف لا
اوقف بوجه الخيانه اوقف بوجه القهر واوقف بوجه الحزن ...وراح ياجزيني ربي على صبري...مابعد الصبر الا الفرج
وراح يتغير زوجج راح تصير ذكرى..الله يسخر زوجج لج ويبعد عنه بنات السوء عليج بالدعاء بثلث الأخير من الليل انه يعصمه منهم ومن اصحاب السوء.
دعاءالكرب...لا إله الا الله ...العظيم الحليم...لااله الااله رب العرش العظيم...لااله الاالله رب السماوات السبع ورب العرش الكريم

 

[صبا]

حبايبي مشكورين على ردودكم ومساندتكم ودعمكم لي بردودكم الطيبة

أنا اذا ريلي رد بالسلامه ما راح اطنش الموضوع الا بفتحه واناقشه ...بس سالفة ادخل واحد كبير معانا بالموضوع وايد صعبه ؟؟ منوو

المشكلة ما اقدر اقول حق اخوي العود ما يغبي عن مرته شي وماشاء الله عنده مره بخور السووق

اليوم عزمت خواتي على الغدا وحدة متزوجة والثانيه تووه مخطووبة

انصدمت أحنا كلنا بنفس البيت بس أختي متزوجة بشقة بروحها المهم أختي قالت لي ترا قريت موضوعج بالمنتدى وعرفتج

واختي العنونه هم توها مشاركه بالمنتدى وكانت شاكة فيني تقول من ثيم التيلفون عرفتج لوووول

العوووب ما يتحجون عن المنتدى جدامي وما يبون يعلمووني نكاتهم

خواتي حبايب قلبي ماكنت ابي أتعبكم معاي ..حتى خواتي ما توقعو ريلي يسوي جذي وقاللولي زين سويت علمته درس ماينساه

وتناقشنا بموضوع من اقدر اكلمه وادخله بالموضوع ريال يعني ...وما طلعنا بنتيجة ابوي صعب وايد واخوي العود مابي ادخله والباجي يهالوو

ابي رايكم معاي ؟؟ والله صج شي مهم أن أدخل واحد كبير وفاهم معانا بس منوو يعني ؟؟

وريلي يتصل فيني كل شووي ...والحين كل ساعه وثانيه مطرش رسالة حب ووله ...


وسلامت قلووبكم

 

[noorq8]

راح أحط لج رابط http://www.q8yat.net/showthread.php?p=6231338#post6231338
يغنيج عن أجوبه كثيره .

 

[Dancing^Queen]

اختي مدامج حفظتي ماي ويهه كل هالفتره
استمري حاففظي عليه

المهم احد من اهلج درا علشان يصف معاج اذا لاقدر الله صار شي بيوم من الايام

تفاهمي انتي وياه بروحكم بدون لاتدخلين احد من اهلج

 

[ندى الرووح]

حبيبتى صبا قصتج وايد اثرت فينى..بس تبى نصيحتى مايحتاج تدخلين احد بالموضوع انتى عطيتيه درس كبيرخاصه انك وصلتيها للمحكمه ومارح يتجرء يسويها مره ثانيه واخاف يتدخل احد تقوم تكبر السالفه .سامحى ريللك وانا اقول ردى على تلفوناته ولله حرام كسر خاطرى
واضح انه يموت فيك ولى سواه بس لانه فى غربه ومحتاج لانثى جنبه وهدا حال كل الريايل وانا من راى لاتهدينه بروحه روحى معاه وين يدرس انشالله حتى ماتدرسين بس كونى جنبه .انا ادرس بره واشوف كيف بعض البنات الهم ياكافى مسويات على راى المثل المصرى (البلد الى مايعرفك حد فيها شلح واجرى فيها ) بس مو كلهم شهاده بس فيه نوعيه تحت الصفر مهمتها بس تصيد الريايل .وبعد ابى اقوللك لاتحطى اى صور او مقاطع من ايميلات ممكن احد يعرفك ويطلع الخبر وتوصل ريللك .ماتصور رح يرضى.
والله يوفقكم يارب ويسعدكم وتكملو المشوار مع بعض وتربو عيالكم وتشوفوهم عرسان وعرايس ياااااااارب
امممممممممممممممممممموه

 

[ورد وردي]

نصيحتي لج عطيه فرصة ولاتسكرين الباب بويه خصوصا انكم تحبون بعض بس احساسج بالحقد والكراهية لان الجرح توة طري بس صدقيني بتنسين ان شاء الله وادعي ان الله يمسح على قلبج .......... الطلاق راح يزيد جرحج هذا لانج كل ساع بتذكرين ان ريلج سبب تعاستج وبتحملين مسؤلية اليهال بروحج وبتزيدين هم لان تربيتهم كلها بتصير عليج .........لا تاخذين قرار الطلاق وبتذكرين نصيحتي هذي بعدين


وانتي ادبتيه عدل

خلاص الحين لاتزيدين الجيلة اخاف ينصحونة اهل ابليس بالطلاق او يرجع لها وبيقولج انتي السبب ذيك الساع يقطها على راسج


قوليلة بأسلوب معين ان هذي ااااااااااااااااااخر فرصة يثبت ان تغير واخر فرصة يحافظ على بيتة

والله يهدي سركم

 

[ورد وردي]

وي توني ادري تصالحتو مبررررررررررررررررررررروووووووووووووووووووووووووووووك

 

[باحثة عن الحب]

الله يهدي ريلج ويسخره لج ....ويسعدج وياه ....عجبني موقفج .....ناطرين الاخبار الحلوة​

 

[Pettita]

ونستييييييني والله فرحتلج عسى الله يهديكم البعض ويسخرلج ريلج

 

[شهد السعودية]

افاااااااااااااااااااااااااا الله غفور رحيم وحنا البشر قلوبنا قاسية حتى الزلة ماتغتفر
اعرف ان الخيانة مرررررررررة صعبة ووعلقم بس اذا تحبين زوجك وبيتك وتتنمنين عيالك يعيشون في بيت ابوهم ردي لة وقولي عفا الله عما سلف ومن جد كل انسان لة هفوه
دمتي بود

 

[شــــــوق~]

اختي صبا ....الله يسعدك ...مبين قلبك ماشاء الله مايعرف الكره والحقد....بس فكرة انج تدخلين احد لا استري على زوجج الله يستر عليكم دنيا وآخره صدقيني اكبر غلط تقولين حق احد بسالفة زوجج ...محد مايخطأ ياأختي لاتسدين الباب بوجه زوجج...من كثرة اتصالاته ورسايله لج مبين يحبج حيل ...ولو لاقي حب ثاني صج والله مادرى عنج ولاتهمينه ....ولايهمه انج ترضين مادام صدتيتيه اكثر من مره ..
وعندج هني القسم البنات ماقصروا في ارضاء الزوج بس على ثقل...