هــذي ســالــفتــي بــعــد ( خــيـــانـة ريــلـــي ) شورو علي ...

[غرشوبه]

زين ما شاء الله تبارك الله نفع معاه خططج الجهنميه الصراحه والله يبيلنا كورسات عندج قبل الزواج

بس والله ما شاء الله عجبني تصرفج وصبرج لاني كنت قاريه موضوعج من البدايه وما حبيت اعلق لين اشوف أخر التطورات

والله يوفقج وانا انصحج روحي معاه وكملي وبالعكس الطفل عمره ما كان عائق وخصوصا اذا بره في وقت الكليه تحطينها في حضانه وهم الله يبارك في وقتج لانج مجاهده في العلم وتربية البنيه عسى الله يرزقج برها ويسخر لج زوجج

دمتِ بود

 

[eman84]

انا احس انه يحبج واايد و حاس بغلطته وانتي واااي تحبينه بعد ,, واهو خذى جزاه منج و عاقبتيه والحين دورج تصلين صلاة الاستخارة و الله يكتب لكم الي فيه الخير و يجدمه .

موفقه

 

[bintq8]

حبيبني صبا تمسكي فيه لاتفكرين غلط لانه الندم ماينفع واذا تطلقتي انتي الي بتحسفين وحرا ترى بينكم يهال ومهما كان ترى عشرة عمر وسامحيه والانسان يغلط والله يسامح الانسا مايسامح والله يهديكم ويخليكم حق بعض وحق عيالكم

 

[alhabibah]

الله يهنيكم ببعض يا صبا، عسى الله يديم عليكم المحبه، ويبعد عنكم اعيال الحرام...
فرحتلج ووووووااااايييدددد

 

[حورية من بلاد النور]

لولولولوولووووووويش حدي حدي حدي فرحت .. لما قرأت رسالته طرت من الفرحه والله بكيت .. الله يوفقج يارب وتهنون
قوليلنا متى موعد ردته بنسوي لكم زفه لا صارت ولا استوت من المطار لين باب بيتكم .. الله يهنيج يارب ..

 

[الام المحبه]

صباح الخير
شلونك صبا وشلون الكويتيات ؟
يعطيكم العافية جميعا
اخت صبا
نصيحة لوجة الله ....
الطلاق انسييييييييييييييييييييييييييييييييييه ولا تفكرين فية ولا حتى تقولينه له
وبنفس الوقت ردي البيت كوني عزيزة وقوية (موذليلة او مكسورة ) وريحي بالج وعيشي حياتك
وكثري من الدعاء والاستغفار
والمهم خلي عيونك مفتحة وكوني حريصة

والله يرد لج زوجك مثل ما تبين واحسن من الاول

 

[ام حمني المطيري]

طاير من الفرحه طاير .........
مبروووووووووووك وهذا الشي اللي كنت اتمناه وانا اسفة لاني قلت انج غبية اتمني تسامحيني لاني لو مابيلج الخير ماكنت رديت علي موضوعج ونصحتج لان ماعجبني وضعج معاه وقسيتي عليه اكثر من اللازم وقلت انج غبية ؟ شكو تدخلين المحامي في مشاكلج وليش تزيدين هالبعد اللي بينج وبين زوجج وتسمحين للبنت تلف عليه واطلب انج تسامحيني ياختي وانا اسقة

 

[أم منصور]

انتي ادبتيه ما فيه الكفاية

وبالطلاق بتخسرين احساسج كامراه خصوصا ان انتي من داخلج تحبينه وتبينه لو العكس صحيح ما كنتي كتبتي قصتج

انتي تبينه وتبين من يقول لج رديله تبين تسمعين هالكلمة لانها اهي الي راح ترضيج

رديله وربي عيالج الصغاربين امهم وابوهم في هالسن صعب تاخذين قرار الانفصال لو كانو كبار تكونين فعلا ضحيتي عشان اولادك

وربيتيهم الى العمر الي ممكن ما يحتاجون الاب ولو ان الاب يحتاجونه العمر كله

لكت في عمر عمن عمر يفرق في سن اولادك الانفصال بيسبب لهم مشاكل نفسية ويكبرون عندهم نقص في حياتهم ولا تصدقين العيال

ما يتحلمون انهم يكونون على طاولة الطعام يشاركون امهم وابوهم اللقمة حتى لو كان الاثنين مو متفقين بس حسبي شعورهم بالامان

ما قريت الردود لكن اتوقع ان فيها آراء كثيرة ومصيبة وعن تجارب متزوجااااااااات

موفقه

 

[الاسطورة]

ها حبوبه
بشري
انشالله وضعج تمام

 

[تشتوشا]

الله اخليكم حق بعض
وصدقيني حبيبتي كلشي في هذي الدنيا يتصلح
عسالله لا يفرقكم​

 

[أم أنور]

الحمدالله والله ونستيني الله يبعد عنه بنت ابليييس وان شاءالله اتكون اخر مره وماراح يعيدها بأذن الله
والله فرحت لج

 

[ثلوج لا تذوب]

انتي زوجج خانج مع وحدة اشلون لو تكتشف الزوجة انه زوجها يخونها مع شباب ..........................

 

[حـلا و ذوق]

مساء الخيــر


اختي صبــا.. اسمحي لي اقول لج انتي مينونة اذا صممتي على الطلاق !!

ريلج شاريج و واضح انه يحبج .. وفوق هذا انتي تموتين عليه ...!

لاتخلين عزت نفسج تخرب حياتج وتقضي على مستقبل عيالج .؟؟ على شنو؟؟ على زلة !!

اي زلة !! واكبر دليل انه تركها .. وماعاد يمشي معاها !!

كل انسان ماهو معصوم من الخطأ .. بس الخطأ انه يرجع يعيد كرته !!

الحين انتي صدتي عليه شي .. ومرة ثانية بيكون اقوى من الشيطان وبيعرف شنو اللي بيصير له لو خانج !!

تعلم من غلطته يا حبيبتي واللي سويتيه مو شوية !!

كفاية انه يالج لين ديرة ثانية علشان يراضيج .. لو غيره .. قعد يدق لين ترجعين بعدها يجيج !!

بس بقول لج شي .. لاتعلمينه على غيابج .. لا تعلمينه ان الزعل يطول .. بكرة اذا تراضيتوا ورجعتوا لبعض .. وتزاعلتو مرة ثانية لو على شي بسيط ماراح يراضيج مثل هالمرة .. لان زعلج يطول وتعود انج تحقرينه فترة وبعدها ترجعين !
اعرف قصة وحدة تزاعلت مع ريلها وقعد من المغرب لين ثاني يوم المغرب عند دريشة غرفتها يبي تراضيه ومارضت الا بعدين من نفسها .. الحين لو تزعل عليه .. يراضيها مرة .. مارضت .. بالطقاق لانها بترضى من نفسها بعدين ..


الريال ماقصر معاج حتى مصروف عياله مانساه .. والله حرام .. ترى تؤثمين ..!

في رياييل يطقون حريمهم .. في رياييل يتزوجون على حريمهم ويسبون ويلعنون عليهم ولا يصرفون لا عليهم ولا على عيالهم .. وحريمم فوق كل هذا يموتون فيهم ومستحملينهم ..
انتي هالريال اللي يبوسج على راسج ويدق عليج ويحاول بكل الطرق يراضيج مو راضيه عنه ؟؟

ريال بديرة غربة .. ماله حد .. لا انتي معاه و ولاشي .. غلط غلطة وصدتيه وندم ؟؟ ماتسامحينه ؟؟ ماتعذرينه..!
الله وسبحانه تعالى يرحم ويغفر .. انتي لا ؟؟ الشيطان حي با بنت الناس قبل لا تلومينه لومي الشيطان نفسه ..
حطي له عذر علشان لاتقضين على عمرج وحياتج ..

انا ما اقول لج كل ماخانج سامحيه .. بس هذا موقف مر عليكم .. انتي تعلمي منه وهو اكيد مليون بالمية بيتعلم منه..

الريال بديرة ثانية ومانساكم .. فيه رياييل يتزوجون بالسر لاطلعوا يدرسون برا ..

اذا هجرتيه وماكلمتيه انتي تعطينه عذر باجر بينه وبين نفسه بيكون مقتنع انه حاول معاج وانتي مارضيتي بيحلل لنفسه يتزوج ثانية ويطلقج .. باجر يربى عيال غيرج وعيالج ربيهم بروحج !!

الحين تلاقينه متضايق ومتكدر .. والريال لما يمر بهالحالة يتعلق بسرعه بأي انسان يواسيه او يخفف عنه ؟؟
تبين وحدة من هالبنات تصيده ؟؟ تحرمج منه وتحرمه من عيالج !!


انتي اصلا تبينه وماتقدر تعيشين بدونه ..خلاااص لا تكابرين ..

المهم .. تعوذي من ابليس وان شاء الله الدراسة تخلص وتفتكين خخخ

والله يوفق ويصلح مابينكم يارب

 

[بدرووووووووووه]

الله ييهديكم لبعض

 

[الوصلة الفرنسية]

اللهم اني استودعتك قلب زوجي وسمعه بصره ولسانه وفرجه في ودائعك فاحفظها لي يا من لا تضيع ودائعه
اللهم اجعله لي قرة عيني الوحيدة واجعلني له قرة عينه الوحيد
اللهم حببه فيني وحببني فيه .. اللهم ابعد عنا الحسوود والشر النفوس .. اللهم وفقني معه على طاعتك وحسن عبادتك وجعلنا نلتقي في جناات الفردووس
اللهم امــيـــــــــــــــــــن

 

[A6AYEF]

صبا ..........
انا معاج بالموضوع و قلبي معاج و قلت ماني كاتبه الا اذا طاح الحطب بس في وحده ردها عجبني كانت (( مضيعه ))
و بصراحه ماكو احلى من الحب ... عيشي حياتج مثل ما انتي تبين و استانسي فيها ... الزواج نعمه من الله ما يعرف قيمتها الا المحروم ..... الله يرزق البنات الزوج الصالح ....
و نصيحه اخيره ....
قربي من الله اكثر ......... الاستغفار له نتيجه سحريه دايما​

 

[miss-fofo]

صبا حبيبتي نصيحه لاتحطين مسجاته لاتعرضينهم وولا تقعدين تقولين قالي احبج ابيج تره كافي الي صار عليج مو ناقصه تييلج عين انا مو قصدي احد معين بس تدرين عين تصيب عين تخيب والله يسهل امرج وتردون لبعض بجاه الحبيب المصطفى

 

[o_mermaid_o]

انا اقول لاتفرطين بريلج وسامحي عشان عيالج ولاتخلين ريلج بروحه بالغربه

 

[بطريقة]

والله انه دمعت عيني و انا اقرا

شوفي حبيبتي تعوذي من ابليس و مالج الا ريلج و الحمد لله الريال حاس بغلطه و يبيج تسامحينه و حتى البجي بجى فــ اهو يموووت عليج ... و شينه الحلايا كانت مجرد تقزوره و مايحبها ولا شي ...
ممكن بحاله وحده اقولج لا تسامحينه و طلبي الطلاق اذا الريال يحب شينه الحلايا و متمسك فيها و يبي يتزوجها ...
وترى الريال بطبعه خاين مهما كان يحب زوجته و لو كل الحريم طاحو على رياييلهم و طلبو الطلاق جان محد ظل متزوج كل العالم مطلقين .. انتي يمكن ربي كشف زوجج عشان ينقرص و ما يعيدها .. في ناس رياييلهم يخونون مره و وثنتين و ثلاث و المره ماتدري شالطبحه ...

اما بحالتج لا والله ميخالف اعتبريها زلـــة و طوفيها و حاولي تنسين هذا ابو عيالج راس المال

 

[زُمرُدة]

ماحبيت اطلع من غير ما اعلق بس صج حيل حيل اثرت فيني القصة مع اني مو متزوجة بس ما اقول غير الله يسخره لج ان شاء الله واللي اعرفه الريال لما يلقى فجوة صغيرة على طول بيركض وراها يعني لو منج اروح معاه لما يكمل دراسته واساسا انتي ناوية تكملين بعد احسن واحسن، ومثل ما قالت اختي miss-fofo لاتعرضين المسجات والايميلات اللي بينج وبينه بالمنتدى هذا شي خاص فيج ، ولو اني ما افضل تناقشون اموركم بالايميلات خليها تلفون او وجها لوجه احسن ، الله يوفقج يااااااااااارب ويخليكم لبعض وينسيج اللي صار علشان تمشي حياتكم

تقبلي مروري حبوبة