هـذا الي ناقصنا بعد!!الشرطة النسائية في المجمعات والأسواق... حتى منتصف الليل !!

[غمزه وإبتسامه]

انا بصير ظااااااااااااااااااااااااااااااااااااابطه

 

[::كيك وعسل::]

مممم لاتعليق
...

 

[ms-daal3]

الله يستر عليهم

 

[يوآش يوآش]

والله انا اقول اهيا اختارت هالمكان

اهيا تتحمل القرارات ..

والله يعينهم صراحه : )

 

[غزلان]

بالعكس شي طيب
احنا حريم وادري ابعض اكثر المصايب تصير لا تجمعوا الحريم
بويات المسيله
مسخره الترفيه الاثنين
شووفها من جانب حلو بالعكس راح ينفعونا
بس انتوا مهولات كل شي غريب تستنكرونه لو الغرب سوا صار وواو وشحلاته وشي طيب

 

[قَلبيْ صُويبكْ !]

,

شفيكم شنو مآفرقت على غيرهم ؟؟

بـ آلعكس أنآ أشوف فيه فررق وكبير , أهم بـ وقت عمل وشآق أتوقع
يقعدون لـ 12 بـ آلمجمعآت وآلأمآكن شي مو حلو صرآحه !

مآ أأييد هآلفكره كلش !


وبعدين حلآت آلريآجيل يمسكون آلأمن ويحمونآ مو حريم !!

 

[جوري وبنفسج]

السلام عليكم

ما أقول ألا الله المستعان

مدري وين راح توصل الأمور

خلوا المسيلة والمشروعات السياحية على صوب وركزوا على المنشئات الحيوية >> بالذمة شنو راح تسوي أذا صار هجوم أو سرقة !

وما أدري كيف بيتصرفون لو هجموا عليهم الشباب الصايع

ما أدري متى يستوعبون قول الله تعالى ( ليس الذكر كالأنثى )

فالرجال يختلفون عن النساء بالقوة الجسدية ولهذا السبب تكون الوظائف الشاقة من نصيبهم . ​

 

[sweet dashttya]

رد: رد : هـذا الي ناقصنا بعد!!الشرطة النسائية في المجمعات والأسواق... حتى منتصف الليل

^^ لو كانت صباحية احسن ..
ماتتناسب مع واجبآت المرأه الأسرية يعني زوج وعيآل

يعطيج العافيه

اي صح

 

[بدويـــة مودرن]

قرآرهم مو في محله ..ْ

الله يستر عليهم ويعينهم

​

 

[منوووووله]

خلو القرار على صوب ابي المره نفسها الي وافقت اتصير شرطيه اشلون تخيلت نفسها !!

تمسك مثلا شباب تهاوشو بمجمع ومعاهم اسلحه حاده شلون بتتصرف حتى لو مدربه اكيد بيصيبها شي او طشار ّ!!

قاعده اتخيل منظرهم امبي موووراكب نهاائياا وفكره حلوه انهم يخلونهم بالمسيله يوم البنات والاكوابارك بعد عشان المصاخه الي قاعده اتصير !

 

[روح مغليها]

فكرره حلووه..\
بس مره شفت الشبااب يتحرشوون بالشرطياات مصخررره

 

[M!sS MOnatOO]

تكلمون بطريقه تحسسوني فيها جنه احد جابركم تشتغلون بالشرطه

يبه كيفهم اهما احرار اختارو هل الوظيفه واهلهم راضيين شعليكم منهم

عيل لو يطبقون التجنيد الزامي علينا شبتسوون بعمركم @@

؛

وشنو سالفة التجنيد الالزامي بعد والله هذا اللي ناقص
ليش خلصوا الرياجيل بالديرة ولابيصير تبادل ادوار يعني الرياجيل يشتغلون
وظايف مدينة ويقابلون الجهال واحني بالشرطة والجيش ونسهر علي راحة الوطن !!

تبون تدخلون الشرطة بكيفكم كلاً بعقلة راضي بس توصلون لي عندنا وسالفة تجنيد الزامي
لي هين وبس عاد
ناقصها الديرة اكثر من هاللعب

}

تعليقي علي الخبر

مابني علي باطل فهو باطل يعني وحدة معاها ثانوية عامة بشهر تصير ملازم وتنضرب
لها تحية من ناس لهم اكثر من 10 سنين في الخدمة وشهايدهم اعلي
من شهادتها
خرجوهم بسرعة بحجة ان السجون والمطارات وتفتيش النساء بحاجة بسرعة
للعنصر النسائي وبعد ماتخرجوا بهالسرعة وهالرتب استخسرا شلون يخلون هالرقباء والملازمات
والعريفات يحرسن المسجونات شيسون فيهم يلة نساوي بينهم وحالهن من حال الضباط البقية

بختصار ليما اللحين اللي يفتشن بالحدود مصريات والداخلية مستخسرة تودي هالضابطات مكان اقل
من مستواهن الوظيفي



.

 

[دلوعة المطران]

الله يعينهم ..

 

[شمعة ليل]

رد : هـذا الي ناقصنا بعد!!الشرطة النسائية في المجمعات والأسواق... حتى منتصف الليل !!

وانا اودى اعرف ليش لان المرأه اكثر التزام فى دوامها من الريال ؟؟؟؟؟؟؟؟

 

[جلاديلياس]

انا اشوف الشغله عاديه مافيها شي الي رضت تدخل هالمجال تتحمل ومافي وحده مجبووووره

 

[خاشووقه]

 

[حجيه هيونه]

الله يعينهم مجال صعب

بس بصراحه وناسه الوحده شرطيه جان زين يحصل لي لوول

 

[بنوته86]

مصخرررة
وجودهم ماله داعي !!!!

 

[ابلة رسم كتكوته]

في البدايه الكل راح يستنكر الوضع
بس بعد فتره راح يصير الوضع طبيعي
ومحد راح يلتفت لهم
وصدقوني في يوم من الايام راح نحتاجهم بموقف ما نقدر نكلم فيه ضابط

 

[cherry kisses]

اشفيها ؟ وين الغلط؟
لي متى يعني مجتمعنا اي شي فيه كلمة مره بالنص صار مصخره وحرام ومادري شنو
خلاص انسوا المره شوي
يعطيهم العافيه