هـذا الي ناقصنا بعد!!الشرطة النسائية في المجمعات والأسواق... حتى منتصف الليل !!

[غربــــة اِحساس]

:d




السلام عليكم ورحمة الله


حطوا شرطة نسائية وقالوا لاتحاتون بس للمطار والجوازات وشغل اداري ...

اشوف هالحجي انمسح وتبدل

اقروا خبر الراي !!



بدأت وزارة الداخلية المرحلة الثانية من توزيع عناصر الشرطة النسائية في المجمعات والأسواق... ليلا.
ونص قرار أصدره وكيل وزارة الداخلية المساعد لشؤون العمليات اللواء الدكتور مصطفى الزعابي حصلت عليه «الراي» على توزيع عدد من عناصر الشرطة النسائية على شاطئ المسيلة والمشروعات السياحية والمجمعات والأسواق اعتبارا من الساعة العاشرة وحتى الثانية عشرة ليلا من تاريخ اليوم.
ونص القرار على أن تضاف المشروعات السياحية إلى مهام قوة الشرطة النسائية وفق أمر العمليات رقم 500/2010 وأن يتم التركيز على البنوك ومحولات الكهرباء والأماكن الحيوية.
ودعا القرار إلى التنسيق المشترك بين قوة الشرطة النسائية وقوة المباحث الجنائية والأمن العام والدوريات لتنفيذ المهام الموكلة إليهم في هذا الجانب.


انتهى نقل الخبر ..

الشواطئ نقول اوكي يحافظون على الامن وبنفس الوقت خصوصية النساء هناك بس الاسوااق؟؟!!


مادري بنات تهقون الشباب خلصوا والا استقالوا والا بريحونهم في الليل ويشغلونهم الصبح !!


مانقول الا الله المستعان

وظيفة ماتناسب طبيعة الانثى

مو ناقص الا يحطون شرطي وشرطية بدورية وحده ويصير عندنا 911 امريكي لووول

الله يهديهم على هالقرارات ......​

 

[املى كبير]

عادى يعنى البنات بسوقه لحد ال12 وفووق

وقفت على الشرطيات


الله يستر علينا وعلييهم

 

[احلى مريومه]

لا تعليق

 

[شوؤوق..]

:blueSmCLR:ههههههه الله يستـــر عليــــــهم ..

 

[أنفاسي دخون]

وليش مو الرجال اللي يخلونهم من العشر للـ 12 !!!!

الله يستر عليهم بس

 

[mo9a7ya]

عادي حبيبتي شنو يعني
يعني الكل يطلع لي ال١٢ و ١ وقفت على الشرطيه يعني
واغلب الحريم يردون بيتهم ساعه ١٢
!!!!!

 

[يالبيه 17]

الله يعينهم

وصح الحين اغلب الحريم مخلين بيوتهم ومايردون الا الساعه 12 بليل خخخخخخخخخخ

مشكوره

 

[مريانا ام ماريا]

ما اشوف القرار فيه شي غلط ليش الحريم متى يردون بيوتهم مو قبل 11 او 12 بليل والشرطيه موضفه تادي عملها ما قاعد يسوون شي غلط بالعكس يعطيهم الف عافيه

 

[وصيّه جــــابر]

رد : هـذا الي ناقصنا بعد!!الشرطة النسائية في المجمعات والأسواق... حتى منتصف الليل !!

^^ لو كانت صباحية احسن ..
ماتتناسب مع واجبآت المرأه الأسرية يعني زوج وعيآل

يعطيج العافيه

 

[نهايتنا قبر و موت]

والله انا ما اشووفة لهااا داعية بالاساس يحطوون شرطيات >>اخاااف بياخذوون رايج بس خخخ

الله يستررر عليهم بس ,,

 

[فطفط نجد]

الله يستر عليهم ودام انهم في خدمتنا الله يقويهن

 

[دانه_83]

شسالف هذا الى اى والله هذا الى ناقص الله يستر ان شالله

 

[ضايعه بهدنيا]

تكلمون بطريقه تحسسوني فيها جنه احد جابركم تشتغلون بالشرطه

يبه كيفهم اهما احرار اختارو هل الوظيفه واهلهم راضيين شعليكم منهم

عيل لو يطبقون التجنيد الزامي علينا شبتسوون بعمركم @@

 

[*دنــيـQ8 ــا الوله*]

رد : هـذا الي ناقصنا بعد!!الشرطة النسائية في المجمعات والأسواق... حتى منتصف الليل !!

شفتهم يوم الاربعا بالافنيوز 3 بنات ... قصدي 3 شرطيات خخخ يتمشون وكل النااااااااااس عيونهم ع الشرطيات

 

[~*~الملكة~*~]

مادري

دامهم اشتغلو بهالمجال يتحملوون كل شي فيه

 

[رشيقه]

رد : هـذا الي ناقصنا بعد!!الشرطة النسائية في المجمعات والأسواق... حتى منتصف الليل !!

عادي احسن لان الوحده احيانا تنحرج تكلم شرطي بس الشرطيه تفهمج اكثر
الشرطيات وجودهم مهم بس حنا البشر فينا طبيعه اي شي جديد لازم نعارضه

 

[جماااانة]

بالعكس شي حلوو وجود الشرطيات .. خاص بالاماكن اللي يكون كلهاا حريم .. اماا انهم لي ال12 شغلهم فأغلب حريم الكويت مايردون بيوتهم إلا متأخر يعني ما فرقت ...

بس المشكله مو شغلهم المشكله بنظرت هالشباب وما يسون فيهم ... الله يهديهم بس ما يخلون احد بحاله

ويعطييهم العافييييييييييه

 

[أم حمودي**MALL**]

اهم ما اختاروا هالمهنه الا حاطين ببالهم هالشي وحتى احتمال يباتون حجز اذا صار مصيبة لا سمح الله

والحين اشدعوه البنات مقصرين مزوجه ولا حتى بنت شوفيهم يتفرفرون بانصاص الليالي
وبعدين الشرطيه حالها حال الدكتوره كا الدكتوره تداوم لي بليل وتاخذ خفارات

 

[قـہۈه فـرنسيـہ™]

هم دشوا هالمجال يتحملووون >>>وطبعا هم مستانسيييييييييين ...علبووووووو انهم هيبه ...وأنا أقووول راااحت الهيبه مراح جدي يوم راااح ...


واللي تقول وجودهم ضرووري ...بالله على شنو ضروري ؟

يعني صكت هووشه بين شباب ولا صار تحرشات ...بذمتج تقدر تووقفهم الشرطيه ولا تفرق ..؟؟

أصلا مجرد انها توقف أحد تقول عطني هويتك ...بيعطيها عرض كتووفه وينحااااااااش ..


يعني هزززززززززززززززلت بصراحه

 

[مندوبة ام بندر]

ذاك اليوم بالافنيوز والساعه كانت المغرب وماخلوهم الشباب الكل تحرش فيهم لين طلبو دورية امن تساعدهم وفكتهم من الشباب
الحين بعد بالليل اي كملت اراهنهن اذا ماعافو وضايفهم الى اذا كان الوضع عاجبهم