هذي قصتي بليز فيدوني ...........ز

[$$لامار$$]

السلام عليكم ورحمة الله وبركاته

بنات انا متزوجه من سنه وتسع شهور وليلحين ماحملت

المهم قبل سنه بالضبط يعني بعد زواجي ب9شهور رحت اسوي تحاليل المطلوبه

عشان اعرف ليش تاخر الحمل والحمدلله كل شي طلع سليم عندي وعند زوجي

المهم سوينا التحاليل بمختبرات الالماني وديتهم عند بهواني شافتهم وقالت سليمين

قلت امري لله بقعد مادام انا وزوجي سلميين .............

الحين مرت سنه على هالكلام رديت قلت لازم اشوف نفسي رحت عيادة البراه عند ماجده اليتامى

طلعت مسافره فرحت لشرين المهم قالتلي اعيد التحليل كلها لانها قديمه صارلها سنه فمن حسن الحظ كان ثاني يوم للدوره

سوتلي تحليل الهرمون التبويض وطلع سليم وقالتلي يوم السبت اسوي الاشعه الصبغيه مع العلم ماعمر سويتها

قالتلي عشان تحملين لازم يكون هناك 3 شغلات سليمه بويضه وحيوان منوي وقتاة فالوب فبالاشعه الصبغيه راح تعرف اذا الغنة سليمه ولا لا


المهم يابنات ثاني يوم دقوا علينا طلع زوجي عنده ضعف في نشاط الحيونات المنويه ع ان التحليل القديم يقول انه سليم

عطو زوجي حبوب تقويه لمدة 3 شهور وعطتني انا كلوميد وبدينا ناكلهم لاكن


اللي الحين انا بعرفه مدام زوجي طلع فية ضعف ليش اسوي الاشعه الصبغيه ؟

الدكتوره قررت اني اسويها قبل لا تشوف تحليله الجديده ؟

الحين مادام عطتنا هالاحبوب ليش اسوي الاشعه الصبغيه ؟



بنات شتنصحوني اسويها ولا لا واللي سوتها تقولي اذا تعور ولا لا يعني اخذها بنج ولا بدون بنج ؟


:0bee2e8d89::0bee2e8d89::0bee2e8d89::0bee2e8d89::0bee2e8d89::0bee2e8d89:

 

[$$لامار$$]

تكفون بنات ردوا علي لو بكلمه طيبه

 

[فراشة الكويت25]

شوفي انا بعد نفس سلافتج بس في اختلاف اشوي
انا كان ما فيني شي وقالولي لازم اشعه الصبغه وكنت خلاص بسويها ولا اقول لزوجي يسوي تحليل طلع فيه ضعف شديد فقالي الدكتور لا اتسوينها لان زوجج فيه ضعف انتي بين عندج السبب الحين انه زوجج فيه ضعف فما انصحج اتسوينها اذا زوجج تعالج وهم ما صار حمل عاد اهني سويها انا هذي نصيحتلي لج وانشالله يارب يكون الحمل قريب لج يارب

 

[ام مسااعد]

ماعندي فكرة فيها وعسى الله يوفقج

 

[مسك وورد]

اذا السبب من زوجج لا تسوينها

انا وقفوا كل شي معاي كل مابغيت اسوي تحاليل قالوا
السبب من زوجج خل يتعالج اول

 

[تمر حنا]

انا سويتها وبدون بنج وكان عوار خفيف والحمدلله طلع مافيني شي انتي استخيري وشوفي
والله يرزقج بالذريه الصالحه

 

[WaChoCha]

شوفي حبيبتي اشعة الصبغة علشان تتأكدين ان انابيبج ورحمج سليم حتى لو كان المشكلة عند زوجج .... افضل لج تتاكدين

عموما اهي عوارها بسيط مثل عوار الدورة ..وانا سويتها بدار البراء عند د سمر ماشاء الله ايدها خفيفة وبدون بنج

 

[mememoon]

انا مثلج بالظبط بس سويت الاشعة بدار الشفا وبدون بنج وما حسيت بولا شي وقالولي كل شي اوكي بس الدكتورة نبهتني ان الشهر اللي اسوي فية الصبغة ما يصير حمل فية مو زين فالمفروض الحبوب تاخذينهم الشهر الياي وبالعكس سوي الاشعة عشان اتاكدين ... ويمكن الدكتورة بتسوي لج بعدين تلقيح صناعي فلازم تتأكد من الانابيب وسوي طولت عليج ..

 

[$$لامار$$]

تسلمون بنات يعطيكم العافيه ماقصرتوا

بس ليلحين ماتوصلت لقرار لازم اكلم الدكتوره

مدري ليش متردده ودي وماودي

 

[ام دلول]

شوفي حبيبتي اول شئ صلى استخارة
وبعدين لو زوجج فيه ضعف حتى لو شوي ما يصير حمل الا اذا الله سبحانه اراد اسأليني انا اعاني من هالسالفه
وماجده كل ما احد يجيها تطلب تسويله اشعه صبغه واذا سليمه تقول للمريضه فيج لحميه وصار معاي من واقع تجربه ورحت دكتور ثاني وجيكت وطلع لالحميه ولا بطيخ انصحج غيريها
وروحي لدكتور ناهض بالمواسة دكتور انسان وراح ترتاحين عنده
والله كريم

 

[كمنتالبي]

أختي الغالية ....

أنا أقول سويها لانها مرة بالعمر تسوينها وكل دكتور لازم يطلبها منج والحين أنتي شفتي أن زوجج عنده سبب يمنع الحمل ...

عشان تتأكدين وماتأخرين بالحمل سويها يمكن يكون السبب تافه وتقدرين تعالجينه ...

الله يوفقج ويرزقني وياج بالذرية الصالحة المعافاة ياااااااااارب ...

 

[غيـ الناس ـر]

سويها حبوبه مو خسرانه .. وبالعكس بالنسبه للي قالت مو زين تحملين بنفس الشهر .. انا حملت بنفس الشهر اللي سويت فيه اشعه الصبغه لأنها تزيد نسبة الحمل لو ماككان فيج شي تنظف لج الانابيب هذا بحد ذاته تسهيل لعملية وصول البويضه


والله يرزقج ياااااارب

 

[الفريده]

سويها حبيبتى وتوكلى على الله انا ماسويتها الا بعد زواجى 6 سنوات ولا احد قالى من اللى اراجع عندهم سوى اشعة الصبغه
وبالنهايه طلع عندى انحراف بعنق الرحم وسوولى منظار وعدلوه طبعا هذا كان بالصباح وحدة الأنبوب والحمد الله على كل حال
فسويها احسن لج حبيبتى منتى خسرانه شى

 

[نور آلدنيآ]

استخيري ربج
ونصيحتي تسوينها وتتاكدين انج سليمه

 

[$$لامار$$]

الله يعطيكم الف عافيه

 

[فجرالعيد]

سويها لامار عشان تكونين كملتي كل فحوصاتج اللازمه لأن أشعة الصبغه خطوه مهمه لازم تسوينها وبعدين إهي سهله ماتخوف أنا سويتها بدون بنج في ياكو بمستشفي العدان ألم خفيف والدكتوره حليوه ساعدتني وفي بنات سووها وإحملوا لإن كان عندهم إنسداد في الأنابيب والصبغه ساعدتهم توكلي علي الله ولاتحاتين

 

[ريـمــاس]

الله يوفقج حبوبه ويرزقج ويرزقنا بالذريه الصالحه قولي آمييييييييين
اللهم لاتذرني فردا وانت خير الوارثين

 

[مهرا احلى مهرا]

سويها وتوكلي على الله مافي شي بعيد عن الله

 

[نيبال الايمان]

يا عمرى اول شى يا عسى الله يرزقج عاجلا غير اجلا بالذرية الصالحه البارة اللى تقر عينج وتفرح قلبج امين يارب


ياعمرى انا انصحج تسوينها لان اذا ما سويتها اليوم بتسوينها باجر يعنى توكلى على الله وسويها وترى كلها سهالات من الله 000 وغير هذا تشيكين على نفسج من كل ناحية حتى لو كان العيب فى زوجج 000

يعنى الله لا يقولها لو طلع فيج شى تتداركينه من اول شى احسن ما تقعدين فترة والله العالم شيصير بهذى الفترة وان شاء الله ما تتم ال3 شهور اللى عطوها لزوجج كعلاج الا وانتى حامل باذن واحد احد 000

توكلى على الله وسويها على الاقل تتطمنين على نفسج 000 والله يوفقج ان شاء الله وييسرها لج امين يارب

وعسى الله يرزقج ويرزقنى ويرزق كل محروم ومحرومه منهم امين يارب