هذي امـگ ؟؟ لـآ هذي خدآمتـنآ ..<< لاحول ولاقوه الا بالله ..

[حلاها كويتي]

السلام عليكم ورحمه الله وبركاته

بقولكم كم موقف تصير في مجتمعنا للاسف


الموقف الاول : فطوم وسوير جالسين في الفصل وكان عندهم اجتماع امهات طبعاَ ولا وحده قالت لامها
سمعت ام سوير من جارتها ان الثانوي عندهم اجتماع قامت من حبها لبنتها وحرصها عليها راحت له تبي تطمن على مستوى بنتها الدراسي ..
في المدرسه / جات الأم شافت بنتها سوير قامت تناديها ,سوير شافت امها انصدمت انها جايه قامت سوت نفسها ماشافتها سألتها فطوم من هاذي اللي تنادي عليك جاوبتها سوير هذي جارتنا النشبه خلينا ننحاش منها!!!


الموقف الثاني :
النوري عازمه صديقاتها في البيت وقايله لامها لا تطلعين لهم تفشليني عند صديقاتي
جاو صديقاتها شافوا امها بدون قصد من الام سالوا النوري هذي امك ردت عليهم لالا هذي شغالتنا بس ماتلبس حجاب اذا ابوي مو بالبيت !!!


الموقف الثالث :
ريم علي بالصف مرت عليهم مشرفه الغياب خذت اسم لوحده غايبه بفصلها اسمها ريم بدون لاتاخذ اسم الابو او العائله قامت الاداره دقت على بيت ريم علي بالغلط ..
ردت الام
الاداريه : السلام عليكم
ام ريم : وعليكم السلام
الاداريه : حنا المدرسه بغينا نسالكم عن ريم سلامات وشفيها غايبه ؟؟
ام ريم : هاه ريم لا مداومه اليوم
الاداريه : لا ماجات المدرسه < بدون ماتتأكد
ام ريم خافت وراحت ركض للمدرسه وهي تبكي وفي بالها الف فكره وفكره
راحت لقت بنتها بالسيب من خوفها عليها ضمتها دفتها ريم
ريم : فشلتيييييييييييييني وش جايبك المدرسه !!!




برايكم :

* البنت اللي كذا تستاهل هالام ؟؟
* ماسبب حدوث هالعقوق برايك؟

اترك لكم حرية التحدث ..



منققولْ~َ

 

[$ بنت علمي $]

وعليكم السلام والرحمه

لاطبعا مايستحقون هالبنات يكون عندهم امهات غيرهم يتمنى ريحتهم بس

الله يهديهم ويجعلنا بارين بامهاتنا يارب

شوفي اسباب العقوق

واجد

يا تكون من الام والابو اذا كانوا موعادلين مع عيالهم ويقسون عليهم تلقين الابناء يعقونهم والسبب طبعا منهم

او تكون من الابناء غرتهم الدنيا ونسوا اباتهم وامهاتهم

الله يهديهم ويجعلنا من البارين بوالدينا ويغفرلهم ويرزقهم الجنان يارب

يعطيج العافيه حبيبتي

 

[جنان ربي بانتظاري]

لا طبعا ممايستحووق حتى ظفر الام ...

الفعل اهني :
ان الام :
1) راحت الاجتماع بنتها
2) طلعت من الدار وخلت ارفيجات بنتها يجوفونها بدون قصد
3) راحت مدرسه بنتها من خووفها عليها

كل فعل له رده فعل :
1) انكرت ان هذي امها وقالت انها جارتهم
2) انكرت وقالت ان هذي خدامتنا
3) هاوشت امها
لردات الفعل هذي اسباب
اعتقد ان الاسباب لردات الفعل كالتالي :

1) اتكوون البنت راسمه اب ببال ارفيجاتها صووره ثاانيه و مختلفه جدا عن صوره امها في الواقع

اسباب هالشي هذا :

أ) ان اتكوون بتمااشي ستايل امهات ارفيجاتها

ب) انعدام الثقه (( راح اتقولين شكوو))

" بس اقصد فيه اهني انها اتكون تبي تاخذ دوور المثاليه وحاطه اببالها ان ماتكوون مثاليه الا اذا امها كانت مثاليه "

2) متفشله من امها وماتبي احد يعرف ان هذي امها عشان مايعبوون

الخلااصه:
هالردات الفعل هذي شي اكييد ناتجه عن عقل صغير ومتخلف
وبس ..
سووري ادري قرقت وايد بس اشتطيت :$
بالختام :
اسأل الله ان يعطي امي وابوي الصحه والعافيه والفرحه الواسعه
ويطوول باعمارهم في طاعته
ويرزقني واخواني برهم واحسانهم

 

[المشاعر تحبك]

اللي ما فيها خير لأهلها وجذي تقول عن أمها جدام الناس ما فيها خير لأحد !!

الأم هي الإنسانه الوحيدة اللي مستحيل أحد يعوض عنه ومهما هاوشتج ومهما قست عليج ومهما ومهما بداخلها لا يمكن تشيل على أحد من عيالها .. اتعبت وربت وكبرت في منهم اللي كرست شبابها وصحتها لعيالها وفي منهم اللي انهانت وانذلت عشان تشوف عيالها مو ناقصهم شي .. الأم شي كبير وباب من أبواب الجنة إن بريناها شفنا الرزق بعيونا وإن عقينا فيها انعفست حياتنا .. احنا شنبي من الدنيا غير أم نبرها ونشوف شنو بخاطرها وانداريها غيرنا محروم من هالنعمة وغيرنا مو حاس بهالنعمة العظيمة اللي الله رزقه فيها !!

الله يهديهم إن شاء الله ويسخرهم لأمهاتم

 

[حلاها كويتي]

ردودكم بقمه الرووعه

منورات

 

[تبيني آرضى عليك]

مااايستحقون يكون عندهم ام

واتوووووقع سبب العقوق من الواقع اللي اعيشه هو الدلال الزايد عن الحد يعني الام والاب يدلعون البنت او الولد وجميع طالبتهم
مجابه ومايقولولهم لا لو على حساب راحتهم وسعادتهم ويضحوووون من اجلهم باشياء كثيره فخلاص البنت او الولد يتعود على هالشي وبل يتمرد ويتأمر عليهم ايضا"

يعطيك العااااااااااااااااااافيه يالغلا

 

[حلاها كويتي]

اي والله يامن يتمنى ام له

منوره

 

[عادت ذكرياتي]

أتوقع مثل ما قالت الاخت الدلال الزائد المفرط ...


الله يرحمنا برحمته ويرزقنا بر والدينا آميييييييييييييييييييييين

 

[فراشة البساتين]

انا اتوقع ان هالامر يرجع لعلاقة البنت في الام

لازم الام تقرب لبنتها وتحاول تكون صديقتها لتفادى مثل هذا النوع من انواع العقوق وربي يهدي البنات والامهات

 

[حلاها كويتي]

اللهم امين

منورات

 

[HoT P!nk]

عمى بعين العدوووو هذي والله مو كفوو ام تخاف عليها

و الله خنقتني العبرة

 

[حلاها كويتي]

هههههههههههههه اي والله

منوره

 

[((غلاي))]

اللي ما فيها خير لأهلها وجذي تقول عن أمها جدام الناس ما فيها خير لأحد !!

الأم هي الإنسانه الوحيدة اللي مستحيل أحد يعوض عنه ومهما هاوشتج ومهما قست عليج ومهما ومهما بداخلها لا يمكن تشيل على أحد من عيالها .. اتعبت وربت وكبرت في منهم اللي كرست شبابها وصحتها لعيالها وفي منهم اللي انهانت وانذلت عشان تشوف عيالها مو ناقصهم شي .. الأم شي كبير وباب من أبواب الجنة إن بريناها شفنا الرزق بعيونا وإن عقينا فيها انعفست حياتنا .. احنا شنبي من الدنيا غير أم نبرها ونشوف شنو بخاطرها وانداريها غيرنا محروم من هالنعمة وغيرنا مو حاس بهالنعمة العظيمة اللي الله رزقه فيها !!

الله يهديهم إن شاء الله ويسخرهم لأمهاتم

كلامج من القلب طالع
انا رايي من رايها
الا الام
شكرا عالموضوع الحلو:eh_s(7):

 

[حلاها كويتي]

منوره

 

[متيمة بالشعر]

آكيد ما تسـتآهل هالآم بالعكس تماماً .. !

و شنو سبب هالعقوق ماني عآرفه بس كل اللي اعرفه انها رآح تشوفهآ .. ببـناتها بالمستقبل وراح تتذكر كل شي
,

الله يهديهم​

 

[روز بآريس]

استغفرالله
لآ طبعآ ماتسستآهل الام
وربي بغيت ابجي ليش جذي يعني استغفرالله

بس سوالج اللثاني مافهمته اعتقد بنتها تسسوي جي فيها يآرب

 

[أم عبووووود]

لا حول ولا قوة الا بالله العلي العظيم

ربي لا يبلينا الا البلاء الحسن ويصلح عيالنا وعيال المسلمين

طبعا هالاشكال من الابناء لاتصلح ان يكون لديها امهات حسب الله عليهم

احيانا يكون السبب دين من رب العالمين لان الدنيا دين وعقوق الوالدين عقابه بالدنيا قبل الاخرة فرب العالمين يعجل العقوبه واحينا يكون السبب في العقوق الدلال الزايد والتمادي على الاباء بدون اي ردع منهم فلما يكبر الابناء يكونون على هالاشكال السيئه لانهم تعودوا من هم صغار كل شي عادي واحيانا يكون ابتلاء من رب العالمين .

 

[صدع القلب]

أول شي قل تربية + عدم ثقة بالنفس

وبالغالب اتفشى هالاطباع بسن المراهقة بوقت تكون في الشخصية هشه وبطور التشكل

والاسباب تكون اما ان الام اتضايقها وتحرجها بتصرفات معينة جدام زميلاتها ، أو تكون راسمة جدام زميلاتها صورة خادعة عن امها تخالف الواقع عشان تكسبهم ...

هالنوعيه موجودة بكل مكان وزمان وفي بعضهم يتعدون سن المراهقة ويوصلون للنضج واهم لي الحين مرضى بالعقوق ، الحمدالله الذي عافانا مما ابتلاهم فيه وفضلنا على كثير من خلقه تفضيلا كثيرا .

 

[PuPa^^SWeeT]

ما يستاهلوون ريييحة امهم بعد


عدييمي الاخلاق

 

[عسوله زوغه]

ياا ويل قلبي عسى ينقطع السانها ولا انها اتقول جذي عن امها

امي بالدنيا عندي عسى ربي لا يحرمني منها يارب
واللي مافيه خير لامها مافيها خير لنفسها حتي