هذي الكويت صل على النبي و الا مصر ام الدنيا و الله شي يعور القلب

[يارب الفرج القريب]

السلام عليكم

شنو هذا بنات شسالفة انا و الله متعجبة من الي قاعد يصير في الكويت

هالجاليات الي هني وايد قاموا يتمادون و الله احنا طيبين معاهم لو تشوفون شلون الشرطة امس و الدوريات قاعدين ينظمون السير من هذول الي فازوا امس شي رهيب

و الله قلبوا السالمية و حولي صاروا المعادي و الجيزة رقص و اغاني مصرية و مولد نار و البدع كله مسكر على شانهم يامالهم الضربة

و الله لو احنا الي فايزين و مسوين مساير بمصر جام شفتوا سوو فينا

انا مقهورة من هالشعب لان اشكره يكره الكويت وماخذ راحته بارضها ليش مادري
اي فكونا روحوا ديرتكم شسالفة

انقهرت لان امس الزحمة بالسالمية شي مو طبيعي و الرقص و التهيص و الهرنات الي سندرت روسنا طالعين نستانس ردنا منقثين قطيعة

وكل هذا و مصر ام الدنيا روحوا لامكم و فكونا​

 

[شموع الفرح]

تحسون شكثرهم واللي يبط الجبد لى طلعوا بره ديرتنا حيل ذم بالكويت ، بسأل سؤال الحين لي رحت بره الكويت علمنا ينباع بالسوق تهقون بنات احصله مثل اللي صاير عندا امس سوق السالميه اعلام مصر اشكره بالسوق وعيالهم يشرون بالله عليكم شكو

 

[اناقة كويتية]

انا بعد مبطة جبدي من هالموضوع المشكلة مو مشكلة الفوز
المشكلة ان ماخذين راحتهم و على بالهم قاعدين في ديرتهم و الله ديرتهم ماتسويلهم الي تسوي لكويت
مشكورة اختي على الموضوع الي يحر

 

[غير كل الناس]

حرام المساكين مستانسين

تري حتي في قطر نفس الشي


الللللللللللللللللللللللللللللللللللللللللله ييفرحهم ونسونا

 

[يارب الفرج القريب]

حرام المساكين مستانسين

تري حتي في قطر نفس الشي


الللللللللللللللللللللللللللللللللللللللللله ييفرحهم ونسونا

فرحانين ماقلنا شي بس لا يقلبون الديرة
بصراحة امس الوضع كان مزري يعني مهرجاناتنا الي اهي مهرجاناتنا منظمة و تهبل
لا و اليهال طالعين بالشوارع بشارع المطاعم

مادري شيسوون بيدهم

ويقولون مصر مصر مصر

مصر بمصر ياروح مصر مو بالكويت

 

[ii DareeN ii]

ايام الغزو كل الدول تقريبا فتحت لنا المجال عشان نتظاهر ونعبر عن قضيتنا ويوم صار التحرير صار هالشي بعد واهم جالية دايما يشاركونا افراحنا واعيادنا الوطنية شنو المشكلة لو انهم يعبرون عن فرحتهم بس بدون فوضى او تكسير وحرق ترا وايد ناس منهم قضو بالكويت اكثر من نص عمرهم ومنهم انولدو بالكويت بس هم عندهم حب حق وطنهم ترا الغربة شينة وحلو ان الناس تفرح بمناسباتهم الوطنية وان يعوضون غربتهم عشان نحكم على الناس ياريت لو نحط نفسنا مكانهم وعقب نقدر نحكم

 

[يارب الفرج القريب]

ايام الغزو كل الدول تقريبا فتحت لنا المجال عشان نتظاهر ونعبر عن قضيتنا ويوم صار التحرير صار هالشي بعد واهم جالية دايما يشاركونا افراحنا واعيادنا الوطنية شنو المشكلة لو انهم يعبرون عن فرحتهم بس بدون فوضى او تكسير وحرق ترا وايد ناس منهم قضو بالكويت اكثر من نص عمرهم ومنهم انولدو بالكويت بس هم عندهم حب حق وطنهم ترا الغربة شينة وحلو ان الناس تفرح بمناسباتهم الوطنية وان يعوضون غربتهم عشان نحكم على الناس ياريت لو نحط نفسنا مكانهم وعقب نقدر نحكم

كلامج و الله عين العقل بس امس الشي كان بزوده ان شاء الله ماكون ظالمة احد
بس الي شفته امس جن مو بالكويت

 

[اريج الكويتية]

حبيبتي انا ما أشوف فيها شي ترى احنا مسلمين قبل اي شي قبل ما نكون مصري وكويتي الكويت بلد الخير وبلد تحب الي يحبها يعني حتى الفرحة صارت حرام والله شي غريب ومنطق غريب العرب الموجودين هني اشوفهم يشاركونا افرحنا روحي شوفي شكثرهم يوم افتتاح مهرجان هلا فبراير وشايلين اعلامنا وفرحانين بس كل شعب وطريقته عادي سولنا حس بالديرة حتى الأمن ما منعهم لاننا بلد خير

 

[بنت شرق]

]اى والله انا محتره منهم شكو ماخذين راحتهم وايد عن اللزوم قبل لما تكلمين واحد فيهم ينزل راسه ويستحى على روحه الحين مناشبينه بكل شى واذا قلتى له كلمه رد عليج بعشر وما قاموا يستحووون وشايفين روحهم عبالهم بديرتهم محد خرب ديرتنا الا اهما مستوى التعليم فى انحدار منهم وشغالين واسطات حق ربعهم بالوزارات والمستشفيات اهما اول ناس مزاحمينه بكل شى شفتوا تطور دبى ليش لان ما فيها مصريين عشان جذى دولتهم اطورت مو احنا انفقرنا منهم لان بس عندهم نفاق وعجاف وما فى اى فايده منهم واغلبهم عماله هامشيه

 

[سيدة المطر]

الفرحة بحد ذاتها مو مشكلة عادى ’’ شوفوا الجاليات العربية باوربا و امريكا ترى هم يطلعون و يحتفلون و يسوون اكثر من جذى و لا بعضهم عنده جنسية الدوله اللى هو عايش فيها ,,
طالما ملتزمين بالقانون ما فى مشكلة ,, اما مشكلة الزحمة فهى بسبب التخطيط عندنا سيييييئ ,, اغلب الانشطة التجارية و الطبية و التعليمية و 90% من مصالح الدوله و الناس مرتبطه بمنطقة السالمية و حوالينها ,, و لو تلاحظون شلون المناطق الماهوله محكوره بين الجون الى ام الهيمان و ثلاث ارباع الكويت غير ماهول ,, لدرجة ان الكويت الدولة الوحيدة تقربيا اللى مناطقها الحدودية غير مسكونة ’’ و هذا خطااا كبير اتمنى يتداركونه قبل فوات الاوان ,, شوفوا شلون دول مساحتها عباره عن قاره مثل امريكا , روسيا , الصين , السعودية , مصر , و مع ذلك تشوفون عندهم مناطق حدودية ماهوله بالسكان و عامره بالحياة ,, و احنا دولة صغيرة محتاجين كل متر و عدد سكانا 3 الى 4 ملايين ترى مو كثير بس التخطيط السئ هو السبب ,, شوارع ما عندنا ,, متى اخر مرة سمعتوا عن طريق رئيسى بنى بالكويت ؟ 25 سنة يمكن ,, تنمية ما عندنا نفس باقى الدول ,, التنمية الوحيدة اللى عندنا هى عدد الوافدين اللى يزيد بدون فائدة حقيقية تعود على البلد و الاقتصاد و انا ما الومهم لانهم يبون يعيشون ,, انا الوم الكوييتين اللى جايبينهم و خاصة تجار الاقامات ,, لما تشوفون زحمة الوافدين تذكروا ان ورا كل واحد فيهم كويتى جايبه ,, و تذكروا شكثر احنا اجرمنا بحق بلدنا ,,,

 

[om_7amny 85]

عاد مصاروه و ماخذين الكاس شتتوقعين منهم ؟؟

فرحتهم وايد مبالغ فيها
ويع و الله ما كان ودي ياخذون الكاس لان تفلسفهم ما له اول ولا تالى

 

[happy&single]

انا اشوف الموضوع عادي انتي مكبرة الموضوع اهم جالية كبيرة عندنا ومستانسين

وعايشين معانا سنين ما شفنا ذاك الشر منهم ..
مو مثل هالبنغال اللي كل يوم مشكلة ولا دول الضد اللي صاروا مو ضد فجأة وغيرهم

وعادي حتى احنا نفرح لديرتنا .. تدرين عاد انا العام كنت رايحه العمرة ب25فبراير اهل الكويت
ملافعهم ستراس علم الكويت والبنات شبابيص وتيجان اعلام .. شفتههم بالحرم يصلون وكلهم
اعلام على ملافعهم !!! ومو اي مكان عند الكعبة شرفها الله
ماسمعنا السعودية اعترضت لان الموضوع عادي

كلن يعبر بطريقته بس اهم وااايد .. وسعي صدرج

 

[الفنانه79]

اول شي السلام عليكم ورحمة الله وبركاته

ثاني شي اشدعواااا امسوين من هالسالفه سااااالفه اشطوولها اشعرضهااا

خليهم وعليه يستاااانسون وليش جذي انتوا مستصغرين الناااس لهالدرجه

كل وحده تدخل تقوولج مصريين وفازا ؟؟؟ شنو يعني مصرين ؟؟ ليش هالكبرياء وليش طايحين من عينكم ؟؟؟ لهالدرجه

وخير يااااااااطير سوااا واحتفلوا بفرحتهم بفوووزهم فيها شي ؟؟؟ لا والله انا مااشوف فيها شي

والاخت الغاليه اللي تقول يروحون ديرتهم <<< ليش اعيال ديرتج اللي اهو احنا الكويتين (بيشتغلون جراسيين بمطاعم - بيشتغلون سواااق -بيشتغلون بنايين ولا عمااال )

اللي قاعده تقولين لهم روحوا ديرتكم هذول ايدي عامله في ديرتج ان اطلعوا منها ماراح تلقيين كويتي يشتغل شغلهم

خلنا واقعيين وخلونا انشيل هالكبرياء من اقلوووبنا

ليش بالعيد الوطني مااشوف احد يطلع مستانس ويرجع متنكد ؟؟ بتقولون ديرتنا اي ادري لكن احنا اللي انسويه شي لااااااااامعقول من سوالف انتوا ادرا فيها

وانا مااشوف ولاااااااااااا احد من منتديات الدول الخليجه تذمررررر من الاحتفالات المصريه في ديرتهم غيرنا

ولاتنسين حبيبتي ان واااااااااايد اعضاء مصريات معانا بالمنتدى

والادهى ان واااااااااااااااااااااااااايد من الاعضاء الكويتيات امهاتهم مصريه ليش عاد هالتجريح

وبعدين ابي اذكرج في شغله ماادري ويمكن بعضكم مايدري عنها

ان في الغزو العراقي احنا كنا في مصر وسوينا مظاااااهرات وسوالف وبلاااااااااااااوي وكنا طوووووووول مااحنا طالعين واعلامنا رافعينا وباجاتنا حاطينها وندرس في مدارسهم (وانا وحده درست بالغزو في جمال عبدالناصر )

وماااسوا اللي انتوا سويتووووه فيهم وعليه ووواهناك الطلبه الكويتين بكاس الخليج كل مافااازت الكويت سوااا مسيره اشكبرهااااااا في شارع جامعه الدول العربيه في المهندسين مااشووف احد فيهم سوااا اللي انتوا سويتوووه

خااافوا الله في الناااس موكل ماصارت سالفه قلتوااا مصاروه مصاروه شنو تتقعووون منهم انا لازم نخاف الله في كل كلمه نقوووله

واللي تقول قطيعه حرااااااااااام تردلكم الكلمه عليكم من غير شر خير ياطير خلهم يحتفلووون على الاقل ماخذين كاس الامم الافريقيه ولعبهم صحححححححح

مومثل فريقنا الله يكبر حظ فريق الكويت ويرجع نفس اول وساعتها اذا سوينا احتفلات في كل دول العالم بنشووف منو يسوي اللي سويتوووه

لاتزعلووون بس هذي كلمة حق لازم تنقال والظلم ظلمات يوم القيامه​

 

[ScarletteO'Hara]

الوضع كان عادي
ترى اقصاه يوم واحد شالمشكلة اذا استانسوا و عنفصوا؟
و انا كنت بحولي و السالمية حزة السالفة يا دوب شوي كان زحمة
غير جذي عادي

 

[الفنانه79]

الوضع كان عادي
ترى اقصاه يوم واحد شالمشكلة اذا استانسوا و عنفصوا؟
و انا كنت بحولي و السالمية حزة السالفة يا دوب شوي كان زحمة
غير جذي عادي

اي والله انج صاجه انا امس كنت بحولي وماافي هالمباااالغه اللي سووها

لاحول ولاقوة الا بالله

 

[om_3kash]

ابوي يقول رفيجه سافر مصر بيروح يشارك معاهم بمسيرتهم سبووه سب و سبو الكويت معااه

صج مو كفوو مالت عليهم واحنا مخلينهم على راحتهم بديرتنا قطيعه تقطعهم

 

[كويتية فاهمة]

ىنا يدتي مصرية
بس ماأوااااااااااااااااااااطن المصاااارية

لأنهم ما يحبونا إحنا بالمنطقة العاشرة وبشارع الصناعية
مسوييييييييييييييين زحمة مالها داااااااااااعي
استانسوا في بيتكم هذي مو ديرتكم
صج لاعت جبدي

 

[ii DareeN ii]

بالعموم بنات الناس احنا مانعمم ولا نطالع الناس بدونية الداخلية اتخذت الاجراءات المناسبة لكل من اخل بالامن وعلى هذا فالموضوع مغلق