ثاني يوم الصبح
(في الشاليه)
محمد:يما انا ماشي انزين
نوره:حمود لاتنسى كريماتي
محمد:انزين خلاص ادري
نوره:بالدرج 3 مو واحد
محمد:انزين
(في الشقه)
ايلاف:حمد اليوم راح نروح
حمد:اي
ايلاف:اوك متى
حمد:بعد ساعه
ايلاف:اوك عيل انا بروح اتسبح وابدل
حمد:اوكي
(في الشاليه)
اسراء:ترا الوف راح تيي اليوم
ام اسراء:ادري
اسراء:عاد حدي مشتاقتلها
ام اسراء:انزين انا بروح احط الريوق اوكي
اسراء:اوكي انا بروح عند نورو بره
اسراء:طحت علييييج
نوره:سروء خرعتيني
اسراء:ليش خرعتج اذا واثقه من نفسج ما تخترعين منو كنتي قاعده تكلمين اعترفي
نوره:واحد
اسراء:ومنو هذا الواحد
نوره:عاد واحد وبس
اسراء:مادري شفيه جراحو ماقام يدق تغير
نوره:انزين انا بروح ادش داخل
اسراء:شفيج هالأيام
نوره:مافيني شي
اسراء:اوكي
وصلت ايلاف الشاليه
اسراء:هلااااااا آي مس يو
ايلاف:me more
اسراء:شلونج
ايلاف:تمام
اسراء:امي تبيج بالمطبخ روحيلها
ايلاف:لا مابي ادش المطبخ ختيي
اسراء:اوكي الحين اناديها
ام اسراء:هلا حبيبتي شلونج
ايلاف:تمام الحمدالله
ام اسراء:ريلج شلونه
ايلاف:زين
ام اسراء:وينه ليش مايه معاج
ايلاف:امبلا يه بس قاعد يكلم رفيجه بره
ام اسراء:انزين خلاص انتي قعدي انا بسوي الغده
ايلاف:اوكي
اسراء:جراحو ماقام يدق
ايلاف:ليش
اسراء:مادري
ايلاف:دقيتي عليه
اسراء:وايد بس كله مايرد او مسكر جهازه
ايلاف:مادري
اسراء:امشي نروح عند نورو
ايلاف:يلا امشي
دشو على نوره فجأه
ايلاف:هااااي
نوره:هايات
ايلاف:ليش قاعده بروحج
نوره:بس جذي امشي ننزل
ايلاف:يلا
نزلو ايلاف ونوره واسراء قاعدين بالصاله
ايلاف:نورو عطيني فونج بدزلي اغاني
دش حمد
حمد:السلام عليكم
الكل:وعليكم السلام
ايلاف:نوره امشي فوق الغرفه ابيج شوي
نوره:امشي
صعدو نوره وايلاف
ايلاف:شنو الي شفته
نوره:ها شنو اشفتي
ايلاف:نوره لاتستعبطين صور جراحو ليش عندج
نوره:اي جراحو اقول ييبي الفون لاتخرفين وايد
ايلاف:والله والله ان دريت ان بينكم شي لاتندمين على الساعه الي انولدتي فيها
نوره:يلا يلا بنام
ايلاف نزلت تحت
اسراء:وينكم رحتو وخليتوني
ايلاف:كنت ابي منها كحل
اسراء:اها
ايلاف:حمدو وينه
اسراء:جنه قال بيروح عند ربعه
ايلاف:وليش ماقالي
اسراء:مادري
ايلاف:اليوم حده منفس مادري شفيه
اسراء:لاتفكرين مافيه شي
ايلاف:مادري والله
اسراء:امشي نروح نتمشى
ايلاف:يلا
اسراء:انزين نطري انادي نورو
ايلاف:لالا تكفين ابي اسولف معاج بروحنا
اسراء:اوكي على راحتج
ايلاف:يلا امشي
اسراء:يلا
ايلاف:تدرين سروء بعض المرات احس اني مرتاحه معاه وبعض المرات احس اني غلطت اني تزوجته
اسراء:الوف لاتفكرين جذي حمد يحبج
ايلاف:ادري بس مادري ليش احس بضيقه بعض المرات
اسراء:حياتي عيشي حياتج ولاتفكرين بالشي الي يضايقج عيل انا شقول يمكن اسبوعين او اكثر مادق
ايلاف:سروء خلاص طاف الي مايهتم فيج لاتهتمين فيه
اسراء:الوف جراحو غير
ايلاف:..............
اسراء:تصدقين نورو حاسه ان وراها شي
ايلاف:شلون يعني
اسراء:مادري اول مااييلها تسكر الفون وبعدين صارلها فتره تصور بفونها وتدز
ايلاف:كيفها احنا مالنا شغل
اسراء:اي صح
ايلاف:ولهت على ايامنا قبل
اسراء:ههه اي كان وناسه حده
ايلاف:شتسوون بدوني اكيد ملل
اسراء:لووول لا بالعكس وناسه اكثر
ايلاف:قولي الصج لا الحين اقطج بالبحر الي يمي
اسراء:اي هذا الصج
ايلاف:1 2
اسراء:لالا ملاقه بدونج
ايلاف:اي عبالي
اسراء:ههههههه ثقه
ايلاف:جني سمعت شي
اسراء:سلامتج
ايلاف:امشي ندش يلا ابي آكل
اسراء:يلا حتى انا ماتريقت
دشو ايلاف واسراء
ايلاف:ماما يلا يعت
ام اسراء:نطري شوي
ايلاف:اوكي انا بروح فوق
اسراء:روحي شوفي غرفتج ماولهتي عليها
ايلاف:الحين بروح
اسراء:اوكي
ايلاف:اول ماتحطون الغده نادوني
اسراء:اوكي
صعدت ايلاف غرفتها ودقت على حمد
حمد:هلا
ايلاف:وينك
حمد:رجعت عشان بطلع مع رفيجي
ايلاف:وليش ماقتلي
حمد:ولازم كل شي اقولج عنه
ايلاف:انزين ليش تصرخ انا شقلت الحين
حمد:اي انتي ترفعين ضغط الواحد باي باي
طوط طوط طوط << سكر الخط
ايلاف عيونها بدت تدمع بدلت وانسدحت
(في الصاله)
نوره:وييي انا محد له شغل فيني
اسراء:انا ماتدخلت بخصوصياتج بس قاعده اقولج حتى لو تثقين في مو لي درجة انج تدزينله صورج
نوره:عاد هذا شي يخصني انا
اسراء:ادري ان يخصج كيفج انتي بنت خالي وانا حبيت انصحج بس وبعدين راح تعرفين ان كلامي اهوه الصح
نوره:انزين انزين خلاص وفري نصايحج
اسراء راحت المطبخ
ام اسراء:روحي قولي حق اختج يلا
اسراء:اوكي
صعدت اسراء حق ايلاف طقت الباب
اسراء:يلا نزلي غده
ايلاف:لا مابي بنام
اسراء:اوكي
نزلت اسراء وراحت حق امها
اسراء:يما الوف تقول بتنام
ام اسراء:صارلها ساعه تحن على الأكل
اسراء:بعدين تاكل
ام اسراء:كيفها
