هذا وانا املجه جذيه اشلون اذا تزوجت الله يعيني !! شوفوا اش سوت فيني رفيجتي الخاينه:(

[Q8ia_100%]

امبين جذابه متعمده اتحرج علشان اتفركشينها
محتره منج
وترى وايد رياييل عيونهم كبار وبيض واضعاف
يعني مو دليل انها اتعرفه
يمكن اخوانها قالولها عن اوصافه
يمكن يعرفونه

 

[Dancing^Queen]

وليش ماتروحين تكلمينها وتعرفين السالفه وترحين عمرج بدال لاتاكلين فيها

 

[بنات حواء2]

واي شي يعور الراس من امه رفيجتج خاينه خلاص انكشفت و انا اتوقع انه لها علاقه بريلج ما اتتوقع وحده تحب و تسوي كل هذا على واحد مايكلمه ول ا يبادلها نفس المشاعر
انا باريي بدامج ليلحين على البر تركيه و قولي اني كشفته يحب رفيجتي و خليه يولي و رج يعوضج بغيره

 

[عاشقه الاسمرانى27]

حاولى تعرفى من بعيد لبعيد


حاولى تشوفى تليفونها وانتى تتغشمرين وياها


حاولى تطيحينها بالحكى


صلى وادعى وانشاء الله الله يبين لج المستور

 

[ام بنتها]

اتعوذي من ابليس
و لا تستعيلين
و اهم شي لا تظلمين ريلج
سأليها و شوفي شوراها و بعدين قرري اي شي بتسوينه و ريلج ديري بالج تيبيله طاري
والله يعيينج حبووبه
و تعالي بدام انتي تقولينه انه حيل يصيرلج و من قرايبكم
اذا له خوات بسنج سألأيهم او شوريهم اذا انتي معاهم حيل او واثقه فيهم واذا كلش كلش شوري امج بالسافه و اكيد اهي راح تفيدج حتى لو تخلين امج تكلم رفيجتج بدم تقولين انها من 7 سنين رفيجتج عزميها على بيتكم و خل امج تكلمها و تفهمها السنع هالي ما تستحي او امج تكلم امها و تفهمها بنتها شقاعد تسوي معاج بتصير لو اهي على علاقه معاه لا سمح الله امها بتوريها شغل الله
الله يوفقج مع ريلج انشالله

 

[توت عنكبوت]

انا قبل شكيت برفيجتي وطلع شكي في محله خانتني ملعونة الوالدين

 

[بنت عطا]

حبيبتي الحل وااااااااااااااااااااااااااااااااااااااااحد

تقولين لامج السالفه واهي تكلم امه وتوصله الكلام عشان تتأكدين والبنيه الخبيثه هذي

لاعاد تحاجينه وتقربين لها يمكن تخرب بيتج

 

[ام الذوق]

تعوذي من ابليس ياقلبي وانشالله ماكو الاكل خير

 

[cuteya22]

مدام يبيها و يحبها جان اخذها
يبه هذي اهي اللي ميته عليه بس اهو مو حاصل لها
ولايدري عن هوى دارها اصلن
لا تخلين الشيطان يقص عليج و يخرب فرحتج
و ابساطه لو يبيها جان خذاها !!
ولايدري عنها اصلا

 

[cuteya22]

شةفي البنت هذي دير بالج اتطب عرسج وقفي اخوانج عند الباب و قوليلهم فلانه ماتدش ولاتعزمينها
يمكن تحط لج شي
و لاتاكلين او تشربين شي منها ولا تعطينها شي منج دفتر قلم موبايل لبس ابدددددددددددد
دير بالج
ترى وحده من رفيجاتي نفس سالفتج بالظبط بس هذيج حاولت اتعرف على ريلها بس وقفلها ريلها وقفه و وقف اخوانه عند باب الصاله و قالوله فلانه ماتدش العرس

 

[المبدعة]

الله معقولة هي حاطة زووجج في بالها

 

[المبدعة]

الله معقولة هي حاطة زووجج في بالها:dddds:

 

[Ba3aD^ChaBDy]

ريلج لا يعرفها و لا شي و اهي تغار منج و تبي احد تحبه و تتزوجه و مو حاصل لها
انا اقول خليها تولي و لا تكلمينها لان اذا كلمتيها بتصير مشاكل اني بغنى عنها
بس ديري بالج منها ما تدرين شنو ممكن تسوي
و لا تعبين روحج بالتفكير و ديري بالج على ريلج و لا تخسرينه عشان وحدة مثلها​

 

[سنفــــور كســــول]

لوتعرفه ماكتبت هالشعر خخخخخخخخ


وجان معاديتج من اول مره نعرف سوالف البنات

 

[بحر الرمال]

شوفي اخذيها قاعده
لو عبير هذي تعرف زوجج و لها علاقه فيه جان ما تكلمت عنه كل شوي و سالتج عنه..لو صج اهيا على علاقه معاه جان تجنبت انها تتكلم عنه عشان ما تخليج تشكين فيها..
و اهيا تسوي هالحركات عشان تحررررج و للاسف قدرت .. و سالفه الشعر انا حاسه 99% انها تعمدت تحط الكتاب يمج عشان تفتحينه و تشوفين الشعر اللي اهيا كاتبته عشان تحرررج لانج تزوجتي قبلها...
و سالفه انها درت انج ملجتي اكيد سمعت امها تتكلم بالتلفون تسولف عنج و الا وحده من الحريم الكبار يابو طاريج فعرقت بالموضوع ..
هالحركات انا حافظتها بس يمكن لانج صغيره عبالج السالفه جد و انها على علاقه بزوجج..
انتي حقريها و قطعي علاقتج فيها ..

 

[بسبوووسه]

وااي مادري شفي بناتنا مستخفيين


خاويني و اخاويج و اخذ ريلج و اخلييج

مساكيين فيهم مرض و نقص بنفسهم

المهم اخذي الكتاب وواجهيها .... لا تسكتيين
خل تعرف انج مو هينه و قويه من الحين

 

[ودي***أفرح]

هذه جذابه وغيرانه منج ..... كبري عقلج وطنشيها ولا تعطين الموضوع أكبر من حجمه...

 

[ريتشل]

ليش ماواجهتيها

 

[DELY]

alah yafreha

 

[DELY]

alah yafrejha