هذا شرط رجلي حطني بالسصجن وقفل علي الباب والمفتاح عنده

[Great-Me]

رد: هذا الكلام الي قاله رجلي وشكله يقول شذي بيخليني اوافق اهئ اهئ

وقفي قيدج ورووحي واستانسي والله الحياه فرصصص واغتنمي كل فرصه فيها

ماعليج والله الدراسه لاحقه عليها اهم شي وناستج ,,,


اذكري الله وروووحي وياااااه واستانسي حبيبتي وماعليج

 

[بحر الغموض]

رد: هذا الكلام الي قاله رجلي وشكله يقول شذي بيخليني اوافق اهئ اهئ

كلامه مبالغ فيه جدا

عالعموم بشطارتج تعرفين بالضبط شنو تاخذين

بس برايي اني ما اخلي زوجي يدرس بره بروحه ولازم الزوجه تكون مع زوجها في الحلوه والمره

وقفي قيدج وخلي اهلج يدرون ولو ابوج يكلمه وياخذ منه وعد انه يخليج تكملين دراستج لو رجعتوا

لان ممكن يلقاها فرصه ويقولج ما تكملين فوقتها يكون كم رجال ما يقدر يغير كلمته

بس كلامه يثير الريب عندي ليش مادري لكن هذا زوجج وانتي ابخص فيه

توكلي علىالله واستخيري وروحي معاه لاتخلينه

موفقين

 

[UK_Girl]

رد: هذا الكلام الي قاله رجلي وشكله يقول شذي بيخليني اوافق اهئ اهئ

مزيونه ايطاليا جميله جدا جدا جدا ودوله رومانسيه..تعيشين اجواء الحب والرومانسيه فيها غصب طيب

روحي معاه لا تخلينه بروحه والله يوفقج وحاولي يأخر سفرته لحد ماتخلصين امتحاناتج وتوقفين قيدج بعدين سافروا يميع ..او يسافر اهوا وانتي اول ما تخلصين امتحاناتج وقفي قيدج وسافري له

واذ جاد بموضوع الدراسه بمصر فهذه فرصتج وانا من اللي سمعته وعرفته ان الدارسه بمصر سهالات يعني ماراح تتعبين ..

خليج مع زوجج واضح ان يحبج ويبيج معاه لا تخلقين بينج وبينه فجوه والله يتمم عليكم ويهنيكم دنيا واخره ..

تحياتي لج والله يوفقج

 

[احلى بنت بالدنيا]

رد: هذا الكلام الي قاله رجلي وشكله يقول شذي بيخليني اوافق اهئ اهئ

سافري معاه شوفي الدنيا .. ترى انا رحت العام فينيسا بإيطاليا كانت حدها عجيييييييبة ..

ووسفرتكم بتكون مثل شهر عسل ثاني بالنسبة لكم اثنينكم .. توكلي على الله وسافري لا بعدين لو راح بروحه بتقعدين بالكويت تبجين

وتغني أغنية ظلموووه

 

[[..كـــــرك..]]

رد: هذا الكلام الي قاله رجلي وشكله يقول شذي بيخليني اوافق اهئ اهئ

يامزيووونه

اهم ماعليش زوجج انا وش قلت لج بالموضوع القديم

زوجج لاتهدينه

وقفي قيدش وروحي وان رجعتي الجامعه ماهي بطايره

 

[الكــــــــايدهـ]

رد: هذا الكلام الي قاله رجلي وشكله يقول شذي بيخليني اوافق اهئ اهئ

رووووووووووووووووووووووووووووووووووووووووووووحي


والله عرض مغري صج ولو هو ماقال لج كنتي انتي بتقولين له مافكرت تاخذني معاك ومن هالكلام وعقلج يودي ويجيب


واذا سافر هناك بروحه ماراح تخافين عليه من بنات الحرام ؟؟ظ


بس نصييييييييييحه ياقلبي لا تقطين العبايه حتى لو هو قال لج هالكلام ... حرام تغضبين ربج ،، واصلا بتطيحين من عينه هوو اذا شافج قطيتي العبايه بكل سهوله


تقبلي رايي بصدر رحب


تحياتي

 

[Pettita]

رد: هذا الكلام الي قاله رجلي وشكله يقول شذي بيخليني اوافق اهئ اهئ

روحي وياه لا باجر تندمين ترى الغربه مو سهله

 

[مزيونه الحربي]

رد: هذا الكلام الي قاله رجلي وشكله يقول شذي بيخليني اوافق اهئ اهئ

بنات مشكورات

بس عندي ملاحظة

ليه مزيونه من تكتب موضوع تعترضن على كلامي

وش مهم بالموضوع يوشوشن ولا ما يوشوشن هزا نهي مهم

انا وين ونتن وين

بعدين منو يقولش الحروب ا يوشوشن

اول منو فيكن حربيه

الحروب كانو يوشوشن من حربهم مع قبيلة العجمان في الجوف ومن كثر ما خالطوهم بعد الحرب واسروهم انتقلت الوشوشة من بني حرب الي بني عجمااااااان

ياويلي شبلاكن ما تعرفن

وكل وحده ا سمعت هالقصه ترجع لجدها وجدتها تسولفن لها هالساولفه كع

 

[A7la-SmiLe]

رد: هذا الكلام الي قاله رجلي وشكله يقول شذي بيخليني اوافق اهئ اهئ

/حبيبتي توكلي على الله وساافري
وقفي قيدج هالكورس ,, روحي استاانسي ودام اهو طلب منج هالشي لاتردينه
عسى الله يتمم عليج ويبعد عنكم عيون الحسااد​

​

 

[مس ننوسه]

الحين شنو قررتي يا مزيونه

 

[The Boutique]

الحين ماتبين ايطاليا عشان تكملين بكليه التربيه ؟؟
!!

 

[أم منصور]

شصار عليش ميزووووو :080402ask_prv:​

 

[Eng/thumbelina]

حبيبتي طبعا لازم تروحين مع ريلج ودامج انقبلتي اجلي قبولج لما تردين وما راح تروح عليج الفرصة بس ريلج اولى حبيبتي شفايدة الشهادة اللي فيها ممكن تخسرين ريلج الله يوفقج ويسر لج امورج وروحي سالي بالجامعة عن تاجيل القبول شلون

 

[cute_little_bunny]

حبيبتي مزيونه انا ريلي يشتغل بره صارلنا فوق الـ 4 سنين
سافرت معاه توني عروس و ما كملت الجامعة
تدرين شنو سويت؟ سجلت في الجامعة دوام كامل و لو اني ما كان عندي عيال لكن الجامعات الامريكية و ان شاء الله الاوروبية بعد توفر حضانه اطفال داخل الجامعة للطلبه ما شاء الله عليهم
و ظليت ادرس و ريلي يشتغل و اقولج تخصصت مدرسة لكل المواد المدرسية و بعدين سويت ماينور تخصص الاطفال ذوي الاحتياجات الخاصة لان مدارسهم تقبل جميع انواع الاطفال من غير تفرقة و المدرسات لازم تعرف تتعامل وياهم و الحين الحمد الله اشتغل مدرسة في مدرسة امريكية حكوميه قريبه من بيتنا و على فكره انا متحجبة و اليهال يموتوووووون علاي و المدرسات يتغشمرون معاي يقولون متعلقين فيج و البنات الصغار يهدوني رسومات و هدايا ... عاد عيالهم غير.. ادب و اخلاق و عسل على القلب... فماكو شي مستحيل هذي فرصة العمر لريلج و فرصة اكبر لج تخيلي مكانتج و انتي تردين الكويت و طليقة في لغة اجنبية؟ ترى شي الوحدة تفتخر فيه. و سجلي فا معهد لغة لمدة سنه و الله كفاية. بعدين سجلي في الجامعة و تخصصي تدريس ليش لأ؟؟؟ و اذا الجامعة ما توفر حضانه اطفال شوفوا عمل ريليج اكيد عندهم خيارات لعيال موظفينهم. و اذا لأ سجلي ولدج في حضانه محترمة منها فيه وايد يقبلون حتى الرضع و معاملاتهم دايما راقية بس اختاري مكان عنده امن و حماه منها يختلط مع اطفال و يتعلم منهم لغة و اليهال بسرعة و بسهوله يختلطون مع بعض
و الله يوفقج بأختيارج

 

[رائحـة المطـر‘]

رد: هذا الكلام الي قاله رجلي وشكله يقول شذي بيخليني اوافق اهئ اهئ

الحروب بعد يوشوشون ؟؟؟؟

ملح محد يوشوش الا العجمي والمري بسس

أسووووم العجمان اهم المشهورين بالوشوشة بس هم الحروب خلي مزيونة تقول لج القصة
و همن في فخذ من القحاطين اسمهم الأحبابي يوشوشووون

>> أمبيييه طلعنا من الموضوع المشرفة بتقتلنا :eh_s(14)::tomato2:


مزيونـــة بشري شصار عليش و أنا أختش؟ >> قمت أوشوش مثلج تأثروا الهيـــلا بحرب :ggdw:

 

[مغتربة 2006]

انا اقول درسي كورس تالي وقفي قيدج وروحي مع ريلج متى ما خلص ردي كملي وجذي ما تخسرين شهادتج الث

 

[سيده التجاره]

السلام عليكم ..

الطالبه لها حق توقيف قيد 6 كورسات .. يعني 3 سنين .. اذا يبتي اثبات انج مرافقه زوج .. مع صوره من ختم الجواز انج دخلتي الدوله الي مرافقه لها زوجج ..

حل 1 _ توقيف قيد ثلاث سنين .. وتروحين مع زوجج ..
حل 2__ تروحين مع ريلج .. وتدرسين .. اهناك .. وصراحه هذا الي قاعده اسويه .. صج الغربه صعبه .. بس طموحي .. أقوى من احساسي بالغربه ..
حل 3__ تظلين وتروحين له بالعطل .. " وصراحه هذا ما انصحه ..لانه اذا سويتي راح تحتاجين جهد كبير تقربين المسافات بينج وبين زوجج"

والله يوفقج وينور لج الحل الصح

 

[سيدة الذوق]

شصار عليج مز مز

 

[BiiShOoO]

سافري معاه و حزت ولادتج ردي و عقب النفاس رديله

 

[مزيونه الحربي]

ابشركن ابشركن

انا وقفت قيدجي بالجامعه والحين طايحتلن مووووكياج والي يبي يتابعني يشوفن موضوعي بالموووكياج


واول شهر 5 انا مسافرتن ايطاليش انا وزين الشباب حربوبتي


والي بيصضير راح ادرسن انتساب في مصر حقوق

وشرايكن بنات مصر قريبتن من ايطاليش واجد

وادعووووولي بنات ربي يحجقق لي الي اتمناه قريب جدا يارررررررررررب


مزمز مزاميزووووووووووو