هذا حظي ونصيبي .....

[north star]

و الله عجيبه
هذي مو بس قليلة ادب الا ما فيه كرامه
الريال متزوج و قعد يفل منج يوم ورا الثاني
بدل لا ينقص وياها تقط روحها عليه قط
و مالت عليه اهوه بعد بالش بنت الناس
و الي باط جبدي انه مو كاره شيوخ و يدري انها زينه
و عاجبته و كل شي
مع هذا يروح حق ريم
عمت عينه بلاااه

بانتظار البارت الياي

و الله يا رب يسهل على اختج و يبلغها بتوووووم مو بس واحد
قولي آمييييييييييييييييييييييييييييييييييين

 

[رفيف الورد]

ربي يرزق أختج يا روابي بالضنا اللي يكحل حياتها بالفرح وياها آمين يا رب العالمين وإنشاء الله تنجح نتايج أختج يا روابتي الغاليه ويثبت ربي حملها آمين يا رب العالمين ويا رب يرزق كل محروم ومحرومه بالذريه الصالحه عاجلا غير آجلا آمين يا رب العالمين

يا رب ربي يرزق أختج بتوأم عاجلا غير آجلا آمين يا رب العالمين

 

[~pYaar~]

امبييييييه ريييم مو صج:eh_s(14):
وزين تسوي فيها شيوووخ يا هيك النسوان يا بلا:eh_s(6):

ننطرج حبوبه

 

[مـ سهله ـو]

هي هيهيهيهيههيهي اكيد بتطيح عليهم يارب فواز لشيخه

 

[ĈŵâįŽŶâ Мŕâβā]

وااااي روابي كملي البارت حدها ريم تنرفز ماتستحي ماكو حيا كلش استغفر الله

 

[~pYaar~]

هي هيهيهيهيههيهي اكيد بتطيح عليهم يارب فواز لشيخه

يااااااارب:yaaaaaarb:

 

[UNiQe^PRiNceSs]

ana el.youm 6e7t 3alla el.qi9 o0 gret kil el.partaat mo0 gadra awgf
shay 3ajeeeb 9ra7aaa
o0 shi5aa e3jbtniiiiiiiiiii jad ethbetat enha qawiya o0 mra
o0 reem m gdrt tksrha
na6reen el.paaaaaaaaaaaaaaaaaaart
y36ech alf alf 3afya 7abibtiii

 

[حرووف الشووق]

_03BA: هيهيهيه شيخه شكلها بتكبس عليهم بالجرم المشهووووووووووود خوووش كبسه _03BA:
يستاهلوووووووووووووووووووووون
هههههههههههههههههههههههههههههههههههههههههههههههههههههههههههههههههههههههههههههههه :dddds:

 

[mezyana]

mashallah el qe9a etyaaaaaaaaaanen 7adha 7adha el 9ara7a ya36ech el 3afya .. 3ady banat ashkal reeem wayed .. o ashkal jasem akthaar ba3ad

el sharha mo 3ala reeem el el e7mar ely had zojtah o mashy wara wa7da om e3yaal ;@


7ady metnarfeza wallah ;P

 

[rawabi]

هاااااااااااي بنات عساكم بخير .... اسم الله عليكم من الحره كلكم حارتكم ريم ... واشوه بديتوا تحبون شيخه لانها هي البطله مايصير تكرهونها ..... انا توني راده من الطلعه ( كنت بسواح اقلد شيخه وفواز :eh_s(6): ) ... وانشالله الحين ببلش اكتب البارت عشان باجر انزله مبجر ... ومشكورين على ردودكم وتعليقاتكم الحلوه مثلكم ... وهم ارد واقول مشكورين حق اللي دعاو حق اختي والله يرزقكم كلكم بالريال الزين الحلو والذريه اللي تبرد قلوبكم يا رب ...
وبنات صج صج صج سوري عالبدليات اللي بالقصه والله قاعده احاول اخففها بس مع هذا لازم اقط جم بدليه

 

[ĈŵâįŽŶâ Мŕâβā]

لووول احلى شي تقلدين (فواز وشيخه) ليش ماعزمتينا <<لوول اتغشمر يلا بالعافيه

ناطرين البارت ارد من محاضراتي انشالله يكون البارت موجود

 

[rawabi]

لووول احلى شي تقلدين (فواز وشيخه) ليش ماعزمتينا <<لوول اتغشمر يلا بالعافيه

ناطرين البارت ارد من محاضراتي انشالله يكون البارت موجود

الله يعافيج ... خلاص المره اليايه اعزمج :eh_s(6):... الساعه جم تخلصين محاضرات لان انا انشالله قبل 12 بنزله ... الحين انا خلصته بس باجر ارتبه واراجعه ..... انشالله يعجبج البارت ويلا روحي نامي عشان اداومين وانتي مصحصحه .... تصبحين على خير

 

[P!NKia]

عفيه علييييييييج شيوخ سنعه
ومالت عليج ريووووم

 

[مس عسل]

روابي صج فنانه ماشالله عليج القصه لحد الحين حدها اتيين وتشوق يالله يالله لا تتأخرين علينا بالبارت الياي ترى مو قادره انام حدي افكر بالنهايه

 

[رفيف الورد]

إظاهر فواز ما تزوج ليلحين وأكيد راح ياخذ شيخه والله لا يبارك فيك يا جاسم دام إنك حطمت قلب شيخه الغاليه اللي ما لها ذنب
يا جاسم دام إنتا متزوج ليش تلعب على شيخه وصج إنتا يا جاسم يبيلك تصطير خل تنفعك ريموه يا البايخ

 

[rawabi]

البارت ال 15 :

شيخه ضاق خلقها حييل لما قالها جاسم ان ماراح يروح معاها بيت اهلها ... شيخه : خلاص حتى انا ماني رايحه .... جاسم (نقز ) : لاحبيبتي مايصير اثنينه مانروح انتي روحي وتالي اذا صرت احسن مريتكم ... يلا روحي لبسي انا اوديج
شيخه : مو تقول راسك يعورك ... انا اروح بسيارتي
جاسم : لا عادي انا اوديج ... بس لا اطولين بسرعه زهبي
شيخه حدها غلقت ... : اكيد بيروح لها شهالعوار اللي فجاه ياله ... قبل شوي كان زين .... واااااي ياربي ... وين يشوفها .. وين يروحون شتقوله شقولها ... انا ماكو الا اراقبه ... بس شلون مو معقوله كل مااطلع اطلع وراه ... صج انها قويه كل مااقول بفتك تطلع لي ... بس املك ياجسوم اخليك بروحك اليوم بس شلون ... طرت على شيخه فكره ... خذت شيخه تلفونها ودقت على خالد اخوها العود ... : السلام عليكم خالد
خالد : هلا والله شيوخه ... شلونج ؟
شيخه : بخير عساك بخير ... خالد انت بتروح بيت اهلي صح ؟
خالد : اصلا انا ببيتنا من العصر .. امري
شيخه : خالد بطلب منك طلب بس عليك الله ماتردني
خالد : افا عليج ماعاش من ردج
شيخه : جاسم مايبي ايي معاي تكفى دق لزم عليه
خالد: طويل العمر جاسم ... ليش مايبي ايي .. شسالفته ؟
شيخه : لا والله ماكو سالفه ولا شي بس راسه يعوره
خالد : دام راس الريال يعوره يخلي يريح
شيخه : انا قلت لك لاتردني ... بعدين كل مره هو ماايي معاي ..شكلي مو حلو جدام امي وفيصل ... بعدين انا قلت لك ماقلت حق صقور لان ادري ان جاسم مستحيل يردك ... وهو اذا يه وحس بتعب يرد مبجر ولايقعد بروحه
خالد: خلاص الحين ادق عليه
شيخه : بس مو تقوله اني انا اللي قلت لك ادق
خالد: افا عليج من غير ماتوصين
خالد سكر التلفون من شيخه اخته وانقمت قلبه : شيوخ فيها شي هي وزوجها مادقت الا ان فيها شي ... ماايندرا شمسوي جسوم ... دق خالد على جاسم ومثل ماكانت متوقعه شيخه جاسم مارد خالد ... نور ويه شيخه لما شافت جاسم داش عليها الدار يلبس عشان يروح معاها .... حال شيخه كان عكس حال ريم اللي حدها انقهرت وعصبت لما وصل لها مسج من جاسم يكنسل موعدهم ... قامت تسب وتلعن بشيخه

تيمعوا الكل في بيت بوخالد ... كان خوش عشا عقب العشا قعدوا بالصاله يحلون ويشربون شاي
خالد : شيخه ماعليج امر يبيلي شاي بره بالحوش
ام خالد : ليش بره اقعد معانا
خالد: لا بطلع ادخن وارجع
ام خالد : ذبحتك هالزقاير مادري متى تقطع عنها
خالد : انشالله قريب

صبت شيخه حق اخوها الشاي وطلعته له
خالد: شيوخ قعدي ابيج شوي
شيخه : خير ؟
خالد : شسالفتج مع ريلج ؟
شيخه (انقلب ويهها ) : اي سالفه ؟
خالد : لو ادري ماسالت ؟ من كلمتيني اليوم وحسيت ان في شي
شيخه : ماكو بس ماحبيت اني ايي من غير ريلي ... مو حلوه نوره مع فيصل وانت مع شريفه الا انا بروحي
خالد: اكيد ... ترا ......
رن تلفون خالد : الو .. ياهلا انا ببيت الاهل انشالله اول مااطلع ادق
خالد يكمل كلامه حق شيوخ : اقولج ترا اذا جاسم مسوي لج شي ترا اذبحه اذا هو ولد عمي انت اختي ... شيوخ ترا انا عزوتج اذا تبين اي شي لايردج الا لسانج
شيخه كانت بحالة صدمه ... خالد : شفيج ماتردين ... احاجي منو ؟
شيخه : خالد ... انت تخون شريفه
خالد (مستغرب ) : نعم ؟
شيخه : تو التلفون اللي يالك كان اللي يكلمك مرا مو ريال
خالد : شدراج ؟
شيخه : الصوت كان عالي والحس كان حس مره مو ريال ... خالد حرام عليك شريفه ماتستاهل انك تخونها ... ماتخاف من الله
خالد: لايروح بالج بعيد ... انا مو قاعد اسوي شي غلط
شيخه : تخونها وتقول مو قاعد تسوي شي غلط مهما كان اللي بينكم هذه زوجتك
خالد : حتى الثانيه زوجتي
شيخه ( جنه احد لاتها كف ) : شنو من متى ؟
خالد : صارلي جم شهر متزوجها ... شيوخ انتي الحين مرا مو ياهل يعني اقدر اتكلم معاج ... انا ادري ان شريفه خوش مرا ومافي مثلها والحق انا ماشفت منها الا كل خير
شيخه : عيل ليش تزوجت عليها ؟
خالد : مرتي الثانيه هم خوش مرا وصراحه من زمان انا ابيها وعاجبتني حييل قلت ليش اروح للحرام وانا قادر اخذها بالحلال
شيخه : من وين عرفتها ؟ شلون تزوجتها ؟
خالد : هي معاي بالدوام ومن طاحت عيني عليها دشت خاطري عاد مع الايام عرفتها وارتحت لها ... وخذيتها
شيخه : بس بهالسهوله ؟
خالد : شيوخ انا كنت اقدر اخربطواسرسر ولا احد يقدر يقولي كلمه ... بس انا اخاف من ربي ولما شفت البنت حيل داشه خاطري وهي زينه قلت اتزوجها اخليها حلالي جدام الله وجدام الناس واذا على شريفه انا ماقصرت معاها ولاراح اقصر بيوم
شيخه : من غير ماتقول حق احد ؟ وهي شلون رضت تاخذك جذي ؟
خالد : البنت مو صغيره عمرها 31 ومطلقه ؟ ظروفنا تناسب بعض وبعدين ليش ماتاخذني شناقصني ؟
شيخه : وشريفه تدري ؟
خالد : انا ماقلت لها بس ادري انها تدري وساكته
شيخه : ليش ساكته ؟
خالد: عشان هي واثقه انها ماراح تقدر تسوي شي

قام خالد عن شيخه عقب ماخلاها بنار وحيره مالها اخر : معقوله جاسم يكون متزوج بعد ... معقوله ان خيانته لي تكون زواجه من غيري ... اذا خالد اللي بينه وبين مرته عشره وعيال تزوج ... جاسم اللي مابيني وبينا شي شسوي ... بس انا ماني مثل شريفه... اذا شريفه درت وسكتت انا ماني ساكته .
رجعت شيخه وجاسم شقتهم ... شيخه حاولت تفتح الموضوع مع جاسم بس ماعرفت شتقوله ... انزين اذا طلع متزوج شسوي اقوله يطلقها اخاف انا اللي اطلق ... مابي اخليه لها ... مو هي اللي تحبه انا اللي طول عمري احبه .. انا اللي ياما رديت خطاب علشانه ... انا اللي استحملت غروره.. ماتاخذه هي ... بس مااهقى ان متزوج هو مايطول وايد بره البيت مو معقوله بتصبر عليه .... خالد تزوج لان متعود يسافر وايد ويغيب عن بيته اما انا جاسم كل عندي .... واااااااي انا اذا تميت افكر بستخف اكثر مما انا مستخفه ... انا لازم اراقبه لازم اشوفه وين يشوفها ووين يروح معاها عالافل اقدر اعرف نوعية علاقتهم يمكن نزوه وتكلم وبسرعه اطوف ... ظلت شيخه طول الليل تفكر شلون تراقب جاسم بس هالشي حيل صعب مو معقوله تقعد تلاحقه بالدوام والديوانيه ... ماعرفت شيخه توصل حق حل او طريقه ...

شيخه اليوم الثاني قاعد مع جاسم وبالها مو معاه ... جاسم ماسك لابتوبه يشتغل عليه
شيخه للحين موعارفه شتسوي ... : ياربي بس ابي اعرف وين يشوفها ومتى ..
جاسم : شيوخ شقاعد تفكرين فيه ؟
شيخه : ولا شي
جاسم : علي انا هالكلام .... صارلج ساعه بالج مو معاج ... شاللي شاغلج
شيخه : ولا شي بس حاسه بملل
جاسم : طلعي
شيخه ( واخليك املك انت ماتتهيت ) : مالي مزاج ....... جسوم شرايك نلعب لعبه ؟
جاسم (يضحك ) : عريس وعروسه ؟
شيخه : اتكلم جد
جاسم : حتى انا اتكلم جد
شيخه : لا نلعب لعبة السرعه
جاسم : بعدين نسوي عريس وعروسه ؟
شيخه : وبعدين
جاسم ( يسوي نفسه بيبي ) : ابي عريس وعروسه
شيخه : ياحليلك تتدلع بعد
جاسم : اي ادلع شناقصني ... ها شقلتي نلعب عريس وعروسه ؟
شيخه : اذا خلصنا لعبة السرعه
جاسم : مااعرفها
شيخه : حدها سهله ..... انا اسال سؤال بس انت لازم تجاوب عليه بسرعه من غير ماتفكر
جاسم : بعدين نلعب عريس وعروسه
شيخه : جسوم خلاص قلت لك انزين نلعب عريس وعروسه وكل اللي تبي ... بس لا تحن
جاسم : يلا .... سالي
شيخه : اي لون تحب
جاسم : ازرق
شيخه : شنو سيارتك ؟
جاسم : رينج
شيخه : شنو تشتغل ؟
جاسم : رقاصه
شيخه : جسوووووووووووووووووووووووم والله انك مليق
جاسم : والله المليقه لعبتج ... حده ماعندج شغل ... شنو شنو اشتغل يعني ماتدرين
شيخه : اللعبه جذي لازم اسالك اساله وايد وسؤال منهم يكون trick
جاسم : اها .... يعني تبين توهقيني... خلاص يلا خل نلعب
شيخه : خلاص هونت
جاسم : يلا والله اجاوب عدل .... وعد
جاسم هقى ان شيخه بتساله اذا هو يخونها او لا ... جاسم ماهو غبي هو يدري ان شيخه شاكه حييل لان التغيير اللي فيها قوي فكان مزهب نفسه ان يقول لا

شيخه : الحين نلعب ..بس لا تملق
جاسم يعدل قعدته : يلا
شيخه : اي لون تحب ؟
جاسم : ازرق
شيخه : اي اكله تحب ؟
جاسم : معكرونه ؟
شيخه : عطني اسم بنت بحرف ال R
جاسم ( من غير مايحس او يفهم ) : ريم
سكتت شيخه شوي( عيونها مغورقه ) : منو تحب شيخه والا ريم ؟
جاسم : اي ريم ؟
شيخه : مادري انت قلت ريم
جاسم : انتي طلبتي اسم بنت بحرف ال R
شيخه : ----------------------
جاسم : لعبتج حدها مليقه ......انا غلطان ضيعت وقتي بهاللعبه المليقه ....( وخرجاسم ويهه عنها ورد مسك لاب توبه وطول اليوم ماتكلموا مع بعض ... كانوا يتحاشون يقعدون مع بعض بنفس المكان ).
شيخه منسدحه على فراشها : اسمها ريم ... الله ياخذج ياريم من وين طلعتي لي ... ياترا وين يشوفج ... بموت وعرف وين يشوفها وشيقولها ... وشيخه تفكر دخل جاسم الدار وانسدح يمها .... شيخه ماتكلمت ولاهو تكلم ... بعد دقايق ... جاسم : احب شيخه .... ولف عنها يبي ينام
شيخه جنه احد صب عليها ماي بارد يت تبي تتكلم ماقدرت تتكلم ولاعرفت شتسوي ماعرفت تسوي اي ... بس عرفت شي واحد ان جاسم يحبها اول مره تحس فيها ولو انها ماقالها .... شيخه يومها نامت وهي عارفه شي واحد انها راح تمحي ريم من حياتهم .... كانت حاسه بقوه مو طبيعيه ... كلمت جاسم قوتها .



الايام تمر على جاسم وشيخه وريم متعبه وجنها حرب شيخه تدافع عن حلالها وريم
تحارب عشان مبتغاها والكل كان خسران ... خسروا اعصاب وخسروا راحة البال .... الا جاسم اللي كان متهني من الصوبين دلال وحب ودلع من الصوبين ... الدنيا عطت جاسم اكثر مما يستاهل .
شيخه قررت انها ماتسكت زياده وانها عطت ريم وقت وايد .... بس ريم مو راضيه تنسحب من حياتهم ... قررت شيخه ان توقف الحرب البارده وتبدي المواجهه .

بيوم من الايام شيخه كانت طالعه مع جاسم كانوا طالعين الرايه تسوقاو شوي شيخه شرت لها جم قطعة تالي قعدوا water lemon بره وهم قاعدين شاف جاسم ربعه من زمان مو شايفهم قاعدين داخل استاذن من شيخه وقام يسلم عليهم ويسولف معاهم شوي..... شيخه شافت تلفون جاسم عالطاوله هو قام من غير ماياخذه ... شيوخ فكرت تتعبث فيه بس خافت ان جاسم يشوفها ويزفها يت لها فكره احسن ... حطت تلفونه سايلنت ودعسته بجيس من الجياس اللي معاها .... هي فكرت انها تحطه بجنطتها بس خافت ان جاسم يدور فيها قالت تحطه بالجياس حتى لو جاسم لقاه تقدر توهمه ان هو يمكن قطه بالغلط .... رد جاسم الطاوله من قعد وشيخه تسولف ماتبيه يفقد تلفونه .... لما بغوا يقومون ... جاسم : شيوخ وين تلفوني ؟
شيخه : عندك
جاسم : لو عندي ماسالتج ؟
شيخه : اكيد نسيته على طاولة ربعك
جاسم : ولييييييييه هذولا قاموا ولو اني نسيته عندهم جان يابوه ليش ياخذونه
شيخه : يمكن واحد منهم خذاه بالغلط
جاسم : لا مااهقى دوريه بجنطتج والا جياسج
شيخه ( سوت روحه ادور ) : ماكو شي
جاسم : دوري عدل
شيخه : دورت عدل ماكو ... يمكن نسيته بواحد من المحلات
جاسم : قعدي اهني ادوره وارجع لج
طول جاسم وهو يدور تلفونه حتى المحلات اللي مادشوهم دخل سال فيهم
رد جاسم حده معصب اول مره شيخه تشوفه جذي
شيخه : مالقيته
جاسم : تهقين لو اني لقيته ليش ياي معصب
شيخه : لا تعصب كلش السالفه ماتسوا ... بدال التلفون الف بس لا تحرق اعصابك
جاسم : شلون مااعصب وفيه كل ارقام ربعي ودوامي وفوق هذا الحين لازم احوس عشان اطلع بدل فاقد
جاسم كان معصب لانه فيه كل مسجات ريم وصورها ماحب ان احد يقرا هالمسجات ويشوف الصور
طول الطريج شيخه تحاتي ان موبايل جاسم مايكون فيه بطاريه ويطفي لان اذا طفا راح تتوهق لان مايشتغل الا برقم سري ... جاسم طول الطريج يدق على نقاله من نقال شيخه بس محد يرد ... رجعوا الشقه اول مادخلت شيخه راحت الحمام تجيك على بطاريه التلفون حدها ارتاحت لما شافت فيها اكثر من النص ... كانت تنطر جاسم ينام عشان تتعبث بتلفونه واطلع رقم ريم ... جاسم يومها مانام الا متاخر وشيخه خافت تمسك جهازه وهو موجود بالشقه ... : انا ماكو الا اني باجر اطلع واتعبث فيه برا البيت وااااي ليش باجر عطله جان تعبثت وهو بالدوام ...

اليوم الثاني
شيخه : جاسم انا بروح الجمعيه شوي وراده
جاسم : شعندج ... توني مجيل البيت
شيخه : ابي مزيل مكياج وكريم
جاسم : بطولين ؟
شيخه : لا كلش

شيخه اول ماركبت سيارتها قبل حتى لا تشغل السياره .. طلعت جهاز جاسم من جنطتها كان قلبها يرقع حيل كانت تحس ان بيطلع من مكانه ... هي بس كانت بتاخذ الرقم بس اشتغل فيها الفضول قالت : خل اقرا المسج يمكن اكو مسجات منها
بطلت ال INBOX قرت شيخه مسجات ريم كانت مسجات قذره .. كانت تقرا المسجات ودموعها تنزل ... ماقدرت ماتبجي ... اصلا شيخه كانت روحها قاعد تطلع مع كل شهقه تشهقها.... شيخه : شقتي.... كان يشوفها بشقتي ... هذه الكلمه اللي نطقها لسان شيخه ... تمت شيخه تبجي بسيارتها مر عليها وقت طويل ماحست بالوقت ولاقدر الوقت يخفف من بجيها ولاقدر البجي يخفف مافيها ..... ردت شيخه شقتها وهي حدها منهاره ومنكسره ...... اول ماشافها جاسم مات من الخرعه عليها : شيوخ شفيج ؟
شيخه ماردت كانت تبجي وتشاهق كان شكلها يخرع
جاسم : شيوخ تحجي شصار لج ...؟
راحت شيخه صوب دارهم وقعدت تشوف فراشهم وتبجي زووود ... : ماكنت حتى تغير الشرشف
جاسم : شنو ... اي شرشف ... شيوخ شفيج ؟
شيخه (وهي اطالع جاسم ميته بجي ) : كنت تخليني انام على نفس الشرشف اللي هي نامت عليه..... كانت تنام بفراشي ... مالقيت الا فراشي
جاسم تنح مكانه : شنو ؟
شيخه : لما دزت لك صورتها وقالت لك منو احلى انا والا زوجتك ... شرديت عليها
جاسم : شيخه شتخربطين ؟
شيخه عطت جاسم تلفونه : طلقني ... انا مابيك
جاسم : شيوخ تعوذي من ابليس ... خلينا نتفاهم
شيخه : انا مابيك ... من زمان ادري انك تخوني بس كنت مستعده اتعب عشانك مستعده اسوي اي شي عشانك بس الحين لا لانك وصخ وانا صرت مابيك ... انت مو بس خنتني انت كسرتني ... خنتني ببيتي وعلى فراشي خنتني بالمكان الوحيد اللي يجمعني فيك ... شلون هنت عليك انا قبل لا اكون زوجتك انا بنت عمك شلون رضيتها علي .... ماقدرت ادبر لك مكان الا فراشي ... انزين قولي بشنو قصرت والله اني كنت احبك والله عمري ماحسيت باحد غيرك .. اصلا انا ماكنت اشوف بالدنيا الا انت ... كل حلم احلمه تكون انت فيه ... انا اصلا بنيت مستقبلي معاك ... الحين شسوي من وين اييب لي مستقبل ثاني من وين اييب لي قلب ثاني ... والله كرهتني فيك من سواتك .. كرهتك ....... طلقني


http://www.6arab.net/ViewSong/207470.html

 

[ام احمد_26]

الله يعينهااااااااااااااااا

 

[yaamye]

الله ياخذ جاسم وريم
ذبحو البنت حرااااااااااااام :0bee2e8d89:
بس البااااااااااارت موووووووووووووووووووصج [/
:ggdw:

 

[sh3ollah]

موصج يا شيوووووخ
كسرت قلبي والله
ماااالت علي يا جاسم
خلها تفيده ريموووو المريضة

روااااابي يعطيج الف عافية
تكفين روابي
فكري بموضوع بارتين باليوم
والله البارت الواحد ما يشبع

 

[حبي الاول]

احسن سوت فيه لاتردله