هذا حظي ونصيبي .....

[rawabi]

هاااي بنات ... عساكم باحسن حال .... اول شي البارت ادري ان البارت قصير بس كان في جم حدث ....ماحبيت اكتب كلام عالفاضي ... ثاني شي مااهقى اقدر انزل بارتين باليوم كلش ماكو وقت الصبح دوام والظهر نوم وبالليل دايم الهى ...

واخيرا وليس اخرا ابي اقول حق اختي اسوم اللي بلندن اني احبها وايد ومشتاقه لها وايد وحدي مستانسه ان قصتي عاجبتها وهي مثلكم حدها مغثوثه من ريم ... وعفيا بنات ادعوا لها بان الله يرزقها الذريه الصالحه ويسخر ريلها لها ....... (الحين تقولون شفيها هذه احنا شكو باختها ... اذا دعيتوا لها بنزل بارت طوييييييييييل حييييييييييييييل او يمكن انزل بارتين ... شرايكم لاغراء :eh_s(6):

 

[rawabi]

مشكوره على البارت 0 تدرين نفس مشكلتي ريلى كان يكلم وحده متزوجه 0 تصدقين كل ما اقره بارت قلبي يعورني 0 اخ ابي افهم ليش يخونون 0 كملى لا طولين علينا

اسم الله على قلبج ... انشالله الله يسخر لج ريلج ومايشوف غيرج ويصيرون كل الحريم بعينه شواذي الا انتي قمر ... هم الرياييل مايترس عينهم شي لازم يلعبون بذيلهم بس مو كلهم في منهم الللي يخافون الله ومايخربطون

 

[جمال رباني]

الله يرزقها ذريه الصالحه ويعطيها ع قد نيتها

يله نبي البارت >>>>>> شريره

لووووووووووول

 

[~pYaar~]

يعطيييج العافيه روابي على الرواايه الي أكثر من روعه...

أسلوبج بالكتابه ما شالله رووووعه

شخص وااحد باط جبدي صج بالروااايه طبعااا ماكو غيرها ريييم عسى ماكو ريييييم :eh_s(14):....
انا شفت حقااااره بس مثل حقاااره رييم ماشفت وااااي ودي ازنطها:rgewrg:

ولا يوقف لا يوقف:ggdw:

 

[yaamye]

الله يرزقها الذريه الصالحه ويسخر ريلها لها قووووووووووووووووووولووووووووووووووووووووووووو امييييييييييييييييييييين
لايووووووووقف لايووووووووقف نبي بااااااااااااااااااااااااااااااااااااارت طووووووووووووووووووووووووووويل

 

[Beautifulgirl]

اسم الله على قلبج ... انشالله الله يسخر لج ريلج ومايشوف غيرج ويصيرون كل الحريم بعينه شواذي الا انتي قمر ... هم الرياييل مايترس عينهم شي لازم يلعبون بذيلهم بس مو كلهم في منهم الللي يخافون الله ومايخربطون

الله يسمع منج انشالله 0 هههههههههه ضحكتني شواذي 0 في ريايل زينين بس نادر 0
الله يرزق اختج بالذرية الصالحه وسخر لها ريلها قولو امين 0 الامومه شعور حلو الله يرزق كل وحده متزوجه انشالله

 

[رفيف الورد]

" ربى لا تذرنى فردا وأنت خير الوارثين "


أسألك اللهم يا مالك الملك يا من تؤتى الملك لمن تشاء وتنزع الملك ممن تشاء وتعز من تشاء بيدك الخير كله .. يا حى يا قيوم ... يا رحمن ويا رحيم ... يا رب ... لا تذر جميع خواتى :

اللي في المنتدى بالذريه الصالحه ولاتحرمهم ياأرحم الراحمين وتصبرهم على إبتلائهم وإن شاء الله هالشهر يكونون حمل يارب استجب دعوتي ولاتردني خائبه ياأكرم الأكرمينّّّّّّّّّّّ

لا تذرهن فردا وأنت خير الوارثين يا أرحم الراحمين ... أدعوك اللهم إنك ترزقهم الذرية الصالحة والخلف الصالح وتجعلنا وتجعلهم مقيمى الصلاة ومن ذرياتنا وذرياتهم ......

ربى وتقبل دعــــــــــــــــــــــــــــــــــــــــاء...... ....

اللهم يا فارج الهم يا كاشف الغم ياربنا ورب كل شيء ومليكه سبحانك تباركت وتعاليت ...
اللهم إني أسألك بأنك أنت الله الواحد الأحد الفرد الصمد الذي لم يلد ولم يولد ولم يكن له كفوا أحد .... أن تفرج كربة كل اخت مسلمة ومؤمنة لم تحمل بأن تيسر لها جميع أمورها وتنال مرادها... وتوفقها لما تحبه وترضاه.. أمين يارب العالمين




اللهم لك الحمد كما ينبغى لجلال وجهك وعظيم سلطانك
اللهم صلى على محمد وعلى آل محمد كما صليت على إبراهيم و على آل إبراهيم و بارك على محمد و على آل محمد كما باركت على إبراهيم و على آل إبراهيم فى العالمين إنك حميد مجيد



اللهمَّ إني أسألك أني أشهد أنك أنت الله الذي لا إله إلا أنت الأحد الصمد الذي لم يلد ولم يولد ولم يكن له كفواً أحدٌ ان ترزقنى الذرية الصالحة


اللهم إنى أسألك بأن لك الحمد لا اله الا أنت الحنان المنان بديع السموات و الأرض ذو الجلال و الاكرام ان ترزقنى الذرية الصالحة


اللّهُمَّ إِنِّي أَسْأَلُكَ بِاسْمِكَ الطَّاهِرِ الطَّيِّبِ الْمُبَارَكِ الأَحَبَّ إِلَيْكَ، الَّذِي إِذَا دُعِيتَ بِهِ أَجَبْتَ. وَإِذَا سُئِلْتَ بِهِ أَعْطَيْتَ. وَإِذَا اسْتُرْحِمْتَ بِهِ رَحِمْتَ. وَإِذَا اسْتُفْرِجْتَ بِهِ فَرَّجْتَ ان ترزقنى الذرية الصالحة


اللَّهُمَّ إِنِّي أَدْعُوكَ اللهَ. وَأَدْعُوكَ الرَّحْمنَ. وَأَدْعُوكَ البَرَّ الرَّحِيمَ. وَأَدْعُوكَ بِأَسْمَائِكَ الْحُسْنَى كُلِّهَا، مَاعَلِمْتُ مِنْهَا وَمَا لَمْ أَعْلَمْ. أَنْ تَغْفِرَ لِي وتَرْحَمَنِي وترزقنى الذرية الصالحة


قال النبى صلى الله عليه و سلم " إن لله ملكاً موكلاً بمن يقول " يا أرحم الراحمين فمن قالها ثلاثاً قال الملك : إن أرحم الراحمين قد أقبل عليك "


يا ارحم الراحمين يا ارحم الراحمين يا ارحم الراحمين يا ارحم الراحمين يا ارحم الراحمين يا ارحم الراحمين يا ارحم الراحمين يا ارحم الراحمين يا ارحم الراحمين يا ارحم الراحمين ارزقنى الذرية الصالحة ولا تحرمنى منها


لا اله إلا الله العظيم الحليم لا اله إلا الله رب العرش العظيم لا اله إلا الله رب السموات السبع و رب العرش العظيم اللهم انى اسألك الذرية الصالحة


بسم الله الذى لا اله غيره الرحمن الرحيم اللهم أذهب عنى الهم و الحزن وارزقنى الذرية الصالحة
لا اله ألا انت سبحانك انى كنت من الظالمين يارب الذرية الصالحة يارب أرزقنىالذرية الصالحة


قال رسول الله صلى الله عليه و سلم : كلمات الفرج


لا اله إلا الله الحليم الكريم لا إله إلا الله العلى العظيم لا اله إلا الله رب السموات السبع و رب العرش العظيم
يارب الذرية الصالحة يارب الذرية الصالحة يارب الذرية الصالحة يارب الذرية الصالحة


قال رسول الله صلى الله عليه و سلم بسم الله الرحمن الرحيم ، و لا حول و لا قوة إلا بالله العلي العظيم ، فإن الله تعالى يصرف بها ما شاء من أنواع البلاء
بسم الله الرحمن الرحيم ، و لا حول و لا قوة إلا بالله العلي العظيم
بسم الله الرحمن الرحيم ، و لا حول و لا قوة إلا بالله العلي العظيم
بسم الله الرحمن الرحيم ، و لا حول و لا قوة إلا بالله العلي العظيم
يارب ارزقنى بالذرية الصالحة


قال رسول الله صلى الله عليه و سلم
اللهم لا سهل إلا ما جعلته سهلا ، و أنت تجعل الحزن إذا شئت سهلا


اللهم رحمتك ارجو فلا تكلني الى نفسى طرفة عين واصلح لى شأنى كله وارزقنى بالذرية الصالحة


لا اله الا انت يا حى يا قيوم برحمتك استغيث لا تحرمنى من نعمة الذرية الصالحة


لا اله الا انت سبحانك انى كنت من الظالمين يارب ارزقنى بالذرية الصالحة


اللهم انى عبدك ابن عبدك بن أمتك ناصيتى بيدك ماضى فى حكمك عدل فى قضاؤك أسألك بكل اسم هو لك سميت به نفسك او انزلته فى كتابك او علمته احداً من خلقك او استأثرت به فى علم الغيب عندك ان تجعل القرأن ربيع قلبى ونور بصرى وجلاء حزنى وذهاب همى وان تقضى لى حاجتى وترزقنى بالذرية الصالحة


يارب لا تذرنى فرداً وانت خير الوارثين
ربى هب لى من لدنك ذرية طيبة انك سميع الدعاء


اللهم انت ربى لا اله الا انت خلقتنى وانا عبدك وانا على عهدك ووعدك ما استطعت اعوذ بك من شر ما صنعت وابوء لك بنعمتك على وابوء لك بذنبى انه لا يغفر الذنوب الا انت


يارب لا تذرنى فرداً وانت خير الوارثين
ربى هب لى من لدنك ذرية طيبة انك سميع الدعاء


اللهم انى اعوذ بك من العجز والكسل والجبن والبخل والهرم وعذاب القبر اللهم ات نفسى تقواها زكها انت خير من زكاها انك وليها ومولاها اللهم انى اعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها يارب أسألك الذرية الصالحة يارب أسألك الذرية الصالحة يارب أسألك الذرية الصالحة


اللهم انك قلت (ادعونى استجب لكم) وانك لا تخلف الميعاد وانى اسألك ان لا تحرمنى من الذرية الصالحة


يارب لا تذرنى فرداً وانت خير الوارثين ربى هب لى من لدنك ذرية طيبة انك سميع الدعاء

 

[rawabi]

مشكورييييين بنات على تفاعلكم معاي ........وخلاص انشالله عشانكم بنزل بارت طوييييييييييل لانكم دعيتوا حق اختي..... واللي مادعوا شدعوه انشالله عال ظهر ينزل البارت

 

[رفيف الورد]

الحمد لله والصلاة والسلام على رسول الله وعلى آله وصحبه أما بعد:

فنسأل الله تعالى أن يرزقك الذرية الصالحة وأن يُقر عينك بها في الدنيا والآخرة.
وأما عن الأدعية التي يدعو بها المسلم من أجل الإنجاب والذرية، فمنها: دعاء سيدنا زكريا عليه وعلى نبينا صلوات الله وسلامه، ( قال رب هب لي من لدنك ذرية طيبة إنك سميع الدعاء ) [آل عمران:38] وفي سورة الأنبياء: ( رب لا تذرني فرداً وأنت خير الوارثين ) [النساء:89] ومنها: دعاء إبراهيم الخليل صلى الله عليه وسلم: ( رب هب لي من الصالحين ) [الصافات:100] ومن الأدعية النافعة على كل حال ولكل مطلب:
1-دعاء يونس عليه السلام، قال صلى الله عليه وسلم: " دعوة ذي النون إذ دعا ربه وهو في بطن الحوت: لا إله إلا أنت سبحانك إني كنت من الظالمين. لم يدع بها رجل مسلم في شيء قط إلا استجاب الله له " رواه الترمذي و النسائي و الحاكم وقال صحيح الإسناد.
2-كثرة الاستغفار: قال تعالى: ( فقلت استغفروا ربكم إنه كان غفاراً*يرسل السماء عليكم مدرارً*ويمددكم بأموال وبنين ويجعل لكم جنات ويجعل لكم أنهاراً ) [نوح:10-12] وقال صلى الله عليه وسلم: " من لزم الاستغفار جعل الله له من كل ضيق مخرجاً، ومن كل هم فرجاً، ورزقه من حيث لا يحتسب " رواه أحمد و أبو داود و الحاكم وقال: صحيح الإسناد.
والله أعلم.
الحمد لله والصلاة والسلام على رسول الله وعلى آله وصحبه أما بعد:

فنسأل الله أن يرزقك الذرية الصالحة وأن يقر عينك بها في الدنيا والآخرة.
وأما عن الأدعية التي يدعو بها المسلم من أجل الإنجاب والذرية عموماً، فمنها: دعاء سيدنا زكريا عليه وعلى نبينا صلوات الله وسلامه: هُنَالِكَ دَعَا زَكَرِيَّا رَبَّهُ قَالَ رَبِّ هَبْ لِي مِنْ لَدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاءِ [آل عمران:38].
وفي سورة الأنبياء: وَزَكَرِيَّا إِذْ نَادَى رَبَّهُ رَبِّ لا تَذَرْنِي فَرْداً وَأَنْتَ خَيْرُ الْوَارِثِينَ [الأنبياء:89].
ومنها دعاء إبراهيم الخليل صلى الله عليه وسلم: رَبِّ هَبْ لِي مِنَ الصَّالِحِينَ [الصافات:100].
ومن الأدعية النافعة على كل حال ولكل مطلب:
1- دعاء يونس عليه السلام، قال صلى الله عليه وسلم: دعوة ذي النون إذ دعا ربه وهو في بطن الحوت، لا إله إلا أنت سبحانك إني كنت من الظالمين، لم يدع بها رجل مسلم في شيء قط إلا استجاب الله له. رواه الترمذي والنسائي والحاكم وقال صحيح الإسناد.
2- كثرة الاستغفار: قال الله تعالى: فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً* يُرْسِلِ السَّمَاءَ عَلَيْكُمْ مِدْرَاراً* وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً [نوح:10-12].
وقال النبي صلى الله عليه وسلم: من لزم الاستغفار جعل الله له من كل ضيق مخرجا، ومن كل هم فرجا، ورزقه من حيث لا يحتسب. رواه أحمد وأبو داود

 

[rawabi]

رفيف الورد ....مشكوووووووووووووووووووووره ربي يسعدج يارب والله انج زوغه وحدج حدج عجيبه ..... صج صج مشكوره ونستيني ورزيتيني جدام اختج ...
البنات اللي كتبوا دعواتهم هم مشكورين حييل .. الله لا يحرمني منكم ... تشيحطت فيكم جدام اختي

 

[rawabi]

[size="6[color="red"]"]هاااي بنات دقايق وينزل البارت انشالله .... وسامحوني عالقصور [/color][/size]

 

[rawabi]

البارت ال 14 :
شيخه قررت تبدي الحرب البارده على قولتهم .. بس ماعرفت من وين وشلون تبدي ... تذكرت شيخه انها خلت جاسم بالصاله بروحه وتذكرت ساره لما قالت ( الوحده السبب الرئيسي بالانحراف ) .. لبست شيخه بيجامه ناعمه حيل ورفعت شعرها وطلعت حق جاسم الصاله ... كان جاسم قاعد على القنفه يشوف تلفزيون ... راحت شيخه واندعست يمه حيل ... جاسم : شنو قلوا الاماكن .. قاعده هني ؟
شيخه : خاطري اقعد يمك ... مو ريلي حبيبي
جاسم : غلطانه قعدي بحضني المرة اليايه
شيخه : ولبيش المره اليايه ... افا عليك الحين اقعد
جاسم (ضحك مع ان كان متنرفز بالاول لان كان متابع البرنامج ) : صج مو صاحيه .. شسالفتج ؟
شيخه : سالفتي اني احبك
جاسم ( مستغرب صج انهم صارلهم جم شهر متزوجين بس ولا مره طيحوا المييانه او ان شيوخ تدلع عليه وتتحرش فيه ) : عسى دوم ... انزين يلا وخري
شيخه : ليش ؟
جاسم : شنو بقوم ابدل والا تبين انام بهدومي
شيخه : انا ببدلك
جاسم : شنو بيبي ؟
شيخه : اي بيبي انا

شيخه من النوع اللي حيل يستحي وينحرج بس عرفت ان حياها مافادها بشي ودام ريلها شاف غيرها اكيد ان في شي هو يبيه ماحصله عندها .. قررت شيخه انها تتغير مو بس شكل حتى كلام واسلوب ...... نام جاسم بس النوم ماقرب لعين شيخه طلعت الصاله تفكر : شاللي خلاه يخوني عمري ماقصرت معاه حتى معاملته الخايسه متحملتها ولا اشتكيت منه مره .. ولاني اللي جيكره والا ناقصني شي ... دايم كاشختله ومرتزه .. منو انتي يال R شاللي تبينه ومن متى يعرفج .... ياترا جم صارلكم مع بعض ... وين يشوفج ؟ الظاهر لما يقولي ان رايح الديوانيه يروح لها .... شيخه كلش ماخطر ببالها ولو للحظه ان جاسم يخونها هني ببيتها وعلى فراشها مافكرت بلحظه ان الفراش اللي تنسدح فيه كل ليله هو نفس الفراش اللي تنسدح فيه ريم كل مره .
بهالليله جاسم نام مرتاح من قده شايف ريم ومطيب خاطره و صاير بيبي شيخه المدلل... بس مو كل الناس نصيبها الراحه شيخه ليلها كان طويل من التفكير ... وريم كانت على نار تنطر الصبح يطلع عشان تعرف من جاسم شصار عقب ماحطت حق شيخه الاسواره ... يومها قعدت ريم من النوم مبجر ودقت على جاسم هقت انها بدق تلقاه معصب ... تعبان ... متضايق كانت مزهبه نفسها انها تكون الصدر الحنون اللي بيخفف عنه
ريم : صباح الخير
جاسم : ياصباح النور والحب
ريم : شنو !!!!!!!!!!!!!!!!!!!!!!!!!!!!!
جاسم : شنو شنو ؟ شفيج ؟
ريم (منصدمه ) : مافيني انت شلونك ؟
جاسم : عال العال ياحلو
ريم ( ريم استخفت الا جاسم حده مستانس يعن ماتهاوش ويا زوجته ) : شلون زوجتك؟
جاسم : تسال عنج تقول ريم شخبارها من زمان ما مرتنا
ريم : يا ملقك
جاسم : والله انتي المليقه ... انتي شكو بزوجتي تسالين عنها
ريم : مادري عن منو ساله الملكه اليزابيت
جاسم : تكلمي عدل عاد
ريم حدها انصدمت شدعوه يعصب ماقالت هي شي عشان يقولها تكلمي عدل ... سكرت ريم التلفون هي حدها مغلقه : اكيد انها ما شافت الاسواره ... شلون ماانتبهت لها صج مدمقه

عال 10 الصبح دقت شيخه على جاسم : صباح الورد على حبيبي
جاسم : صباح الورد والفل والياسمين وكل شي حلو
شيخه : عساك بخير جسومي
جاسم : دامي اسمع صوتج اكيد بخير
شيخه : حبيبي عادي اطلع ابي اروح اتسوق
جاسم : اكيد عادي من غير ماتستاذنين حبيبتي ... متى تطلعين ؟
شيخه : يعني على ماالبس وازهب يبيلي ساعه
جاسم : انزين لاتطلعين الا لما يمرج سايق اهلي
شيخه : لابروح بسيارتي
جاسم : ادري حبيبتي ... بس بطرش لج الفيزا جم شيخه عندي

شيخه بقلبها بسم الله الرحمن الرحيم هذا شفيه جذي قلب ... شهالحب اللي نزل فجاه اول يوم وصار جذي لا وبعد حتى بوس مابسنا بعض ... شسالفته ... شيخه توها تبدي تفهم ريلها جاسم ... جاسم ماهمة الفراش كثر مايهمه الدلع والانوثه ... بالفراش اول وتالي بخلص ويقدر يحصله باي مكان ومع اي وحده بس ان تكون عنده دلوعته غير ... وصل السايق حق شيخه عطاها الفيزا وطلعت شيخه رايحه الافنيوز ... نزلت شيخه كان الافنيوز شوي زحمه مع ان الصبح كان في وايد طلبه جامعه خصوصا بالكافيهات ( على اساس ان الافنيوز اقرب مجمع من جامعة شويخ )
... دقت شيخه على ساره : سوير وينج ؟
ساره : بالجامعه
شيخه : سوير تعالي الافنيوز
ساره : شموديج ... وشلون تروحين ماتقولين لي ؟
شيخه : اليوم الصبح قررت
ساره : الحين مااقدر ساعه ونص بالكثير وايي لج
شيخه : وايد ساعه ونص
ساره : والله مااقدر قبل ... وعشان اعوضج اعزمج عالغدا
سكرت شيخه من ساره وقامت تتسوق هي ماكانت تبي تتسوق هدوم طلعه كانت تبي تشتري هدوم حق لما تقعد مع جاسم ... هي ماتحب تلبس قمصان نوم وايد واصلا قمصان النوم ماتصلح الا حق غرفة النوم مو حلوه تقعد تشوف معاه تلفزيون وهي لابسه قميص نوم .... دشت TOP SHOP W RIVER ISLAND W H&M شرت شورتات قصار وتنانير قصيره بديات علاق وجبنيز وخذت جم نفنوف قصير الوانهم فسفوريه ... شيخه حيل ذويقة باللبس وستايل وشي سهل عليها انه تركب قطعه على قطعه كل محل ادشه اطول فيه على ماتلقى شي يناسب اللي شرته او بتشتريه كان تسوقها خوش تسوق يومها ... دقت عليها ساره : ها شيوخ وينج ؟
شيخه : TOP SHOP
ساره : انا رايحه سواح تعالي لي
شيخه : موجنه تو الناس عالغدا خل ننطر تصير 2
ساره : لا حدي يوعانه مو متريقه
شيخه : كاني يايتلج
حاسبت شيخه وطلعت من المحل تمشي رايحه سواح سمعت احد يناديها كان الصوت مو غريب بس ماعرفت من صوته التفت ... لما شافت صاحب الصوت تصلبت بمكانها
فواز : شلونج شيخه ؟
شيخه (مصدومه ) : هلا فواز ... بخير
فواز يطالعها جنه ناطر شي ( اكيد تذكرون هو شناطر تقوله )
شيخه تمت اطالعه تالي استوعبت : شلونك ؟
فواز يضحك : طولتييييييييييييي ... بس زين مانسيتي ... انا بخير الحمدالله ... يشوف الجياس اللي بايدها ..... انتي شسالفتج كل مادشيتي الافنيوز خميتي الاكو والماكو ... شتسوين باالهدوم شكلج تبيعنهم بالباطن
شيخه : لا والله بس من زمان مو يايه السوق وناقصتني وايد اغرض
فواز يطالع شيخه وطول ماكان يطالعها كان مبتتسم .... شيخه اول ماشافت فواز فز قلبها له كان متغير شوي بس هم كان حلو كان ويه ديرتي بس لايق عليه ... كان لابس ثري كوارتر بيج وقميص سماوي مجفس جمومه وصندل كان شكله حييل ستايل ... شيخه استوعبت ان صارلهم فتره ساكتين : امممم خلاص عيل اخليك سلم على خالتي نوريه وايد
فواز : يوصل انشالله ..... اي صححح راح عن بالي مبروك
شيخه : على شنو ؟
فواز : زواجج ... عاد والله جاسم والنعم فيه ... الله يسعدكم
اول مره يضيق خلق شيخه لانها تذكرت انها متزوجه : الله يبارك فيك ... حتى انت بالمبارك فيصل قالنا انك خطبت ...
فواز : بس قالكم اني خطبت ؟
شيخه : ليش شنو بعد ؟
فواز :مادري؟؟؟ ياحليله فيصل .....صاير كونا ... خلاص عيل هم انا بمشي رفيجي ناطرني ب سواح


شيخه تمت اطالع ب فواز وتذكرت شلون كان طيب وحنون معاها... تذكرته وهو يقول لها : شيوخه منو انتي؟ .......... من فلت شيخه من فواز اول مره تحس بالحسره لانها ماعادت شيوخه فواز .... استوعبت شيخه ان فواز رايح سواح نفس المطعم اللي هي وساره بياكلون فيه ... دقت على ساره : سوير قومي من سواح مابي اتغدا فيه
ساره : اي شي ... ليش ؟ انا طلبت
شيخه : شكو تطلبين وانا ماييت ... شهالطياره ؟
ساره : يوعانه حرام عليج بعدين ليش غيرتي رايج
شيخه : شفت فواز توه وسلم علي عاد قال ان رفيجه ناطره ب سواح .... اخاف يقول اني لاحقته
ساره : شكو لاحقته انتي متزوجه بعدين هو اذا يه بيلقاني طالبه يعني بيعرف ان يايين قبله ... هو قالج ان رفيجه بالمطعم ؟
شيخه : اي
ساره : اكيد رفيجه هذا الحلو اللي جدامي وااااااااي شيوخ لايطوفج رفيجه حده بسكوته
شيخه : ويعه سوير انت بنت والا صبي
ساره : ياربي بعد انا شكو اذا رفيجه حلو ... صج لا قال المثل الحلو مايرافج الا حلو
شيخه : وهالمثل من تاليف حضرتج؟
ساره : اي توني مالفته ...... شيوخ انا مت
شيخه : ويهد شفيج ؟
ساره : فواز دش المطعم يعني بدال لايجابلني حلو واحد صاروا اثنين ترا والله جذي اموت
شيخه : انتي منتهيه ... لا وصقور الاهبل قايل حق امي تخطبج لا بالله انقرد اخوي
ساره : شنو صقور قال حق امج .... متى ليش ماقلتلي؟
شيخه : اشوه اني ماقلت لج ... خلاص بنهون طلعتي مغازلجيه ...
ساره : حرام عليج ترا انا اقول جذي لاني عزابيه اصلا صقر يسوا فواز ورفيجه الحلو اللي مادري شسمه .... شيوخ انتي تعرفيني كلام عالفاضي ... عفيا خلي صقور يخطبني
شيخه : انزين افكر ... انا قربت... اكلج وصل؟
ساره : اي ... ليش ؟
شيخه : عشان يعرف اني مو لاحقته وانج يايه قبله
دشت شيخه المطعم من غير ماتلتفت لان ساره كانت قايله لها فواز وين قاعد راحت على طول الطاوله عند ساره وقعدت معطيه ظهرها حق فواز ..... فواز استانس لما شاف شيخه داشه المطعم هو ورفيجه ماطولوا كلش ... عكس ساره وشيخه اللي طاحوا له سوالف لانهم من زمان مو شايفين بعض وساره كل شوي تعيد وتزيد بسالفه خطبتها ب صقر ... طلبت ساره الفاتوره والا ايي لهم مدير المطعم يبلغهم ان الفاتوره اندفعت من الشاب اللي كان بالطاوله اللي جدامهم ( فواز ) : ساره : شكو يدفع ؟
شيخه : شدراني بس كلش حركته مو حلوه
ساره : حده ... شبينا وبينه .... ويييييييييييييه مسكين تهقين اني عجبته ودفع الحساب عشان يعبر عن اعجابه ..... وعليييييه عليه كسر خاطري ...بس مو بيدي انا احب صقر
شيخه : حدج فاضيه ... والله لو جاسم درا بيقلب الدنيا فوق راسي
ساره : وشكو جاسم يدري انتي هبله لاتقولين له ... اصلا لاتييبين له داري ان شفتي فواز
شيخه : ليش ؟
ساره : بس ماله داعي تقولين له شي
شيخه : هذا وهو اخوج تقولين لي اخش عنه
ساره :واذا اخوي .... بعدين انا عندي ان مو كل شي الواحد يعلم فيه ... بعدين تعالي باجر انشالله اذا خذيت صقور كل شي بينا بتقولين له ... شيوخ والله اذبحج
قررت شيخه ان ماتعلم جاسم انها شافت فواز بس حست بهم انها بتخش عنه ... شيخه اضحكت على عمرها : الحين انا متضايقه ومهمومه لاني بخش عنه شي تافه هو شلون عنده عادي انه يخوني ... وصلت شيخه الشقه عال 3 يومها كان جاسم بيرجع عال 5 كان عنده اجتماع ورا الدوام ... دشت سبحت وحطت ماسكرا وقلوس وفلت شعرها ولبست باند يرفع قدلتها .... وطلعت من الهدوم اللي شاريتهم شورت قصير حيل اصفر ولبست بدي جبنيز ابيض عليه نجوم .... وقعدت بالصاله تقرا مجلات على مايوصل جاسم
جاسم توه بيطلع من الدوام والا ادق عليه ريم : جاسم وينك ؟
جاسم : طالع من الدوام ؟
ريم : ابي اشوفك شوي
جاسم : خليها بالليل .... صج فاج
ريم : ماني مطوله
جاسم : ريوم جنه فيج شي
ريم (بدلع ): اي فيني
جاسم : شفيج ؟
ريم بدلع حيييييييل ): ولهانه عليك وابي اشوفك الحين..... انت مو مالي انا خلاص ...ابيك الحين
جاسم : لاتتكلمين جذي والله ادوخ ... جم ريومه عندي ... وين ايي لج ؟
ريم :اممممم نفس المكان اللي كل مره
راح جاسم حق ريم واول ماركبت السياره جيكت عالمكان اللي حطت فيه الاسواره مالقت شي قامت ادور ... حتى تحت الكشن دورت
جاسم : هبله انتي .... شقاعد تسوين حولتيني ؟
ريم : ها كنت لابسه خاتم وطاح مني قاعده ادوره
جاسم : وليييييييييييييييييه دوريه عدل لا تلقاه شيخه وتسوي سالفه
ريم دورت عدل مالقت شي تالي طلعت خاتم كانت حاطة بجنطتها : كاهو لقيته
جاسم : زييييييين
ريم : جسوم امس انت خذيت زوجتك من بيت اهلها والا منو ؟
جاسم : اي انا خذيتها
ريم : بسيارتك ؟
جاسم : لا ... بطيارتي الخاصه ... اكيد بسيارتي عيل بشنو باخذها . ليش تسالين ؟
ريم :ابي اعرف اخبارك ..... خلاص عيل ... باي
جاسم (مسكها ) : شنو باي ... الحين مناديتني وانا هلكان وميت من التعب عشان تقولين باي
ريم : عيل شنو تبي ؟
جاسم : مو تقولين ولهانه علي ... الولهان بس يقول باي والا يبوس اللي ولهان عليه
ريم (بخبث ) : بوسه ماتكفيني ابيك كلك ... متى تطلع زوجتك وايي لك
جاسم : الود ودي الحين ... بس مابيها تشك زود انشالله كلها جم وارد اشووفج مثل اول واكثر

ريم نزلت من السياره حدها محتره ومحتاره ... : وين الاسواره راحت معقوله شافتها وماقالت شي ... مو معقوله تقدر تمسك اعصابها جذي ... يمكن احد ثاني خذاها ... لازم اعرف من ركب مع جسوم السياره غير زوجته
بالوقت اللي كانت فيه شيخه بالمطبج تسوي لها شي خفيف تاكله ... دخل جاسم الشقه ينادي على شيخه ... شيخه : انا بالمطبخ .... جاسم : سوي لي اي شي اكله ... ميت يوع
سوت شيخه حق جاسم كلوب ساندويش على ماغسل وبدل الا شيخه خالصه طلعت له الصاله ... جاسم حيل اعجبه شكل شيخه بس ماعلق كلش ... شيخه قعدت تاكل توستتها عيون جاسم تتلاقط على شيخه مع كل لقمه ياكلها يرفع عينه يطالعها.... : محلوه
شيخه : مو شي يديد طول عمري حلوه
جاسم : هههه حلوه الثقه.... شعندج اليوم ؟
شيخه : شعندي ماعندي
جاسم : عجيب الشورت الخطير... حده لايق لك .... مو عوايدج هالكشخه
شيخه : حرام عليك كل يوم اكشخ لك .... قولي مره دشيت علي لقيتني مهتمله
جاسم : لا مو قصدي .. الحق ينقال انتي زقرتيه بس اول مره تقعدين معاي بشي قصير جذي ... شوي ويبين صروالج
شيخه (قلب ويها احمر حييل )
جاسم : شدعوه عليج .... اش هالحيا
شيخه : انزين خلاص ..
جاسم : شرايج نطلع سينما
شيخه : اوكي
جاسم : عيل قومي يبي لاب توبي اجيك عالافلام واحجز
شيخه : كاهو لاب توبك جدامك
جاسم : ادري بس قومي عطيني اياه
شيخه : بس مد ايدك توصله ...
جاسم : مابي ... يلا قومي فزي ... ابي اشوف شورتج عدل
قامت له شيخه عطته اللاب توب وترجع مكانها ... جاسم : على وين ... تعالي قعدي يمي نقي معاي فيلم
اختاروا شيخه وجاسم الفيلم اللي بيروحون له واحجزوه ... بدلاو واطلاعاو جاسم طول الوقت مطفي جهازه هو ناوي ان من يوم ورايح يطفي جهازه بالشقه ... من سالته شيخه اذا كان يخونها وهو وايد صاير حذر ..... اول ماركبت شيخه السياره طلعت شي من جنطتها : جاسم غمض عينك
جاسم : ليش ؟
شيخه : بس يايبه لك هديه غمض
جاسم : يابختي يالله غمضت
طلعت شيخه اسوارة ريم بس بدال حرف ال R حطت حرفها هي وجاسم s j شيخه لما طلعت الافنيوز شرت حرفها هي وجاسم من داماس وركبتهم عال الاسوارة وهي شلعت حرف ريم
جاسم (يستهبل ) : الللللللللللله وناسه يهبل
شيخه : ليش تتطنز ؟
جاسم : مادري عنج ريال شطولي يايبه لي سوار ... شقالولج ؟
شيخه : هو صح سوار بس مو عشان تلبسه .... هذا تعلقه عالممظره هني
علقت شيخه الاسواره عالمرايه الوسطانيه هذا كان رد شيخه على ريم ..... : اذا انتي تخشين الاسواره عال باب انا احطها لج جبال عينج ... عشان تكسر عينج

صارت شيخه كل يوم بشكل حق جاسم وماتتركه لحظه خفت اتصالات جاسم ب ريم حيل مايكلمها الا بالدوام ... ريم قامت تحس ان جاسم بدا يبتعد عنها وينساها .... صارت ريم العن من اول من يدق جاسم لينا يصكه وهي بس دلع له ومغازل فيه ...
ريم : حبيبي ابي اشوفك .... لو دقايق
جاسم : انشالله عقب يومين راح اشوفج
ريم : صج بشقتك ؟
جاسم : اي زوجتي بتتعشا ببيت اهلها مسوين عزيمه ... بس انا راح اعتذر وماراح اروح
ريم : حياتي انت والله .... عاد صج صج مشتاقه لك
جاسم : مو اكثر مني .... احس اني بقطعج اذا شفتج ... ريوم وينج الحين ؟
ريم : رايحه الجمعيه
جاسم : يايلج ... صفطي وركبي شوي معاي من زمان موقاعد معاج
ريم اول ماركبت السياره طارت عينها عالاسوار ومن غير ماتحس : وين حرفي ؟
جاسم : نعم ... شكو حرفج هذا من زوجتي انشالله تبين تحط حرفج معانا
ريم ضاق خلقها واحترت عرفت ان شيخه مو مدمقه ولاهبله مثل ماهي تظن ... وفهمت ان شيخه ماراح تترك جاسم بسهوله ... وكان رد ريم ان جاسم اللي كان بس بشوفها دقايق قعد معاها 3 ساعات يومها ..... افتروا اول شي بالسياره تالي راحوا مطعم .. طبعا جاسم قال حق شيخه ان بيروح الديوانيه .... شيخه ينت لما قالها جذي لان لو جاسم صج بيروح الديوانيه جان قبل ما يطلع من البيت مو فجاه يقرر .... رجع جاسم الشقه وهو معاه مسج من ريم ... جاسم ماكان يدري ان بصير مرسال الغرام بين رفيجته وزوجته ... شيخه من اول مادش جاسم الشقه وهي تلحقه بعينها بس كان حده عادي ... دش جاسم يغير وشيخه معاه : شيوخ شفيج تطالعيني جذي ؟ بلبس
شيخه : شنو لايكون تستحي مني ؟
جاسم : كيفج ...
غير جاسم هدومه ومثل كل الرياييل قط هدومه عالارض قامت شيخه تشيلهم والا تلقى على قولة قميصه حمرا فوشيا .... ريم عمدا دمرت القميص ودمرته من ورا وهي تبوس جاسم على رقبته عشان جاسم ما ينتبه حق الحمره واللي تنتبه بس شيخه : صج حقيره .... شحركات الافلام المصريه هذي ؟ هذي شكلها صج وصخه ... شيخه عرفت ان جاسم تقريبا كل ماطلع من البيت راح حق ريم .... شيخه سهرت جاسم يومها ماخلت يقدر يداوم ولا يطلع من البيت اليوم تالي من كثر ماهي مجابلته حتى مسج ماقدر يدز .
صار يوم العزيمه للي ببيت اهل شيخه ... كانت عزيمه مو كبيره ام خالد مناديه ولدها خالد ومرته وبناتها وريايلهم .... شيخه وهي طالعه من الشاور ... جاسم انا بدش البس متى تسبح وتزهب جاسم : لاحبيبتي ماني رايح ... راسي يعورني !!!!!!!!!!!!!!!!!!!! جاسم وشيخه تاخذ شاور دز مسج حق ريم : تزههبي عقب ساعه تمريني

 

[^ليلاس^]

مالت عليه جاسم صج ما يستحي

 

[sh3ollah]

مو من صجه هالجاسم
ولا المريضة ريم
صج مريضة نفسياً
بس عجبتني قوة شيخة

 

[Sara.M]

امبييييييييه ريم صج حقيررررررره وتبط الجبد @@@
كمليييي بليييززز

 

[miss 3yara]

شهالحقاره الي بريم

 

[رفيف الورد]

هذي شكو حاطه دوبها دوب شيخه هالريم الحقيره

دام زواج ريموه من ريلها غلط شكو شيخه تتحطم حياتها على حساب ريموه الحقيررره

واللي قاهرني هالجاسم اللي ليلحين لازق بريموه الحقيره

جسوم يا جسوم صير عاقل ولا اتصير خاتم بإيد ريموووووه ويييييييع عليك يا جاسم حسافه

حسافه إإسم ريم يصير حق هالحقيره ريموه صج هالإسم مو ثوبها

إنتي لو مسمينج نسره أرحم من إسم ريم صج يا ريموه خربت استايل الإسم

 

[زهور الجمان]

واااااااااي ر يم حدهاااااا وحده مؤرفة

 

[rose red]

mo men 9ijha reem!! g6eee3a tnrfez o shai5a zain tsawii feha !!!oof!
rwabii mta ilpart ithanii?

 

[MISS ZOZO]

كمليييييييي حبيييييييي عجيييب البارت




بس صج ريم حقيره ووصخه بعد بس زين تسوي شيخه حرتها بالحرف ...