هذا حظي ونصيبي .....

[ĈŵâįŽŶâ Мŕâβā]

بليز بليز كملي البارت بسرعه ناطرينج على احر من الجمر وبليز نبي بارت طويل

 

[rawabi]

لاااااااء!!
شيخة تكفين لا!!
إذا ما تبين فواز طرشي بيتنا عادي ترى:krkrkr: كااااك
روابي بليييز لا تهد فواز!! و جاسم توى يحس و هالمبلتعة ريمو ماكو شغل خاينة ريلها 3 سنين!! ويييع قطيعة !!!
ناطرينج بالبارت الياي لا اطويلين [/Q

انشالله الله يرزقج باللي احسن من فواز ... ويكون دكتور واشوفج عروس :eh_s(6):

 

[rawabi]

هااااي بنات ... ردودكم عجييييييييييييييييييييييييييييييييييببه.... واهم شي ان كل وحده تبي فواز حقها انشالله كلكم تتزوجون دكاتره واحلى من فواز
بس بنات ليش معصبين على شيخه هي ماحبت جاسم يوم والا يومين هي تحبه من سنين ولما قال لها والله ماكنت ادري... عبالها ان قصده مايدري ان كان يحبها مادرت انه قصده ان مايدري ان ريم متزوجه ....:eh_s(6):

دقايق وينزل البارت

 

[shaja]

ويتنغ يوو حبيبتي

 

[rawabi]

البارت التاسع :


شيخه : ماني مالجه !!!!
جاسم : شنو يعني منتي مالجه ؟
شيخه : جاسم انا طول عمري ماحبيت الا انت وماكنت افكر بغيرك ...
جاسم: وفواز ؟
شيخه : مادري والله مادري شسوي ... انا صج مع فواز بس كل تفكيري معاك مااقدر اكون مع واحد وانا بالي مع شخص ثاني ... شيخة ماحست بعمرها وبكلامها يتها جراه مو طبيعيه حتى جاسم استغرب من جرأتها ... بس هي ماكانت مستعده تخسره .
جاسم : شيخه باجر تنسيني ... فواز هو نصيبج ... ومثل ماقلت لج انا اسف على كلامي ماكنت ابي اخرب عليج

مشى جاسم عن شيخه وخلاها وهي دموعها على خدها ... تمت مكانها مو قادره تتحرك دقت عليها ساره : شيوخ انتي وين ... طولتي ؟
شيخه : انا برا
ساره : شيوخ .... شفيج ؟
شيخه : -------- تبجي
ساره : شفييييج دشي داخل ناطرتج ....
شيخه دشت داخل واول ماشافت ساره لمتها وقعدت تبجي ..... ساره : شيوخ شفيج ... وقفتي قلبي
شيجه : ابي جاسم
ساره : ويييييييييييييييه انتي للحين ؟
شيخه : ساره شسوي والله احبه والله مااقدر انساه
ساره : انزين خلاص انتي بتتزوجين
شيخه : ماني متزوجه
ساره : شنو انتي انهبلتي ..... اي شي صح
رن تلفون شيخه المتصل كان فواز : شيخه وهي تبجي : ماني راده .... مابي ارد
ساره : لمتى من انتي راده ... شيوخ عقلي ترا فواز مايتعوض .... والله ان ابرك من جسوم ... شيوخ جسوم اخوي واعرفه ترا والله ماراح يهنيج مثل فواز .... اكبر دليل ان لما حس ان خلاص بتصيرين حق غيره انتبه لج ... شيوخ تعوذي من ابليس ترا والله تتحسفين
شيخه : مااقدر احبه ... ساروة انا من وعيت عالدنيا مااشوف غيره .... احب اللي هو يحبه ... صعب انساه انا ماصدقت ان يحس فيني
ساره : صج هبله ... كيفج باجر تتحسفين ... بس فواز شبتسوين معاه .. شبتقولين له ؟
شيخه : مادري والله مو عارفه
ساره : تدرين ان خالتي ام خالد اذا درت يمكن تذبحج ... خالتي تموت على فواز ... اكيد ماراح ترضى

دق فواز اكثر من مره شيخه ماردت عليه ماكانت عارفه شتسوي ... لما ردت البيت دقت عليه : الو
فواز(يصرخ ) : وينج ؟ وين كنتي ما تردين ؟
شيخه : شفيك تصرخ ؟ كنت ببيت عمي انا قايله لك
فواز : وليش ماتردين ؟ تدرين جم مره داق عليج انا ... تدرين اني ييت لبيتكم اشوفج رديتي او لا .... هقيت ان صاير فيج شي
شيخه : كنت بعيده عن التلفون مادريت عنه.... قامت تبجي من اللي فيها
فواز : شيوخه ماقصدت اني اصرخ عليج بس والله لو ماخوفي عليج جان ماعصبت وحتريت هالكثر .... خلاص حبيبتي لا تبجين ... خلاص شيوخه حبيبتي انتي
شيخه : فواز خلني الحين
فواز : ماني مخليج وانتي جذي ماني مسكرة وانتي تبجين
شيخه : خلاص مافيني شي
فواز : انزين قولي لي انتي شيوخة منو ؟
شيخه : فواز واللي يعافيك ترا مالي خلق
فواز : شيوخ كلميني شفيج .... انتي من امس مو طبيعيه منتي شيخه اللي اعرفها ..... قوليلي شفيج ؟
شيخه : قلت لك مافيني شي
فواز : يابنت الناس لا تعبيني معاج ... تكلمي من امس وانا بالي مشغول عليج
شيخه ماتكلمت مل فواز من الحنه وسكره تم باله مشغول حييل : البنت شفيها حالها قلب جذي حتى كلامها متغير .... وكلش مالها خلقي ... شكله صاير لها شي جايد وماتبي تتكلم .... انا ماكو الا اروح لها البيت ... اروح البيت شقول لاهلها شلون بدش ..فشله اروح اقول حق اهلها بقعد مع بنتكم ... شالعذر اللي اقوله

جاسم قاعد يشوف تلفزيون بالصاله دشت عليه ساره : شلونك جاسم ؟
جاسم : تمام
ساره : جسوم ... عسى ماشر شفيك هذاك اليوم كان شكلك حيييل تعبان
جاسم : كنت تعبان من الدوام
ساره : بس ؟
جاسم : اي بس
ساره : جسوم شالكلام اللي قلته حق شيخه ؟
جاسم : بل.... مسرع ماقالت لج
ساره : وليش ماتقولي انشالله .... ليش قلت لها جذي انت ماتدري انها انخطبت وبتملج
جاسم : انا تعذرت لها وقلت لها اني ماكنت اقصد شي ....كنت تعبان واخوره .. وقلت لها تنسى الموضوع
ساره : تنسى الموضوع ..... انت خربت عالبنت تدري انها بتفسخ الخطبه
جاسم : اي شي صح
ساره : لامو اي شي ..... البنت امس زين ما ماتت من البجي ومارضت ترد على فواز وتقول انها بتنفصل عنه يعني بتشب نار ببيت عمي بو خالد
جاسم : شدعوة نار؟
ساره : انت نسيت ان فواز يصير ولد خالة فيصل ريل نوره .... يعني اكيد ان نورة بتتمشكل مع فيصل وحمولتها ... اكيد بصير حزازيات
جاسم : خلاص عيل ماله داعي تفسخ خطبتها
ساره : يابرودك .... انت شنو ؟ والكلام اللي قلته لها هي كانت مرتاحه وانت خربت عليها
جاسم : لا تبلشيني وتركبيني الغلط انا ماقلت لها فسخي خطوبتج عالولد ولا قلت لها شي كل اللي قلته جمله من غير قصد واعتذرت عنها ... كنت تعبان ومادري شقاعد اقول
ساره : لا حشى انت مو طبيعي ... صج ماكو احساس
جاسم : سوييييييييييييير ثمني كلامج وعن الغلط لا اعطيج كف يطير ويهج .... والله انتوا البنات اللي ماكو احساس وحده تكلم على ريلها وتخونه .. والثانيه مخطوبه حق واحد وتفكر بغيره لا وبعد بتفسخ خطبتها ...

ساره انصدمت من كلام جاسم مافهمت شكان يقصد دقت على شيخه .... شيخه ماكانت ترد... مو بس ساره اللي ماكانت ترد عليها شيخه حتى فواز دق على شيخه اكثر من مره بس ماكان في رد منها


طلع فواز من بيتهم مر محل حلو شرا حلو قهوة وكيك وفطاير وراح بيت اهل شيخه .... رن الجرس
الخدامه :yes sir
فواز : can u caLL madam ?
فواز ماحدد منو يبي كان يتمنى ان شيخه اللي تطلع له ... بس مو كل شي نبيه يصير اللي طلعت له ام خالد : هلا فواز ... هلا الغالي ... حياك يما
فواز : الله يحيج خالتي ... اسف عالازعاج
ام خالد : ما من ازعاج ... البيت بيتك
دخلت ام خالد فواز الاستقبال : ياحيالله من يانا
فواز يمد الجياس تفضلي خالتي
ام خالد : ويييييييي ليش مكلف على حالك والله ماله داعي
فواز : مامن كلافه خالتي .... كنت رايح اشتري حق بيتنا وتنقصت لكم معاي ... عاد سامحوني عالقصور
ام خالد : مامن قصور
فواز ( وهو مفتشل ) : عيل شيخه وين ؟
ام خالد : فوق بدارها .. صارلها جم يوم حالها معتفس
فواز : اي ..سلامتها ما تشوف شر
حست ام خالد ان فواز يبي شيخه : اقول فواز شرايك تقعد عندنا شوي بو خالد مو مطول على مايرجع ... تقعد تشرب شاي معانا وناكل الفطاير والحلو
فواز : ماودي اثقل عليكم
ام خالد: لا تثقل ولا شي انت راعي بيت .... خلني اروح حق الخدامه تسوي شاي وقهوة واناديلك شيخه
فواز حده استهل لما ام خالد قالت ان بتنادي له شيخه .... صعدت ام خالد حق شيخه تقولها شيخه حدها انصدمت لما درت ان فواز تحت : ماقال لي ان بيي
ام خالد : يمكن بسوي لج مفاجاة .... بسرعه لبسي ونزلي ... حطي شوية مكياج لاتنزلين جذي ويهج اصفر
شيخه حطت مكياج خفيف حيل ولبست تريننغ بنسجي غامج ولفه بيج وحطت سلسله ذهبيه
... دشت شيخه الصاله واول مادشت فز لها فواز وهو يبتسم : هلا شيخه ... شلونج ؟
شيخه : هلا فيك ... بخير
قعدت شيخه ساكته وام خالد تسولف مع فواز .... وكل شوي فواز يطالع صوب شيخه .. ام خالد : فواز يماا اعذرني انا شوي وبرجع تذكرت شغله لازم اسويها شوي ويايه ... شيوخ صبي حق فواز شاي وحطيله شي اكله على ماارد..... ام خالد ماكان عندها شي بس حست ان فواز يبي شيخه بروحها قالت تخليهم شوي وترجع
فواز : شيخه ... شفيج ؟
شيخه : سلامة عمرك مافيني
فواز : شيخه انا مو معرض ويهي وياي لكم عشان تقولين لي مافيني شي .... شيوخ ريحيني الله يريحج ... ترا والله حالي اعتفس منج وبس احاتي ماعاد فيني اعصاب ... يا بنت الناس تكلمي شفيج .... ترا ماني ماشي الا لما اعرف السالفه ... انتي في احد مزعلج ... متناجره ويا احد
شيخه : لا
فواز : انا مقصر معاج بشي ... مضايقج بشي ؟
شيخه : لا مو جذي السالفه
فواز : دام قلتي لا مو جذي ... يعني قصدج ان لي يد باللي انتي فيه
شيخه --------------
فواز : سمعي هذي اخر مره اكلمج وتحقرين ترا جد بديت اطفر ... قاعد اكلمج ردي علي
شيخه : مادري شقول ؟
فواز : قولي اللي بخاطرج ... لاتخشين علي شي .... ريحيني وارتاحي
شيخه ( تبجي ) : فواز الله يخليك لا تفهمني غلط ... بس انا ماني مرتاحه
فواز : شنو يعني منتي مرتاحه ... شاللي مو مريحج ... انا ادري اني مرات اخذ راحتي بالكلام بس والله مايكون قصدي شي ولا اني ابي اقلل من قدرج ...
شيخه : فواز انا ابي ننفصل
فواز : ننفصل ... ليش ؟ ترا اذا في شي كل شي يتصلح ... اذا ودج نطول بالخطبه عشان تعرفيني عدل ماعندي مشكله نطولها كثر ماتبين
شيخه : فواز لا انا ابي ننفصل انا من الاساس ما كنت ابي ننخطب
فواز : وليش وافقتي عيل دام ماتبين
شيخه : امي غصبتني
فواز ( طلعت عينه ) : شنو امج غاصبتج ؟؟؟؟؟؟ (حس فواز ان صج كرامته انجرحت حييل كبيره بحقه انه يحس ان شيخه مغصوبه عليه .... خلاص شيخه لج اللي تبين ... انا بمشي سلمي على خالتي
شيخه : فواز انطر
فواز : قلت لج انا ماشي
طلع فواز وشيخه صعدت دارها تبجي ... دقت الخدامه عليها الباب : madam want u
شيخه ماتت من الخرعه ماتدرين شتقول حق امها عن فواز ... غسلت ويها و نزلت شيخه تحت
ام خالد: شيوخ وين فواز ... ليش مشى ؟
شيخه : مادري ...
ام خالد: شنو ماتدرين يعني ؟
شيخه : يمكن عند شغل ... قالي بيمشي وبس
ام خالد : شيوخ تحجي عدل شسالفتكم .... فيكم شي ؟
شيخه : لا يما ... انا بروح داري بنام شوي
ام خالد (تتحلطم ) : خستي نوم …..عفنتي


اليوم الثاني دقت نوريه ام فواز على ام خالد : هلا ام خالد .... شلونج ؟
ام خالد : هلا بالغاليه ام الغالي
نوريه : يابعد قلبي والله .... والله حدي مستحيه منج ومفتشله
ام خالد: خلي الحيا عنج .... احنا اهل مابينا حيا
نوريه : والله ياام خالد اني اعدج اخت ولوما اني احبج واغليج جان ماخطبت بنتج لولدي ... بس والله ماباليد حيله وحلفتج لا تزعلين مني
ام خالد: نوريه شفيج .... خرعتيني .. شسالفه ؟
نوريه : فواز يبي يفل الخطبه .. يقول ان هو وشيخه مو متفاهمين
ام خالد: مو متفاهمين على شنو .؟؟ شاللي صاير ؟
نوريه : والله مادري مو راضي يتكلم ... حاولت اتفاهم معاه اكلمه بس كلش مو راضي وراكب راسه .... هذي اكيد عين ما صلت عالنبي ... سامحيني يا ام خالد
ام خالد : اسامحج على شنو .... محد ياخذ الا نصيبه والله يعوضهم هم الاثنين ... والله يرزقه ببنت الحلال
نوريه : والله انج اصيله ... تسامحيلي من شيخه ... وانشالله الله يرزقها باللي احسن من فواز

 

[ZY.alSookR]

الله يعووض فواز باحسن من شخيه

كمليييييييييييييييييي حبيبتي

 

[rose red]

أقوم أطقها!!!
حمارة و لا حمارة!! استغفر الله !!
اهيا فلت الخطبة و العم جاسم بعالم ثاني!! ألحين فلست من هذا و من هذا خل سوالف المراهقة تنفعها!! أمبي جد قثتني!!​

 

[رفيف الورد]

حقيره حدها حقيره خل ينفعها جاسم ألحين وصج ما تستاهل هالمليغه شيخه تاخذ فواز

حرام حطمت أحلام فيصل بلحظه وحده وكل هذا علشان جسوم المليغ

والله حدها حرتني شيوخ من كلمتها بالإنفصال

خنشوف حبيبها الأولي على قولتها جاسم حبيبها خنشوف شنو راح يسوي فيها

وإنشاء الله فواز يتزوج أحسن من شيخه واللي تستاهل قلبه

روحي يا شيووووخ شبعي قهر لي شفتي الغالي محبوب بين الكل فواز قمر القلوب

يبيلج مليون طق يا شيووووخ يا المليغه

حره يا شيوخ إن باجر ما تحسفتي على قد شعر راسج على بعدج عن القمر فيصل ولج يوم يا شيوخ ربي يبليج ودعوة المظلوم مستجابه

 

[حرووف الشووق]

:eh_s(14): امبيه صج امبيه والله مايستاهل فواز الي سوته شيخه فيه :eh_s(14):
:eh_s(14):خل جسووووووووووووم ينفعهاااااااااااااااااا:eh_s(14):
روابي بليز نبي بارت مستعجل
يعطيج العافيه

 

[rayo0om_q8]

7araaam fawaaaz !!! .. ambii 3asa ma yadgeerha jassim o yakshet feeha :S:S: allah yaster plzzzz la e6wleeeen 3aleeenaa bil part il yay ! na6reeeeeeeeeeeen

 

[م.بدوره]

ايااا انها راح تاكلهاااااااشيوووووووووووووووووووخ عدل بعدين

اخذ اللي تحبه ولا تاخذ اللي يحبك

 

[^لولو الصغيره^]

يعطيج العافيه روابي مشكوره وايد على القصه بس صج بطت جبدي شيخه حرام لي سوته بفواز
انشاءالله جاسم ما يتزوجها عشان تتحسف على فواز

 

[رفيف الورد]

إنشاء الله كل البنات اللي مومتزوجات ربي يرزقهم بالزوج الصالح مثل فواز عاجلا غير آجلا آمين يا رب العالمين

الزين زين وغلاه ما في منه حدوووود حتى القلوب تتحلى بغلاه هذا فواز ونعم الشباب قمر تاج القلوب

 

[P!NKia]

احسن خل تفل الخطبه عشان فواز يجى ويخطبنى
لووووووووووووول
محجووووز حقى

 

[rose red]

p!NKia عويض الله من شرج:eh_s(14): فواز حق أنا أنا أول وحده قلت أبييه !!
بـــــــــــــــنـــــــــــــــــــــــــات لــــــــــــحـــــــــــــــد يـــــــــــــــــــنـــــــــــــــــــــاشــــــــــــــــبــــــــــــــــــــــنـــــــــــي فـــــــــــــــــــــــيـــــــــــــــــــه:krkrkr::krkrkr: كاااااااك (ينت البنت):dddds::dddds:

بنات شنو تتوقعون يصير؟!؟
أنا أتوقع أن جاسم ما راح ياخذ شيخة و بتتحسف قد شعر راسها الحمارة!! سامحوني على هالكلمة بس جد حمارة!!:eh_s(14): روابي متى البارت الياي؟؟

 

[rawabi]

مشكوريييين بنات على تفاعلكم ويابخته فواز الكل يحبه .... بس بنات تراكم ظالمين جاسم وشيخه ... جاسم يحب شيخه مثل اخته لان رابي معاها وشيخه طول عمرها تحب جاسم وتبني احلامها وياه صعب تنساه بسهوله ....... بس الحق ينقال فواز حده عجيب وينحب ....

 

[م.بدوره]

ووين البارت اليديد روابي @@

 

[مـ سهله ـو]

ااااااااااااه يا ربي هاذي غبيه واله شسالفتها مالت عليها وعلى قولتها : ابي ننفصل !!


شنو هذااا فواااز ربي بعوضه وانشالله يخطب ساره ويكسر غرور شيخه وجاسم انشالله مااا ياااخذ شيخه واهي تتحسف طول عمرها

 

[rawabi]

هااااااااااي بنات .... ترا انا يمكن ماانزل بارت اليوم ... بس وعد مني اذا الله لايقوله مانزلت بارت اليوم ... وعد اني انزل بارت طويييييييييييييييييييييييييييييل وقوي ... بس لان اليوم حدي حدي راح اكون لاهيه ... سوري

 

[رفيف الورد]

الله يبارك لج بحياتج يا روابتي ويوفقج بأيامج بدرب الخير والبركه والله يبارك لج بالقلب اللي سكن قلبج يا رب لا يحرمج منه آمين يا رب العالمين يا تاج الروايه ياللي روايتج من نقراها ما ننساها تكون دوم عالبال وتسلمين حبيبتي ربي يسعدج يا روابتي