هذا حظي ونصيبي .....

[sh3ollah]

روااااااابي وينج؟؟؟
انا سهرانة انطر لين هالحزة

 

[MEMO GirL]

لوووول انا توني اطيح على هالقصه !
صارلي 4 ساعات اقرا البارتات دفعه وحده عيوني صارو جي
كرهت شي اسمه ريم لوول وسج سج روااااااااابي انتي مبدعه يعطيج العافيه
وبليز لا إطولين عالبارت الياي
ناطرررررررررررينج

 

[الزين نجد]

الله معك اخت روابي قمة في الخيــــــــــــــال
تكفين ( وتكفى تهز رجال ) شنو عاد حريم :eh_s(11):
كمليها لنا علشان ماينقطع حبل الاندماج
صراحة شيء قوي زوجته وبنت عمة ويخونها مع وحدة كاذبة عليه خبل
(((((((((( الــرجــــــــــــــــــال مالـــــــــــــــهم أمــــــــــــــــــــــــــــــــــــــــــــــــان )))
:s142:

 

[@عذبة الوصف@]

روااااااااااااابي


الله يحفظك ويييييييييييييييييينك



نزلي البارت ..........والله قصتك مشوقة

 

[UNiQe^PRiNceSs]

waiting

 

[[لين]]

عووورررت قلبي القصصصصصصصصصصه

Waiting


​

 

[rawabi]

بنات والله صج سوري امس مانزلت البارت بس والله صارلي ظرف وما قدرت وحدي مفتشله منكم ..... انشالله اليوم عال 10 بالكثير ينزل بس لاني بعدله وبكمله ...... سوووووووووووووووووووووووووووري

 

[north star]

بنات والله صج سوري امس مانزلت البارت بس والله صارلي ظرف وما قدرت وحدي مفتشله منكم ..... انشالله اليوم عال 10 بالكثير ينزل بس لاني بعدله وبكمله ...... سوووووووووووووووووووووووووووري

عذرج معاج
و ناطرينج

 

[مـ سهله ـو]

لا عادي يا قلبي ناطرينج

 

[UNiQe^PRiNceSs]

حياتي ناطرييينج

 

[ĈŵâįŽŶâ Мŕâβā]

ناطرينج عاد نبي بارت حلو نفسج :*

 

[rawabi]

هااااااااااااااااااااااااااااااي بنات اقل من ساعه وينزل البارت .... شرايكم فيني وانا منزلته مبجر قبل ال 10 بوايد ... ماني طالعه الا لما انزله لكم ........... انشالله يعجبكم

 

[miss limoona]

تسلمين ماقصرتي
ثانكيووووو

 

[rawabi]

البارت 16 :


شيخه : انا مابيك ... من زمان ادري انك تخوني بس كنت مستعده اتعب عشانك مستعده اسوي اي شي عشانك بس الحين لا لانك وصخ وانا صرت مابيك ... انت مو بس خنتني انت كسرتني ... خنتني ببيتي وعلى فراشي خنتني بالمكان الوحيد اللي يجمعني فيك ... شلون هنت عليك انا قبل لا اكون زوجتك انا بنت عمك شلون رضيتها علي .... ماقدرت ادبر لك مكان الا فراشي ... انزين قولي بشنو قصرت والله اني كنت احبك والله عمري ماحسيت باحد غيرك .. اصلا انا ماكنت اشوف بالدنيا الا انت ... كل حلم احلمه تكون انت فيه ... انا اصلا بنيت مستقبلي معاك ... الحين شسوي من وين اييب لي مستقبل ثاني من وين اييب لي قلب ثاني ... والله كرهتني فيك من سواتك .. كرهتك ....... طلقني
جاسم : شيخه حبيبتي
شيخه : انا مو حبيبتك
جاسم : والله احبج
شيخه : انت جذاب لو انك تحبني ماتسوي فيني جذي
جاسم يحول يمسكها
شيخه : لا تلمسني انا مابيك طلقني ... اكرهك .... والله حرام اللي سويته فيني والله مااستاهل منك الخيانه
جاسم : خلاص صدقيني راح اتغير
شيخه : لو انك ناوي تتغير جان تغيرت من زمان ... دامك تبيها ليش ماتزوجتها وتزوجتني ؟
طبعا جاسم مايقدر يجاوب على هالسؤال شقول ماتزوجتها لانها متزوجه.... جاسم : انت هدي الحين خلينه نتفاهم وصدقيني مالج الا طيبة الخاطر ... كل اللي تبينه بسويه
شيخه : مابي شي بس ابيك اطلقني ... طلقني
جاسم : شيوخ قلت لج خلينا نتفاهم ..... وقفي بجي ... عشان اعرف اتكلم معاك
شيخه : وخري عني ... مابي اكلمك انا رايحه بيت اهلي ... طلقني
جاسم يسحب شيخه : اكلم منو انا ... سمعي شيوخ طلاق ماني مطلق لو تنقزين لسابع سما ماني مطلقج .. انا ماتزوجت عشان اطلق ... وشتبين تسوين فيني انتي عبالج ابوي وعمي بيسكتون اذا طلقتج ... شيوخ عقلي بلا حركات يهال وينون ... قلت لج راح اهدها واتغير ...
شيخه ( منصدمه ) : صج انك حقير لهدرجه انا مو هامتك ... اللي هامك زعل ابوك وعمك ... وانا بالطقاق ... انا لو كنت ناويه اسامحك الحين مالك امل اقعد عندك وبطلقني غصب عنك مو بكيفك
جاسم : غصب عني .... شبتسوين يعني ؟
شيخه : والله لا افضحك عند اهلك واهلي واقولهم عن سواد ويهك وانك تخوني ببيتي
جاسم : بقولون من رداج لو انج تارسه عيني ومطيبه خاطري جان ماطالعت برا ... واذا تبين بعد اتزوجها واقولهم انها زوجتي ولا واحد منهم يقدر يقولي كلمه ... مثل مااخوج السنع تزوج على زوجته سكيتي ... لا واسكنها معاج بعد....
شيخه ماهقت ان جاسم فيه كل هالشر والاذيه .... صدمتها هالمره فيه كانت اكبر من صدمتها بخيانته .... الحب اللي بقلبها تحول حق احتقار وكره .... تحسفت على كل لحظه مرت عليها وياه وعلى كل احساس حلو حسته ناحيته بس شفايدة الحسافه الحين .... لو ان الحسايف تفيد جان فادت غيرها .... جاسم قال هالكلام حق شيخه عشان يحسسها ان موقفها ضعيف وان يمكن محد يوقف معاها بالعكس يمكن يلومونها.
طلع جاسم من عند شيخه ..... وهو حده منصدم ومحتر ومو عارف شسوي كان يحاتي ان شيخه تقول حق اهلها وقتها شبسوي او شقول والمصيبه الاكبر ان دروا ان ريم متزوجه وقتها بتصير علوم وفضايح .... دق جاسم على ريم ..
جاسم : رويم وينج ؟
ريم : بالبيت ... شفيك ؟ صوتك يخرع ؟
جاسم : ريوم ... شيخه درت عنا
ريم : صج ... شلون ؟ متى ؟
جاسم : درت وبس ...... سمعي ابيج تقطعين خطج هذا وتيبين لج رقم ثاني اكلمج منه ... وشوفي الخط الثاني لاتخلينه باسمج او اسم احد من اهلج
ريم : عيل باسم منو ؟ خله باسمك ؟
جاسم : صج والله .... واذا ريلج درا وسالج منو جاسم شبتقولين له انشالله
ريم : اي صح .... عيل باسم منو اخليه
جاسم : شوفي لج اي زبال غسال حطيه باسمه .... خدامة وحده من رفيجاتج
ريم : انزين .... اشوفك؟
جاسم : صج انج سخيفة انا وين وانتي وين .... شيوخ طالبه الطلاق وقالبه الدنيا وانتي تبين اتشوفيني
ريم ( مستانسه ) : صج والله طالبه الطلاق .... دام طالبه الطلاق طلقها
جاسم : لا والله حلوه هذي اطلقها ... واقعد من غير مرا..غير عوار الراس والمشاكل اللي بتصير مع اهلي والله يكشوني بالشارع ....و اصلا ماراح القى مثل شيوخ قايمه فيني وبيتي .... انا بخليها جم يوم اكيد بطخ هي طول عمرها تتمنى انها تاخذني اكيد اذا درت اني بتغير بترضى

ريم : وانا ؟
جاسم : انت شفيج ؟
ريم : بتهدني ؟
جاسم : لو بهدج شكو داق الحين .... بس علاقتنا بتخف وبحاول استاجر شقه عشان وقت مااشوفج
ريم : انزين ليش ما اطلقها ؟ ونتزوج ؟
جاسم : حدج سهالات .... شتزوجج انتي الثانيه ؟
ريم : وليش لا ؟
جاسم : وريلج ؟
ريم : اطلق
جاسم : انشالله مااظلم بختي اخذلي مطلقه لا وعندها يهال
ريم ( تبجي ) : شقصدك ؟
جاسم : لا تقلبينها مناحه ترا اللي فيني مكفيني
ريم : جسوم انت ماتحبني ؟
جاسم : والله انت ادرا الناس شكثر كنت احبج وابيج وتدرين ليش ماخذيتج فماله داعي تسويلي فيلم هندي ... كافي الفيلم اللي بشقتي ... انتوا ياتصيرون زيينين ويا بعض ياتصيرون زواع
ريم تبجي ...
جاسم : تدرين شلون ... انا اسكره احسن متى ماطاب خاطرج من البجي دقي


راح جاسم عند ربعه الديوانيه تالي رد الشقه عند شيخه ... : انشالله تكون هدت الحين شوي واتفاهم معاها .. دخل جاسم الشقه ينادي على شيخه ماردت .... دور عليها بالصاله بالدار بكل مكان مالقها ... دق عليها جهازها مغلق : ايا الحيوانه سويتيها رحتي بيت اهلج ... اراويج ياشيوخ الزفت تبين تمشكليني
توهق جاسم يروح بيت عمه او لا وخاف يروح بيت اهله يكون وصلهم الخبر .... دق على ساره : سوير وينج ؟
ساره : الناس تسلم اول
جاسم (معصب ) : خلصيني وينج ؟
ساره : بالبيت
جاسم : امي وابوي موجودين ؟
ساره : اي تحت
جاسم : نزلي لهم ... شوفي شسوون ودقي علي
ساره : ليش ؟
جاسم : عن اللقافه ... بسرعه روحي ... ناطرج ادقين
شوي ودقت ساره : هلا جاسم
جاسم : ها شسوون ؟
ساره : يسولفون ؟
جاسم : عن شنو ؟
ساره : مادري عن وايد اشيا
جاسم : مثل .؟
ساره : مادري وايد اشياء .... لما دخلت كانت امي تحن على ابوي تبي تسافر
جاسم : باي
ارتاح جاسم شوي ان اهلها ماوصلهم خبر .... الحين باقي اهل شيوخ : لو انها قالت حق اهلها جان عالاقل واحد من اخوانها دق ... طلع جاسم رايح بيت اهل شيخه ...
وصل هناك وقلبه يرقع من الخرعه ... اول مادخل والا يلقى ام خالد بالصاله ... مبين عليها متضايقه بس ماكانت معصبه حييل ... ام خالد : جاسم شفيكم انتوا وشيخه ؟ ليش مزعلها
جاسم ( عرف ان للحين ام خالد ماعرفت السالفه للحين ) : ماكو خالتي ... وين شيخه ؟
ام خالد : بدارها ... مو راضيه تكلم احد من يت وهي بدارها .. مادري شسالفتها ... اشوه ان ابوها مسافر جان قلب الدنيا ....والله قلبي قام يعورني من المحاتات ...ريحني الله يريحك
جاسم ( حده ارتاح ان عمه مسافر ... ام خالد طيبه يقدر عليها بس عمه شقدره عليه ): ماكو خالتي هوشه عاديه ... انا الحين ياي اراضيها
ام خالد : صج والله ... الحين اناديها لك
جاسم : لا خالتي ... انا اصعد لها بعد اذنج
ام خالد: البيت بيتك .... اخذ راحتك

جاسم فتح دار شيخه من غير مايطق الباب : انتي شيايبج هني ؟
شيخه : انت اللي شيايبك ؟
جاسم : قومي لبسي خل نروح شقتنا نتفاهم
شيخه : مابي .... اطلع برا ودز لي ورقتي بسرعه
جاسم : والله انج ثقه ... قومي جدامي لا اتلج من شعرج
شيخه : مالك كلام معاي .... واذا طولت زياده .... كلامك بصير مع بدر مو معاي ؟
جاسم : منو بدر ؟
شيخه : ريل ريم
جاسم حده انصعق وقلب ويهه مات بمكانه : شعرفج ب ريل ريم ؟
شيخه ( تبي تحره ): مثل اللي عرفك ب ريم ... انت تيبها شقتي انا اروح له شقته
جاسم بس سمع هالجمل نقز فوق شيخه وطاح فيها طق وترفس .... ام خالد كانت تحت ماسمعت الا صراخ بنتها من فوق زار عقلها ... ام خالد والخدم صعدوا فوق لقوا جاسم شوي ويذبح شيخه ... بالغصب وخروه عنها
ام خالد ( تصرخ ): اطلع برا ... اذلف عسى ايدك الكسر
ام خالد ينت لما شافت الدم يصب من بنتها صب .... دقت على ولدها صقر : صقور الحق علي اختك بتموت .... صقور بسرعه تعال
صقر ين لما سمع امه تبجي وتصرخ .....يه لقى اخته بالارض الدم يقطر منها شالها وطار فيها الاميري .......



نرجع شوي وراه .....طبعا انتوا تبون تعرفون شيخه شلون عرفت بدر ريل ريم .... ريم لما سكر التلفون منها جاسم ماتت من الحره وقررت ان تخرب على جاسم ... عليها وعلى اعدائها دقت على شيخه : السلام عليكم
شيخه : وعليكم السلام
ريم : شيخه
شيخه : نعم
ريم : حبيبتي انا ماني مطوله عليج ... انا حبيت اخذ اجر الله فيج وانبهج ترا جاسم يعرف وحده غيرج ويموت فيها ويبيها وصارلهم قريب ال 4 سنين مع بعض وماخذاج الا لان مايقدر ياخذها لانها متزوجه غيره ... انا قلت اقولج لانج كاسره خاطري حرام تظلمين نفسج مع واحد يحب غيرج ويفكر فيها ومخليج سبير ...
شيخه : انتي منو ؟ وشدراج عن جاسم ؟
ريم : ماله داعي تعرفين منو انا ... المهم انج ادورين مصلتج وراحتج ... حرام تضيعين عمرج مع واحد يخونج ويوم ماترضى عنه حبيبة قلبه وتتطلق ... يتزوجها ويقطج بالشارع
شيخه : انتي ريم ؟
ريم ( سكتت مده ) : اي انا ريم ... سمعي شيخه ماله داعي نلف وندور على بعض ... جاسم يحبني ويبيني .. ولو ان ناوي ينساني جان نساني من زمان ... انا حتى لما تزوجت تم يركض وراي ويلاحقني من مكان لمكان ... زين ان بدر ريلي مالاحظه جان اذبحه ... وانا ويا جاسم اتفقنا اني اطلق ونتزوج ... وفعلا انا اتفقت مع ريلي انا ننطلق والحين انا ناطره العده تخلص عشان انا وجاسم نتزوج .... بس صراحه انا مابي وحده تشاركني فيه ... وهم كسرتني خاطري لان جاسم اذا خذاني ماراح يطل بويهج وصدقيني هو من زمان وده يطلقج بس خايف من اهلكم

ريم كان كلامها حييل كبير وجارح بحق شيخه... كان فيه جذب كبير بس شيخه من وين بتدري انه جذب ... شيخه حست بالاهانه ... كرامتها انجرحت وماكان عندها اي رد على ريم ... سكرت التلفون من ريم من غير ماترد على ولا كلمه .... ريم حست بنصر كبير من سكوت شيخه عرفت ان جاسم ماله امل يتم مع شيخه .... شيخه ماراح ترضاها على نفسها .

دخلوا اهل شيخه الطواري ... الناس كلها اطالعهم مايدرون شسالفه ... ريال شايل بنت شبه ميته والام وراهم تبجي منهاره كان المنظر يخرع ... صقر دش على طول داخل يصرخ : وين الدكتور احد ينادي لي الدكتور ؟
الممرضات ركضوا ياخذون شيخه منه اسدحوها عالفراش ووحده منهم ركضت تنادي الدكتور ............... الدكتور يوسف : شفيها ؟ شاللي مسوي فيها جذي
ام خالد: دكتور الحق علينا بنتي بتموت
دكتور يوسف فحص شيخه وسوا اللازم لها.
دكتور يوسف : عسى ماشر خالتي ... شاللي صار ؟
ام خالد : مادري .. دكتور قولي شفيها
دكتور يوسف : انشالله ماكو الا العافيه ... بس بنسوي جم تحليل وانشالله مافيها شي ... مبين ان مافي كسور
ام خالد : ليش تحاليل دكتور ... بنتي شفيها ؟
دكتور يوسف : ماكو الا العافيه ... بس خل نعرف حامل او لا ؟ هي متزوجه يعني لازم قبل اي شي نعرف وضعها .... هو اهم شي ان مافي كسور ولا شي جايد ..... عسى ماشر خالتي .. شاللي مسوي بببنتج جذي ؟
ام خالد ( ودمعتها على خدها ) : ماكو طاحت وتعورت
دكتور يوسف : خالتي مكتوب على يبهتي غبي ؟
ام خالد : محشوم ماقصدت .... بس مثل ما قلت طاحت وتعورت
دكتور يوسف : انزين خالتي .... وين ريلها ؟
ام خالد : شدراني عنه وين انحاش
دكتور يوسف : يعني ريلها هو اللي طاقها ؟
ام خالد ( لفت ويها ) : ---------------------------
دكتور يوسف : خالتي ترا الحين المحقق ياي دقايق ويكون عندكم
ام خالد : محقق ليش ؟
دكتور يوسف : البنت مكفخه ومطقوقه طق اليهد يعني لازم تحقيق
ام خالد : حسبي الله عليك ياجاسم جانك فضحتنا
دكتور يوسف : لا انفضحتوا ولا شي انشالله .. محققنا خوش ادمي وانشالله الكلام ماراح يطلع لبره ... بس عشان ما يضع حق بنيتكم
ام خالد : لازم يعني المحقق
دكتور يوسف : اي لازم ... وترا سالفة انها طاحت كلش ماتصدق
ام خالد : لا ايي الحين خل ننطر اخوانها

صقر وصلهم المستشفى واول ماشاف ان الدكتور عند شيخه .... طلع راح الشقة حق جاسم يبي يذبحه ..... بس جاسم ماكان بالشقه وجهازه مسكر ........

مات من الحره لانه ماحصله ... رد المستشفى عشان يطمن على شيخه وهو داخل المستشفى سمع احد يناديه .... التفت والا يشوف فواز مقبل صوبه ولابس لبس الدوام فواز يومها كان عنده خفاره
فواز : هلا صقر .. شلونك ؟
صقر : هلا غلا والله ... بخير عساك بخير
فواز : عسى ماشر .. شعندك ياي هني ؟
صقر : والله ماكو .. بس الاهل تعبانين شوي
فواز : عسى ماشر .... خالتي شفيها ؟
صقر : مافيها شي .... شيخه اللي تعبانه مو امي
فواز (مخترع ) : شفيها ؟
صقر : مافيها تعبانه شوي ... عن اذنك
فواز : شنو عن اذنك بروح معاك
صقر : لاماله داعي تعطل نفسك
فواز : لا عطله ولا شي ياي معاك
صقر ماكان وده ان فواز ايي معاه ماكان يبي احد يشوف اخته مفلعه ... بس فواز لزم .... اول مادخل فواز لقى شيخه نايمه ... وام خالد تبجي
فواز : عسى ماشر خالتي ؟
ام خالد ( حدها افتشلت من فواز وضاق خلقها ان شاف بنتها بهالحاله ) : ماشر
حس فواز انهم مايبونه يعرف السالفه وماحب يكون دعله ... قعد شوي كلش ماطول وطلع راح حق دكتور يوسف ...فواز ويوسف ربع من زمان وحييل قراب من بعض طلعاتهم وروحاتهم مع بعض وربع بنفس الديوانيه
فواز : شلونك يوسف ؟
يوسف : هلا والله ... زايرني اليوم ؟
فواز : يوسف المريضه بفراش 3 شفيها ؟
يوسف : المكفخه ؟
فواز : اي
يوسف : اهلها يقولون طايحه ومو راضيين يقولون غير هالشي
فواز : وانت شتقول ؟
يوسف : انا اقول ان ريلها نذل ومو ريال كفر فيها وكفخها ... زين ماماتت بين ايده
فواز : شدراك ؟
يوسف : من دشت ريلها ماشفته وغير هذا لمه يبت طاريه ... امها حده انقلب ويها .... تعرفهم ؟
فواز : اي والله من الاهل ............. بطول قعدتها هني ؟
يوسف : لا بخليها جم ساعه على ماتصحى وبرخصها
فواز : لا يوسف خلها جم يوم
يوسف : ماله داعي تقعد جم يوم ... اذا صحت تمشي
فواز : انت شفت البنت شلون متكفخه ... شبتسوي لها الحين ؟
يوسف : حاجزين لها اشعه مقطعيه
فواز : ليش هي نايمه مو مغمى عليها؟
يوسف : نسوي الاشعه احتياط نتاكد ان مافي نزيف داخلي
فواز : منت مدخلها ؟
يوسف : ماتوقع... تحتاج دخول بسوي الاشعه واذا سليمه تمشي
فواز : بس انا خايف عليها البنت مطقوقه واكيد في مشاكل ... انا بكلم رئيس الخفاره
وعندنا سراير فاضيه بالجناح ... بدخلها على اساس اجتماعي مو طبي يعني بقول عشان نبعدها عن ريلها .. شقلت ؟
يوسف حس ان اهتمام فواز مو طبيعي وان فيه لهفه عالبنت
يوسف : ترا البنت متزوجه
فواز : شقصدك ؟
يوسف : ولا شي بس حبيت اذكرك
فواز : ماني ناسي عشان تذكرني
وفواز عند يوسف دشت الممرضه يايبه نتيجه تحليل شيخه... عطتهم يوسف ... فواز لما سمع المرضه تقول انها يايبه نتيجه تحاليل شيخه وقف يبي يعرف
فواز : تحاليل شنو سويت ؟
يوسف : تحليل حمل .. يمكن تكون حامل
فواز (حس ان قلبه انقمت ) ووقف ينطر يوسف يقوله النتيجه
يوسف شاف فواز واقف متنح : خييير شموقفك بعد ؟
فواز : ابي اعرف نتيجة التحليل
يوسف : شكو ... لما تروح لك الجناح بتعرف
فواز : يسوف ....تكلم لاتلعب باعصابي
يوسف : حامل
فواز ( انقلب ويهه حييل وصج ضاق خلقه ) : -------
يوسف : مشالله حامل ب 3 توائم
فواز : شنو ؟
يوسف : ههههههههههههههه اتغشمر معاك مو حامل
فواز : تبي اهبدك ... حامل او لا ؟
يوسف : لا مو حامل كنت اطفرك

 

[UNiQe^PRiNceSs]

:ggdw::ggdw:
:ggdw::ggdw:
:ggdw::ggdw:
:ggdw::ggdw:

 

[rawabi]

روابي إنتى على أساس بتنزلينه الصبح! و ألحين صار بلييل! متى راح ينزل؟؟ و الله في البيت بروحي الكل طالع أنا و الخدامة بس طقت جبدي!! أبي باااارت

حبيبتي red rose حسستيني بالذنب والله ماكان بيدي انزل البارت امس ... انا قبل شوي نزلت البارت انشالله يعجبج

 

[miss 3yara]

لايوقف لايوقف لايوقف لايوقف

 

[rawabi]

روابي نزلي البارت بليييز والله ملل ناطره البارت وماراح اطلع بنطره

ليش مو طالعه الناس ويك اند .... اكيد بتملين من النطره ... مره ثانيه طلعي واستانسي ولاحقه عالقصه ... حسيت اني خربت عليج يومج

 

[rawabi]

اتصدقون كل ما اشوف واحد بشااااااااارع احس انه فيصل ههههههههههههههه

شكله فيصل هو اللي خذا قلبج ... العاده الكل احد يحب فواز بس انت غيرتي :eh_s(6):

 

[ShEmOkH]

الصراحه تسلم ايدج
وانا اقول لو فواز ياخذ شيخه وايد احسن
يلا لا يوقف