هذا اللي صار معاي انتوا احكموا...من الغلطان

[*loveli-noni*]

اعتقد انه حس بالغلط

 

[جـــواهر]

شوفي حبي انا اذا كان زوجي موجود ما امسك اللاب الا اذا كانو عيالي نايمين

لان اي شغله يسونها عيالي يجي يحط الحره فيني ويعصب يقول انتي مايهمج كله مقابله النت

يعني لاتستغربين هذيل اهم الرياجيل ... ولا زوجي طالعلي بشغله هالايام يقول انتي مو يم عيالج

عيالج مربيتهم الخدامه @@ شكووووووووو بالله ويني انا قاعده عندهم كاعندي دوام واذا بطلع خذيتهم معاي

انتي لاتكدرين خاطرج وعاتبيه وقوليله جاهل بعد ماتبيه يبجي !! احطه ع الصامت يعني ؟ وقولي ثاني مره لاتطلع وتخلينا وتنام برا ؟

 

[MISS-_-FLOWER]

رد : هذا اللي صار معاي انتوا احكموا...من الغلطان

حاسه فيج والشي الي صارلج اول مره انا تكرر معاي
يعظي بشنووو غلطت مادري
امن عن الحل اذا لقيتي واضبطت معاج علميني

 

[احساس زوجه]

شوفي يا قلبي

انا ادري انتي الحين مشكلتج ليش ما كلمني بالموضوع

جذي الرياجيل يبون الافعال مو الحجي والبربره

اهو من شاف اتصالج علا امه خلاص طاح اللي براسه


الحين ابيج اتجربين هالشغله

ردي البيت ويا حلوج واكشخي وتبخري

واهم اهم شي البنوته الحلوه دوريلها صرفه
ههههههههه

بس ان شاء الله تنام وترتاح بنومتها








وبعد كل الجو الحلو عاتبيه عتاب الاحبا حسسيه انج حاتيتيه و تبينه ما ينام برا غرفتج المهم تدلعي


واخذي منه وعد يعنييي سوالللف المحبين





راح يحس فيج




وعسا الله يخليكم لبعض ويحفظ ابنيتج

​

 

[تبطي عظم!]

تعومس من بجي بنتج حبيبتي عادي

حب يرتاح وينام برا لان بنتج ما اسكتت يمكن

!!

 

[الغاليه ام احمد]

خلاص انسي الموضوع

اهو حس بغلطته بس مو راضي يعترف

 

[روحي تحبه غصب]

هذا طبع الرياييل الكوتيين وصل على النبي

يعني قمة العصبيه اذا تنكد بنومته ينعمي ومايشوف ويقلب الدنيا على راسج

الله يعينج ويهديه لج

 

[ام شووووق]

رد : هذا اللي صار معاي انتوا احكموا...من الغلطان

الله يهديه

 

[حلوى البحرين]

ريلج مع الاسف ياهل وغيور .......شلون ...ياهل لان ما تحمل صياح البنت والمفروض يشيلها ويسكتها معاج ااهى ىبنتج مثل ما اهى بنته ....وغيور لانج قاعده على النت ومستانسه ولازم تعطينه غلطته وتقوليله ما يعيدها وينام عند امه والله الهادى