هذا اللي صارلي بعد الشفط

[نوور]

السلام عليكم مبارك عليكم الشهر

بنات والله عن تجربة اللي ناويه تشفط أقولها لا يحوشك خاصة اللي متينه ترى والله بتندمين لاني ندمت كثر شعر راسي سويت فخوذي وزنودي ويييييييييييييع الجلد ترهل اما فخوذي فالدكتور الله يسامحه شافط مكام اكثر من مكان فصاير فيني خفسات والجلد طايح فوق بعضه والله منقهرة حدي
واللي يعافيكم بنات اللي تعرف حل لمشكلتي تقولي خاصة فخوذي من فوق مو شافطهم وشافط من تحت شكلهم لوعة ابي حل شسوي .
اللي تدخل لا تبخل علي بمشاركتها ولو بدعوة حلوة
الله يوفقكم يارب​

 

[المتفائلة دائما]

رد : هذا اللي صارلي بعد الشفط

ادعولي تطلع تحاليلي سليمة واللي يعافيكم

الله يعطيك الصحه و العافيه والسلامه من كل مرض و تطلع تحاليلك سليمه
اسألي الدكتور ليش صارت العمليه بهالشكل؟!!
كم صارلك مسويه العمليه؟وسويتي غير فخوذك و زنودك؟ما سويتي بطنك؟
انتي شكلك مسويه بس شفط؟صح...اذا عندك شحوم كثيره الشفط ما يكفي لحاله لازم شد...دكتورك الله يهديه بس...ما وضح لك هالشي؟

 

[شانييل]

الله يهون علينا وعليج

ممكن وقت وتتعدل الاوضاع
بس حبيبتي سائلة مطوع إذا يجوز ولا لأ؟
عليج بالمساج والرياضة

 

[نوور]

رد: رد : هذا اللي صارلي بعد الشفط

الله يعطيك الصحه و العافيه والسلامه من كل مرض و تطلع تحاليلك سليمه
اسألي الدكتور ليش صارت العمليه بهالشكل؟!!
كم صارلك مسويه العمليه؟وسويتي غير فخوذك و زنودك؟ما سويتي بطنك؟
انتي شكلك مسويه بس شفط؟صح...اذا عندك شحوم كثيره الشفط ما يكفي لحاله لازم شد...دكتورك الله يهديه بس...ما وضح لك هالشي؟

تسلتمين حبيتي على هالدعوة
الدكتور شافني وقالي عادي اسويلج العملية ما مانع ولما سألته عن الجلد واخاف يترهل قالي مارسي الرياضة
الحين صارلي شهرين بس مصدومة من شكله تخيلي المنظر مو شافط من الفخذ من فوق فاللي فوق نزل على اللي تحت
انا بصراحة مالي خلق اراجع عنده مرة ثانية طاب خاطري منه

 

[نوور]

الله يهون علينا وعليج

ممكن وقت وتتعدل الاوضاع
بس حبيبتي سائلة مطوع إذا يجوز ولا لأ؟
عليج بالمساج والرياضة

امين الله يهون على الجميع ياليت والله يتعدل بس ما اظن لان واضح انه خطا اثناء الشفط
انا ما سالت مطاوعة بس كانت فخوذي مسببتلي عقده نفسية فعرفت انه اذا الشي مسبب مرض عضوي او نفسي يجوز والله اعلم
انا الحين امشي يوميا بس مساج ما سويت قالولي انه حل مؤقت واذا هدتيتي يرد اكثر من اول

 

[سموة الزين]

روحي لدكتور ثاني استشيريه اكيد بيعطيج حل

 

[مالفينيا]

اذا انتي كنتي متينه غلط يسويلج شفط بدون شد

 

[kaboOOOOOOOOsa]

لاء لازم اتروحين له اهو اشوف الغلط وين لاتروحين يمين وشمال شوفي شنو اليي اقوله بس بديهيا لازم شفط ما يبيلها شطاره خلاص خليه اسويلج خصم على العمليه الثانيه مالت الشفط

والله اعينج

 

[kaboOOOOOOOOsa]

قصدي مالت الشد

 

[أحلى^حياه]

ماتشوفين شر

 

[عسووووولة]

رد : هذا اللي صارلي بعد الشفط

الحمدالله على سلامتج حبيبتي منو دكتورج؟

 

[Noura_85]

أخواتي البنات أنا جربت الدكتور أحمد علي حسن و هو فنان حق الخشم و تنسيق القوام ..

شاهدونه http://sites.google.com/site/ahmedal...surgerycenter/


الدكتور حاليا بمصر بعيادته الخاصة

 

[نوور]

تسلمون حبايبي ما قصرتوا
ياليت الكل يدعيلي

 

[صبر العمر]

الله يهون عليكِ وتلقي الحل السهل

 

[كعبية]

الحمدلله على سلامتج حبيبتي ضاق خلقي عليج شوفي هالزوايد ماتروح برياضه لازم تنشال بعمليه والله يسهل امورج يارب

 

[afesa]

الله يهون عليك انشالله بس الجلد ماله حل واللي اعرفه ان بعد العمليه لازم تلبسين كورسيه ..
عموما انشالله تصيرين احسن والله يفرجها عليك

 

[Turquoiseya]

الله يشفيج
ويقومج بالسلامة ان شالله
بس مايصير شفط بدون شد
لازم عملية شد

 

[الجــادل]

رد : هذا اللي صارلي بعد الشفط

لازم تنظمين اكلج وتلبسين كورسيه وتسوين رياضه

وهم اقولج راجعيه عشان يرقع اللي سواه

ولازم تقولين منو هالدكتور عشان محد يتوهق مثلج ويروحله

 

[قهوة برية]

رد : هذا اللي صارلي بعد الشفط

ماتشوفين شر
والشفط لازم معاه شد
ولا راح يترهل الجلد
وهذا شئ طبيعي ياما انج تردين له
ولا تروحين لدكتور ثاني ،،

والله يرفع عنج ؟!
طيب منهو هالدكتور ؟!

 

[ManGaQ8]

رد : هذا اللي صارلي بعد الشفط

الله يهون عليج ياقلبى

واضح ان الدكتور مو شاطر فما انصحج تروحيله
فى نوعيه من الدكاتره همهم ربح ولا تفلسف بس واهم ما يعرفون شي
انصحج تروحين لدكتور ثانى ويكون خبره وثقه وناس مسويه عنده
لا تهملين نفسج واقرب وقت راجعي
والله يعينج تهون ان شاء الله.. عسى ربى يحفظج