حبيبتي وين قاعدين كل من شافت خاطر زوجها شوي صاد عنها قالت ودني بيت اهلي!!!! ليش يعني بيت اهلج فندق ولا منتجع مثلا؟؟؟
وبعدين ياختي الريال قلتي بلسانج متعود على غيابكم سنه كاااااااامله واتوقع اكثر بعد ... زين ماكان يزوركم ؟؟؟
وانا بعرف معلزمه انتي مابينتي قلتي رجعت انا وعيالي؟؟ انتي جايبه تؤام ؟؟ ولا عندج اولاد من قبل؟؟؟
الرجال متعود على الهدوء سنه كامله والحين فجأه بيوم وليله تغير عليه الوضع عادي
لكن اهم شي من هذا كله ليش ربطتي صده عندج بقعدتج في بيت اهلج سنه ؟؟؟؟ ترى الزوج اذا صارت عنده مشكله مايتكلم يظل يفكر فيها ويتكدر خاطره على اهل بيته واللي قريبين منه حيل هم اللي يحسون فيها ..يمكن ناقصته فلوس ... يمكن يفكر بميزانيته اذا طلعتو بيت بروحكم مو تقولين كنتو تدورون بيت !! يمكن الله لا يقول مريض سكر ولا ضغط وماقالج مايبي يضيق خلقج وهم بعد حساسيين من هالموضوع
مو اي نصيحه تسمعينها كل وحده واجتهادها اهم شي نفسيتج مع زوجج ماتتغير اللي تقولج احقريه , صدي عنه , اثقلي عليه
هذا زوجج قاعده معاه في بيت واحد مو زميله عمل !! تخيلي انج بمشكله وماتبين تضيقين خلق زوجج وقام يسوي فيج هالحركات تتوقعين اذا سوالج جذي راح تقولين له مشكلتج ولا تزيدها هم ؟؟؟
خلي امورج عاديه تمشي مايمنع انج تلبسين بالليل وتكشخين عادي وتحطين راسج وتنامين يومين والثالث بوسه على خده وهو نايم تصبح على خير يالغالي اهم شي تنام وانت مرتاح انا يضيق خلقي اذا شفتك متكدر وتفكر وحطي راسج ونامي
سولفي معاه تغشمري حتى لو ماسولف معاج سوي جو بالبيت مايمنع صدقيني بالصبر راح يبين لج شنو اللي مانعه عنج
والله يهدي مابينكم
