هذا أقل شي نسويه عشان نوصل قضيتنا للمسؤولين

[**اريج**]

حسبي الله ونعم الوكيل

بنات اللي بيدها شي تسويه

ولا تعرف احد هالنواب و لا المناصب اللي لهم كلمه بالديره تكلمه

عل و عسى الفرج من بعد الله تعالى يكون بيده .....

 

[اشتاق الى الجنة]

بنات لا تنسون تشوفون خالد العبد الجليل بيطرح قضيتنا اذ مو اليوم فالاسبوع الجاي انشالله

 

[نيبال الايمان]

آمين يا ام فهد واذا لج رزق بتاخذينه

خلاص استخيري وشوفي يمكن يكون رزقج هناك بتايلند الله اعلم

لي احترتي والله مالج الا الاستخارة والله كريم

مسا الخير يا احلى ام برووووك شلونج يا عمرى 000

رحت اليوم لادارة العلاج بالخارج ودخلت على المدير وكلمته وصراحه حجيه يضيق الخلق وما اخ1ت منه لا حق ولا باطل

يقول انه القرار الجديد يشمل بس اللى قرارهم كان قبل تاريخ 11/2 واللى شروا تذكر علىحسابهم وصدقوها يعنى مو بس للى قرارهم قبل 11/2 لازم بعد يكونون مشترين تذاكر ومصدقينها 000

وهم يقول هم حطى ببالج انه حتى لو تعالجتوا هنيه بالكويت الوزارة بس تتكفل بقيمة العلاج بس ومالهم شغل بالباجى يعنى مجرد ما نسوى العملية خلاص دور الوزارة ينتهى واذا الله كتب نصيب وصار حمل الوحده فينا تكمل بالحكومة مراجعات ومتابعه للحمل

وانه هم احتمال بعد القرار يتغير لانهم بيحطون فيه انه اللى همرها اكثر من 38 سنة ما راح يقبلون كتابها من الاساس كعلاج للعقم 000 والحبل على الجرار والله يستر من الجاى

والله يام بروووك انى طلعت من عنده ابجى واضحك مادرى شسوى بعمرى لا ولما قلت له اللى ما عنده حتى حق تذاكر شنو يسوى بعمره يقول ما لنا شغل ولازم نحمد ربنا لانه العقم ما يعتبر مرض وانهم زين من الوزارة اقبلت تعالجنا على حسابها 000

حسبى الله ونعم الوكيل حسبى الله ونعم الوكيل حسبى الله ونعم الوكيل على كل ظالم

محتارة يام برووك ولما كلش ريلى استسلم وقال بنغير لتايلند لانه ارخص شوى ونحاول ندبر عمرنا قلوا لنا لا العلاج بتبتابلند لغوووه لانه ما ينفع 0000 محتارة حدى شسوى


ولجنة اعانة المرضى هم تقول مالها شغل بمساعدة حالات العقم 000 ورزيت نفسى وقلت اروح بيت الزكاة وهم نفس الحجى يقولون مالهم شغل ولا يساعدون حالات العقم والله انه انقص ويهى وانا كانى اطر منهم ( لجنة اعانة المرضى + بيت الزكاة )

والله ضاقت فينى بنات يارب يارب تفرجها علينا وترزقنا من اوسع ابوابك يارب
ادعولى بنات والله ضاقت فينى

 

[WaChoCha]

ضي الايمان : عسى الله لا يرد لج حاجة استخيري قبل لا تغيرين البلد حبيبتي ....... ما تدري باجر شنو خاش لج
تدري ناجي ربج قيمي الليل وناجي ربج وكلميه باللي بنفسج وطلبي منه يشرح صدرج ويكشف عنج البصيرة ويراويج الرؤية الليتيسر خاطرج

انا كله اكلم ربي... علشان جذي اكيد ابي الحمل بس يقيني ان كل شي نصيب وكل شي بأوان مصبرني.. هاذي ارزاق
وحدة من صديقاتي اختها راحت تتعالج بالتشيك تقول علاجهم وايد زين..اهي صحيح ما يابت الضنى لان كل جنين تحمل فيه يا سبحان الله يطلع مشوه ويطيح .... اسالها لج وارد لج خبر التشيك ارخص من لندن
وان شاء الله نمع عنج يا ام فهوودي كل الاخبار الحلوة لا تقولين 40 و 50 زوجة سيدنا زكريا بلغت من العمر عتيا ومع هذا انجب

 

[اشتاق الى الجنة]

بسم الله الرحمن الرحيم

"استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا"

 

[نيبال الايمان]

ضى الايمان

يا عسى الله يرزقج يام برووك ويفرح قلبج بشيلته بحضنج اللهم امين يارب

 

[حلم الأمومة]

ضي الايمان


ماعليه ياقلبي هونيها واتهون هذا شي بيد رب العالمين وثفي تماما ان اذا الله كاتبلج الحمل برا الكويت بتروحين اهم شي انج تكونين موكله امرج لله سبحانه ... وماتدرين الخيره وين ...بس لاتنسين نفسج بالدعاء في السجووود والله وعن تجربة اني في كل صلاة من صلاه الفرض اني استخير ربي بالعلاج برا الديره ... اذا فيه خير لي ان الله يكتبه لي واذا فيه شر لي ان الله يبعده عني ويرضيني باللي قسمه لي ..
اهم شي ...ايمانج بالله يكون قوي وماتهزج كل كلمة ضايقتج رزقج بيد رب العالمين سبحانه ومافي ارحم منه على عباده ...بس كثري من الدعاااااء والله يرزقج بالولد الصالح

 

[نيبال الايمان]

ضي الايمان


ماعليه ياقلبي هونيها واتهون هذا شي بيد رب العالمين وثفي تماما ان اذا الله كاتبلج الحمل برا الكويت بتروحين اهم شي انج تكونين موكله امرج لله سبحانه ... وماتدرين الخيره وين ...بس لاتنسين نفسج بالدعاء في السجووود والله وعن تجربة اني في كل صلاة من صلاه الفرض اني استخير ربي بالعلاج برا الديره ... اذا فيه خير لي ان الله يكتبه لي واذا فيه شر لي ان الله يبعده عني ويرضيني باللي قسمه لي ..
اهم شي ...ايمانج بالله يكون قوي وماتهزج كل كلمة ضايقتج رزقج بيد رب العالمين سبحانه ومافي ارحم منه على عباده ...بس كثري من الدعاااااء والله يرزقج بالولد الصالح

ضى الايمان


تسلمين يا عمرى يا حلم الامومه 000 وعسى الله يرزقج بالذريه الصالح اللى تفرح قلبج اللهم امين يارب 000

الحمد لله راضية ومقتنعه بنصيبى والحمد لله زوجى واقف معاى ودوم يصبرنى بهالموضوع 000 بس اللى حر قلبى انه فى بعض الناس غرتهم المناصب وماعادوا شايفينى الا مصالحهم جدامهم ومفكرين انهم ممكن يتحكمون بالبشر حسبى الله عليهم 000 ولا اللحين العقم مو مرض عيل ليش يعطونا ادوية وابر ويسون لنا عمليات 000 وغير هذا والله جرحنى بكلامه يوم اقول له انا كويتية ومن حقى تعالجونى وتشوفون لى حل سواء هنيه ولا برة يقول لى فلنفرض تعالجتى والله رزقج شنو جنسية اللى بتخلفينه ( لان زوجى بدون ) يعنى بتخلفين واحد مو كويتى واحد بيتبع جنسية ابوه واحنا مالنا شغل الا بالكويتين زين يابن الحلال انا كويتية عالجنى وبر ذمتك ومالك شغل بولدى ولا بنتى 000 يقول لا عشان تيبيين واحد بدون 000 استغفر الله انسان هذا تفكيره شنو تترجين منه حسبى الله عليهم

بس ما اقول الا يارب سلط عليهم اللى اقوى منهم وشربهم من نفس الكأس اللى شربونا منها 00 والله كل ما اتذكر كلمته هذى تخنقنى العبر معقولة الانسانية صارت اللحين بالجنسية الله اكبر عليهم 000

اسفة دوختج معاى 000 يعطيج العافية وانشاء الله يرزقنا كلنا ويفرح قلوبنا بالذرية الصالحه ولا يحوجنا لهم اللهم امين يارب