|| هذآ النصيــب انكتب ! أحب أنــا " صغيرون " ||

[حالة حنان]

عندنا أمثلة جذي بالعايلة وزواجهم ناجح ماشاء الله
بس آنا عن نفسي ما أقبل
مو لأنه مخه صغير وتفكيره ياهل مثل ما قالوا البنات
بس آنا تفكيري وطبعي أحب يكون الإنسان اللي باخذه أكبر مني بوايد
ودّي بشخص من الزمن القديم شوي
الستينات مثلا
وبنفس الوقت أحس اللي أكبر مني بوايد بيحتويني أكثر ما أدري ليش ​

الله بالستينات وينه حتى لو كان موجود هل سيكون عاقل بزمنا هههههه

 

[a7la-elbanat]

بالعكس حبوبه العمر لايقاس ابدا ابدا بمدى نضج الشخص العقلي هذا له علاقه بتجاربه بالحياة وقدرته على تحمل المسؤوليه وغير هذا كلام ماله صحه او دليل واساس

اذا كان اصغر مني بسنه سنتين ثلاث وحسيته ريال وقد المسؤوليه وتفكيره ناضج شالمانع
الحين تعالي شوفي كبار وتفكيرهم الحمدلله والشكر تقولين مراهقين سواء نساء ولا رجال
وهم يعتمد على شخصية البنت اذا كانت سطحيه وموناضجه كفايه ومو ذكيه وايد يفضل انها تاخذ اصغر منها عشان مايتعب وياها واهي بعد ماتتعب وياه وهم الريال نفس الشي يعني لي كان مخه كبير يفضل ان ماياخذ ياهل مراهقه او حتى لو كانت مراهقه المفروض يكون عارف طريقة تفكيرها
بالنهايه العمر مهم لكنه مومقياس بكل الاحوال

 

[دلوعة أبوهآ]

موقف صعب ويحير ..
بس انا يعجبني الرجال الكبير مو شايب !!
بس ع الاقل يكون واعي وعقله كبير شوي

اما يجيني اصغر مني وطايش ومراهق !!

حلاة الرجال الكبير عشان يشوفني صغيره ويدلعني ..

وفي الاخير كل واحد تبقى له وجهة نظره وتفكيره في الحياه

 

[مزن الكويت]

لالاطبعااا احس موحلووو لان الريااال اذا اصغرر مني رااح يكوون تفكيررة
واطبااعه غيررر بغيررر

 

[Ms.Candy]

لالالالا مستحيل امشي جنبه انا طويلة واكون اكبر منه
كيف اتعامل وياه
انا مستحيل اقبل

 

[» ADMNT 7Ḇк ْ●~]

ضد و بشده ..

و اذا اهو ما عـــآيرهـآ بعدين آهله بعــآيرونها ..

 

[last-moon]

انا ياني ولد عمتي اصغر مني بسنتين بس رفضتة
مو عشان شي بس ماحسيت في تجذاب بينا
انا احب ا لكبير

 

[Flower20]

اذا مؤدب وخلوق عادي اهم شي عندي دينه واخلاقه وسمعته

 

[عيون منوعه]

و عليكم السلام و الرحممة
انا من وجهة نظري مافي مشاكل
مثل ما ذكرتي اذا كان الريال زين و ولد حلال ليش البنت ترفضه بغض النظر عن عمره
و اذا شايب خذا له وحدة بالعشرين قالو يحليله و اذا بنت اكبر من الريال بجم شهر قالو ساحرته
بالنسبة لي هذا تخلف و نقص بالثقة بالنفس لكن المجتمع الي عايشين فيه رافض هذا المبدأ
لكن انا عن نفسي ما اهتم لغيري اهم شي مرتاحة و ارضاء الناس حقيقة لا تدرك
و الزواج قسمة و نصيب و اذا الله مو كاتب الزواج يستقر لمدى الحياة مارا يظل
العمر ماله علاقة بالانفصال و الاستقرار كل شي قضاء و قدر ~*​

 

[نجداويه نجد]

~

رضينا بالهم والهم مارضى فينا ..

لاتسذا مرتاحين ولاتسذاك ..!!!

 

[آتعــبني غـلآآك]

مستحيييل اخذ واحد اصغر مني حتى لو بسنه

 

[روونــا]

كـل شي قسمه ونصـيب
بس لا ما ارضضـى لو وششو ..

 

[Ray.Bana =$]

المره لو كان عمرها كبر الريال عقلهآ اكبر منه بجم سنه فآآ شلون تاخذ واحد اصغر منها تبتلش فيه وبعقله " الصغيرون " :/

 

[سميته الغلا كله]

مو شرط اهم شي التوفيق من ربي
انا اعرف قصتين لناس نعرفهم
الاولى / اكبر من زوجها بـ 13 سنة متخيلين بكم مو سنة ولا خمس لا 13 سنة
يكون ولد عمها ولما جابته امه جت تركض لعمها تبشره قالها هو نصيبك إن شاء الله
وسبحان الله ربي كتبهم لبعض
هم كبار بالعمر الحين ( عجايز) وماشاء الله خلفت منه وعيالها اللي دكتور واللي ضابط
ويادهينه لاتنكتين يناظر خاطرها ويداريها ماشاء الله لاقوة الا بالله
لو تقوله ارمي نفسك قال بسم الله
والثانية / اخو زوج صديقتي >>>>> مشوار
زوجته أكبر منه بـ 8 سنوات ويادهينه لاتنكتين يدور رضاها
صلح مذابح عشان ياخذها وطلع من بيت اهله لما امه رفضت وياحياتي ياامه وابوه لما شافوه كذا وافقوا
واخذها والنصيب سبحان الله
ماهو مقياس اخواتي هي ع رغبة الانسانه ومدى تقبلها للفكرة
انا من الناس مااتقبل فكرة اتزوج رجل انا اكبر منه
اسال الله ان يرزقني ويجمعني بمن أتمنى وان يرزقكن بالازواج الصالحين اللي يخافون ربي فيكم

 

[blue ocean]

صراحه انا ماحب القيود الغير منطقيه اللي نضعها على انفسنا بالمجتمع​

رسولنا الكريم عليه الصلاة والسلام اخذ زوجه اكبر منه بسنوات , دامه لاعيب ولا حرام مافيها​

شيء ودام انوجد التكافوء ايضآ مافيها شي​

ماعندي مانع آخذ واحد اصغر مني اقل شي 5 سنين اذا كان ناضج وفيه الشروط​

المتوافره عند الرجل المقتدر ..​

قواج الله عالطرح الطيب ​

 

[النويره]

نصيحه بضمير قبل لا يفوت الفوت
ابدااااااااااااااااااااااااااااااااااااااااااااااااا لا تسمعين للي تقول لج صغير باجر يعاريج ومن هالحجي اخذي هالكلام مني
اذا واحد اصغر منج ومحترم لا تطوفينه باجر الله يرزقج منه الذريه الصالحه
اعرف وحده عيزت واحد تصد عني كل واحد اصغر مني وتقولي باجر يعاريج بعمره ومن هالحجي.. وراح نصيبي.. وهي بالاخير تزوجت واحد اصغر منها ب13 سنه وعندها عيال ومرتاحه معاه الله يوفجها والله اتمني لها كل خير
لا تسمعين لحجي الناس
واعرف وحده من اهلنا اخذت واحد اصغر منه ب 9 سنوات ويموت عليها للحين الله يوفجهم وعلي فكره عيالها كبار ومتزوجين
يا حبيبتي مالج شغل بالناس الفاضيه اللي تصد النصيب
الزواج نعمه وستر وذريه باجر تنفعج بدل ما تجابلين الطوف

 

[هب العطر]

حبيباتي خواتي

ردودكم تفرح القلب و ترسم البسمه على ( خشتي ) ههه يابعد خشتي و كل الخشش اللي بالعالم ههههه


انا طرحت راي , و كلامكم عين العقل


عسى الله يوفقكم يا حلوات

 

[لولوة الكويتية]

لا مو حلوة الوحدة تاخذ واحد اصغر منها احس فشله
يكون اصغر منها بأشهر أوكي لكن سنين لا صعبه ما راح يستمرون راح يكون زواجهم فاشل لو المرأة اصغر من الريال ب عشر سنين بيكون زواجهم فاشل اشلووون لو اهو الي اصغر لا لا صعبه وايد

تقبلي مروري
شكراً

 

[•°dl3•°]

وايد رياييل اذا كانت زوجته اكبر منه و صارت بينهم اي مشكله صار يعايرها يعني الوحده ماتضمن انو بيعزها وبيحترمها

انا اعرف وحده من عايلتنا اهي اكبر من ريلها ب4 سنين بس كل مايابوا الناس سيرتها قالوا اي هذي اكبر من زوجها

بس في النهايه اصابعنا مو سوا وكل ريال يختلف عن الثاني

 

[khawla&tito]

هذي نوال الكويتيه اكبر من ريلها بست سنين