هديه عيد زواجي كانت طلاقي

[PrettyPretty]

الله يشرح صدرج يارب

 

[بـ سـ كـ وتـ ة]

كل شي يبدا صغير ويكبر

إلا الهم والحزن يبدون كباااار ويصغرون

الله بيبرد على قلبج ان شالله

انتي بعدج في حالة صدمة مو متعودة

أول ما اتعودين واتصير أمورج وشورج بيدج وتبدين تصلحين حياتج راح تعرفين إنج كنتي دافنة نفسج بالحياة

والله يكتب لج اللي فيه الخير يا رب

 

[نـــوفـــا]

ماخسرتي ولا تسرعتي ...



العمر قدامج ... وهو دامه .. يشرب ام الخبائث ..على دنيا السلام


الله يعوضك ياحبيبتي ..

 

[غزاله شارده]

شكو تسرعتي
حبيبتي لعله خير

 

[قويت انسساه]

بعد كل هالعيوب تقولين آكون تسرعت !!

مآتسرعتي ولآشي ..
الانسان اللي يشرب توقعي منه أي شي وهذآ مو كفو يكون زوج وأبو ويربي عيآله ويكون قدوه لهم ..
الحمدلله انها جت ع كذآ وتطلقتي منه ببنت وحده ..

يمكن حآله بعد الطلاق ينعدل ويتغير ويرد لك واحد ثآني
أو يمكن ربي يرزقك واحد ثاني احسن منه ويستآهلك ويقدرك
شتبين بوآحد يشرب ويسكر ومايتحمل مسؤوليه ولآ يدري عنكم ..

شتبين بظل رجآل ....!


لاتفكرين في اللي صآر وقولي الله يعوضني خير وآحسن منه

/-

معإهآ *

 

[((shoOoshoOo))]

عين الصواب

ربي يوفقج بأحسن منه

 

[امـ خــزامـى]

كل شي يبدا صغير ويكبر

إلا الهم والحزن يبدون كباااار ويصغرون

الله بيبرد على قلبج ان شالله

انتي بعدج في حالة صدمة مو متعودة

أول ما اتعودين واتصير أمورج وشورج بيدج وتبدين تصلحين حياتج راح تعرفين إنج كنتي دافنة نفسج بالحياة

والله يكتب لج اللي فيه الخير يا رب

ربي يحفظك ويوفقك على هالكلام اللي يبرد القلب ويفتح النفس :rerrerek:
الله يجزاك خييييييييييير

 

[كلارا]

تصرفك صح وطلاقك منه خيره لوتميتي معاه ممكن يبلاك بمرض من ورا خرابيطه

 

[!الجادل الصعب!]

فرقااااااه وعيشي حياتج

 

[@اللهم فرج همي@]

لا حول ولا قوة الا بالله
ادعي ربج ياخذ حقج وعندج بنتج
ما اشوف انج استعجلتي
تخيلي لو انج وافقتي علي شرطه شنو كان رح يصير فيج ؟

 

[الاحساس]

ماخسرتي شي

فرقاااه عيد

 

[al-musk]

استعجلتي بشنو ! اذا واحد ربه مو خايف منه تبين يحطلج حساب.. نصيحتي لج خلي هالآية بين عيونج

{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏}

باجر ربي يرزقج بواحد ظفر رجله يسواه بس توكلي على ربج وراح تعيشين حياة سعيدة وراح تنصدمين شلون كنتي مرخصه بنفسج وبنتج البيئة اصلا مو مناسبة لتربيتها عند زوجج وراح تضرينها لو تميتي معاه ...

 

[عويتقة]

شنو تسرعتي الله هداك بالعكس انتي عملتي عين العقل وخليك على ذكر الله واستغفري واااايد وادعي انو الله يبرد عليك والله ماادري شنو اقول لاني ماعندي تجربة بس اشوف انك صح ولي عملتيه صح 100/100 ويااارب يبرد عليك ويرزقك بسيد سيده

 

[صمت المرافئ]

لعلها خيرة
لا تتحسفين ... يمكن هالأمر احسن لج وأحسن له
ما تدرين يمكن يراجع نفسه
ويشوف الحياة بدون زوجته وبنته موحشة وفارغة
ويمكن هالأمر يغير مفاهيمه عن الزواج
ويلقى من ينصحه ...
وما تدرين يمكن الله سبحانه يعوضج باللي أحسن منه
نصيحتي لج ... اشتغلي علشان ترتاحين ماديا
أو كملي دراستج إذا ما عندج شهادة ...
وعيشي حياتج بتفاؤل ...
الله وياج ...
​

 

[غمااازات]

الحياة ماتوقف على ريال اختي ، وانتي منتي بايرة ولا طايحة حظ وان شالله نصيبج ماشي حبيبتي

 

[برستيجي مآركة]

انتي قلتيها كذا ولا كذا من دون رجاااال فهذه خيرة لج ان شاءالله
السكران ماوراه خير ولاشي فرقاه عييييد
وربي يعوضج بالأفضل ان شاءالله

 

[دلوعة بطبعي]

أحسن شي سوتيه شتبين فيه فرقاه عيد سكر وطلعات لا تسرعتي ولا شي بالعكس

 

[جمالي (مستحيل)]

ردج له كان احسن قرار خذيتيه بحياتج وحياة بنتج. اشتبين. فيه وجوده من عدمه واحد. شتبين فيه واحد مو خايف الله لا فيج ولا فبنته
يبي. يسهر ويشرب ويعيش بالحرام ومايبيج تكلمين. خل يولي
فكري بنفسج وف بنتج بس خلاص

 

[اشلون يعني &]

بالعكس قرارج صح
الله انقذج منه لو مستمره معاه الله العالم جم مرض يحوشج منه
قريت مشكله وحده بالمنتدى نفس ظروفج صار الطلاق غصبا عنها وما مر جم شخر الا زوجها مريض بمرض معدي يعني ربي نجاها
والحياه ما توقف على رجال

 

[عاشقة الاسلام]

حسبي الله ونعم الوكيل عليه
الله ينتقم منه الظالم
صدقيني اهو الخسران في كل الاحوال
حبيبتي انتي ماستعجلتي ولا شي بالعكس هذا الشي خير لج من الله