هديه حق ست الحبايب

[الليدي ديانا]

ما بقى شي على عيد الام

كل وحده تقول شنو بتشتري حق امها ومن وين خل نستفيد

حدي محتاره شنو اشتري حق امي

 

[شموخ احساسي]

اولاً الله يرجعها لنا بالسلامة ياااااااااااارب

بالنسبة لي مفكره اشتريلها ايفون ولو ان امي الله يحفظها مالها بالتكنلوجيا )

 

[Patcholli]

:_( مادري ماشاء الله كلشي عندها

احتمال خاتم ذهب

 

[بـدأإيـر]

امممم والله حتى انا محتااااره

فون وشريت لها وشنطه توني معطيتها شنطه
عطور وبخوور عندهااا شكثر << موجنها قالت قصصة حيااتها هع هع


الفكره الوارده ساااعه <<< @_@

 

[الليدي ديانا]

شموخ : الله يردها بالسلامه

ومشكورين بنات عالردود و ناطرين الباجي

 

[أحبه موت]

انا مفكره جلسه مساج بسبا تايم ساعتين تستانس فيهم وتنسى الشغل والتعب
او بوك ماركه او قطع خام​

 

[شذر44]

رب اشرح لي صدري ويسر لي امري
لا اله الا الله ومحمد رسول الله ولا حول ولاقوة الا بالله العلي العظيم
استغفرالله للمؤمنين والمؤمنات والمسلمين والمسلمات الاحياء منهم والاموات

 

[حبيبي رسول الله]

اخذيها بالسياسه شوي وانت اتسولفين وياها قوليلها شنوا في خاطرها او صديقتج تبي تهدي امها شي وماتعرف خل تعطيج افكار ومنها ان شاء الله اتعرفين شنو في خاطرها ...في نفس الوقت سووا مفاجئه انت واخواتج واخوانج وعيالكم وسووالها عشاء عائلي وكلن في يده هديه اليهال باقات ورد صغيره وصدقيني صج بتفرح وايد وبتدعيلكم بس لاتنسون الكيكه واهم شي التصوير ..واذا في مجال سووا الحفله في بيت اي حد من اخوانج او خواتج وهي ماتدري واول ماتدخل نثروا عليها الفلوس والورد والمشموم احسه وناسه واذا الوالد موجود شاركوه في هالمناسبه الحلوه ...ادري طولت بس ان شاء الله افدتج وان شاء الله مانسيت شي ولا مللتج ولي تذكرت شي باقولج

 

[امونه الحلوة]

حلوة فكرتج ياحبيبي رسول الله
وايد اعجبتني والله

 

[حبيبي رسول الله]

حاظرين للطيبين...بعد عندي فكره ثانيه جمعوا فلوس يعني الخوان والخوات مبلغ محترم واشتروا هديه راقيه اوفي نفس المبلغ اذا كانت غرفتها من زمان ماغيرتها او قديمه سولها تغير غرفه مثل برنامج بنات وبس..غيروا السرير الستاير الارضيه و اذا في مجال وكل شي في الغرفه صدقوني صج بتفرح وكل ماتدخل الغرفه بتدعيلكم ولاتنسون تبخير الغرفه وباقات الورد وتحياتي لكم والله يخلي امهاتنا لنا ويقدرنا على طاعتهم وبرهم ...بعدفي شي مهم اذا الاب موجود الله يحفطه ويخليه لكم لاتنسونه ترى يحس بس ساكت ويبتسم....

 

[أجمل اقداري]

انا وخواتي منشترك ومنجيبلها جوال n9 باذن الله

 

[frasha.q8]

خوش موضوع اي والله انا بعد محتاره شنو اخذ حق امي فكرت بخور ودهن عود مع انه عندها وايد بس تحب هالوسوالف

 

[الليدي ديانا]

حبيبي رسول الله حيل عجبتني فكرتج

 

[حبيبي رسول الله]

الحمدالله بس اي وحده عجبتج اكثر ....يستاهلون امهاتنا

 

[دانه و محاره]

اخذيها بالسياسه شوي وانت اتسولفين وياها قوليلها شنوا في خاطرها او صديقتج تبي تهدي امها شي وماتعرف خل تعطيج افكار ومنها ان شاء الله اتعرفين شنو في خاطرها ...في نفس الوقت سووا مفاجئه انت واخواتج واخوانج وعيالكم وسووالها عشاء عائلي وكلن في يده هديه اليهال باقات ورد صغيره وصدقيني صج بتفرح وايد وبتدعيلكم بس لاتنسون الكيكه واهم شي التصوير ..واذا في مجال سووا الحفله في بيت اي حد من اخوانج او خواتج وهي ماتدري واول ماتدخل نثروا عليها الفلوس والورد والمشموم احسه وناسه واذا الوالد موجود شاركوه في هالمناسبه الحلوه ...ادري طولت بس ان شاء الله افدتج وان شاء الله مانسيت شي ولا مللتج ولي تذكرت شي باقولج

ماشاء الله عليج فكره وااااايد حلوه بصراحه انا بسويها يعطيج العافيه حبيبتي

 

[norema-sarto]

انا مفكره اوديها العمره انشالله ​

بس بجيك علا الوضع الصحي أذا كانت تقدر ولا لأ​

لأنه بنروح بسياره ​

وإذا ما صار بعطيها فلوس أهيا تتصرف فيهم ​

والله يوفقنا لعمل الخير ...آميييييييين​

 

[Sh@5sho5]

خذيت لها جنطه lv

 

[الليدي ديانا]

الحمدالله بس اي وحده عجبتج اكثر ....يستاهلون امهاتنا

اثنينهم حلوين .. بس الثانيه صعبه شوي لانه اخواني اصغر مني مابي اخذ منهم فلوس انا العوده عايشه على اعانه الجامعه
يعطيج العافيه ما قصرتي على الافكار :*

 

[*+ قـــمـــر +*]

انا انشالله بييبلها سرير طبي مع كفر كشخه لانها ناويه تغير ديكور غرفتها
طبعا مع بوكيه ورد ادزه لها الصبح وانا بالدوام + غداً برى + كيكه

 

[الليدي ديانا]

شكرا قمر على الرد