هديه حق البيت اليديد؟؟؟؟؟؟؟

[lazaward]

السلاااام عليكم ورحمة الله وبركاته

يابنات ديرتي يالسنعات يالمرتبات محتاجتكم تكفوووووون
رفيجتي توها طالعه بشقه لانها كانت قاعده عند اهلها وابي اوديلها هديه البيت بس ما ادري شنو اوديلها
ابي هديه سنعه وحلوووه ابي اطلع بشي زين جدامها لاني وايييد احبها ودوم تخدمني بشغلاااات
يلا ابي مساعتكم وافكاركم الحلووووة​

:tek:​

 

[سحااايب]

ليش ماتاخذيلها طقم الخلاط حق منال العالم جنى سمعت انه يبيعونه بالغانم اذا احد من البنات عنده فكرة يفيدج وين بالضبط

اهو فيه كل شي تبينه للطبخ وترى مورخيص قريب الميه جنه

 

[qema87]

طقم مال بخوور وسوالفه بس يكون كشخه

اشياء حق المطبخ

فلوس اذا ميانه بس مبلغ سنع

 

[ريم الصبايا]

احسن شي فلوس

يمكن بعض الهدايا ماتعجبها

او اساليها بدون ماتحس شنو الشي للحين ماشرته واشتريه لها

 

[طيرشلوا]

احسن شي فلوس

يمكن بعض الهدايا ماتعجبها

او اساليها بدون ماتحس شنو الشي للحين ماشرته واشتريه لها

نفس الراى

 

[q23ew1]

اخذيلها طقم جلووس يومي او غرفة نوم

 

[ملامح الخير]

الأفضل تعطينهاااا فلوس ... تشتري على ذوقهااا ..

 

[over love]

نصيحه عطيها فلوس خوفج تشترين شي ويكون عندها او ماتحتاجه

عطيها الى يطلع منج عموما نزاله البيت 100 وفوق وانتى قدرتج

 

[أغلى حبيبه]

انا اقول ساليها من غير ماتحس عليج

على اللي بخاطره فيه وماعندها

واشتري لها

الفلوس راح تنصرف وماراح تشتري شي

بس انتي اشتري شي محتاجته وراح تتذكرج على طووووووووووول ان شاءالله

 

[أثير الورد]

اب اب اب

 

[lazaward]

مشكوووورين بنات على ردودكم
بعد عطوني افكار بليييز

 

[^_^ نور ^_^]

سأليها من غير لاتحس ها نزلتي بيتج خلصتي شغلج
او انج تشتريلها طقم صواني وفناجين وحتى لو عندها طقم طقمج انتي غير يعني تبدل فيهم عرفتي يعين مايظرها إذا صار عندها طقم ثاني تستفيد بالتغير مو كل مرة بتستخدم نفس الطقم
اما إذا شريتيلها خلاط اهي ممكن يكون عندها خلاط حرام شتسوي فيه؟؟ واكيد الوحده لمة تجهز اول شي بتشترية كهربائيات المطبخ
وخلي الطقم كامل مكمل يا انج تشترين طقم الجاي والقهوة او الأطقم الأصحون الكاملة واسعارهم زينة على 100 ومرات بالتنزيلات على 90 في سنتر بوينت وغيره بس انا مجربة سنتر بوينت سعر زين وطقم كامل يعني ماتركبين هذا على هذا وتدوخين يطلع نفسة ولا لأ
واخذي نقشة حلوة
وبس كان الله غفور رحيم وإذا تذكرت شي ثاني راح اقولج

 

[^_^ نور ^_^]

طقم الجاي والقوه مرات يجي وياه بعد طاولاتهم مع الصواني وإذا تبسطون بلأرض بعد بساط اشكالهم حلوة نفس النقشة واهم شي الست كامل وإذا في اي استفسار عن الأطقم انا حاظرة عالخاص او هني إللي يريحج واننشالله اكون فدتج

 

[.jana.]

انا اقول روحي شوارفسكي الي بالافنيوز واخذيلها شي حلو بمبلغ تقدرين عليه وبتطلع هدية كشخه لانها من محل معروف و راقي

 

[lazaward]

مشكووووووووووووووورين بنات يعطيكم العافيه

 

[جوري الكويت]

حطي لها مبلغ و عطيها

تشتري شي على ذوقها

 

[الجوريه الحمراء]

اشتريلها برادة ماي او كفر او مكنسه كهربائيه او الحراره مالت التوست

هذا اللي يه على بالي
وانا هديتي متى بتيبينها لي انا بعد ساكنه بيت جديد ترى امزح

 

[spanish-girl]

مثل ما قالوا البنات ما قصروا

 

[PinKiY-GiRL]

احسن شي فلوس تعطينها واهيا تشتري اللي تبييي

 

[عهود الحب]

سولفي معاها عن تجهيزات بيتها وشوفي شنو خلصت وشنو ماخلصت
الفلوس تنصرف وتنسى منو دفع ومنو ماهاداها
لكن الهدية تدوم خاصة لي صار منها فود وتستخدمها
انا اتوقع هدية البيت اجهزة كهربائية هي الي دايمن تفيد